Gyenesise 49
49
Yakob yirayira ye mma mɔ
1Yakob frɛfrɛle ye mma mɔ, na osele bɛ kyɛ, “Ɛ́mɔboaboa ɛmɔ noa ma nga bɔ kyẽa bie okosi ɛmɔ bra nu ɔ ngyire ɛmɔ.
2“O Yakob mma, ɛ́mɔyia na ɛ́mɔtie,
ɛ́mɔtie ɛmɔ ase Yisrael.
3Ruben, wɔ yeɛ ɛte me bamuɛbaa ɔ,
m’anwoserɛ, me sɛngyerɛnneɛ bɔ oli moa bɔ okyire kyɛ nde bienzua ɔ,
w’anidie tra so, yeɛ wɔ tumi koso tra so.
4Ɛwosowoso kyɛ nzue, yiti wɔ panyililɛ ne kɔbɔ wɔ,
ofikyɛ ɛne ɛse aye bɛlale;
ɛɛlale me bɛen so, eguale ye nwo fiɛ.
5Simeon ne Lewi te aliɛmaa,
bɛ ngrandɛ mɔ te nzɛmmɔne akodeɛ
6Ao me kra, nnɛne bɛ fa adwene;
Ao me sunzum, nnɛne bɛ bɔ afɛ;
ofikyɛ sɛ bɛfɛ yaa a, bedi awue,
na bɛgye bɛ nye a, bɛpepɛ nandwie mɔ gya ndii nu.
7Musue to b’ɛyaafɛlɛ ne, ofikyɛ ye noa yɛ hye;
ɔ́hã b’ɛyaafɛlɛ piri ne koso, ofikyɛ atianuserɛ wɔ nu!
Ngɔhyehyɛ bɛ bosofoɛ nu wɔ Yakob maen ne anu,
na mato bɛ mapete Yisrael maen nu.
8Yuda, eliɛma mɔ kɔkamvo wɔ,
na ɛkɔfo kɔtena wɔ pɔfoɛ mɔ kɔme so;
ɛse amma mmienzua mɔ kɔkoto wɔ.
9 #
Num 24.9; Nye 5.5 Yuda te gyata akrɔngrɔma,
bɔ eku ngaka di ná esa bada wɔ boso ɔ.
Okunduni, na obutuli berɛ kyɛ gyata,
ɔte kyɛ gyata beleɛ; nwa yeɛ onzuro bɔ okotingye ye ɔ?
10Ɛhɔtɔ ngofi Yuda sa nu,
yeɛ ahennie pɔmaa ngofi ye gya afia,
kɔpem kyɛ mmenia kotua ndɔ bɛkɔma ye ɔ,
kɔpem kyɛ maen maen kɔyɛ sotie bɛkɔma ye ɔ.
11Na ɔkɔmenda ye pɔngɔ akrɔngrɔma kɔbɔ bobe nu,
na wamenda ye afunum ba wabɔ bobe paa nu,
na ɔpo ye ndaadeɛ wɔ nzaa nu,
na wapo ye tena wɔ bobe nzaa bɔ ɔyɛ fɛ nu;
12Ɔkɔno nzaa somaa biala bɔ okuro ɔ,
ná nyɔfonesue ama ye gye ayɛ hyɛnn.
13Sebulɔn kɔtena mboanoa,
ɔkɔyɛ ɛlɛen mɔ agyinaleɛ,
na ɔne Sidon bɛkɔbɔ ɛwɛen.
14Yisaka te afunum anwoserɛniɛ,
obutu mmoaen kure mɔ afia;
15na onwuni kyɛ nekaa bɔ bede bɛ nwome te paa,
na sɔ aseɛ ne yɛ nyemene,
yiti ɔhane ye bati ase fa soale nningyein ne,
na bɛhyɛle ye maa ɔyɛle kanganiɛ adwuma.
16Dan kobua ye mmenia ndɛen,
kyɛbɔ Yisrael mmusua kure ngaa nemɔ yɔ ne ala.
17Dan kɔyɛ atunu ewoo,
na wayɛ atimbire so ɛbɔnaa,
bɔ ɔkeka pɔngɔ gya ndii nu ɔ,
maa pɔngɔhanɛniɛ ne ɔte tɔ ye si ɔ.
18Ao AWURADE, wɔ ngoalelɛ yeɛ menea ye ate ɔ.
19Apaabɔlɛfoɛ kure kohwi kɔfa Gade so,
nakoso ɔkɔkakyi ye nwo kɔbɔ bɛ so apaa.
20Asɛ aleɛ kɔyɛ bɔ ɔte aleɛ paa ɔ,
na ɔkɔma mmenia sa kɔha aleɛ bɔ ɔfata ɛhene mɔ ɔ.
21Nafetali te wanzane beleɛ bɔ basangye ye ɔ,
bɔ ofifi mmɛen nyemene ɔ.#49.21: OFIFI MMƐEN NYEMENE: Anaakyɛ: odwudwo edwudwolɛ fɛɛ ɔ.
22Yosef te bakaa mmaen frɔmfrɔm bɔ osu ɔ,
bakaa mmaen frɔmfrɔm bɔ osu ná opingye asue ti ɔ;
ye mmaen bua kogua fasue so.
23Agyaentolɛfoɛ dwɔsole tiale ye serɛserɛ,
bɛfale agyaen bɛneane ye so bɛtole, na bɛtanene ye nye paa;
24nakoso wando ye agyaen ne,
Ɔnate Yakob ye Tuminiɛ ne ye anwoserɛ ti,
ye abasa nu kɔyɛ se.
(Ɔnate Mmoaenneafoɛ bɔ yeɛ ɔte Yisrael Nyɔbotaen ne dumaa nu).
25Wɔ baba ye Nyameɛ yeɛ ɔkɔboka wɔ ɔ,
Ɛdangama Nyameɛ yeɛ okoyira wɔ ɔ,
ɔkɔfa nyameɛso anwuro anwuro saleɛ yeɛ okoyira wɔ ɔ;
aseɛ bo dɔ saleɛ buma bɔ ɔtrɛ ɔ,
nyɔfone ne aworɛ nu saleɛ yeɛ ɔkɔfa koyira wɔ ɔ.
26Saleɛ bɔ ofi ɛse berɛ ne,
ɔtra saleɛ bɔ ofi mmokaa mbiri bɔ otimu berɛ daa nu ɔ.
Ɔtra nningyein paa bɔ bɛwɔ daa tete mmokaa bɔ bɛwɔ berɛ afebɔɔ nu ɔ;
ma sɔ saleɛ ne ɔ́bra Yosef so,
ye bɔ baye ye basie ahameɛ bafi oliɛma nemɔ anu.
27Benyamin te pataku bɔ ɔkye ngaka di ɔ,
ngyerɛmɔ odi naen bɔ ye sa kɔsɔ ye nu ɔ,
na nɔsoa ɔkyekyɛ koɛ nu nzesadeɛ.”
28Yisrael mmusua kure buru ne nyɔ nemɔ ɛne. Na mmerɛ bɔ né bɛ baba óyira bɛ ne, edwirɛ bɔ ɔha hyirele bɛ hɔ ɛne; ɔfale saleɛ bɔ ɔfata bɛ nu biala yirale ye. 29Na ɔhyɛle bɛ kyɛ, “Waha kãa né matoa ne mbanyi mɔ. Ɔyɛ a ɛ́mɔsie me wɔ me nana mɔ asieleɛ; wɔ nyɔboɛ bɔ wasi sua bɔ yeɛ ɔwɔ Hitiniɛ Efron aseɛ so ne anu. 30#Gye 23.3-20 Mekyire nyɔboɛ bɔ wasi sua bɔ ɔwɔ Makepɛla aseɛ so, wɔ Mamre eyia afiteleɛ, wɔ Kanaan aseɛ so ne. Ɛhe yeɛ Abraham tɔ fili Hitiniɛ Efron berɛ kyɛ ɔfa yɛ ye asieleɛ ne. 31#Gye 25.9-10; 35.29 Berɛ yeɛ besiele Abraham ne ɔye Sara; berɛ yeɛ besiele Yisake ne ɔye Rebɛka; na berɛ yeɛ nziele Lea ɔ. 32Aseɛ ne ɔne nu nyɔboɛ bɔ wasi sua ne, bɛtɔle befili Hitifoɛ sa nu.” 33#Aso 7.15 Na Yakob hane sɔ dwirɛ ne kitii hyirele ye mma nemɔ yiele ne, ɔpagyale ye gya guale mba ne aso, olele ye nwomeɛ bɔ ɔpɛ ye bo ɔ, na ɔhale nu.
Tällä hetkellä valittuna:
Gyenesise 49: EBP
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.
Gyenesise 49
49
Yakob yirayira ye mma mɔ
1Yakob frɛfrɛle ye mma mɔ, na osele bɛ kyɛ, “Ɛ́mɔboaboa ɛmɔ noa ma nga bɔ kyẽa bie okosi ɛmɔ bra nu ɔ ngyire ɛmɔ.
2“O Yakob mma, ɛ́mɔyia na ɛ́mɔtie,
ɛ́mɔtie ɛmɔ ase Yisrael.
3Ruben, wɔ yeɛ ɛte me bamuɛbaa ɔ,
m’anwoserɛ, me sɛngyerɛnneɛ bɔ oli moa bɔ okyire kyɛ nde bienzua ɔ,
w’anidie tra so, yeɛ wɔ tumi koso tra so.
4Ɛwosowoso kyɛ nzue, yiti wɔ panyililɛ ne kɔbɔ wɔ,
ofikyɛ ɛne ɛse aye bɛlale;
ɛɛlale me bɛen so, eguale ye nwo fiɛ.
5Simeon ne Lewi te aliɛmaa,
bɛ ngrandɛ mɔ te nzɛmmɔne akodeɛ
6Ao me kra, nnɛne bɛ fa adwene;
Ao me sunzum, nnɛne bɛ bɔ afɛ;
ofikyɛ sɛ bɛfɛ yaa a, bedi awue,
na bɛgye bɛ nye a, bɛpepɛ nandwie mɔ gya ndii nu.
7Musue to b’ɛyaafɛlɛ ne, ofikyɛ ye noa yɛ hye;
ɔ́hã b’ɛyaafɛlɛ piri ne koso, ofikyɛ atianuserɛ wɔ nu!
Ngɔhyehyɛ bɛ bosofoɛ nu wɔ Yakob maen ne anu,
na mato bɛ mapete Yisrael maen nu.
8Yuda, eliɛma mɔ kɔkamvo wɔ,
na ɛkɔfo kɔtena wɔ pɔfoɛ mɔ kɔme so;
ɛse amma mmienzua mɔ kɔkoto wɔ.
9 #
Num 24.9; Nye 5.5 Yuda te gyata akrɔngrɔma,
bɔ eku ngaka di ná esa bada wɔ boso ɔ.
Okunduni, na obutuli berɛ kyɛ gyata,
ɔte kyɛ gyata beleɛ; nwa yeɛ onzuro bɔ okotingye ye ɔ?
10Ɛhɔtɔ ngofi Yuda sa nu,
yeɛ ahennie pɔmaa ngofi ye gya afia,
kɔpem kyɛ mmenia kotua ndɔ bɛkɔma ye ɔ,
kɔpem kyɛ maen maen kɔyɛ sotie bɛkɔma ye ɔ.
11Na ɔkɔmenda ye pɔngɔ akrɔngrɔma kɔbɔ bobe nu,
na wamenda ye afunum ba wabɔ bobe paa nu,
na ɔpo ye ndaadeɛ wɔ nzaa nu,
na wapo ye tena wɔ bobe nzaa bɔ ɔyɛ fɛ nu;
12Ɔkɔno nzaa somaa biala bɔ okuro ɔ,
ná nyɔfonesue ama ye gye ayɛ hyɛnn.
13Sebulɔn kɔtena mboanoa,
ɔkɔyɛ ɛlɛen mɔ agyinaleɛ,
na ɔne Sidon bɛkɔbɔ ɛwɛen.
14Yisaka te afunum anwoserɛniɛ,
obutu mmoaen kure mɔ afia;
15na onwuni kyɛ nekaa bɔ bede bɛ nwome te paa,
na sɔ aseɛ ne yɛ nyemene,
yiti ɔhane ye bati ase fa soale nningyein ne,
na bɛhyɛle ye maa ɔyɛle kanganiɛ adwuma.
16Dan kobua ye mmenia ndɛen,
kyɛbɔ Yisrael mmusua kure ngaa nemɔ yɔ ne ala.
17Dan kɔyɛ atunu ewoo,
na wayɛ atimbire so ɛbɔnaa,
bɔ ɔkeka pɔngɔ gya ndii nu ɔ,
maa pɔngɔhanɛniɛ ne ɔte tɔ ye si ɔ.
18Ao AWURADE, wɔ ngoalelɛ yeɛ menea ye ate ɔ.
19Apaabɔlɛfoɛ kure kohwi kɔfa Gade so,
nakoso ɔkɔkakyi ye nwo kɔbɔ bɛ so apaa.
20Asɛ aleɛ kɔyɛ bɔ ɔte aleɛ paa ɔ,
na ɔkɔma mmenia sa kɔha aleɛ bɔ ɔfata ɛhene mɔ ɔ.
21Nafetali te wanzane beleɛ bɔ basangye ye ɔ,
bɔ ofifi mmɛen nyemene ɔ.#49.21: OFIFI MMƐEN NYEMENE: Anaakyɛ: odwudwo edwudwolɛ fɛɛ ɔ.
22Yosef te bakaa mmaen frɔmfrɔm bɔ osu ɔ,
bakaa mmaen frɔmfrɔm bɔ osu ná opingye asue ti ɔ;
ye mmaen bua kogua fasue so.
23Agyaentolɛfoɛ dwɔsole tiale ye serɛserɛ,
bɛfale agyaen bɛneane ye so bɛtole, na bɛtanene ye nye paa;
24nakoso wando ye agyaen ne,
Ɔnate Yakob ye Tuminiɛ ne ye anwoserɛ ti,
ye abasa nu kɔyɛ se.
(Ɔnate Mmoaenneafoɛ bɔ yeɛ ɔte Yisrael Nyɔbotaen ne dumaa nu).
25Wɔ baba ye Nyameɛ yeɛ ɔkɔboka wɔ ɔ,
Ɛdangama Nyameɛ yeɛ okoyira wɔ ɔ,
ɔkɔfa nyameɛso anwuro anwuro saleɛ yeɛ okoyira wɔ ɔ;
aseɛ bo dɔ saleɛ buma bɔ ɔtrɛ ɔ,
nyɔfone ne aworɛ nu saleɛ yeɛ ɔkɔfa koyira wɔ ɔ.
26Saleɛ bɔ ofi ɛse berɛ ne,
ɔtra saleɛ bɔ ofi mmokaa mbiri bɔ otimu berɛ daa nu ɔ.
Ɔtra nningyein paa bɔ bɛwɔ daa tete mmokaa bɔ bɛwɔ berɛ afebɔɔ nu ɔ;
ma sɔ saleɛ ne ɔ́bra Yosef so,
ye bɔ baye ye basie ahameɛ bafi oliɛma nemɔ anu.
27Benyamin te pataku bɔ ɔkye ngaka di ɔ,
ngyerɛmɔ odi naen bɔ ye sa kɔsɔ ye nu ɔ,
na nɔsoa ɔkyekyɛ koɛ nu nzesadeɛ.”
28Yisrael mmusua kure buru ne nyɔ nemɔ ɛne. Na mmerɛ bɔ né bɛ baba óyira bɛ ne, edwirɛ bɔ ɔha hyirele bɛ hɔ ɛne; ɔfale saleɛ bɔ ɔfata bɛ nu biala yirale ye. 29Na ɔhyɛle bɛ kyɛ, “Waha kãa né matoa ne mbanyi mɔ. Ɔyɛ a ɛ́mɔsie me wɔ me nana mɔ asieleɛ; wɔ nyɔboɛ bɔ wasi sua bɔ yeɛ ɔwɔ Hitiniɛ Efron aseɛ so ne anu. 30#Gye 23.3-20 Mekyire nyɔboɛ bɔ wasi sua bɔ ɔwɔ Makepɛla aseɛ so, wɔ Mamre eyia afiteleɛ, wɔ Kanaan aseɛ so ne. Ɛhe yeɛ Abraham tɔ fili Hitiniɛ Efron berɛ kyɛ ɔfa yɛ ye asieleɛ ne. 31#Gye 25.9-10; 35.29 Berɛ yeɛ besiele Abraham ne ɔye Sara; berɛ yeɛ besiele Yisake ne ɔye Rebɛka; na berɛ yeɛ nziele Lea ɔ. 32Aseɛ ne ɔne nu nyɔboɛ bɔ wasi sua ne, bɛtɔle befili Hitifoɛ sa nu.” 33#Aso 7.15 Na Yakob hane sɔ dwirɛ ne kitii hyirele ye mma nemɔ yiele ne, ɔpagyale ye gya guale mba ne aso, olele ye nwomeɛ bɔ ɔpɛ ye bo ɔ, na ɔhale nu.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Esahie Bible © Bible Society of Ghana, 2018.