Luukasiup Aglangit 12
12
Jiisusiup Takkurmuurnirmik Qaujimanasuqujininga
Maatiusi 10:26-27
1Inuit 1,000 ungataaniittut kativalliatillugit, aglaat immingnut tulliraqattautilirlutik unuluamut, Jiisusiup ilinniaqtini sivulliullugit uqautivait, “Qaujisarissi Paarisit puvallaqqutinganik, tamanna takkurmuurniungmat. 2Ijiqsimajut tamarmik saqqitaujumaarmata, anngiarijaujullu tamarmik qaujijaujumaaqput. 3Taimaimmat taaqtumi uqausirilauqtasi qaumajumi uqausiujumaaqput, iglumilu matusimajumi nipikittuullusi uqausirilauqtasi igluup qaanginni qaigalaarutaujumaaqput.”
Kinamik Sivuurajuksaungmangaatta
Maatiusi 10:28-31
4“Ilannarijakka uqautivassi, sivuuraginiarnagit timimik tuqutsijunnaqtut, kinguningagut pijunnarniqanngilat qanuilisikkanniriamik. 5Uqautijumavassi sivuuragijariaqaqtassinnik: taanna sivuuragisiuk, tuqutsijariiruni, pijunnarniqarmijuq kappianaqtuvingmut igitsinirmik; ilaak, uqautivassi taanna sivuuragisiuk!
6“Qupanuat tallimat kiinaujakuluungnut marruungnut niuvianguvanngilat? Aglaat qupanuaq atausiq Guutimut puiguqtausimanngilaq. 7Aglaat niaqussinni nujalimaasi naasaqtausimavut. Taimaimmat sivuuraniarasi; qupanuanit unuqtunit pillariuniqsaugassi!”
Jiisusimik Uqausiqarniq Qujanaaqsinirlu
Maatiusi 10:32-33; 12:32; 10:19-20
8“Uqautivassi, nalliat inungnut uvannik uqausilik taimaalluaq Inuup Irningata uqausirijumaarivaa Guutiup aingilinginnut; 9nallialli inungnut uvannik qaujimannginniraqtuq, taimaaktauq Inuup Irningata qaujimannginnirarumaarivaa Guutiup aingilinginnut.
10“Nalliat Inuup Irninganik akiraqturluni nilliajjutilik isumagijunnairviujumaaqpuq; nallialli Anirnirmik Ijjurnaittumik piunngittumik uqarnirluutilik isumagijunnairviunianngilaq.
11“Juutit ukpirnirmut katimavingannut aataugussi iqqaqtuqtauniarlusi aulatsijinut angajuqqaarjuanullu, isumajaarniarasi qanuq kiggusiksaqarniarmangaassi uvvalu qanuq uqarniarmangaassi; 12Anirniup Ijjurnaittuup ajuriqturniarmasi tavvani ikarrami uqausirijariaqaqtassinnik.”
Ajuqsanngittuulluni Silairuqtuningata Ajjiutitauninga
13Inuk uqaqpuq inugiaktunit Jiisusimut, “Ajuriqtuiji, qatanngutiga uqautilauruk aviqatiqaqullugu ataatama qimaktanginnik uvattinnut.”
14Jiisusiup kiuvaa, “Inuuk, kia iqqaqtuijunnaqtimmanga, uvvalu agguijiuqujauvunga? Piniaqtassinnik ataatavit qimaktanginni?” 15Inulimaanut uqarivuq, “Qaujisarissi, kamatsiarlusi pitaarumaluarnirmik; inuup inuusinga makitatitaunngimmat amisunik piqutiqarnirminut.”
16Jiisusiup uqautivait ajjiujumik, uqarluni, “Ajuqsanngittuup piruqsiiviqutinga piruviulauqpuq unuqtunik. 17Taanna isumaliqpuq, ‘Qanurli pinialiqtungaa? Piruqtut niqiksait iniksaqarunniirmata.’ 18Uqalirluni, ‘Niqiksakkuvikka igluit piijarniaqpakka; anginiqsanik sanalunga; niaquujaksaqutikka piqutikkalu iniqaliqullugit. 19Tarniralu uqautilugu, tarniik, arraagunik amisunik piujunik piksaqaliqputit; pinasuarunniirit nirilutit imilirit, quviasuglutillu.’ 20Guutiulli uqautivaa, ‘Silaittutit! Maanna unnuk inuujunniirniaqputit; kiali taima katiqsulauqtatit pinialiqpait?’
21“Taimainnivuqtauq imminut piksaminik katiqsuijuq, aktlujutitut takunnaaqtauvut Guutimut.”
Guutimik Tatiqarniq
Maatiusi 6:25-34
22Ilinniaqtini uqautivait, “Taimaimmat uqautivassi, isumajaarutikaqunasi inuujjutiginiaqtassinnik, sunamik niriniarmangaassi, timisilu aturniaqtanginnik sunamik annuraaqarniarmangaassi. 23Inuusiq isumagittiariaqarniqsauvuq niqiksamit, timilu isumagittiariaqarniqsaugivuq annuraaksamit. 24Tulugait takulauqsiuk; piruqsiaksanik kanngaqsuivanngittut piruqtuniglu katiqsuivagatik, sirluaqanngittut iglumigluunniit niqikkuviqanngittut, taimaikkaluaqtillugit Guutiup niritiqattaqpait. Ilissi tingmianit pillariuniqsammariuvusi. 25Nallisi inuusirminik uigusijunnaqpaa#12:25 Uvvaluunniit “Angilikkannirunnaqpa?” isumajaarutigilugu? 26Taimaak mikitigijumik ajurussi, sungmat asingit isumajaarutigivisiuk? 27Piruqtut nunarait qanuq pirurmangaata takulauqsiuk; sanajunnanngittut annuraaksaliuqpagatiglu immingnik; kisiani uqautivassi, Suulumuuni aglaat ajuqsanngittualuulluni annuraaqsimavalaunngilaq piruqsiat takuminarningititut. 28Guutiup nunami iviksugait annuraaqtippait maanna ullumi piruqtut, qaukpallu piijaqtaulutik igitauniarmijut igamut, taassumali annuraaksaqaqtittunarivaasi nalunanngilaq, ilissi ukpirnikittusi!
29“Taimaimmat isumajaarniarasi sunamik niqiksaqarniarmangaassi imiksaqarniarmangaatsiluunniit. 30Silarjuarmiut taimanngat taimaittunik pinasuaqput; Ataatasi qaujimavaasi tamakkuninga pijariaqarassi. 31Imaagli pijuksauvusi, taassuma Ataniuvinga pinasuangaaqsiuk, tavva tamakkuninga tamainnik tunisiviginiaqpaasi.”
Qilangmi Piksaqarniq
Maatiusi 6:19-21
32“Sivuuranngillusi, ununngikkaluaqtusi, Ataatasi quviasugluni tunisivigijumangmasi Ataniuvingminik. 33Piqutisi niurrutigisiuk, kiinaujait tunilugit ajuqsaqtunut; puuksaqtaarissi pituqanngurnianngittunik, piksaqtaarlusilu qilangmi nungunnianngittunik, tigliktinut pijaujunnanngittunik, qupirrunullu qallunaaqtanik nirisuunut sukkutaunianngittunik. 34Uummatitsigu pinnarijassinnik piqutiqarvigijasi najuinnaujarniarassiuk.”
Pijit Qaujisatsiaqtut
35“Upalungaiqsimagissi sunalimaamut annuraaqsimalusi naniruasilu ikumalutik. 36Pijititut angajuqqaamingnik utaqqijutitut katititaujuni nirivigjuariaqtuqsimalaurluni angirraminut utirniaqtumik, utiqpat tigluktuqpat pijit matuirujjituinnarniaqput taassuminga. 37Saimaqtitausimajumik inuusiqaqpuq pijit angajuqqaamingnut tikitaujut iqqumatsiaqtillugit upalungaiqsimalutiglu; sulijumik uqautivassi, angajuqqaanga saalisarmik atisiniaqpuq, taakkua ingiqulugit nirivingmi, niriniaqtanginnik pijitsirarniaqpait. 38Saimaqtitausimajumik inuusiqaqpuq pijit tikitaujut upalungaiqsimatillugit, unnuap qitilluangani, uvvalu ullaannguqpallialiqtillugu. 39Una qaujimasiuk, inuk igluqaqtuq qaujimaguni qanga tiglikti qainiarmangaat qaujisarajaqpuq igluminut itiqunagu. 40Ilissittauq upalungaiqsimajariaqaqpusi; Inuup Irninga tikittumaarmat ikarrami niriugviginngitassinni.”
Piji Kajusitsiaqtuq Uvvalu Kajusitsianngittuq
Maatiusi 24:45-51
41Piitturuusiup uqautivaa, “Ataniq, ajjiujumik taassuminga uvagutuaq uqautivitigut? Uvvalu asivuttauq uqautiqasiutivigit?”
42Ataniup kiuvaa, “Kinali taima kajusitsiaqtuulluni silatullunilu pijiuva? Taimaittuq angajuqqaangata aulatsijinnguqtinniaqpaa pijiqutiminut, taassuma niritiqattarniaqpait niriviksangat nalliutijaraangat. 43Saimaqtitausimajumik inuusiqaqpuq piji taimailiuqtuq angajuqqaangata tikippagu taimailiuqtillugu. 44Sulijumik uqautivassi, angajuqqaangata aulatsijinnguqtinniaqpaa piqutilimaaminut. 45Piji isumaliqpat, ‘Angajuqqaara utirnasaalualirmat,’ pijiujut angutit arnaillu aanniqsikataliqpait, niriluni imilirlunilu aangajaakattaliqpuq, 46tavva angajuqqaanga tikinniaqpuq niriugviginngitangani ikarrami qaujimanngitangani, angajuqqaangata sugiarumaaqpaa, kajusitsianngittunut ilaliutilugu.
47“Piji angajuqqaami piqujanganik qaujimajuq, upalungaijaranilu pinialaunngittuq piqujanganik, sugiaqtaujumaaqpuq nikagijaunngilluni tiigaqtuqtaujumaaqpuq. 48Pijili qaujimanngittuq angajuqqaami piqujanganik, tiigaqtuqtaujjutiksamik pilauraluarluni mikijumik tiigaqtuqtaujumaaqpuq. Amisunik tunisiviujuq amisuniktauq pijumaviujumaaqpuq; suli anginiqsakannirnik tunisiviujuq suli anginiqsakannirnik pijumaviujumaaqpuq.”
Jiisusi Ilagiigunniiruqtauvuq
Maatiusi 10:34-36
49“Tikilauqpunga nunarjuarmi ikuallaktitsijaqturlunga; qilanaammarikpungali maannakkut ikuallaquliqtlugu! 50Paaptijjutimut paaptitaujariaqaqpunga suli; akuniuksaqpunga tamanna anigulauliqullugu. 51Isumavisi nunarjuarmi qanuingitsiaqtitsinirmik tikijutiqaqsimanasugilusinnga? Taimainngilaq ilagiigunniiqtitsijaqtuqpungali. 52Maannamit pigiarlugu ilagiit tallimat iglumiuqatigiit avingniaqput akiraqtuqtigiilirlutik, pingasut akiraqtulirlutik marruungnut, marruuglu akiraqtulirlutik pingasunut. 53Ataatangat akiraqturniaqpuq irnirminik, irningalu akiraqturniaqpuq ataataminut, anaanangallu akiraqturniaqpuq paningminik, paningalu akiraqturniaqpuq anaanaminik, sakingalu akiraqturniaqpuq ukuaminik, ukuangalu akiraturniaqpuq sakiminik.”
Pivallialiqtunik Tukisiumaniq
Maatiusi 16:2-3
54Inugiaktut uqautivait, “Siqiniup nipiviani nuvujamik saqqittumik takujaraigassi, tavvainnaq uqaqpakpusi, ‘Silalungnialirivuq’ asuilaak taimaippakpuq. 55Ullulluap nalaanit anuraaliraingmat uqaqpakpusi, ‘Kijjilirnialiqpuq’ asuilaak taimaippakpuq. 56Takkurmuuqtusi! Nunarjuap silaullu qanuinniarninga qaujimavakpasi takuksauningagut; sungmat maannauliqtuq qanuittuqalirmangaat qaujimajunnanngilasi?”
Akiraqtuqtit Saimmaqsaruk
Maatiusi 5:25-26
57“Qanuimmat iqqaqtuinisi naammatiarlugu pinasuarunnanngilasi? 58Iqqaqtugaksannguqtitauguvit iqqaqtuivingmuuqtaulirlutit, taanna inuk iqqaqtuivingmuuqtitsijuq saimmaqsaruk iqqaqtuivingmuulaunnginnissingni, saimmaqsanngikkuviuk iqqaqtuijimuuqtinniaqpaatit, iqqaqtuijiullu puliisimuuqtinniaqpaatit, puliisiullu tigujausimavingmuuqtillunitit. 59Uqautivagit, tavvaniititauniaqputit akiliksalimaatit akililauqqaaqtinnagit, aglaat 1-sansikuluk kingulliqpaaq akiliqasiutilugu tigujausimajjutigijait.”
Tällä hetkellä valittuna:
Luukasiup Aglangit 12: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Luukasiup Aglangit 12
12
Jiisusiup Takkurmuurnirmik Qaujimanasuqujininga
Maatiusi 10:26-27
1Inuit 1,000 ungataaniittut kativalliatillugit, aglaat immingnut tulliraqattautilirlutik unuluamut, Jiisusiup ilinniaqtini sivulliullugit uqautivait, “Qaujisarissi Paarisit puvallaqqutinganik, tamanna takkurmuurniungmat. 2Ijiqsimajut tamarmik saqqitaujumaarmata, anngiarijaujullu tamarmik qaujijaujumaaqput. 3Taimaimmat taaqtumi uqausirilauqtasi qaumajumi uqausiujumaaqput, iglumilu matusimajumi nipikittuullusi uqausirilauqtasi igluup qaanginni qaigalaarutaujumaaqput.”
Kinamik Sivuurajuksaungmangaatta
Maatiusi 10:28-31
4“Ilannarijakka uqautivassi, sivuuraginiarnagit timimik tuqutsijunnaqtut, kinguningagut pijunnarniqanngilat qanuilisikkanniriamik. 5Uqautijumavassi sivuuragijariaqaqtassinnik: taanna sivuuragisiuk, tuqutsijariiruni, pijunnarniqarmijuq kappianaqtuvingmut igitsinirmik; ilaak, uqautivassi taanna sivuuragisiuk!
6“Qupanuat tallimat kiinaujakuluungnut marruungnut niuvianguvanngilat? Aglaat qupanuaq atausiq Guutimut puiguqtausimanngilaq. 7Aglaat niaqussinni nujalimaasi naasaqtausimavut. Taimaimmat sivuuraniarasi; qupanuanit unuqtunit pillariuniqsaugassi!”
Jiisusimik Uqausiqarniq Qujanaaqsinirlu
Maatiusi 10:32-33; 12:32; 10:19-20
8“Uqautivassi, nalliat inungnut uvannik uqausilik taimaalluaq Inuup Irningata uqausirijumaarivaa Guutiup aingilinginnut; 9nallialli inungnut uvannik qaujimannginniraqtuq, taimaaktauq Inuup Irningata qaujimannginnirarumaarivaa Guutiup aingilinginnut.
10“Nalliat Inuup Irninganik akiraqturluni nilliajjutilik isumagijunnairviujumaaqpuq; nallialli Anirnirmik Ijjurnaittumik piunngittumik uqarnirluutilik isumagijunnairviunianngilaq.
11“Juutit ukpirnirmut katimavingannut aataugussi iqqaqtuqtauniarlusi aulatsijinut angajuqqaarjuanullu, isumajaarniarasi qanuq kiggusiksaqarniarmangaassi uvvalu qanuq uqarniarmangaassi; 12Anirniup Ijjurnaittuup ajuriqturniarmasi tavvani ikarrami uqausirijariaqaqtassinnik.”
Ajuqsanngittuulluni Silairuqtuningata Ajjiutitauninga
13Inuk uqaqpuq inugiaktunit Jiisusimut, “Ajuriqtuiji, qatanngutiga uqautilauruk aviqatiqaqullugu ataatama qimaktanginnik uvattinnut.”
14Jiisusiup kiuvaa, “Inuuk, kia iqqaqtuijunnaqtimmanga, uvvalu agguijiuqujauvunga? Piniaqtassinnik ataatavit qimaktanginni?” 15Inulimaanut uqarivuq, “Qaujisarissi, kamatsiarlusi pitaarumaluarnirmik; inuup inuusinga makitatitaunngimmat amisunik piqutiqarnirminut.”
16Jiisusiup uqautivait ajjiujumik, uqarluni, “Ajuqsanngittuup piruqsiiviqutinga piruviulauqpuq unuqtunik. 17Taanna isumaliqpuq, ‘Qanurli pinialiqtungaa? Piruqtut niqiksait iniksaqarunniirmata.’ 18Uqalirluni, ‘Niqiksakkuvikka igluit piijarniaqpakka; anginiqsanik sanalunga; niaquujaksaqutikka piqutikkalu iniqaliqullugit. 19Tarniralu uqautilugu, tarniik, arraagunik amisunik piujunik piksaqaliqputit; pinasuarunniirit nirilutit imilirit, quviasuglutillu.’ 20Guutiulli uqautivaa, ‘Silaittutit! Maanna unnuk inuujunniirniaqputit; kiali taima katiqsulauqtatit pinialiqpait?’
21“Taimainnivuqtauq imminut piksaminik katiqsuijuq, aktlujutitut takunnaaqtauvut Guutimut.”
Guutimik Tatiqarniq
Maatiusi 6:25-34
22Ilinniaqtini uqautivait, “Taimaimmat uqautivassi, isumajaarutikaqunasi inuujjutiginiaqtassinnik, sunamik niriniarmangaassi, timisilu aturniaqtanginnik sunamik annuraaqarniarmangaassi. 23Inuusiq isumagittiariaqarniqsauvuq niqiksamit, timilu isumagittiariaqarniqsaugivuq annuraaksamit. 24Tulugait takulauqsiuk; piruqsiaksanik kanngaqsuivanngittut piruqtuniglu katiqsuivagatik, sirluaqanngittut iglumigluunniit niqikkuviqanngittut, taimaikkaluaqtillugit Guutiup niritiqattaqpait. Ilissi tingmianit pillariuniqsammariuvusi. 25Nallisi inuusirminik uigusijunnaqpaa#12:25 Uvvaluunniit “Angilikkannirunnaqpa?” isumajaarutigilugu? 26Taimaak mikitigijumik ajurussi, sungmat asingit isumajaarutigivisiuk? 27Piruqtut nunarait qanuq pirurmangaata takulauqsiuk; sanajunnanngittut annuraaksaliuqpagatiglu immingnik; kisiani uqautivassi, Suulumuuni aglaat ajuqsanngittualuulluni annuraaqsimavalaunngilaq piruqsiat takuminarningititut. 28Guutiup nunami iviksugait annuraaqtippait maanna ullumi piruqtut, qaukpallu piijaqtaulutik igitauniarmijut igamut, taassumali annuraaksaqaqtittunarivaasi nalunanngilaq, ilissi ukpirnikittusi!
29“Taimaimmat isumajaarniarasi sunamik niqiksaqarniarmangaassi imiksaqarniarmangaatsiluunniit. 30Silarjuarmiut taimanngat taimaittunik pinasuaqput; Ataatasi qaujimavaasi tamakkuninga pijariaqarassi. 31Imaagli pijuksauvusi, taassuma Ataniuvinga pinasuangaaqsiuk, tavva tamakkuninga tamainnik tunisiviginiaqpaasi.”
Qilangmi Piksaqarniq
Maatiusi 6:19-21
32“Sivuuranngillusi, ununngikkaluaqtusi, Ataatasi quviasugluni tunisivigijumangmasi Ataniuvingminik. 33Piqutisi niurrutigisiuk, kiinaujait tunilugit ajuqsaqtunut; puuksaqtaarissi pituqanngurnianngittunik, piksaqtaarlusilu qilangmi nungunnianngittunik, tigliktinut pijaujunnanngittunik, qupirrunullu qallunaaqtanik nirisuunut sukkutaunianngittunik. 34Uummatitsigu pinnarijassinnik piqutiqarvigijasi najuinnaujarniarassiuk.”
Pijit Qaujisatsiaqtut
35“Upalungaiqsimagissi sunalimaamut annuraaqsimalusi naniruasilu ikumalutik. 36Pijititut angajuqqaamingnik utaqqijutitut katititaujuni nirivigjuariaqtuqsimalaurluni angirraminut utirniaqtumik, utiqpat tigluktuqpat pijit matuirujjituinnarniaqput taassuminga. 37Saimaqtitausimajumik inuusiqaqpuq pijit angajuqqaamingnut tikitaujut iqqumatsiaqtillugit upalungaiqsimalutiglu; sulijumik uqautivassi, angajuqqaanga saalisarmik atisiniaqpuq, taakkua ingiqulugit nirivingmi, niriniaqtanginnik pijitsirarniaqpait. 38Saimaqtitausimajumik inuusiqaqpuq pijit tikitaujut upalungaiqsimatillugit, unnuap qitilluangani, uvvalu ullaannguqpallialiqtillugu. 39Una qaujimasiuk, inuk igluqaqtuq qaujimaguni qanga tiglikti qainiarmangaat qaujisarajaqpuq igluminut itiqunagu. 40Ilissittauq upalungaiqsimajariaqaqpusi; Inuup Irninga tikittumaarmat ikarrami niriugviginngitassinni.”
Piji Kajusitsiaqtuq Uvvalu Kajusitsianngittuq
Maatiusi 24:45-51
41Piitturuusiup uqautivaa, “Ataniq, ajjiujumik taassuminga uvagutuaq uqautivitigut? Uvvalu asivuttauq uqautiqasiutivigit?”
42Ataniup kiuvaa, “Kinali taima kajusitsiaqtuulluni silatullunilu pijiuva? Taimaittuq angajuqqaangata aulatsijinnguqtinniaqpaa pijiqutiminut, taassuma niritiqattarniaqpait niriviksangat nalliutijaraangat. 43Saimaqtitausimajumik inuusiqaqpuq piji taimailiuqtuq angajuqqaangata tikippagu taimailiuqtillugu. 44Sulijumik uqautivassi, angajuqqaangata aulatsijinnguqtinniaqpaa piqutilimaaminut. 45Piji isumaliqpat, ‘Angajuqqaara utirnasaalualirmat,’ pijiujut angutit arnaillu aanniqsikataliqpait, niriluni imilirlunilu aangajaakattaliqpuq, 46tavva angajuqqaanga tikinniaqpuq niriugviginngitangani ikarrami qaujimanngitangani, angajuqqaangata sugiarumaaqpaa, kajusitsianngittunut ilaliutilugu.
47“Piji angajuqqaami piqujanganik qaujimajuq, upalungaijaranilu pinialaunngittuq piqujanganik, sugiaqtaujumaaqpuq nikagijaunngilluni tiigaqtuqtaujumaaqpuq. 48Pijili qaujimanngittuq angajuqqaami piqujanganik, tiigaqtuqtaujjutiksamik pilauraluarluni mikijumik tiigaqtuqtaujumaaqpuq. Amisunik tunisiviujuq amisuniktauq pijumaviujumaaqpuq; suli anginiqsakannirnik tunisiviujuq suli anginiqsakannirnik pijumaviujumaaqpuq.”
Jiisusi Ilagiigunniiruqtauvuq
Maatiusi 10:34-36
49“Tikilauqpunga nunarjuarmi ikuallaktitsijaqturlunga; qilanaammarikpungali maannakkut ikuallaquliqtlugu! 50Paaptijjutimut paaptitaujariaqaqpunga suli; akuniuksaqpunga tamanna anigulauliqullugu. 51Isumavisi nunarjuarmi qanuingitsiaqtitsinirmik tikijutiqaqsimanasugilusinnga? Taimainngilaq ilagiigunniiqtitsijaqtuqpungali. 52Maannamit pigiarlugu ilagiit tallimat iglumiuqatigiit avingniaqput akiraqtuqtigiilirlutik, pingasut akiraqtulirlutik marruungnut, marruuglu akiraqtulirlutik pingasunut. 53Ataatangat akiraqturniaqpuq irnirminik, irningalu akiraqturniaqpuq ataataminut, anaanangallu akiraqturniaqpuq paningminik, paningalu akiraqturniaqpuq anaanaminik, sakingalu akiraqturniaqpuq ukuaminik, ukuangalu akiraturniaqpuq sakiminik.”
Pivallialiqtunik Tukisiumaniq
Maatiusi 16:2-3
54Inugiaktut uqautivait, “Siqiniup nipiviani nuvujamik saqqittumik takujaraigassi, tavvainnaq uqaqpakpusi, ‘Silalungnialirivuq’ asuilaak taimaippakpuq. 55Ullulluap nalaanit anuraaliraingmat uqaqpakpusi, ‘Kijjilirnialiqpuq’ asuilaak taimaippakpuq. 56Takkurmuuqtusi! Nunarjuap silaullu qanuinniarninga qaujimavakpasi takuksauningagut; sungmat maannauliqtuq qanuittuqalirmangaat qaujimajunnanngilasi?”
Akiraqtuqtit Saimmaqsaruk
Maatiusi 5:25-26
57“Qanuimmat iqqaqtuinisi naammatiarlugu pinasuarunnanngilasi? 58Iqqaqtugaksannguqtitauguvit iqqaqtuivingmuuqtaulirlutit, taanna inuk iqqaqtuivingmuuqtitsijuq saimmaqsaruk iqqaqtuivingmuulaunnginnissingni, saimmaqsanngikkuviuk iqqaqtuijimuuqtinniaqpaatit, iqqaqtuijiullu puliisimuuqtinniaqpaatit, puliisiullu tigujausimavingmuuqtillunitit. 59Uqautivagit, tavvaniititauniaqputit akiliksalimaatit akililauqqaaqtinnagit, aglaat 1-sansikuluk kingulliqpaaq akiliqasiutilugu tigujausimajjutigijait.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.