Maakusiup Aglangit 8
8
Jiisusiup Nirititsininga Inungnik 4,000-nik
Maatiusi 15:32-39
1Ulluni taikkunani, inugasagjuat katimalirivut, taakkua nirijaksaqanngimmata, ilinniaqtini qaiquvait uqautillugit, 2“Ukua inugasagjuat ilatsugivakka, uvattinniilirmata ullunik pingasunik, niqiksaqaratik; 3angirraqugukkit sunamik niritinnagit, angirraulirlutik nukiirutiniaqput; ilangit ungasiktumit pisimangmata.”
4Ilinniaqtingita kiuvaat, “Qanuq tamaani sunaqajuittumit ukua inugasait nirijaksaqtaarajaqpaat?”
5Jiisusiup apirivait, “Qatsinik niaquujaqaqpisi?”
Taakkua uqaqput, “7-nik.”
6Jiisusiup inugasagjuat nunamut ingiquvait; niaquujait 7 tiguvait, qujalijariiramilu aviglugit ilinniaqtiminut tunivait inugasagjuanut tuniuqqaiqullugit; tavva ilinniaqtingit taimailiuqput. 7Iqalukulungniktauq ununngittunik pitaqarivut; qujalijjutigijariiramigit, ilinniaqtini inungnut tuniuqqaiqugivait. 8Nirivut, naammaksillutik; iviujaniglu 7-nik tataivut taakkua amiakkunginnik agguqsimajunik. 9Inugasagjuat unurniqalauqput 4,000 qanigijaani. 10Jiisusiup inuit aullaquliqpait; tavvainnarlu umiamut ikivuq ilinniaqtini ilagillugit, Taalmanuutaup qanigijaanuaqput.
Paarisit Kamanaqtuliqujiningat Jiisusimik
Maatiusi 16:1-4
11Paarisit ilangit Jiisusimuaqput uqaqatigillugu uuktuqpaat, qilangmit nalunaikkutarmik kamanaqtumik saqqititsiqullugu. 12Jiisusili angijumik aniqsaumilluni uqautivait, “Sungmat ullumiuliqtuq inuit kamanaqtuliqujivaat? Sulijumik uqautivassi, nalunaikkutarmik ullumiujuq inuit tunisiviunianngilat.”
13Qimakpait tavva, umiamut ikigivuq tasiup akianualirluni.
Paarisit Iruutasiullu Puvallaqqutingit
Maatiusi 16:5-12
14Ilinniaqtingit niaquujaggiriaksaq puiguqtuviniungmata; atausirmik niaquujamik pisimagaluaqput tavvani umiami. 15Qaujimanasuaqullugit uqautivait, “Kamatsiarissi, ujjiqsurlusi Paarisit Iruutasiullu puvallaqqutinginnik.”#8:15 Pujjusiutinginnik
16Ilinniaqtingit immingnut uqaqatigiiliqput, uqarlutik, “Taimaanguna uqaqtuq niaquujaqannginnittinnut.”
17Jiisusiup qaujimagamigit, uqautivait, “Sungmat ilissinnut uqaqatigiikpisi niaquujaqannginnissinnik? Suli qaujimanngilasi uvvalu tukisinngilasi uummatisi sitijualuuvaat? 18Ijiqarlusi takujunnanngilasi? Siutiqarlusilu tusarunnanngilasi? 19Iqqaumanngilasi niaquujait tallimat aggurakkit inungnut 5,000-nut, qatsinik iviujanik amiakkunik tatailauqpisi?” Taakkua uqautivaat, “12-nik tatailauqpugut.”
20“Niaquujaniglu 7-nik agguigama inungnut 4,000-nut, qatsinik iviujanik tatailauqpisi amiakkunginnik?”
Uqautivaat, “7-nik tatailauqpugut.”
21Uqautivait, “Suli tukisinngilasi?”
Jiisusiup Tautunngittumik Tautuliqtitsininga Pitsaitami
22Pitsaitamut tikipput, inuit ilangit tavvunngaujjivut tautunngittumik, qinuvigivaat taassuminga aktuqsiqullugu. 23Tautunngittuq tasiurlugu nunalit silataanuarutivaa; ijingik nuvamittalaurlugik patimmilaurlugu apirivaa, “Sunatuinnamik takuvit?”
24Takunasuarami uqaqpuq, “Inungnik takuvunga; kisiani napaaqtuujaaqtut pisukataktut.”
25Tavva ijingik aktukkanniqpaak; tavva takutsiarasuarami ijingik tautungnirilauqtamitut taututsialiqpuuk, tamainnik. 26Tavva angirraquliqpaa uqautillugulu, “Nunalingnut tavvunga itiqtailigit.”
Piitturuusiup Jiisusimik Nalunaiqsininga Christuusiuninganik
Maatiusi 16:13-20; Luukasi 9:18-21
27Ilinniaqtini ilagillugit aullaqput, nunalingnut Sisaria Pilipaip qanigijaanut; aqqutaani pisuglutik ilinniaqtini apirivait, “Inuit kinaunasugivaanga?”
28Taakkua kiuvaat, “Ilangita Juanasi Paaptitsirijiunasugivaatit; ilangitali Ilaijjaunasugivaatit; ilanginnut nalauttaijunut ilagijaunasugijauvutit.”
29Apirivailli, “Ilissili kinaunasugivisinnga?”
Piitturuusiup kiuvaa, “Christuusiuvutit.”#8:29 “Christuusi” “Misaiasi” ajjigiingmatik tukiqaqpuq uqsuqtitausimajuq niruaqtausimanirminut
30Jiisusiup iniqtimarikpait kinatuinnarmut uqaqunagit kinaunirminik.
Jiisusiup Uqausiqarninga Aanniatitauniksaminik Tuqutauniksaminiglu
Maatiusi 16:21-28; Luukasi 9:22-27
31Tavva ilinniaqtini ajuriqtuqpait Inuup Irninga aanniatitaujariaqarninganik angijumik, Jutit angajuqqaanginnut narrugijaummarigumaarniminik tunirrusiqtitsijillu angajuqqaanginnut, piqujaniglu ilisaijinut, tuqutaujumaarniminiglu, ulluit pingajuanni makittumaarniminik. 32Tamatuminga anngigutinagit uqautivait. Piitturuusiup sanirvaqatigillugu iniqtimmariliqpaa. 33Ilinniaqtiminut qiviarluni, Piitturuusi suakpaa, uqarluni, “Saataanasi tununnuarit! Isumagijait Guutimit pinngimmat, inungmilli pivuq.”
34Jiisusi inungnik ilinniaqtiminiglu qaiqujivuq uqautillugit, “Uvannik maligumajuq, imminik isumagijuksaunngilaq sanningajulingminigli iqsugluni uvannik maliktuksauvuq. 35Nalliat inuusirminik piuliksijumajuq asiujiniaqpuq; nallialli inuusirminik asiujijuq uvannik pijjutiqarluni uqausiillu tusaruminaqtut pijjutigilugit taanna inuusirminik piuliksiniaqpuq. 36Inuk sunamik pivalliutiqarajaqpaa silarjualimaamik piqaliraluaruni nangminirlu inuusirminik asiujiluni? 37Sunamik tunisijuksauvaa inuusingata utiqtitaujjutiksanganik? 38Nalliat uvannik kanngusuutiqaqpat ajuriqtuijjutigijanniglu uvani silarjuarmi Guutiqanngittuni piunngittulijunilu, Inuup Irningata kanngugijumaarivaa, tikiliruni Ataatangata niqturnarnirjuangani aingiliini ijjurnaittut piqatigilugit.”
Tällä hetkellä valittuna:
Maakusiup Aglangit 8: EAIBR
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.
Maakusiup Aglangit 8
8
Jiisusiup Nirititsininga Inungnik 4,000-nik
Maatiusi 15:32-39
1Ulluni taikkunani, inugasagjuat katimalirivut, taakkua nirijaksaqanngimmata, ilinniaqtini qaiquvait uqautillugit, 2“Ukua inugasagjuat ilatsugivakka, uvattinniilirmata ullunik pingasunik, niqiksaqaratik; 3angirraqugukkit sunamik niritinnagit, angirraulirlutik nukiirutiniaqput; ilangit ungasiktumit pisimangmata.”
4Ilinniaqtingita kiuvaat, “Qanuq tamaani sunaqajuittumit ukua inugasait nirijaksaqtaarajaqpaat?”
5Jiisusiup apirivait, “Qatsinik niaquujaqaqpisi?”
Taakkua uqaqput, “7-nik.”
6Jiisusiup inugasagjuat nunamut ingiquvait; niaquujait 7 tiguvait, qujalijariiramilu aviglugit ilinniaqtiminut tunivait inugasagjuanut tuniuqqaiqullugit; tavva ilinniaqtingit taimailiuqput. 7Iqalukulungniktauq ununngittunik pitaqarivut; qujalijjutigijariiramigit, ilinniaqtini inungnut tuniuqqaiqugivait. 8Nirivut, naammaksillutik; iviujaniglu 7-nik tataivut taakkua amiakkunginnik agguqsimajunik. 9Inugasagjuat unurniqalauqput 4,000 qanigijaani. 10Jiisusiup inuit aullaquliqpait; tavvainnarlu umiamut ikivuq ilinniaqtini ilagillugit, Taalmanuutaup qanigijaanuaqput.
Paarisit Kamanaqtuliqujiningat Jiisusimik
Maatiusi 16:1-4
11Paarisit ilangit Jiisusimuaqput uqaqatigillugu uuktuqpaat, qilangmit nalunaikkutarmik kamanaqtumik saqqititsiqullugu. 12Jiisusili angijumik aniqsaumilluni uqautivait, “Sungmat ullumiuliqtuq inuit kamanaqtuliqujivaat? Sulijumik uqautivassi, nalunaikkutarmik ullumiujuq inuit tunisiviunianngilat.”
13Qimakpait tavva, umiamut ikigivuq tasiup akianualirluni.
Paarisit Iruutasiullu Puvallaqqutingit
Maatiusi 16:5-12
14Ilinniaqtingit niaquujaggiriaksaq puiguqtuviniungmata; atausirmik niaquujamik pisimagaluaqput tavvani umiami. 15Qaujimanasuaqullugit uqautivait, “Kamatsiarissi, ujjiqsurlusi Paarisit Iruutasiullu puvallaqqutinginnik.”#8:15 Pujjusiutinginnik
16Ilinniaqtingit immingnut uqaqatigiiliqput, uqarlutik, “Taimaanguna uqaqtuq niaquujaqannginnittinnut.”
17Jiisusiup qaujimagamigit, uqautivait, “Sungmat ilissinnut uqaqatigiikpisi niaquujaqannginnissinnik? Suli qaujimanngilasi uvvalu tukisinngilasi uummatisi sitijualuuvaat? 18Ijiqarlusi takujunnanngilasi? Siutiqarlusilu tusarunnanngilasi? 19Iqqaumanngilasi niaquujait tallimat aggurakkit inungnut 5,000-nut, qatsinik iviujanik amiakkunik tatailauqpisi?” Taakkua uqautivaat, “12-nik tatailauqpugut.”
20“Niaquujaniglu 7-nik agguigama inungnut 4,000-nut, qatsinik iviujanik tatailauqpisi amiakkunginnik?”
Uqautivaat, “7-nik tatailauqpugut.”
21Uqautivait, “Suli tukisinngilasi?”
Jiisusiup Tautunngittumik Tautuliqtitsininga Pitsaitami
22Pitsaitamut tikipput, inuit ilangit tavvunngaujjivut tautunngittumik, qinuvigivaat taassuminga aktuqsiqullugu. 23Tautunngittuq tasiurlugu nunalit silataanuarutivaa; ijingik nuvamittalaurlugik patimmilaurlugu apirivaa, “Sunatuinnamik takuvit?”
24Takunasuarami uqaqpuq, “Inungnik takuvunga; kisiani napaaqtuujaaqtut pisukataktut.”
25Tavva ijingik aktukkanniqpaak; tavva takutsiarasuarami ijingik tautungnirilauqtamitut taututsialiqpuuk, tamainnik. 26Tavva angirraquliqpaa uqautillugulu, “Nunalingnut tavvunga itiqtailigit.”
Piitturuusiup Jiisusimik Nalunaiqsininga Christuusiuninganik
Maatiusi 16:13-20; Luukasi 9:18-21
27Ilinniaqtini ilagillugit aullaqput, nunalingnut Sisaria Pilipaip qanigijaanut; aqqutaani pisuglutik ilinniaqtini apirivait, “Inuit kinaunasugivaanga?”
28Taakkua kiuvaat, “Ilangita Juanasi Paaptitsirijiunasugivaatit; ilangitali Ilaijjaunasugivaatit; ilanginnut nalauttaijunut ilagijaunasugijauvutit.”
29Apirivailli, “Ilissili kinaunasugivisinnga?”
Piitturuusiup kiuvaa, “Christuusiuvutit.”#8:29 “Christuusi” “Misaiasi” ajjigiingmatik tukiqaqpuq uqsuqtitausimajuq niruaqtausimanirminut
30Jiisusiup iniqtimarikpait kinatuinnarmut uqaqunagit kinaunirminik.
Jiisusiup Uqausiqarninga Aanniatitauniksaminik Tuqutauniksaminiglu
Maatiusi 16:21-28; Luukasi 9:22-27
31Tavva ilinniaqtini ajuriqtuqpait Inuup Irninga aanniatitaujariaqarninganik angijumik, Jutit angajuqqaanginnut narrugijaummarigumaarniminik tunirrusiqtitsijillu angajuqqaanginnut, piqujaniglu ilisaijinut, tuqutaujumaarniminiglu, ulluit pingajuanni makittumaarniminik. 32Tamatuminga anngigutinagit uqautivait. Piitturuusiup sanirvaqatigillugu iniqtimmariliqpaa. 33Ilinniaqtiminut qiviarluni, Piitturuusi suakpaa, uqarluni, “Saataanasi tununnuarit! Isumagijait Guutimit pinngimmat, inungmilli pivuq.”
34Jiisusi inungnik ilinniaqtiminiglu qaiqujivuq uqautillugit, “Uvannik maligumajuq, imminik isumagijuksaunngilaq sanningajulingminigli iqsugluni uvannik maliktuksauvuq. 35Nalliat inuusirminik piuliksijumajuq asiujiniaqpuq; nallialli inuusirminik asiujijuq uvannik pijjutiqarluni uqausiillu tusaruminaqtut pijjutigilugit taanna inuusirminik piuliksiniaqpuq. 36Inuk sunamik pivalliutiqarajaqpaa silarjualimaamik piqaliraluaruni nangminirlu inuusirminik asiujiluni? 37Sunamik tunisijuksauvaa inuusingata utiqtitaujjutiksanganik? 38Nalliat uvannik kanngusuutiqaqpat ajuriqtuijjutigijanniglu uvani silarjuarmi Guutiqanngittuni piunngittulijunilu, Inuup Irningata kanngugijumaarivaa, tikiliruni Ataatangata niqturnarnirjuangani aingiliini ijjurnaittut piqatigilugit.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Eastern Arctic Inuktitut Bible (Romanized) © Canadian Bible Society, 2022-2023.