Maakusiup Aglangit 1
1
Juanasi Paaptitirijiup Ajuriqtuininga
Maatiusi 3:1-12; Luukasi 3:1-18; Juanasi 1:19-28
1Uqausit tusaruminaqtut pigiarniqaqput Jiisusi Christuusimik, Guutiup Irninganik. 2Suurlu nalauttaiji Aisaiasi titiraqsimangmat:
“Takugit, uqariaqtuqtitara sivunirni tilivara,
Aqqutiksarnik aaqqiksuiqullugu.
3Taanna nipiqquqtuluni uqallagumaaqpuq inuqanngittumi;
Ataniup aqqutiksanga aaqqiksuqsiuk,
Ingirraviginiaqtanga aqqut tukiliaqsitillugu.”
4Juanasi Paaptitiriji saqqilauqpuq inuqanngittumi, ajuriqtuilluni paaptitsivaglunilu qaqialiqullugit ajurnit isumagijunnaiqtauqullugit. 5Inuit amisut nunamit Juutiamit, Jiruusalimmillu tusaajaqtuqput Juanasimik; ajurnirminik qaqialirmata, Juanasiup paaptippait kuungmi Juartanimi.
6Juanasi annuraaqalauqpuq kaamiliup miqqunganik annuraaliarisimajumik, amirmiglu qitirusiqsimalluni, niqiqarlunilu pigliqtaujaaqtunik iguttaillu siirnautinginnik hanimik.#1:6 Iguttait mamaqtunginnik 7Inungnut ajuriqtuivuq, uqarluni: “Angut kinguninni tikinniaqtuq uvannit ajunginniqsarjuanguvuq, naluqqutivungalu ukulunga itigagutingitta qilaksimautinginnik piiqsijariamik.#1:7 Itigagutinginnik singiijjaaqsijariaksaq 8Imirmut paaptippassi; taassumali paaptittumaaqpaasi Anirnirmut Ijjurnaittumut.”
Jiisusiup Paaptitauninga Uukturluktauningalu
Maatiusi 3:13—4:11; Luukasi 3:21-22; 4:1-13
9Tamatuma kinguningagut Jiisusi Naasariitiminngaaqpuq Galiliamit, Juanasimullu paaptitauvuq kuungmi Juartanimi. 10Jiisusi imaanit qakingmat, qilangmi angmaqtumik#1:10 Ukkuiqtumik takuvuq Guutiup Anirninga aqqaqtuq tingmiatitut tuuvititut taassumunngarluni. 11Nipimik qilangmit tusaqsaujuqaqpuq, “Irnirivagit nagligijara; quviasuutigitsiaqpagit.”
12Anirniup tavvainnaq aullarutivaa inuqanngittumut. 13Inuqanngittumiilauqpuq ullunik 40-nik, Saataanasimut piunngittumut pijumisaaqtaulluni; nirjutillu nujuaqtut tamaaniilaurivut; aingililli upakpaat ikajurlugu.
Jiisusiup Qaiqujininga Iqalugasuktinik Sitamanik
Maatiusi 4:12-22; Luukasi 4:14-15; 5:1-11
14Juanasiup tigujauningata kingurngani, Jiisusi Galiliamuaqpuq, uqausirnik tusaruminaqtunik Guutimik ajuriqtuijutiqarluni. 15Uqarluni, “Maanna nalliutivuq, Guutiup Ataniuvinga qaglivuq; qaqialirissi, uqausit tusaruminaqtut ukpirisigit.”
16Jiisusi pisugluni Galiliap tasingata sinaagut, iqalugasuktiingnik marruungnik takugami, Saimuunimik Aanturuumiglu nukariingnik imaani nuluarniaqtuungnik. 17Jiisusi taakkungnunga uqaqpuq, “Maliksinnga ajuriqtuutiniarassik qanuq iqalugasuktuksaungmangaassik inungnik.” 18Tavvainnaq nuluamingnik qimaillutik Jiisusimik maliksaqpuuk.
19Tauvungakkanniq pisukkami, takugivuq nukariingnik, Jaimisimik Juanasimiglu Sipitiup irningingnik, taakkuak umiaminiippuuk nuluamingnik aliksimaniijaillutik. 20Takugamigik qaiquvaak; ataatamingnik Sipitimik qimaillutik umiamut ilatuaqaliqtillugu pinasuktiqutiminik, Jiisusimik maliliqpuuk.
Angutiup Anirnirlungmik Ilummiqtausimajuup Aaqqiktauninga
Luukasi 4:31-37
21Kapiirniamut tikipput; Sapatiulirmat Juutit ukpirnirmut katimavinganuaqpuq ajuriqtuilirluni. 22Tusaajut kamaniaqput ajuriqtuininganik, piqujanik ilisaijititut ajuriqtuinngimmat; ajuriqtuingmalli pijunnaqsititausimajutitut.
23Ajuriqtuitillugu itiqtuqaqpuq katimavigijangannut angummik anirnirlungmut ilummiqtausimajumik; 24Qaigalaaliqpuq, “Uvattinnik qanuiliuriaqtuqpit Jiisusi Naasariitimiuq? Uvattinnik asiruijaqtuqpit? Qaujimavunga kinaungmangaaqpit; Guutiup Ijjurnaittuqutigivaatit.”
25Jiisusiup anirnirluk iniqtiqpaak, uqarluni, “Nipiqanngilaurit, inungmit tavvanngat anigit!”
26Anirnirluup, inuk aulatimmariliqpaa nilliajualuulluni, taassumangat anivuq. 27Inulimaat kamaniammarikput, immingnut uqaqatigiilirlutik, “Qanuitturnguna? Nutaamik ajuriqtusiqtaqaliriva? Pijunnarnikkut aniqujivuq anirnirlungmik, naalaktaullunilu.”
28Tavvainnaq Jiisusiup piniarninga akuniunngittuq tusaumajauliqpuq Galiliap qanigijalimaangani.
Jiisusiup Aaqqiksininga Inungnik Amisunik
Maatiusi 8:14-17; Luukasi 4:38-41
29Jaimisi Juanasilu ilagillugik Juutit ukpirnirmut katimavinganit anivut, Saimuuniup Aanturuullu angirranganut aillutik. 30Tavvungarmata uqaujjauvuq Saimuuniup sakinga arnaq qanimangmat iglirmi nalalluni, uutirnaqtumik qanimalluni. 31Jiisusiup upaglugu aggangitigut tigullugu ingitippaa, uutirnaqtumut qimaktauvuq; taassuma niritiliqpait.
32Siqiniq nipingmat, unnuktillugu, qanimajut tamarmik, anirnirlungnullu ilummittausimajut Jiisusimuarutivait. 33Iglugasangmiut inulimaangit igluup silataani katinngaliqput. 34Qanutuinnaq qanimmasilit amisut aaqqikpait, anirnirlungnullu itirviusimajut amisut anititsivigivait; anirnirluit uqarviqaqtinngilait, qaujimangmata kinaungmangaat.
Jiisusiup Ajuriqtuininga Galiliami
Luukasi 4:42-44
35Ullaammarikkut qaummalauqtinnagu suli, Jiisusi makippuq anilluni iglumit inuqanngittumuaqpuq inutuulluni, tavvani tuksiaqpuq. 36Saimuuni ilagijangillu iglumit anigivut qinilirlutik Jiisusimik, 37nanigamijjuk uqautivaat, “Inulimaanut qiniqtauliqputit.”
38Jiisusiup uqautivait, “Nunalingnut asinginnuaqtuksaulirivugut, ajuriqturiaqarmigakkit; tamanna pijjutigillugu tamaunngaqsimagama.”
39Taimaimmat ingirralauqpuq Galiliamiittulimaanut nunalingnut, Juutit ukpirnirmut katimavinginni ajuriqtuivagluni, anirnirlungmit itiqtausimajut inuit anititsivigivait.
Jiisusiup Angummik Aaqqiksininga
Maatiusi 8:1-4; Luukasi 5:12-16
40Angut sivuuragijaujumik paqtiqtuq Jiisusimuaqpuq, saanganut siiqqurluni Jiisusimut ikajuqtaujumalluni uqaqpuq, “Pijumaguvit, paqtirunniiqtittunnaqparma.”
41Jiisusiup nalligiliqpaa, isaglugu akturluniuk, uqautivaa, “Pijumavunga, paqtirunniirit.” 42Tavvainnaq angut sivuuragijaujumik paqtirunniiqpuq. 43Jiisusiup qimaruutiqulauraniuk iniqtillariglugu uqautivaa, 44“Tamanna kinatuinnarmut uqausirittailiguk; tuksiarvigjuamili tunirrusiqtitsijimut ailirit, taassumunga qaujisaqtauniaravit; inulimaanut qaujijauqullutit aaqqiktautsiarnirnik, Muusisiup tunijauqujanganik tunirrusirniaqputit.”
45Angut qimaruutigami uqaqtailimangitsiarluni uqaqattaqpuq, uqaluarninganut Jiisusi saqqijaatsiarluni nunalingnuarunnaillivuq, inuqanngittumi kisiani iniqarunnaliqpuq; inuit Jiisusimuaqput nakituinnaaqsimajut.
Tällä hetkellä valittuna:
Maakusiup Aglangit 1: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 1
1
Juanasi Paaptitirijiup Ajuriqtuininga
Maatiusi 3:1-12; Luukasi 3:1-18; Juanasi 1:19-28
1Uqausit tusaruminaqtut pigiarniqaqput Jiisusi Christuusimik, Guutiup Irninganik. 2Suurlu nalauttaiji Aisaiasi titiraqsimangmat:
“Takugit, uqariaqtuqtitara sivunirni tilivara,
Aqqutiksarnik aaqqiksuiqullugu.
3Taanna nipiqquqtuluni uqallagumaaqpuq inuqanngittumi;
Ataniup aqqutiksanga aaqqiksuqsiuk,
Ingirraviginiaqtanga aqqut tukiliaqsitillugu.”
4Juanasi Paaptitiriji saqqilauqpuq inuqanngittumi, ajuriqtuilluni paaptitsivaglunilu qaqialiqullugit ajurnit isumagijunnaiqtauqullugit. 5Inuit amisut nunamit Juutiamit, Jiruusalimmillu tusaajaqtuqput Juanasimik; ajurnirminik qaqialirmata, Juanasiup paaptippait kuungmi Juartanimi.
6Juanasi annuraaqalauqpuq kaamiliup miqqunganik annuraaliarisimajumik, amirmiglu qitirusiqsimalluni, niqiqarlunilu pigliqtaujaaqtunik iguttaillu siirnautinginnik hanimik.#1:6 Iguttait mamaqtunginnik 7Inungnut ajuriqtuivuq, uqarluni: “Angut kinguninni tikinniaqtuq uvannit ajunginniqsarjuanguvuq, naluqqutivungalu ukulunga itigagutingitta qilaksimautinginnik piiqsijariamik.#1:7 Itigagutinginnik singiijjaaqsijariaksaq 8Imirmut paaptippassi; taassumali paaptittumaaqpaasi Anirnirmut Ijjurnaittumut.”
Jiisusiup Paaptitauninga Uukturluktauningalu
Maatiusi 3:13—4:11; Luukasi 3:21-22; 4:1-13
9Tamatuma kinguningagut Jiisusi Naasariitiminngaaqpuq Galiliamit, Juanasimullu paaptitauvuq kuungmi Juartanimi. 10Jiisusi imaanit qakingmat, qilangmi angmaqtumik#1:10 Ukkuiqtumik takuvuq Guutiup Anirninga aqqaqtuq tingmiatitut tuuvititut taassumunngarluni. 11Nipimik qilangmit tusaqsaujuqaqpuq, “Irnirivagit nagligijara; quviasuutigitsiaqpagit.”
12Anirniup tavvainnaq aullarutivaa inuqanngittumut. 13Inuqanngittumiilauqpuq ullunik 40-nik, Saataanasimut piunngittumut pijumisaaqtaulluni; nirjutillu nujuaqtut tamaaniilaurivut; aingililli upakpaat ikajurlugu.
Jiisusiup Qaiqujininga Iqalugasuktinik Sitamanik
Maatiusi 4:12-22; Luukasi 4:14-15; 5:1-11
14Juanasiup tigujauningata kingurngani, Jiisusi Galiliamuaqpuq, uqausirnik tusaruminaqtunik Guutimik ajuriqtuijutiqarluni. 15Uqarluni, “Maanna nalliutivuq, Guutiup Ataniuvinga qaglivuq; qaqialirissi, uqausit tusaruminaqtut ukpirisigit.”
16Jiisusi pisugluni Galiliap tasingata sinaagut, iqalugasuktiingnik marruungnik takugami, Saimuunimik Aanturuumiglu nukariingnik imaani nuluarniaqtuungnik. 17Jiisusi taakkungnunga uqaqpuq, “Maliksinnga ajuriqtuutiniarassik qanuq iqalugasuktuksaungmangaassik inungnik.” 18Tavvainnaq nuluamingnik qimaillutik Jiisusimik maliksaqpuuk.
19Tauvungakkanniq pisukkami, takugivuq nukariingnik, Jaimisimik Juanasimiglu Sipitiup irningingnik, taakkuak umiaminiippuuk nuluamingnik aliksimaniijaillutik. 20Takugamigik qaiquvaak; ataatamingnik Sipitimik qimaillutik umiamut ilatuaqaliqtillugu pinasuktiqutiminik, Jiisusimik maliliqpuuk.
Angutiup Anirnirlungmik Ilummiqtausimajuup Aaqqiktauninga
Luukasi 4:31-37
21Kapiirniamut tikipput; Sapatiulirmat Juutit ukpirnirmut katimavinganuaqpuq ajuriqtuilirluni. 22Tusaajut kamaniaqput ajuriqtuininganik, piqujanik ilisaijititut ajuriqtuinngimmat; ajuriqtuingmalli pijunnaqsititausimajutitut.
23Ajuriqtuitillugu itiqtuqaqpuq katimavigijangannut angummik anirnirlungmut ilummiqtausimajumik; 24Qaigalaaliqpuq, “Uvattinnik qanuiliuriaqtuqpit Jiisusi Naasariitimiuq? Uvattinnik asiruijaqtuqpit? Qaujimavunga kinaungmangaaqpit; Guutiup Ijjurnaittuqutigivaatit.”
25Jiisusiup anirnirluk iniqtiqpaak, uqarluni, “Nipiqanngilaurit, inungmit tavvanngat anigit!”
26Anirnirluup, inuk aulatimmariliqpaa nilliajualuulluni, taassumangat anivuq. 27Inulimaat kamaniammarikput, immingnut uqaqatigiilirlutik, “Qanuitturnguna? Nutaamik ajuriqtusiqtaqaliriva? Pijunnarnikkut aniqujivuq anirnirlungmik, naalaktaullunilu.”
28Tavvainnaq Jiisusiup piniarninga akuniunngittuq tusaumajauliqpuq Galiliap qanigijalimaangani.
Jiisusiup Aaqqiksininga Inungnik Amisunik
Maatiusi 8:14-17; Luukasi 4:38-41
29Jaimisi Juanasilu ilagillugik Juutit ukpirnirmut katimavinganit anivut, Saimuuniup Aanturuullu angirranganut aillutik. 30Tavvungarmata uqaujjauvuq Saimuuniup sakinga arnaq qanimangmat iglirmi nalalluni, uutirnaqtumik qanimalluni. 31Jiisusiup upaglugu aggangitigut tigullugu ingitippaa, uutirnaqtumut qimaktauvuq; taassuma niritiliqpait.
32Siqiniq nipingmat, unnuktillugu, qanimajut tamarmik, anirnirlungnullu ilummittausimajut Jiisusimuarutivait. 33Iglugasangmiut inulimaangit igluup silataani katinngaliqput. 34Qanutuinnaq qanimmasilit amisut aaqqikpait, anirnirlungnullu itirviusimajut amisut anititsivigivait; anirnirluit uqarviqaqtinngilait, qaujimangmata kinaungmangaat.
Jiisusiup Ajuriqtuininga Galiliami
Luukasi 4:42-44
35Ullaammarikkut qaummalauqtinnagu suli, Jiisusi makippuq anilluni iglumit inuqanngittumuaqpuq inutuulluni, tavvani tuksiaqpuq. 36Saimuuni ilagijangillu iglumit anigivut qinilirlutik Jiisusimik, 37nanigamijjuk uqautivaat, “Inulimaanut qiniqtauliqputit.”
38Jiisusiup uqautivait, “Nunalingnut asinginnuaqtuksaulirivugut, ajuriqturiaqarmigakkit; tamanna pijjutigillugu tamaunngaqsimagama.”
39Taimaimmat ingirralauqpuq Galiliamiittulimaanut nunalingnut, Juutit ukpirnirmut katimavinginni ajuriqtuivagluni, anirnirlungmit itiqtausimajut inuit anititsivigivait.
Jiisusiup Angummik Aaqqiksininga
Maatiusi 8:1-4; Luukasi 5:12-16
40Angut sivuuragijaujumik paqtiqtuq Jiisusimuaqpuq, saanganut siiqqurluni Jiisusimut ikajuqtaujumalluni uqaqpuq, “Pijumaguvit, paqtirunniiqtittunnaqparma.”
41Jiisusiup nalligiliqpaa, isaglugu akturluniuk, uqautivaa, “Pijumavunga, paqtirunniirit.” 42Tavvainnaq angut sivuuragijaujumik paqtirunniiqpuq. 43Jiisusiup qimaruutiqulauraniuk iniqtillariglugu uqautivaa, 44“Tamanna kinatuinnarmut uqausirittailiguk; tuksiarvigjuamili tunirrusiqtitsijimut ailirit, taassumunga qaujisaqtauniaravit; inulimaanut qaujijauqullutit aaqqiktautsiarnirnik, Muusisiup tunijauqujanganik tunirrusirniaqputit.”
45Angut qimaruutigami uqaqtailimangitsiarluni uqaqattaqpuq, uqaluarninganut Jiisusi saqqijaatsiarluni nunalingnuarunnaillivuq, inuqanngittumi kisiani iniqarunnaliqpuq; inuit Jiisusimuaqput nakituinnaaqsimajut.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.