Matt. 26
26
Jisü Pìthíve Niye Kuchughu Keu
1Kughou Jisü no hipaqo kümtsü pitave keno, pa khopemiqo vilo ishi pi, 2“Nongu no ithi akeu toi, Hechekulu ghulhu shini keu atsala kini likhivea eno Timi Nu küghape yeda pìthíve penike ikhiphe pe tsüve nani.”
3Tishi akelo, achinetomi eno timiqo dolo kichimiqo ye Caiaphas ipikeu achinetomiqo shou atou kikhala lo kumqo pe ngo ae, 4eno panongu ye tuqhou no Jisü küghaluve püzü pìthíve niye kuchughuve. 5Panongu no pi, “Ikemu Hechekulu pini ake dolo ye shimoveni, tikumo aye timiqo no muqhu ipeghive nosake.”
Bethany lo Jisü Nukishe
6Jisü no Bethany lo Simon apügha kupuu ki lo ngo akelo 7totimi lakhi no alabaster bohu lono amekusho xokütsüngü pesü ighino pa no kibepu lo mungupe ngo akelo li no pa kütsü lo leqhi puku tsüe.
8Kughou akhopemiqo no ti ithulu keno aghaideve. Eno ishi iniju, “Kushiye ishi kilhekulu ani kea? 9Axokütsüngü hipau ye ame kutomo lono je no tipau pisa pesü kumlhomiqo tsüve kepu shi ake.”
10Tishi akeu ithi akehu, Jisü no panongu vilo pi, “Nongu ye kushiye totimi hipau küpüna ani kea? Li ye akivishi I gihu keu kümlà shivae. 11Athokhami ye alhokuthu nongu gholo ache nani, ikemu ni ye alhokuthu nongu gholo aní keu kumoe. 12Kughou li no axokütsüngü pesü I shou leqhi puku keno, tiye li no I sükumo kutotsü akeu ke. 13Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”
Judas no Jisü Thechu Shive nikeu Pulove
14Ike akhopemi chighikini dolo lakhi, Judas Iscariot ipikeu no achinetomiqo lau wu 15eno ishi iniju, “Tsalá I no Jisü pesü nongu u lo sǘvetsü aye, nongu ye kiu pesü I tsü niye kümsü ani kea?” Ikehu, panongu no tsandiyi shighi kihiphe pesü pa tsüve. 16Tile no huthusü, Judas ye Jisü pesü thechu shive niye adokivi miqeauve.
Ashekhau Ghulhu
17Kholaqhi sümo keu Sho#26:17 Hechekulu ghulhu shelo atsala 7 kholaqhi sümo keu sho pesü aghulhu shiche: tipau pesü kholaqhi sümo keu sho pinedo ipi ani. Tiqhitini tsalà atüghiu lo Jisü khopemi no pa lau ighino iniju, “No ye ningu pelo khile wu no O ghenguno Hechekulu ghulhu chuni keu kutokughoi aghí penishi ani kea?”
18Jisü no khochile, “Mishighüna lo ilo no tilehi timi lakhi lau wu no ishi pilo, ‘Akükütsüu no pi anie: I do kughupe püakeu ye kupunúvae. Ni ye O ki lono I khopemiqo sasü Hechekulu ghulhu ikhiluni chenie.’ ” 19Ikehu Jisü no pikeu toi akhopemiqo no wu püzü Hechekulu ghulhu kutove.
20Avela shive kelo, Jisü no pano Chighikini sasü aghulhu lipa lo iqae. 21Eno panongu no chu-sho akelo, pa no pi, “Kuchou no I no nongu vilo piani, nongu lakhi no I pesü thechu shive nanie.”
22Akhopemiqo ye ighono amlo imeve eno lakhi-khi no ashe lo shi hitoi pi, “Ampeu, kuchou no ni kumo kema?”
23Jisü no khochile, “Timi khuu no I gholo akhu lakhi lono pa u pesü asho pütsü chu ani keno pa no I pesü thechu shive nani. 24Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”
25Ikelo Judas khuu Jisü pesü thechu shive niye akeno, pa no pi, “Rabbi, kuchou no ni kumo kema?”
Jisü no khochile, “Nono piluvae.”
26Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”
27Tisheno pa no ajikhu lakhi ikhilu püzü shikimthi tsüve kethiu ishi pi no akhopemiqo tsü, “Nongu kümtsü hipau lono sholo. 28I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke. 29I no nongu vilo piani, ni ye hinguno hilau ye atsala tipau tomo ke kutólo, I pù kükaphu lono nongu gholo akithé shi sho nikeu kumo aye, atsaithi hipau lono atsaizü sholumae.”
30Tipathiu panongu no ale lakhi phe pe Alhou sheqheve no Olive naghuto lo wuve.
Jisü no Peter Ghili Azünatha Pi
31Tisheno Jisü no panongu vilo pi, “Itiji nongu kümtsü pokhave no I likhi qhive nani, kughengu ishi yèpüani:
“ ‘I no ambe kheu pìthíve nani,
eno ambe lojiqo ye apanaghave nani.’#26:31 Zech 13:7
32Ikemu I no xüchilethuve kethiu, ni ye nongu züu no Galilee lo wu nani.”
33Peter no khochile, “O lau kiu shi niye ani keno tipau ghenguno kümtsü no O qhive namu, ni ye khilemu tishimo nani.”
34Jisü no pi, “Kuchou no I no O vilo pìní, itiji awudu igha mphi züu no ye ghuthu küthü I milive nani.”
35Ikemu Peter no ishi piqhi, “O gholo no thive kepu shi aghí namu ni ye khilemu O milimoe.” Ikelo akhopemi kütami kümtsü titoi pikhae.
Gethsemane lo
36Tithiu Jisü ye pa khopemiqo gholo no Gethsemane ipikeu-a lo wue, eno pa no panongu vilo ishi pi, “I no hulehi wu no akighini shi ake dolo, hilehi iqa aghílo.” 37Jisü no pa gholo Peter eno Zebedee nu pama ishi sasü wu, eno pa ye ighono amloghime shive eno akükümsü kütakihi thuve. 38Tisheno pano küthü vilo pa no ishi pi, “Ni ye amloghime no thiveni ke shivae. Hile ngo no I gholo jukuto lo.”
39Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”
40Tisheno pa no pa khopemiqo lau ideighi kelo panongu ye zü aghí keu ithulue. Ikelo pa no Peter vilo pi, “Nonguqo ye I ghenguno ayì kihedo lakhimu kheamlave keshea? 41Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”
42Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”
43Kughou Jisü no pano küthü lau ideighi keno, panongu ye itaghi zü aghí khave, kughengu panongu ye anhethimu tsükho müla no zümamai ake. 44Ikehu Jisü ye panongu qhive püzü ghuthu aküthüu wu no, itaghi isheli inikhu akeu atho pi ghi akighini shiauve.
45Tisheno pa ye akhopemi pano küthü lau ideighi eno ishi pi, “Nongu ye itehi kutólo akulhoqhi zü aphi keshea? Julo, ado hu ye ighivae eno Timi Nu ye axinemiqo u lo phesüve tsüae. 46Ithulo! Ningu wuveni shilo. I küghape thechu shive niye akeu hu ye hi ighivae.”
Jisü Küghaluve
47Jisü no atsa piaphi lono Chighikini dolo lakhi Judas ipikeu ighive. Pa gholo achinetomi ngò kichimiqo no puwu kemi timi kutomo no akihizüta eno asüthaluqo khapesü ighi khave. 48Judas thechuu ye azüu no kishékulu shi timiqo vilo hitoi amichipu tsüpe püa, “I no khuu müma nike no timi tipau ke, pa küghaluvelo.” 49Judas no vejoi Jisü lau ighino, “Alo anikemo, Rabbi!” ipi no pa mümae.
50Jisü no khochile, “Aküsàu, nono kiu shi niye ighi ani keno shilulo.”#26:50 Momu “No ye kiu shi niye ighi ani kea, aküsàu?”
Ikelo panongu no ighi püzü Jisü tsüqüluve eno pa küghaluve. 51Tishi kemtsa, Jisü gholo kichemi dolo lakhi no paw akihizüta süjo pesü achinetomiqo shou atou qeu shou ghipuku no pa kìní küsave tsü.
52Jisü no pa vilo pi, “O kihizüta abo lo ikhichile sǘvelo, kughengu khuno no akihizüta peitha acheni keno pano ye akihizüta lono thi nani ke. 53I no I pù vilo khu aye pa ye kungumi aqokitikhi chighikini nguno alaumu paikhavi lono I tsü puwuluve nani kepi nongu ye mtha keshea? 54Ikemu I no tishive aye, Kuchoyesü lo hitoi shi moayesa nani ipikeu ye kíshi no shikupuni kea?”
55Tisheno Jisü no tilehi aqokitikhi vilo pi, “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea? Ni ye tsalà kipetsü achineki khalau iqa no kütsü ache, eno tishimu nongu ye I küghamoe. 56Ikemu hipaqo kümtsü shi akeu ye tungkupumiqo no Kuchoyesü lo yèpüa keu shikupuve niye ke.” Tishi akelo, akhopemiqo ye Jisü likhi qhive eno pokhave.
Jewmi Hoho Zülo Jisü
57Jisü küghaluve kemiqo no pa sasü achinetomiqo shou atou Caiaphas lau sawu, tilehi ayeza kükütsümi eno kichimiqo kumqo pe ngo ae. 58Ikemu Peter ye putou no achinetomiqo shou atou ki khalau kutólo Jisü papesü ighi. Pa ye iloghi no ghükhemiqo gholo iqave püzü kiu shive nani keno jukuto ae.
59Ikelo, achinetomiqo eno Jewmi Hoho#26:59 Jewmi Hoho momu Sanhedrin ye achinetomiqo shou atou küqha no timi 71 ache. lo akemiqo kümtsü no Jisü pìthíve niye akimiki shepe phuju ae. 60Akimiki thopimiqo kutomo ighino pi akemu panongu ye lakhimu lukepushi phumlae.
Ashekha shi, mikini no ipeghi, 61eno shuphe, “Timi hipau no ishi pie, ‘Ni ye Alhou chineki hepholeve püzü atsala küthü lono shiqhe kitheve nani.’ ”
62Ikelo achinetomiqo shou atou no puthugho no Jisü vilo pi, “No ye kiumu khochileni chemo keshea? Timi hi pama O ngukube ghi ashepe hipau peighi akeu ye kiu kea?” 63Ikemu Jisü ye inaqhoi ngove.
Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”
64Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”
65Ikelo achinetomiqo shou atou no pa phiküzü süxüve püzü ishi pi, “Pa ye Alhou pipüthavae! Ningu ye kushiye hinguno alau thopimiqo avehupu shi ani kea? Julo! Itehi ye nongu kümtsü no Alhou pipütha keu chiluvae. 66Nongu ye kíshi kümsü ani kea?”
Panongu no khochile, “Pa ye thive küzüpue.”
67Tisheno panongu no Jisü gi lo müsüte puku tsü eno au sükumqo pesü chishiqhi. Khami no au pesü pa gi lo ghatsü 68eno ishi piae, “Messiah tungkupuu, khuu no O he ani keno ningu vilo piju lo?”
Peter no Jisü Milive
69Tishi akelo Peter ye aki khala lo iqa ae, ikelo aqemi totimi lakhi no ighino pa vilo, “No ghí Galileemi Jisü gholo ake,” ipi.
70Ikemu Peter no kümtsü zülo no lachile ghi pi, “Ni ye nono kiu piani keno kiumu ithi amoe.”
71Tisheno pa ye khalau khagho küdau ipe kelo, tilau ghí aqemi totimi kütami no pa ithulu no tilehi timi akemiqo vilo, “Timi hipau ye Nazareth nó ghami Jisü gholo cheke,” ipi.
72Itaghi Peter no lachile no tushoqhi ghi pi, “Ashoqhimu shi, ni ye timi hipau mthae!”
73Ado hami thiu, tilehi puthugho akemiqo no Peter lau ighino pi, “Kuchou nomu no ye panoqo gholo lakhie: O tsapi ghola no amichi shi anie.”
74Ikelo pa no pa likhi pa ghusho eno panongu vilo ashoqhi shi ghi pi, “Ni ye timi hipau mthae!”
Tishi kemtsa, awudu no ighave. 75Ikelo Peter ye Jisü no pa vilo ishi pipüa keu tsa kümsüchilelu: “No ye awudu no igha mphi züu ghuthu küthü I milive nani.” Eno Peter ye khalau ipeve no kunotshütshü shi qa auve.
Tällä hetkellä valittuna:
Matt. 26: STB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.
Matt. 26
26
Jisü Pìthíve Niye Kuchughu Keu
1Kughou Jisü no hipaqo kümtsü pitave keno, pa khopemiqo vilo ishi pi, 2“Nongu no ithi akeu toi, Hechekulu ghulhu shini keu atsala kini likhivea eno Timi Nu küghape yeda pìthíve penike ikhiphe pe tsüve nani.”
3Tishi akelo, achinetomi eno timiqo dolo kichimiqo ye Caiaphas ipikeu achinetomiqo shou atou kikhala lo kumqo pe ngo ae, 4eno panongu ye tuqhou no Jisü küghaluve püzü pìthíve niye kuchughuve. 5Panongu no pi, “Ikemu Hechekulu pini ake dolo ye shimoveni, tikumo aye timiqo no muqhu ipeghive nosake.”
Bethany lo Jisü Nukishe
6Jisü no Bethany lo Simon apügha kupuu ki lo ngo akelo 7totimi lakhi no alabaster bohu lono amekusho xokütsüngü pesü ighino pa no kibepu lo mungupe ngo akelo li no pa kütsü lo leqhi puku tsüe.
8Kughou akhopemiqo no ti ithulu keno aghaideve. Eno ishi iniju, “Kushiye ishi kilhekulu ani kea? 9Axokütsüngü hipau ye ame kutomo lono je no tipau pisa pesü kumlhomiqo tsüve kepu shi ake.”
10Tishi akeu ithi akehu, Jisü no panongu vilo pi, “Nongu ye kushiye totimi hipau küpüna ani kea? Li ye akivishi I gihu keu kümlà shivae. 11Athokhami ye alhokuthu nongu gholo ache nani, ikemu ni ye alhokuthu nongu gholo aní keu kumoe. 12Kughou li no axokütsüngü pesü I shou leqhi puku keno, tiye li no I sükumo kutotsü akeu ke. 13Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”
Judas no Jisü Thechu Shive nikeu Pulove
14Ike akhopemi chighikini dolo lakhi, Judas Iscariot ipikeu no achinetomiqo lau wu 15eno ishi iniju, “Tsalá I no Jisü pesü nongu u lo sǘvetsü aye, nongu ye kiu pesü I tsü niye kümsü ani kea?” Ikehu, panongu no tsandiyi shighi kihiphe pesü pa tsüve. 16Tile no huthusü, Judas ye Jisü pesü thechu shive niye adokivi miqeauve.
Ashekhau Ghulhu
17Kholaqhi sümo keu Sho#26:17 Hechekulu ghulhu shelo atsala 7 kholaqhi sümo keu sho pesü aghulhu shiche: tipau pesü kholaqhi sümo keu sho pinedo ipi ani. Tiqhitini tsalà atüghiu lo Jisü khopemi no pa lau ighino iniju, “No ye ningu pelo khile wu no O ghenguno Hechekulu ghulhu chuni keu kutokughoi aghí penishi ani kea?”
18Jisü no khochile, “Mishighüna lo ilo no tilehi timi lakhi lau wu no ishi pilo, ‘Akükütsüu no pi anie: I do kughupe püakeu ye kupunúvae. Ni ye O ki lono I khopemiqo sasü Hechekulu ghulhu ikhiluni chenie.’ ” 19Ikehu Jisü no pikeu toi akhopemiqo no wu püzü Hechekulu ghulhu kutove.
20Avela shive kelo, Jisü no pano Chighikini sasü aghulhu lipa lo iqae. 21Eno panongu no chu-sho akelo, pa no pi, “Kuchou no I no nongu vilo piani, nongu lakhi no I pesü thechu shive nanie.”
22Akhopemiqo ye ighono amlo imeve eno lakhi-khi no ashe lo shi hitoi pi, “Ampeu, kuchou no ni kumo kema?”
23Jisü no khochile, “Timi khuu no I gholo akhu lakhi lono pa u pesü asho pütsü chu ani keno pa no I pesü thechu shive nani. 24Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”
25Ikelo Judas khuu Jisü pesü thechu shive niye akeno, pa no pi, “Rabbi, kuchou no ni kumo kema?”
Jisü no khochile, “Nono piluvae.”
26Panongu no chu-sho akelo Jisü no asho ikhilu, eno pa no shikimthi tsüve kethiu asho süpho püzü pa no ishi pi ghi pa khopemiqo tsü, “Ikhilu no chulo; hiye I phimpi ke.”
27Tisheno pa no ajikhu lakhi ikhilu püzü shikimthi tsüve kethiu ishi pi no akhopemiqo tsü, “Nongu kümtsü hipau lono sholo. 28I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke. 29I no nongu vilo piani, ni ye hinguno hilau ye atsala tipau tomo ke kutólo, I pù kükaphu lono nongu gholo akithé shi sho nikeu kumo aye, atsaithi hipau lono atsaizü sholumae.”
30Tipathiu panongu no ale lakhi phe pe Alhou sheqheve no Olive naghuto lo wuve.
Jisü no Peter Ghili Azünatha Pi
31Tisheno Jisü no panongu vilo pi, “Itiji nongu kümtsü pokhave no I likhi qhive nani, kughengu ishi yèpüani:
“ ‘I no ambe kheu pìthíve nani,
eno ambe lojiqo ye apanaghave nani.’#26:31 Zech 13:7
32Ikemu I no xüchilethuve kethiu, ni ye nongu züu no Galilee lo wu nani.”
33Peter no khochile, “O lau kiu shi niye ani keno tipau ghenguno kümtsü no O qhive namu, ni ye khilemu tishimo nani.”
34Jisü no pi, “Kuchou no I no O vilo pìní, itiji awudu igha mphi züu no ye ghuthu küthü I milive nani.”
35Ikemu Peter no ishi piqhi, “O gholo no thive kepu shi aghí namu ni ye khilemu O milimoe.” Ikelo akhopemi kütami kümtsü titoi pikhae.
Gethsemane lo
36Tithiu Jisü ye pa khopemiqo gholo no Gethsemane ipikeu-a lo wue, eno pa no panongu vilo ishi pi, “I no hulehi wu no akighini shi ake dolo, hilehi iqa aghílo.” 37Jisü no pa gholo Peter eno Zebedee nu pama ishi sasü wu, eno pa ye ighono amloghime shive eno akükümsü kütakihi thuve. 38Tisheno pano küthü vilo pa no ishi pi, “Ni ye amloghime no thiveni ke shivae. Hile ngo no I gholo jukuto lo.”
39Eno kitila iphi püzü, pa ye ayeghi lo agi pishiqho pesü hitoi akighini shi, “I pù, tsalá shikulupu shi aghí aye, aghime jikhu hipau I lau no ikhipesü wuve tsülo; ikemu I pulou kumo no O pulou shilo.”
40Tisheno pa no pa khopemiqo lau ideighi kelo panongu ye zü aghí keu ithulue. Ikelo pa no Peter vilo pi, “Nonguqo ye I ghenguno ayì kihedo lakhimu kheamlave keshea? 41Nongu ye ghukuju lo ikiqivemo kepu shi, jukuto eno inikhu alo. Aghungu ye puloniqhiyi ani ikemu ashi-aji no miqemilei anie.”
42Jisü ye itaghi akiniù ide wuve eno ishi inikhu ae, “I pù, tsalá I no yemo ke thaqhülo ajikhu hipau I lau no pewuve müla kepu shi aghí aye, O pulou shiluve pelo.”
43Kughou Jisü no pano küthü lau ideighi keno, panongu ye itaghi zü aghí khave, kughengu panongu ye anhethimu tsükho müla no zümamai ake. 44Ikehu Jisü ye panongu qhive püzü ghuthu aküthüu wu no, itaghi isheli inikhu akeu atho pi ghi akighini shiauve.
45Tisheno pa ye akhopemi pano küthü lau ideighi eno ishi pi, “Nongu ye itehi kutólo akulhoqhi zü aphi keshea? Julo, ado hu ye ighivae eno Timi Nu ye axinemiqo u lo phesüve tsüae. 46Ithulo! Ningu wuveni shilo. I küghape thechu shive niye akeu hu ye hi ighivae.”
Jisü Küghaluve
47Jisü no atsa piaphi lono Chighikini dolo lakhi Judas ipikeu ighive. Pa gholo achinetomi ngò kichimiqo no puwu kemi timi kutomo no akihizüta eno asüthaluqo khapesü ighi khave. 48Judas thechuu ye azüu no kishékulu shi timiqo vilo hitoi amichipu tsüpe püa, “I no khuu müma nike no timi tipau ke, pa küghaluvelo.” 49Judas no vejoi Jisü lau ighino, “Alo anikemo, Rabbi!” ipi no pa mümae.
50Jisü no khochile, “Aküsàu, nono kiu shi niye ighi ani keno shilulo.”#26:50 Momu “No ye kiu shi niye ighi ani kea, aküsàu?”
Ikelo panongu no ighi püzü Jisü tsüqüluve eno pa küghaluve. 51Tishi kemtsa, Jisü gholo kichemi dolo lakhi no paw akihizüta süjo pesü achinetomiqo shou atou qeu shou ghipuku no pa kìní küsave tsü.
52Jisü no pa vilo pi, “O kihizüta abo lo ikhichile sǘvelo, kughengu khuno no akihizüta peitha acheni keno pano ye akihizüta lono thi nani ke. 53I no I pù vilo khu aye pa ye kungumi aqokitikhi chighikini nguno alaumu paikhavi lono I tsü puwuluve nani kepi nongu ye mtha keshea? 54Ikemu I no tishive aye, Kuchoyesü lo hitoi shi moayesa nani ipikeu ye kíshi no shikupuni kea?”
55Tisheno Jisü no tilehi aqokitikhi vilo pi, “Ni ye ayeza hekibidemi mqo sache ghí kepu toi nongu ye kushiye akihizüta ngò asüthaluqo pesü I kügha niye ighi ani kea? Ni ye tsalà kipetsü achineki khalau iqa no kütsü ache, eno tishimu nongu ye I küghamoe. 56Ikemu hipaqo kümtsü shi akeu ye tungkupumiqo no Kuchoyesü lo yèpüa keu shikupuve niye ke.” Tishi akelo, akhopemiqo ye Jisü likhi qhive eno pokhave.
Jewmi Hoho Zülo Jisü
57Jisü küghaluve kemiqo no pa sasü achinetomiqo shou atou Caiaphas lau sawu, tilehi ayeza kükütsümi eno kichimiqo kumqo pe ngo ae. 58Ikemu Peter ye putou no achinetomiqo shou atou ki khalau kutólo Jisü papesü ighi. Pa ye iloghi no ghükhemiqo gholo iqave püzü kiu shive nani keno jukuto ae.
59Ikelo, achinetomiqo eno Jewmi Hoho#26:59 Jewmi Hoho momu Sanhedrin ye achinetomiqo shou atou küqha no timi 71 ache. lo akemiqo kümtsü no Jisü pìthíve niye akimiki shepe phuju ae. 60Akimiki thopimiqo kutomo ighino pi akemu panongu ye lakhimu lukepushi phumlae.
Ashekha shi, mikini no ipeghi, 61eno shuphe, “Timi hipau no ishi pie, ‘Ni ye Alhou chineki hepholeve püzü atsala küthü lono shiqhe kitheve nani.’ ”
62Ikelo achinetomiqo shou atou no puthugho no Jisü vilo pi, “No ye kiumu khochileni chemo keshea? Timi hi pama O ngukube ghi ashepe hipau peighi akeu ye kiu kea?” 63Ikemu Jisü ye inaqhoi ngove.
Achinetomi shou atou no pa vilo pi, “I no xü akeu Lhou je lono ashoqhi shi no O nguku ani: Nono Alhou Nu Messiah shi aghí aye ningu vilo pilo.”
64Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”
65Ikelo achinetomiqo shou atou no pa phiküzü süxüve püzü ishi pi, “Pa ye Alhou pipüthavae! Ningu ye kushiye hinguno alau thopimiqo avehupu shi ani kea? Julo! Itehi ye nongu kümtsü no Alhou pipütha keu chiluvae. 66Nongu ye kíshi kümsü ani kea?”
Panongu no khochile, “Pa ye thive küzüpue.”
67Tisheno panongu no Jisü gi lo müsüte puku tsü eno au sükumqo pesü chishiqhi. Khami no au pesü pa gi lo ghatsü 68eno ishi piae, “Messiah tungkupuu, khuu no O he ani keno ningu vilo piju lo?”
Peter no Jisü Milive
69Tishi akelo Peter ye aki khala lo iqa ae, ikelo aqemi totimi lakhi no ighino pa vilo, “No ghí Galileemi Jisü gholo ake,” ipi.
70Ikemu Peter no kümtsü zülo no lachile ghi pi, “Ni ye nono kiu piani keno kiumu ithi amoe.”
71Tisheno pa ye khalau khagho küdau ipe kelo, tilau ghí aqemi totimi kütami no pa ithulu no tilehi timi akemiqo vilo, “Timi hipau ye Nazareth nó ghami Jisü gholo cheke,” ipi.
72Itaghi Peter no lachile no tushoqhi ghi pi, “Ashoqhimu shi, ni ye timi hipau mthae!”
73Ado hami thiu, tilehi puthugho akemiqo no Peter lau ighino pi, “Kuchou nomu no ye panoqo gholo lakhie: O tsapi ghola no amichi shi anie.”
74Ikelo pa no pa likhi pa ghusho eno panongu vilo ashoqhi shi ghi pi, “Ni ye timi hipau mthae!”
Tishi kemtsa, awudu no ighave. 75Ikelo Peter ye Jisü no pa vilo ishi pipüa keu tsa kümsüchilelu: “No ye awudu no igha mphi züu ghuthu küthü I milive nani.” Eno Peter ye khalau ipeve no kunotshütshü shi qa auve.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Puloshoqhi Akitheu, Sümi Tiqhelimi Bible™
Yekiphechipiu © 2023 by Biblica, Inc.
Puloza lu no peitha ani. Ayeghiqha kümtsü lo puloza lu no peithalu kepu chipiu ani.
New Testament, Sümi New Generation Bible™
Copyright © 2023 by Biblica, Inc.
Used with permission. All rights reserved worldwide.