Matius 12
12
Tumoro un endo Sabat
(Mrk. 2:23-28; Luk. 6:1-5)
1 #
Ul. 23:25
In endo Sabat, si Yesus wo sé pahtuzu'en-Na mahlampang limangkoia un uma tinaneman ang gandum. Pahpaan i maharemo, sé pahtuzu'en-Na é mahupu'ma ang gandum am pahkanen.#12:1 Witu un Torat si tou lumangkoi witu un uma né tou walina én toro méndoma wana a méitanem witu un uma taan wuntul uman ung kanenna. 2Mileka niitu, sé sana réwok tou Farisi kumuama wia si Yesus, “Ilekena! Sé pahtuzu'en-Nu é mahwangun an zéi'kan toro pahwangunen witu un endo Sabat.”
3 #
1Sam. 21:1-6; Im. 24:9 Taan kuan-Na wia ni séra, “Zéi'kampé' binaca nioula wé u liné'os ni Daud, i ni sia wo sé mahkii-kiit ni sia i maharemo? 4Kura sia i nimuntepa witu un Ténda Lenas ni Opo Empung wo kura séra ing kiman u roti méiragés, a sinéro' ing kanenenna wo né mahkii-kiit ni sia, un toro uman pahkanen né walian? 5#Bil. 28:9, 10 Kaapa zéi'kampé' binaca nioula witu ung kitap Torat wé sa sé walian én zéi'kan mahlé'os an tinotoz tumoro un endo Sabat witu um Walé ni Opo Empung im witu un endo Sabat, taan ni séra én zéi'kan simala'? 6Ikua-Kuma wia ni kamu: Im wia'i ém wéwéhan si lumousé ung kawangko'an um Walé ni Opo Empung. 7#Hos. 6:6; Mat. 9:13 Witu um Pinantik Lenas, si Opo Empung éng kimua in téntii, ‘Zéi'kan a raragés ang kapaaz-Ku, taan u raraatéan.’ Sa uli-ulit katulapan niou u méipantik itii, tantumo ni kamu én zéi'kan mukum sé tou zéi'kan simala'. 8Pahpaan si Oki' ni Tou ém wéwéhan kawasa in tumotoz un toro wangunen né tou witu un endo Sabat.”
Si tou lailai kasaru liné'os ni Yesus
(Mrk. 3:1-6; Luk. 6:6-11)
9I si Yesus timula'umomé un tampa itii, a Sia muntepa witi walé peraragésan né tou Yahudi. 10Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.
11 #
Luk. 14:5
Taan kuan ni Yesus wia ni séra, “Sa si esa im wia ni kamu makadomba si méikalesek witu um woso witu un endo Sabat, zéi'kankuaa si domba itii é maiondolna im witu um woso itii? 12Zéi'kankuaa si toupé' si ipahpuu-puuna taan si domba? Niitumo, toro i mangun u lé'os witu un endo Sabat.”
13Ang kuan ni Yesus wia si tou makalengen lailai kasaru itii, “Iayaté u lengenmu!” An iayatnama u lengenna, in toro niitukan a malé'osa u lengenna tanumo u lengen kasaru.
14A mondola sé sana réwok tou Farisi itii a mahesaala i munu' ni Sia.
Si Yesus én Ata ni Opo Empung
15Taan kata'uan ni Yesus ang ginenang néra a Sia mondolé im witu. Lakez sé tou mahkiité si Yesus wo ni Sia é mahlé'os sé saki im wia ni séra. 16Ni séra én totoz sinéro'-Nala in tia' ipahkua wia sé tou walina sa ni Sia é séi. 17Karia in téntu nimalekepola u mé- ikua ni nabi Yesaya in téntii,
18 #
Yes. 42:1-4
“Si kenumo si Ata si pinéléng-Ku,
si kararaaté-Ku wo si kapaaz-Ku.
Si Roh-Ku én iwéhé-Ku wia ni Sia
wo ni Sia é mapailek an zéi'kan mahsanaweka wia sé tahsasana wanua.
19Ni Sia én zéi'kan mangé mahzéi-zéi'an karia né tou walina
kaapa mengéré-ngérét sé tou,
wo sé tou wana a lalan kangkasii én zéi'kan tumalinga an ipahnuwu'-Na, i ni Sia mahnuwu' wana a lalan.
20Um wakélna um wungana ung kuhun um peku'mo én zéi'kan repesen-Na,
wo u solo mahpirpirokané én zéi'kan patén-Na.
Ni Sia é mangun un zéi'kan mahsanaweka kumala u mahsanaweka.
21Sé tahsasana wanua é mahéré' uman wia ni Sia.”
Si Yesus wo si Beelzebul
(Mrk. 3:20-30; Luk. 11:14-23)
22An ipahwalimé né tou wia si Yesus si tou sinelazan ni sétang. Si tou itii é letok wo wowo'. A sia lé'osena ni Yesus makaz si tou itii én toromo mahilek wo mahnuwu'. 23Sé tou lakez witu é mengusi-ngusingsing ang kuan néra, “Ni Sia ém woo suzu ni Daud.”
24 #
Mat. 9:34, 10:25 Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”
25Taan kata'uan ni Yesus am pegena-genangen néra, ang kuan-Na wia ni séra, “Sa sé tou witi kakolanoan esa é makahkoro', ni séra é makayo'. Téntu kangkasii, sa sé tou witi wanua tua'na kaapa sé sana walé é makahkoro', ni séra é makayo'. 26Téntu kangkasii sa sé sétang witi kakolanoan ni tonaas né sétang makahkoro', ni séra é makayo'. 27Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'. 28Taan sa ni Aku mahwoho sé sétang karia ung kawasa ni Roh ni Opo Empung, ung kalakoana ung Kakolanoan-Na ém wiamo ni kamu.
29Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.#12:29 Witu u rérékénan kenu, si Yesus é mapata'u sa ni Sia é makawawa ing kimala si tonaas né sétang, wo karia in téntu ni Sia kangkasii én toro moho si sétang wia si tou.
30 #
Mrk. 9:40
Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou. 31Niitumo, ikua-Kuma wia ni kamu: Péléng a singkéla' wo a séséro'an né tou én ampungan. Taan a séséro'an wia si Roh Lenas én zéi'kan ampungan. 32#Luk. 12:10 Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”
Un ipahnuwu' é mahondolé witu un até
(Luk. 6:43-45)
33 #
Mat. 7:20; Luk. 6:44 “Sa ung kai ém wangun, tantumo um wua'na kangkasii ém wangun. Taan sa ung kai én zéi'kan wangun, tantumo um wua'na kangkasii én zéi'kan wangun. Ung kai wangun kaapa zéi'kan én toro uman kata'uan witu um wua'na. 34#Mat. 3:7, 15:18, 23:33; Luk. 3:7, 6:45 É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa. 35Si tou lé'os é mahnuwu'mé am wangun a mahondolé im witu un aténa. Taan si tou léwo' é mahnuwu'mé a léwo' a mah- ondol kangkasiimé witu un aténa.
36Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona. 37Pahpaan ni ko én éndon ulit ni Opo Empung mengiit an ipahkuamu, wo ni ko kangkasii én ukumen mengiit an ipahkuamu.”
Um pahaléien né tou wia si Yesus
(Mrk. 8:11-12; Luk. 11:29-32)
38 #
Mat. 16:1; Mrk. 8:11; Luk. 11:16 A sé woopira tou tulap un Torat wo sé sana réwok tou Farisi kumuama wia si Yesus, “Méster, ni kai ém paaz milek ni Ko i manguné u makakompo'en.”
39 #
Mat. 16:4; Mrk. 8:12 Taan kuan-Na wia ni séra, “Sé tou in tarékan én tahlouso. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus. 40#Yun. 1:17 Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'. 41#Yun. 3:5 Im witu un endo si Opo Empung in tumotoz ulit kaapa zéi'kan am pahwangunen né tou, sé tou Niniwe én itou sumaup karia né tou in tarékan wo kasii matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna si Tou si mahwali-wali karia niou in tarékan é lumouspé'mé si nabi Yunus! 42#1Raj. 10:1-10; 2Taw. 9:1-12 Witu un endo si Opo Empung in tumotoz ulit kaapa zéi'kan am pahwangunen né tou, si kolano wéwéné makangaran Syeba#12:42 Si Syeba éng kolano wéwéné witi timuh. Sé woopira tou tulap a nimamuali im puuna é ma'éman i ni sia én tanu sawel né tou witi Etiopia, witi timuh u Mesir. si witi wanua zou' witi timuh én itou sumaup karia né tou in tarékan wo ni sia kasii é matumotoz ulit kaapa zéi'kan am pahwangunen néra. Pahpaan ni sia ém witi pondol ung kaayahan a méyé i métumalinga ung katulapan ni Salomo, wo un ulitna si Tou si mahwali-wali karia niou in tarékan é lumouspé'mé si Salomo, taan ni kamu é soo tumalinga am pahkua-Na!”
Si sétang nimawurima sumaup wia si sinelazanna im puuna
(Luk. 11:24-26)
43Ang kuan ni Yesus, “Sa si sétang nimondolomé im wia si tou, si sétang itii é mahliklik wana ang kapelasan i menéro ento'an. Taan ni sia én zéi'kan méikailekla un ento'an. 44Ang kuana, ‘Ni aku é mawuri sumaup witi pinahento'angkumé i makasa.’ A sia mawurima sumaup a mailekenna um pinahento'annamé itii én zéi'kan siapa si mahento', weresi wo niimek. 45A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”
Si ina' ni Yesus wo sé katuari-Na
(Mrk. 3:31-35; Luk. 8:19-21)
46I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus. 47Am wéwéhan si tou kumuala wia si Yesus, “Ilekena, si ina' wo sé katuari-Mu ém witi lésaz wo mahtututu' i mahilekan karia-Mu.”
48Taan si Yesus mingkotla wia si tou itii, “Séi wé si ina'-Ku? Séi wé sé katuari-Ku?” 49A si Yesus tumuzu'ma wia sé pahtuzu'en-Na ang kuan-Na, “Sé kenumo sé katuari-Ku wo ina'-Ku. 50Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”
Tällä hetkellä valittuna:
Matius 12: LAITOM
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Matius 12
12
Tumoro un endo Sabat
(Mrk. 2:23-28; Luk. 6:1-5)
1 #
Ul. 23:25
In endo Sabat, si Yesus wo sé pahtuzu'en-Na mahlampang limangkoia un uma tinaneman ang gandum. Pahpaan i maharemo, sé pahtuzu'en-Na é mahupu'ma ang gandum am pahkanen.#12:1 Witu un Torat si tou lumangkoi witu un uma né tou walina én toro méndoma wana a méitanem witu un uma taan wuntul uman ung kanenna. 2Mileka niitu, sé sana réwok tou Farisi kumuama wia si Yesus, “Ilekena! Sé pahtuzu'en-Nu é mahwangun an zéi'kan toro pahwangunen witu un endo Sabat.”
3 #
1Sam. 21:1-6; Im. 24:9 Taan kuan-Na wia ni séra, “Zéi'kampé' binaca nioula wé u liné'os ni Daud, i ni sia wo sé mahkii-kiit ni sia i maharemo? 4Kura sia i nimuntepa witu un Ténda Lenas ni Opo Empung wo kura séra ing kiman u roti méiragés, a sinéro' ing kanenenna wo né mahkii-kiit ni sia, un toro uman pahkanen né walian? 5#Bil. 28:9, 10 Kaapa zéi'kampé' binaca nioula witu ung kitap Torat wé sa sé walian én zéi'kan mahlé'os an tinotoz tumoro un endo Sabat witu um Walé ni Opo Empung im witu un endo Sabat, taan ni séra én zéi'kan simala'? 6Ikua-Kuma wia ni kamu: Im wia'i ém wéwéhan si lumousé ung kawangko'an um Walé ni Opo Empung. 7#Hos. 6:6; Mat. 9:13 Witu um Pinantik Lenas, si Opo Empung éng kimua in téntii, ‘Zéi'kan a raragés ang kapaaz-Ku, taan u raraatéan.’ Sa uli-ulit katulapan niou u méipantik itii, tantumo ni kamu én zéi'kan mukum sé tou zéi'kan simala'. 8Pahpaan si Oki' ni Tou ém wéwéhan kawasa in tumotoz un toro wangunen né tou witu un endo Sabat.”
Si tou lailai kasaru liné'os ni Yesus
(Mrk. 3:1-6; Luk. 6:6-11)
9I si Yesus timula'umomé un tampa itii, a Sia muntepa witi walé peraragésan né tou Yahudi. 10Im witu ém wéwéhan si tou u lengenna kasaru é lailai. Sé woopira im wia sé sana réwok tou Farisi meligau wia ni Sia, “Toro wé i lumé'os si tou witu un endo Sabat?” Ni séra meligau téntu wo séra toro mapahsasala' ni Sia.
11 #
Luk. 14:5
Taan kuan ni Yesus wia ni séra, “Sa si esa im wia ni kamu makadomba si méikalesek witu um woso witu un endo Sabat, zéi'kankuaa si domba itii é maiondolna im witu um woso itii? 12Zéi'kankuaa si toupé' si ipahpuu-puuna taan si domba? Niitumo, toro i mangun u lé'os witu un endo Sabat.”
13Ang kuan ni Yesus wia si tou makalengen lailai kasaru itii, “Iayaté u lengenmu!” An iayatnama u lengenna, in toro niitukan a malé'osa u lengenna tanumo u lengen kasaru.
14A mondola sé sana réwok tou Farisi itii a mahesaala i munu' ni Sia.
Si Yesus én Ata ni Opo Empung
15Taan kata'uan ni Yesus ang ginenang néra a Sia mondolé im witu. Lakez sé tou mahkiité si Yesus wo ni Sia é mahlé'os sé saki im wia ni séra. 16Ni séra én totoz sinéro'-Nala in tia' ipahkua wia sé tou walina sa ni Sia é séi. 17Karia in téntu nimalekepola u mé- ikua ni nabi Yesaya in téntii,
18 #
Yes. 42:1-4
“Si kenumo si Ata si pinéléng-Ku,
si kararaaté-Ku wo si kapaaz-Ku.
Si Roh-Ku én iwéhé-Ku wia ni Sia
wo ni Sia é mapailek an zéi'kan mahsanaweka wia sé tahsasana wanua.
19Ni Sia én zéi'kan mangé mahzéi-zéi'an karia né tou walina
kaapa mengéré-ngérét sé tou,
wo sé tou wana a lalan kangkasii én zéi'kan tumalinga an ipahnuwu'-Na, i ni Sia mahnuwu' wana a lalan.
20Um wakélna um wungana ung kuhun um peku'mo én zéi'kan repesen-Na,
wo u solo mahpirpirokané én zéi'kan patén-Na.
Ni Sia é mangun un zéi'kan mahsanaweka kumala u mahsanaweka.
21Sé tahsasana wanua é mahéré' uman wia ni Sia.”
Si Yesus wo si Beelzebul
(Mrk. 3:20-30; Luk. 11:14-23)
22An ipahwalimé né tou wia si Yesus si tou sinelazan ni sétang. Si tou itii é letok wo wowo'. A sia lé'osena ni Yesus makaz si tou itii én toromo mahilek wo mahnuwu'. 23Sé tou lakez witu é mengusi-ngusingsing ang kuan néra, “Ni Sia ém woo suzu ni Daud.”
24 #
Mat. 9:34, 10:25 Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”
25Taan kata'uan ni Yesus am pegena-genangen néra, ang kuan-Na wia ni séra, “Sa sé tou witi kakolanoan esa é makahkoro', ni séra é makayo'. Téntu kangkasii, sa sé tou witi wanua tua'na kaapa sé sana walé é makahkoro', ni séra é makayo'. 26Téntu kangkasii sa sé sétang witi kakolanoan ni tonaas né sétang makahkoro', ni séra é makayo'. 27Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'. 28Taan sa ni Aku mahwoho sé sétang karia ung kawasa ni Roh ni Opo Empung, ung kalakoana ung Kakolanoan-Na ém wiamo ni kamu.
29Kura si tou mahuuntep um walé ni tou ketezen i makumahat a sangkumna, sa sia zéi'kampé' niapusnala? Si tou ketezen itii apusennapé'la wo taré sia toro kumahat am witu um walé itii.#12:29 Witu u rérékénan kenu, si Yesus é mapata'u sa ni Sia é makawawa ing kimala si tonaas né sétang, wo karia in téntu ni Sia kangkasii én toro moho si sétang wia si tou.
30 #
Mrk. 9:40
Séi si zéi'kan mahwali-wali karia-Ku, ni sia é mahsaru ni Aku. Wo séi si zéi'kan mahsawang ni Aku i mahréwok sé tou wo séra mahwali-wali karia-Ku, ni sia é mahsera sé tou. 31Niitumo, ikua-Kuma wia ni kamu: Péléng a singkéla' wo a séséro'an né tou én ampungan. Taan a séséro'an wia si Roh Lenas én zéi'kan ampungan. 32#Luk. 12:10 Sa si tou mahkuama a mahsaru si Oki' ni Tou, ni sia én ampungan. Taan sa ni sia mahkuama a mahsaru si Roh Lenas, ni sia én zéi'kan ampungan, im wia ung kaayahan in tarékan kaapa im witi kaayahan in tumondong.”
Un ipahnuwu' é mahondolé witu un até
(Luk. 6:43-45)
33 #
Mat. 7:20; Luk. 6:44 “Sa ung kai ém wangun, tantumo um wua'na kangkasii ém wangun. Taan sa ung kai én zéi'kan wangun, tantumo um wua'na kangkasii én zéi'kan wangun. Ung kai wangun kaapa zéi'kan én toro uman kata'uan witu um wua'na. 34#Mat. 3:7, 15:18, 23:33; Luk. 3:7, 6:45 É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa. 35Si tou lé'os é mahnuwu'mé am wangun a mahondolé im witu un aténa. Taan si tou léwo' é mahnuwu'mé a léwo' a mah- ondol kangkasiimé witu un aténa.
36Taan ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahwangunen né tou, ni séra é léwo'zéi' i makaulit wo mengali am wua'na péléng a méipahkuana an zéi'kan siapa torona. 37Pahpaan ni ko én éndon ulit ni Opo Empung mengiit an ipahkuamu, wo ni ko kangkasii én ukumen mengiit an ipahkuamu.”
Um pahaléien né tou wia si Yesus
(Mrk. 8:11-12; Luk. 11:29-32)
38 #
Mat. 16:1; Mrk. 8:11; Luk. 11:16 A sé woopira tou tulap un Torat wo sé sana réwok tou Farisi kumuama wia si Yesus, “Méster, ni kai ém paaz milek ni Ko i manguné u makakompo'en.”
39 #
Mat. 16:4; Mrk. 8:12 Taan kuan-Na wia ni séra, “Sé tou in tarékan én tahlouso. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus. 40#Yun. 1:17 Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'. 41#Yun. 3:5 Im witu un endo si Opo Empung in tumotoz ulit kaapa zéi'kan am pahwangunen né tou, sé tou Niniwe én itou sumaup karia né tou in tarékan wo kasii matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna si Tou si mahwali-wali karia niou in tarékan é lumouspé'mé si nabi Yunus! 42#1Raj. 10:1-10; 2Taw. 9:1-12 Witu un endo si Opo Empung in tumotoz ulit kaapa zéi'kan am pahwangunen né tou, si kolano wéwéné makangaran Syeba#12:42 Si Syeba éng kolano wéwéné witi timuh. Sé woopira tou tulap a nimamuali im puuna é ma'éman i ni sia én tanu sawel né tou witi Etiopia, witi timuh u Mesir. si witi wanua zou' witi timuh én itou sumaup karia né tou in tarékan wo ni sia kasii é matumotoz ulit kaapa zéi'kan am pahwangunen néra. Pahpaan ni sia ém witi pondol ung kaayahan a méyé i métumalinga ung katulapan ni Salomo, wo un ulitna si Tou si mahwali-wali karia niou in tarékan é lumouspé'mé si Salomo, taan ni kamu é soo tumalinga am pahkua-Na!”
Si sétang nimawurima sumaup wia si sinelazanna im puuna
(Luk. 11:24-26)
43Ang kuan ni Yesus, “Sa si sétang nimondolomé im wia si tou, si sétang itii é mahliklik wana ang kapelasan i menéro ento'an. Taan ni sia én zéi'kan méikailekla un ento'an. 44Ang kuana, ‘Ni aku é mawuri sumaup witi pinahento'angkumé i makasa.’ A sia mawurima sumaup a mailekenna um pinahento'annamé itii én zéi'kan siapa si mahento', weresi wo niimek. 45A si sétang itii mondola, matumawahmé sé sétang pitu walina sé lumouspé'mé ung kaléwo'. A sé sétang itii méyé a sumelazla wia si tou itii. Ing kamurian, u nimamuali wia si tou itii é luméwo'pé'mé i makasa. Téntumo u mamuali wia sé tou léwo' in tarékan.”
Si ina' ni Yesus wo sé katuari-Na
(Mrk. 3:31-35; Luk. 8:19-21)
46I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus. 47Am wéwéhan si tou kumuala wia si Yesus, “Ilekena, si ina' wo sé katuari-Mu ém witi lésaz wo mahtututu' i mahilekan karia-Mu.”
48Taan si Yesus mingkotla wia si tou itii, “Séi wé si ina'-Ku? Séi wé sé katuari-Ku?” 49A si Yesus tumuzu'ma wia sé pahtuzu'en-Na ang kuan-Na, “Sé kenumo sé katuari-Ku wo ina'-Ku. 50Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään