Gyenesise 47
47
1Yiti Yosef hɔle ɔɔbɔle Faro amaneɛ kyɛ, “Me baba ne nniɛma mɔ, bɛ ne bɛ mmoaen, bɛ nandwie, ɔne bɛ nningyein mukoraa bafi Kanaan aseɛ so bawa, na kekesaala ye bɛwɔ Gosen mbɔtam.” 2Yosef yele oliɛma nemɔ anu nnu, na ɔne bɛ hɔle kyɛ beesoma Faro. 3Na Faro bisale oliɛma nemɔ kyɛ, “Nzikyɛ adwuma yeɛ ɛmɔyɔ ɔ?” Na bebuale Faro kyɛ, “Wɔ ngoaa mɔ te mmoaenneafoɛ kyɛ yɛ nana mɔ ala.” 4Bɛtoale so besele Faro kyɛ, “Yawa kyɛ yɛbaatena maen ye anu, ofikyɛ wɔ ngoaa mɔ, yɛnnya aleɛ yɛmma yɛ ngaka mɔ. Ɛhɔen piri bɔ ɔwɔ Kanaan aseɛ so ne noa yɛ se paa. Yiti kekesaala ye, yɛsrɛ wɔ, maa wɔ ngoaa mɔ yɛtena Gosen mbɔtam.” 5Yeɛ Faro sele Yosef kyɛ, “Wɔ baba ne eliɛma mɔ bawa baaboka wɔ so wɔ wa. 6Misraim aseɛ ne wura wɔ sa, ma wɔ baba ne eliɛma mɔ bɛtena aseɛ ne nekaa bɔ ɔkye aleɛ paa ɔ. Maa bɛtena Gosen mbɔtam, na sɛ ɛse bɛ nu biemɔ bɔ bɛkɔhora a, maa bɛnea me nyɛmmoa deɛ mɔ bɛma me.”
7Afei Yosef mane ye baba Yakob wale oosomane Faro, na Yakob yirale Faro. 8Na Faro bisale Yakob kyɛ, “Ali afoɛ nyɛɛ?” 9Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.” 10Yakob yirale Faro, na ofili Faro nyunu berɛ ɔhɔle. 11Yeɛ Yosef bɔle ɔse ne oliɛma mɔ atenaseɛ, na ɔmane bɛ aseɛ bɔ ɔkye aleɛ paa wɔ Ramese mbɔtam wɔ Misraim maen nu, kyɛbɔ Faro hyɛle ne. 12Na Yosef mane ɔse ne oliɛma mɔ ne ɔse awuro ama mukoraa bɛ noa aleɛ, kyɛbɔ ebiala ye sasofoɛ somaa te ɔ.
Ɛhɔen piri ne anu yɛ se
13Né aleɛ nne aseɛ ne aso nekaa biala; ofikyɛ ɛhɔen piri ne anu yɛle se paa, ɔnate sɔ ati né Misraim maen ne Kanaan maen nu mmenia mukoraa bɛ́teetee. 14Né Misraim aseɛ so ne Kanaan aseɛ so sikaa mukoraa waali Yosef berɛ, ɔnate aburoo bɔ bɛtɔle befili ye berɛ ne ati, na Yosef fale esikaa ne hɔle Faro awuro. 15Na mmerɛ bɔ Misraimfoɛ ne Kanaanfoɛ bɛ sikaa amu yiele ne, Misraimfoɛ amukoraa wale Yosef berɛ beesele ye kyɛ, “Ma yɛ aleɛ; aso odi kyɛ yɛwuwu wɔ wɔ nyunu wa? Yɛ sikaa mukoraa ayie.” 16Yeɛ Yosef sele bɛ kyɛ, “Sɛ ɛmɔ sikaa amu ayie a, nzaade ɛ́mɔfa ɛmɔ nyɛmmoa mɔ bɛbra maa mva nzesã aleɛ mma ɛmɔ.” 17Yiti bɛfale bɛ nyɛmmoa bɛbrɛle Yosef, na Yosef mane bɛ aleɛ ɔfa sesane bɛ mbɔngɔ mɔ, bɛ mmoaen, bɛ nandwie mɔ ne afunum mɔ. Ɔmane bɛ aleɛ ɔfa sesane bɛ nyɛmmoa mukoraa sɔ afoɛ ne. 18Na sɔ afoɛ ne sone nen, ye afoɛ bieku besa bɛwale ye berɛ beesele ye kyɛ, “Yɛngɔfa ngɔfea me mene kyɛ yɛ sikaa mukoraa ayie, na nandwie nemɔ baali yɛ mene sa nu, na ɛhwee nne berɛ bɔ yɛkɔfa yɛkɔbrɛ me mene ɔ, sana yɛ nipadua ɔne y’aseɛ ala. 19Nzu ati yeɛ odi kyɛ yɛwuwu wɔ wɔ nyunu wa ma y’aseɛ mɔ ka berɛ ɔ? Tɔ yɛ ne y’aseɛ ná ma yɛ aleɛ, na yɛkɔyɛ Faro ngoaa, na yɛ aseɛ ayɛ ye deɛ. Ma yɛ aburoo bɔ yɛkolua ɔ, amaa yanwuwu, na mmom yanya yɛ ti yadidi nu, na aseɛ ne koso wanna berɛ mbaen.”
20Yiti Yosef tɔle Misraim aseɛ ne amu mane Faro. Ɔnate ɛhɔen piri bɔ né ɔdosa mmenia ne ati, Misraimfoɛ amukoraa tɔnetɔnene b’aseɛ. Aseɛ ne ɔɔyɛle Faro deɛ, 21na mmenia ne de, ofi Misraim sorɔ bɔ ɔkwaadwu ye ngwaen, Yosef maa bɛyɛle Faro ngoaa.#47.21: MAA BƐYƐLE FARO NGOAA: Tete Ahyerɛlɛ ne bie nwa: ɔyele bɛ hɔle nguro mbiri nemɔ anu. 22Asɔfo nemɔ aseɛ angome yeɛ wandɔ ɔ; ofikyɛ asɔfo nemɔ de, né Faro tua bɛ kerɛ, na bɛfale sɔ akatuaa ne bɛneane bɛ nwo, yiti bandɔne b’aseɛ deɛ mɔ. 23Yiti Yosef sele mmenia nemɔ kyɛ, “Ɛ́mɔtie, ɛnɛ kyẽa ye, matɔ ɛmɔ ne ɛmɔ aseɛ mama Faro. Aburoo bɔ bedua ɛhe. Ɛ́mɔlua ye wɔ aseɛ ne aso. 24Sɛ buberɛ dwu a, ɛmɔkɔhyɛ fieso aleɛ ne anu nnu: ko kɔyɛ Faro deɛ na nna ayɛ ɛmɔ deɛ. Ɛmɔkolua bie fieso, na ɛmɔ ne ɛmɔ awuro ama ne ɛmɔ mma mɔ bali bie.” 25Na besele ye kyɛ, “Ale yɛ ngoa, maa me mene ɔpene so, na yɛkɔyɛ Faro ngoaa.” 26Yiti Yosef hyɛle mmeraa fale Misraim aseɛ nwo, bɔ ɔtɛwɔ berɛ ɔbaadwu ɛnɛ ɔ, kyɛ fieso nningyein biala bɛkyɛ nu kure nnu a, ko te Faro deɛ; asɔfo nemɔ aseɛ ngome yeɛ wanyɛ Faro deɛ ɔ.
Yakob nzamanzeɛ
27Yiti Yisrael tenane Gosen mbɔtam wɔ Misraim maen nu. Benyane agyapadeɛ wɔ berɛ, na bɛwowole bɛyɛle pee. 28Na Yakob tenane Misraim aseɛ so afoɛ buru ne nzoo. Yiti Yakob lili afoɛ ɛyaa ko ne aburanna ne nzoo.
29 #
Gye 49.29-32; 50.6 Na mmerɛ bɔ Yisrael wue pingyele ne, ɔfrɛle ɔwa Yosef sele ye kyɛ, “Sɛ anya alo me a, ye de fa wɔ sa bawura me sɔ abo, na hyɛ ɛbɔ kitii kyɛ ekoli nahorɛ kɔma me: Sɛ mewu a, nnɛsie me wɔ Misraim. 30Na mmom maa ngɔnna nekaa bɔ me mbanyi mɔ la ɔ; fa me fi Misraim na kosie me wɔ me mbanyi mɔ asieleɛ.” Na Yosef buale ye kyɛ, “Yoo, ngɔyɔ ye kyɛbɔ aha ne ala.” 31Yakob toale so kyɛ, “Ta ndaen kyire me.” Na Yosef tale ndaen hyirele ye. Na Yisrael bɔle ye nu ase fale ye ti kisale mba ne sorɔ.
Tällä hetkellä valittuna:
Gyenesise 47: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.
Gyenesise 47
47
1Yiti Yosef hɔle ɔɔbɔle Faro amaneɛ kyɛ, “Me baba ne nniɛma mɔ, bɛ ne bɛ mmoaen, bɛ nandwie, ɔne bɛ nningyein mukoraa bafi Kanaan aseɛ so bawa, na kekesaala ye bɛwɔ Gosen mbɔtam.” 2Yosef yele oliɛma nemɔ anu nnu, na ɔne bɛ hɔle kyɛ beesoma Faro. 3Na Faro bisale oliɛma nemɔ kyɛ, “Nzikyɛ adwuma yeɛ ɛmɔyɔ ɔ?” Na bebuale Faro kyɛ, “Wɔ ngoaa mɔ te mmoaenneafoɛ kyɛ yɛ nana mɔ ala.” 4Bɛtoale so besele Faro kyɛ, “Yawa kyɛ yɛbaatena maen ye anu, ofikyɛ wɔ ngoaa mɔ, yɛnnya aleɛ yɛmma yɛ ngaka mɔ. Ɛhɔen piri bɔ ɔwɔ Kanaan aseɛ so ne noa yɛ se paa. Yiti kekesaala ye, yɛsrɛ wɔ, maa wɔ ngoaa mɔ yɛtena Gosen mbɔtam.” 5Yeɛ Faro sele Yosef kyɛ, “Wɔ baba ne eliɛma mɔ bawa baaboka wɔ so wɔ wa. 6Misraim aseɛ ne wura wɔ sa, ma wɔ baba ne eliɛma mɔ bɛtena aseɛ ne nekaa bɔ ɔkye aleɛ paa ɔ. Maa bɛtena Gosen mbɔtam, na sɛ ɛse bɛ nu biemɔ bɔ bɛkɔhora a, maa bɛnea me nyɛmmoa deɛ mɔ bɛma me.”
7Afei Yosef mane ye baba Yakob wale oosomane Faro, na Yakob yirale Faro. 8Na Faro bisale Yakob kyɛ, “Ali afoɛ nyɛɛ?” 9Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.” 10Yakob yirale Faro, na ofili Faro nyunu berɛ ɔhɔle. 11Yeɛ Yosef bɔle ɔse ne oliɛma mɔ atenaseɛ, na ɔmane bɛ aseɛ bɔ ɔkye aleɛ paa wɔ Ramese mbɔtam wɔ Misraim maen nu, kyɛbɔ Faro hyɛle ne. 12Na Yosef mane ɔse ne oliɛma mɔ ne ɔse awuro ama mukoraa bɛ noa aleɛ, kyɛbɔ ebiala ye sasofoɛ somaa te ɔ.
Ɛhɔen piri ne anu yɛ se
13Né aleɛ nne aseɛ ne aso nekaa biala; ofikyɛ ɛhɔen piri ne anu yɛle se paa, ɔnate sɔ ati né Misraim maen ne Kanaan maen nu mmenia mukoraa bɛ́teetee. 14Né Misraim aseɛ so ne Kanaan aseɛ so sikaa mukoraa waali Yosef berɛ, ɔnate aburoo bɔ bɛtɔle befili ye berɛ ne ati, na Yosef fale esikaa ne hɔle Faro awuro. 15Na mmerɛ bɔ Misraimfoɛ ne Kanaanfoɛ bɛ sikaa amu yiele ne, Misraimfoɛ amukoraa wale Yosef berɛ beesele ye kyɛ, “Ma yɛ aleɛ; aso odi kyɛ yɛwuwu wɔ wɔ nyunu wa? Yɛ sikaa mukoraa ayie.” 16Yeɛ Yosef sele bɛ kyɛ, “Sɛ ɛmɔ sikaa amu ayie a, nzaade ɛ́mɔfa ɛmɔ nyɛmmoa mɔ bɛbra maa mva nzesã aleɛ mma ɛmɔ.” 17Yiti bɛfale bɛ nyɛmmoa bɛbrɛle Yosef, na Yosef mane bɛ aleɛ ɔfa sesane bɛ mbɔngɔ mɔ, bɛ mmoaen, bɛ nandwie mɔ ne afunum mɔ. Ɔmane bɛ aleɛ ɔfa sesane bɛ nyɛmmoa mukoraa sɔ afoɛ ne. 18Na sɔ afoɛ ne sone nen, ye afoɛ bieku besa bɛwale ye berɛ beesele ye kyɛ, “Yɛngɔfa ngɔfea me mene kyɛ yɛ sikaa mukoraa ayie, na nandwie nemɔ baali yɛ mene sa nu, na ɛhwee nne berɛ bɔ yɛkɔfa yɛkɔbrɛ me mene ɔ, sana yɛ nipadua ɔne y’aseɛ ala. 19Nzu ati yeɛ odi kyɛ yɛwuwu wɔ wɔ nyunu wa ma y’aseɛ mɔ ka berɛ ɔ? Tɔ yɛ ne y’aseɛ ná ma yɛ aleɛ, na yɛkɔyɛ Faro ngoaa, na yɛ aseɛ ayɛ ye deɛ. Ma yɛ aburoo bɔ yɛkolua ɔ, amaa yanwuwu, na mmom yanya yɛ ti yadidi nu, na aseɛ ne koso wanna berɛ mbaen.”
20Yiti Yosef tɔle Misraim aseɛ ne amu mane Faro. Ɔnate ɛhɔen piri bɔ né ɔdosa mmenia ne ati, Misraimfoɛ amukoraa tɔnetɔnene b’aseɛ. Aseɛ ne ɔɔyɛle Faro deɛ, 21na mmenia ne de, ofi Misraim sorɔ bɔ ɔkwaadwu ye ngwaen, Yosef maa bɛyɛle Faro ngoaa.#47.21: MAA BƐYƐLE FARO NGOAA: Tete Ahyerɛlɛ ne bie nwa: ɔyele bɛ hɔle nguro mbiri nemɔ anu. 22Asɔfo nemɔ aseɛ angome yeɛ wandɔ ɔ; ofikyɛ asɔfo nemɔ de, né Faro tua bɛ kerɛ, na bɛfale sɔ akatuaa ne bɛneane bɛ nwo, yiti bandɔne b’aseɛ deɛ mɔ. 23Yiti Yosef sele mmenia nemɔ kyɛ, “Ɛ́mɔtie, ɛnɛ kyẽa ye, matɔ ɛmɔ ne ɛmɔ aseɛ mama Faro. Aburoo bɔ bedua ɛhe. Ɛ́mɔlua ye wɔ aseɛ ne aso. 24Sɛ buberɛ dwu a, ɛmɔkɔhyɛ fieso aleɛ ne anu nnu: ko kɔyɛ Faro deɛ na nna ayɛ ɛmɔ deɛ. Ɛmɔkolua bie fieso, na ɛmɔ ne ɛmɔ awuro ama ne ɛmɔ mma mɔ bali bie.” 25Na besele ye kyɛ, “Ale yɛ ngoa, maa me mene ɔpene so, na yɛkɔyɛ Faro ngoaa.” 26Yiti Yosef hyɛle mmeraa fale Misraim aseɛ nwo, bɔ ɔtɛwɔ berɛ ɔbaadwu ɛnɛ ɔ, kyɛ fieso nningyein biala bɛkyɛ nu kure nnu a, ko te Faro deɛ; asɔfo nemɔ aseɛ ngome yeɛ wanyɛ Faro deɛ ɔ.
Yakob nzamanzeɛ
27Yiti Yisrael tenane Gosen mbɔtam wɔ Misraim maen nu. Benyane agyapadeɛ wɔ berɛ, na bɛwowole bɛyɛle pee. 28Na Yakob tenane Misraim aseɛ so afoɛ buru ne nzoo. Yiti Yakob lili afoɛ ɛyaa ko ne aburanna ne nzoo.
29 #
Gye 49.29-32; 50.6 Na mmerɛ bɔ Yisrael wue pingyele ne, ɔfrɛle ɔwa Yosef sele ye kyɛ, “Sɛ anya alo me a, ye de fa wɔ sa bawura me sɔ abo, na hyɛ ɛbɔ kitii kyɛ ekoli nahorɛ kɔma me: Sɛ mewu a, nnɛsie me wɔ Misraim. 30Na mmom maa ngɔnna nekaa bɔ me mbanyi mɔ la ɔ; fa me fi Misraim na kosie me wɔ me mbanyi mɔ asieleɛ.” Na Yosef buale ye kyɛ, “Yoo, ngɔyɔ ye kyɛbɔ aha ne ala.” 31Yakob toale so kyɛ, “Ta ndaen kyire me.” Na Yosef tale ndaen hyirele ye. Na Yisrael bɔle ye nu ase fale ye ti kisale mba ne sorɔ.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.