Matai 1
1
1Uju vi kalata va kivumbuko kya Jesu Kilisiti, uńa-Ndaviti uńa-Abulahamu. 2Umwene Abulahamu akammola Isikaka, umwene Isikaka akammola UJakobu, umwene UJakobu akammola nu-Juta navamyave, 3umwene UJuta akavahola nu-Pelesi nu-Selaka, vwu vakavahola mundala va mwene mwa Tamali, umwene UPelesi akammola UHeseloni, umwene UHeseloni akammola Alamu, 4umwene Alamu akammola Aminatabu, umwene Aminatabu akammola UNahasoni, umwene UNahasoni akammola USalimoni, 5umwene USalimoni akammola UBoasi, vi akammola mundala va mwene mwa Lahabu, umwene UBoasi akammola Obeti, vi akammola mundala va mwene mwa Luti, umwene Obeti akammola Isai, 6umwene Isai akammola UNdavidi unkuludeva, umwene UNdaviti akammola USelomoni, vi akammola mundala va Ulija, 7umwene USelomoni akammola ULehabyamu, umwene ULehabyamu akammola Abija, umwene Abija akammola Asa, 8umwene Asa akammola UJosapati, umwene UJosapati akammola UJolamu, umwene UJolamu akammola Usija, 9umwene Usija akammola UJotamu, umwene UJotamu akammola Ahasi, umwene Ahasi akammola UHisikija 10umwene UHiesekija akammola UManase, umwene UManase akammola Amoni, umwene Amoni akammola UJosija, 11umwene UJosija akammola nu-Jekonija navanunave pamwaka gulya vahamitsivwagwe mu-Babeli. 12Ulwambele vwu vahamitsivwe mu-Babeli pwu UJekonija akammola USalatyeli, umwene USalatyeli akammola USelubabeli, 13umwene USelubabeli akammola Abihuti, umwene Abihuti akammola Elyakimu, umwene Elyakimu akammola Asoli, 14umwene Asoli akammola USatoki, umwene USatoki akammola UJakini, umwene UJakini akammola Elihuti, 15umwene Elihuti akammola Elyasali, umwene Elyasali akammola UMatani, umwene UMatani akammola UJakobu, 16umwene UJakobu akammola UJosepu, ungosi va Malija uvi amolaga UJesu, uvi vatetsaga vi Kilisiti ilitavwa lya mwene. 17Voni umwu vakonganye ntulahilo nkivumbuko kya vene ukuhuma pa-Abulahamu ukutsisika pa-Ndaviti vali kitsigo navani, ukuhuma pa-Ndaviti ukutsisika palya vahamitsivwagwe mu-Babeli vali kitsigo navani, ukuhuma palya vahamitsivwagwe mu-Babeli ukutsisika kwa Kilisiti vali kitsigo navani.
18Ukwene ukuholwa ukwa Jesu Kilisiti vwu agahile vuvule-vule. Umwene uvańina UMalija vwu andavye UJosepu vwu vakanale ukutolana, pwu vakavona ali nulusembe lwa Mepo umbalatse. 19Umwene UJesepu ungosi va mwene ulwakuva nuvugolosu ali ngolosu, ulwakuva ukunkotsa isoni akata ndilankotsaga pavuvalasu, pwu akisagila mwitumbu akata ndikundekaga mbutitu. 20Vwu ikisagila tsitsitsi vuvule-vule pwu akakeńemuka unsuṅwa va Nguluve uju! Ikumbonekela mmagona-sivi ita: Vi Josepu vi ńa-Ndaviti ulisagilaga uve ukutola UMalija undala vako, mańa ukwu ali nakwu mwitumbu ka ju Mepo Umbalatse. 21Alahola umwana undume, vi vwitse umpe ilitavwa lya Jesu, mańa alavapoka avanu va mwene kunongwa tsa vene. 22Tsoni tsitsitsi upwu tsikitsa pwu tsikitsa ukuta mwu tsitsililage mumwa tsitswu unkuludeva akatsovela kuńamalago akata: 23Lola uminza alahola umwana undume vi valampa ilitavwa ilya Imanweli, kwu kuta Unguluve ali nuvwe. 24Umwene UJosepu vwu asisimwike mutulu, pwu akakonga itswu andagilaga unsuṅwa va nkuludeva, akantola undala va mwene. 25Akaleka nukummańa tango. Tango akammola umwana va mwene umbele, vi akampa ilitavwa ili Jesu.
Tällä hetkellä valittuna:
Matai 1: Kinga
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
New Testament in Kikinga © British and Foreign Bible Society, 1961.