Wikhikən 1
1
1Tanek amskwahs maciyaltakw Kəlosowakən iyos: naka Kəlosowakən wiciyewapənil Kəlowəsitəl: naka Kəlosowakən Kelowəsitowiwos.
2Yot tanek amskwahs maciyahak wiciyewahəpənil Kelowəsitəl.
3Msiw kekwseyal oci kisihtasosəpənil nekəm; naka tan skat kisitokəs, skat kisihtahsiwis.
4Nekəm ohəkek pəmawsowakən iyos; nit pəmawsowakən opəshakwhekəmowa pəmawsowinowək.
5Pəssakwek lipitiyahtes piskahetok, piskahtek skətama wikwehtonewihpən.
6Pəmawsowino oci pihitahkanes Kelowəsitow ikək liwisos San Sapatis.
7Nekəm ocipəkəcihes onocinspiwolaman, onəspiw olamatəmən yot 'pəssakwek; welaman msiw wenik oci olamsətəmotiniya nekəm ohəkek.
8Skat nit nekəm 'pəssakwhek, kenok 'pəcitahkanes onəspiw olametəmən yot 'pəssakwhek.
9Nit olamahwakəni 'pəssakwhek tan ikəhaks skitkəmikw, pəssakwhetowats msiw pəmawsowino.
10Nekəm iyos skitkəmikw, naka skitkəmikw oci kisihtasos nekəm ohəkek, naka skitkəmikw kətama okəcicihokowisəpənil.
11Pəkəcihes tan yot nekəm tepeltək nekəm tepeltək skat wihkwehləkowən.
12Kenok tanihi wikwehlicihi omilanes təpeltəmowakən Kelowəsit onicanin, nihtəna tanik welameweltəmat wisowən.
13Tanik skat weci nəmikəsoltihkwik pəkahkənək, kəsəna mhək olitahatəhatəmowakənəm ikək kesəna pəmawsowinowək olitahatəmowakənəmo ikowak; kenok oci nəmikosoltowək Kelowəsitow ikək.
14Kəlosowakən mhəkowesos, iyos tan eyəkw, knəmitowanenohpən okicitəmitəhatəmowakən; tahalo Mihtakwsit Kelowəsit wihwihiw 'kwəssəl okicitəmitəhatəmowakən, əpsənpos həlelmokwewkən naka olamewakən.
15San Sapatis onəspiw olamalasəpənil, otokemihtasos, itəm: Wət nekəm tan wət nestəhokpən [tan ekitəman] tan wət wecipəkəciyat ntasitemək iyos meskw nil eyiwən ipəcəl piyemikcitəmitpəso katək nil.
16Msiyə tan kesiyekw kohcim sənəmənenopən opəsnehtakənəm, naka lelmokwewakən oci lelmokwewakən.
17Kenok tpaskowakən oci milowanes Mowisk, kenok lelmokwewakən naka olamewakən oci ckoces Sesohs ohəkek.
18Meskw wen nəmiyawiyəl Kelowəsitəl tan tepəkt toci; wihwipə 'Kwəssəl tan Mitakwsəl otlamsek eyilicil, nekəm okisakənimal.
19Nit yot San Sapatis onəspin olamewakən tan toci Leswihsək oci pcitahkaniya Selosalemk pahtəliyasək naka Lipeyik wetapeksilicihi opapehcimaniya: Wen kil?
20Opapekakənotəmowa, skat okatowən, kenok opapekakənotəmowa, itəm: Nil skat Niweskowiw.
21Naka otəlipapehcimaniya: Kekwseyəlo? Kil nit Elicah? Sapatis itəm: Skat: Kil nit nikanikcicitakewin? Asitemat: Kətama.
22Nit weci iyalatit: Wen kil? Welaman nkisiyasitemanowək tanik pecitakəlinəməkpənik: tanəl ktəlotəmən akhək?
23Sapatis itəm;
Nil okəlosowakən tan wen etlokemits pakətakəmikw, etliyetəkəs:
Olikiyakwehtok Ksakəmamowa otawt, tan itəkəs nikanikcicitakewin Isayi.
24Nit tanik kisi pcitahkemkəsəpənik oci iyoltəsəpənik Palosiyək ohəkewak.
25Opapehcimnawal: Nit weci kekwseyəlo weci paptiysowehlowiyən skat Niweskowiwnən kesəna Eleyicah, kesəna nət nikanikcicitakewin.
26Sapatis asitewtəm: Cotehlo nil npaptiysowehlo samakwanək; kenok wen sehket apasiw khəkewak, tan skat kecicihawekw.
27Nekəm nət tan wecipəkəciyat ntasitemək, iyos meskw nil eyiwan; tan ocisəkonap skat nil ntipkaw tiwnewin ntapkwehtowan.
28Nit nihtəl keskwahal kis kacitpiyaksəpənikəl Pehtapəlek, kamək sihp tan eliwsowiks Soltən, tan tet Sapatis etli papteysowehtasits.
29Nit ehtahkahte kiskət Sapatis onəmihal Sesohsəl weckowihalicil tan eyit itəm: Sakihok! Kelowəsit Otəsipisəməl, tan maceptakw skitkəmikw lahkəmiksowakən.
30Nekəm nət tan weskowimokpən tan itəmanpən: Oskitap ocipəkəcihe ntasitemək tan eyits nil meskw aywan ipəcəl iyos nil meskw eyiwan (ipəcəl acipiyemikcitəmitpəsos katək nil).
31Nil skat nkəcicihawis, kenok welaman oci meswehtasin Islelkwec, kowihpaptiysowehlowiyanpən samakwanək.
32Sapatis nspiwolamepən, itəmopən: Nkisinəmiya Kehci-niweskwit ocicahkol ocipənekweso spəmkik liko tahalo pəles, ənkeso ohəkek.
33Skat nənowawihpən kenok nekəm tan elkimitpən npaptiysowehlowan samakwanək, ntihokopən nil: Ktnəmiyac Kelowəsit ocacakol ockowi pənekwesihlin nkesowəl ohəkek, nət nekəm tan noci paptiysowehlowet Kehci-niweskwitow ikək.
34Nil nəmiyapən nəspiwolam nət co Kelowəsit 'Kwəssəl.
35Nit ehtahkahte kiskət Sapatis apc sehket, niso tanihi ekehkimacihi wiciyewawal.
36Otətləsakihal Sesohsəl pemoselicil itəm: Sak ihək! Otəsipihsəməl Kelowəsit!
37Yokt nisowək ikehkimocik onotowawal Sapatisəl etliwestolicil, nekəmaw onosokowawal Sesohsəl.
38Naka Sesohs kwolpikapoweso, onəmiya onosokako, 'tiya: Kekwse kilowatowekw? 'Tiyawal: Lapiey, tan kisi kwolpiwitasik, itəmən: Notəkehkikemit tama ktih?
39Sesohs 'tiya: Ckokowtikw, knəmitoniyac. Petkowtowək onəmitoniya tan tet eyilit, wiciyewawal nit kiskət. Tamahal nkotinskekewe paskotikən.
40Peskw nit nisicik oskitapiyək tanik onotowawəsəpənil Sapatisəl etliwestolicil, naka nonəsokowaniya Sesohsəl, Atəle nət, Simo Piyel wecikititicil.
41Nekəm təmk oməskowal wicikititicil Simowəl, 'tiyal: Nməskowan Niweskwit, tan kisi kwəlpiwitasik itaso Mimkwena.
42Opeciphal Sesohs. Sesohs esakihat, itəm: Kil Simo, Sona 'kwəssəl. Kil ktəliwihokəc Sihpəs, tan kisi kwolpiwitasik, itaso, Pənapskw (Piyel.)
43Nit kətək ehtahkahte kiskət Sesohs kətilihe Koliletk, oməskowal Pelipəl, Sesohs 'tiyal: Nosokowin.
44Nit Pilip təleyawiw Petsehtek, Atəle Piyel ototenewa.
45Pilip oməskowa Nahtaniyeləl, 'tiyal; Nkisimskowan nekəm tan Mowis tpəlotəmowakən ikək, naka nikanikcicitakewinowək otowikhawasipənil, nət Sesohs Sosep 'kwəssəl, tan 'ci Nasaletk.
46Nahtaniyel 'tiyal: Meci kisi kekw kəlowət wecinotahak Nasaletk? Pilip 'tiyal: Ckowi sakiht.
47Sesohs onəmiyal Nahtaniyeləl weckocalicil tan eyit, otəliyakənimal: Sakihək! Islelk witatkonkəsit, ketlewewakən ikək, tan ohəkek kespokahlətowakən skat iyiwi.
48Nahtaniyel 'tiyal: Tama tet kocikcicihi nil? Sesohs 'tasitemal: Meskw wikwimlokw Pilip, eyiyən emekew mihnikəpəs, knəmiholohpən.
49Nahtaniyel asitewtəm: Lapeyi, Nsakəmam, kil Kelowəsit 'Kwəssəl, kil Islel Okinceməsəməl.
50Sesohs 'tiyal: Ipəcəl ktiholohpən, knəmiholohpən emekew mihnik əpəs nit weci olamewelmiyən knəmitonəlc acinəkəmkikwənol, aciyəsəki nakotol, skatək nihtəl.
51Naka 'tiyal: Leyo, iyalol, elmihakc knəmitonc spəmk pantehtehc, Kelowəsit otaselim onakihiyək naka emehkehiyək pəmawsowin 'Kwəssəl ohəkek.
Tällä hetkellä valittuna:
Wikhikən 1: PQM2014
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Maliseet Gospel of John © Canadian Bible Society, 2014
Wikhikən 1
1
1Tanek amskwahs maciyaltakw Kəlosowakən iyos: naka Kəlosowakən wiciyewapənil Kəlowəsitəl: naka Kəlosowakən Kelowəsitowiwos.
2Yot tanek amskwahs maciyahak wiciyewahəpənil Kelowəsitəl.
3Msiw kekwseyal oci kisihtasosəpənil nekəm; naka tan skat kisitokəs, skat kisihtahsiwis.
4Nekəm ohəkek pəmawsowakən iyos; nit pəmawsowakən opəshakwhekəmowa pəmawsowinowək.
5Pəssakwek lipitiyahtes piskahetok, piskahtek skətama wikwehtonewihpən.
6Pəmawsowino oci pihitahkanes Kelowəsitow ikək liwisos San Sapatis.
7Nekəm ocipəkəcihes onocinspiwolaman, onəspiw olamatəmən yot 'pəssakwek; welaman msiw wenik oci olamsətəmotiniya nekəm ohəkek.
8Skat nit nekəm 'pəssakwhek, kenok 'pəcitahkanes onəspiw olametəmən yot 'pəssakwhek.
9Nit olamahwakəni 'pəssakwhek tan ikəhaks skitkəmikw, pəssakwhetowats msiw pəmawsowino.
10Nekəm iyos skitkəmikw, naka skitkəmikw oci kisihtasos nekəm ohəkek, naka skitkəmikw kətama okəcicihokowisəpənil.
11Pəkəcihes tan yot nekəm tepeltək nekəm tepeltək skat wihkwehləkowən.
12Kenok tanihi wikwehlicihi omilanes təpeltəmowakən Kelowəsit onicanin, nihtəna tanik welameweltəmat wisowən.
13Tanik skat weci nəmikəsoltihkwik pəkahkənək, kəsəna mhək olitahatəhatəmowakənəm ikək kesəna pəmawsowinowək olitahatəmowakənəmo ikowak; kenok oci nəmikosoltowək Kelowəsitow ikək.
14Kəlosowakən mhəkowesos, iyos tan eyəkw, knəmitowanenohpən okicitəmitəhatəmowakən; tahalo Mihtakwsit Kelowəsit wihwihiw 'kwəssəl okicitəmitəhatəmowakən, əpsənpos həlelmokwewkən naka olamewakən.
15San Sapatis onəspiw olamalasəpənil, otokemihtasos, itəm: Wət nekəm tan wət nestəhokpən [tan ekitəman] tan wət wecipəkəciyat ntasitemək iyos meskw nil eyiwən ipəcəl piyemikcitəmitpəso katək nil.
16Msiyə tan kesiyekw kohcim sənəmənenopən opəsnehtakənəm, naka lelmokwewakən oci lelmokwewakən.
17Kenok tpaskowakən oci milowanes Mowisk, kenok lelmokwewakən naka olamewakən oci ckoces Sesohs ohəkek.
18Meskw wen nəmiyawiyəl Kelowəsitəl tan tepəkt toci; wihwipə 'Kwəssəl tan Mitakwsəl otlamsek eyilicil, nekəm okisakənimal.
19Nit yot San Sapatis onəspin olamewakən tan toci Leswihsək oci pcitahkaniya Selosalemk pahtəliyasək naka Lipeyik wetapeksilicihi opapehcimaniya: Wen kil?
20Opapekakənotəmowa, skat okatowən, kenok opapekakənotəmowa, itəm: Nil skat Niweskowiw.
21Naka otəlipapehcimaniya: Kekwseyəlo? Kil nit Elicah? Sapatis itəm: Skat: Kil nit nikanikcicitakewin? Asitemat: Kətama.
22Nit weci iyalatit: Wen kil? Welaman nkisiyasitemanowək tanik pecitakəlinəməkpənik: tanəl ktəlotəmən akhək?
23Sapatis itəm;
Nil okəlosowakən tan wen etlokemits pakətakəmikw, etliyetəkəs:
Olikiyakwehtok Ksakəmamowa otawt, tan itəkəs nikanikcicitakewin Isayi.
24Nit tanik kisi pcitahkemkəsəpənik oci iyoltəsəpənik Palosiyək ohəkewak.
25Opapehcimnawal: Nit weci kekwseyəlo weci paptiysowehlowiyən skat Niweskowiwnən kesəna Eleyicah, kesəna nət nikanikcicitakewin.
26Sapatis asitewtəm: Cotehlo nil npaptiysowehlo samakwanək; kenok wen sehket apasiw khəkewak, tan skat kecicihawekw.
27Nekəm nət tan wecipəkəciyat ntasitemək, iyos meskw nil eyiwan; tan ocisəkonap skat nil ntipkaw tiwnewin ntapkwehtowan.
28Nit nihtəl keskwahal kis kacitpiyaksəpənikəl Pehtapəlek, kamək sihp tan eliwsowiks Soltən, tan tet Sapatis etli papteysowehtasits.
29Nit ehtahkahte kiskət Sapatis onəmihal Sesohsəl weckowihalicil tan eyit itəm: Sakihok! Kelowəsit Otəsipisəməl, tan maceptakw skitkəmikw lahkəmiksowakən.
30Nekəm nət tan weskowimokpən tan itəmanpən: Oskitap ocipəkəcihe ntasitemək tan eyits nil meskw aywan ipəcəl iyos nil meskw eyiwan (ipəcəl acipiyemikcitəmitpəsos katək nil).
31Nil skat nkəcicihawis, kenok welaman oci meswehtasin Islelkwec, kowihpaptiysowehlowiyanpən samakwanək.
32Sapatis nspiwolamepən, itəmopən: Nkisinəmiya Kehci-niweskwit ocicahkol ocipənekweso spəmkik liko tahalo pəles, ənkeso ohəkek.
33Skat nənowawihpən kenok nekəm tan elkimitpən npaptiysowehlowan samakwanək, ntihokopən nil: Ktnəmiyac Kelowəsit ocacakol ockowi pənekwesihlin nkesowəl ohəkek, nət nekəm tan noci paptiysowehlowet Kehci-niweskwitow ikək.
34Nil nəmiyapən nəspiwolam nət co Kelowəsit 'Kwəssəl.
35Nit ehtahkahte kiskət Sapatis apc sehket, niso tanihi ekehkimacihi wiciyewawal.
36Otətləsakihal Sesohsəl pemoselicil itəm: Sak ihək! Otəsipihsəməl Kelowəsit!
37Yokt nisowək ikehkimocik onotowawal Sapatisəl etliwestolicil, nekəmaw onosokowawal Sesohsəl.
38Naka Sesohs kwolpikapoweso, onəmiya onosokako, 'tiya: Kekwse kilowatowekw? 'Tiyawal: Lapiey, tan kisi kwolpiwitasik, itəmən: Notəkehkikemit tama ktih?
39Sesohs 'tiya: Ckokowtikw, knəmitoniyac. Petkowtowək onəmitoniya tan tet eyilit, wiciyewawal nit kiskət. Tamahal nkotinskekewe paskotikən.
40Peskw nit nisicik oskitapiyək tanik onotowawəsəpənil Sapatisəl etliwestolicil, naka nonəsokowaniya Sesohsəl, Atəle nət, Simo Piyel wecikititicil.
41Nekəm təmk oməskowal wicikititicil Simowəl, 'tiyal: Nməskowan Niweskwit, tan kisi kwəlpiwitasik itaso Mimkwena.
42Opeciphal Sesohs. Sesohs esakihat, itəm: Kil Simo, Sona 'kwəssəl. Kil ktəliwihokəc Sihpəs, tan kisi kwolpiwitasik, itaso, Pənapskw (Piyel.)
43Nit kətək ehtahkahte kiskət Sesohs kətilihe Koliletk, oməskowal Pelipəl, Sesohs 'tiyal: Nosokowin.
44Nit Pilip təleyawiw Petsehtek, Atəle Piyel ototenewa.
45Pilip oməskowa Nahtaniyeləl, 'tiyal; Nkisimskowan nekəm tan Mowis tpəlotəmowakən ikək, naka nikanikcicitakewinowək otowikhawasipənil, nət Sesohs Sosep 'kwəssəl, tan 'ci Nasaletk.
46Nahtaniyel 'tiyal: Meci kisi kekw kəlowət wecinotahak Nasaletk? Pilip 'tiyal: Ckowi sakiht.
47Sesohs onəmiyal Nahtaniyeləl weckocalicil tan eyit, otəliyakənimal: Sakihək! Islelk witatkonkəsit, ketlewewakən ikək, tan ohəkek kespokahlətowakən skat iyiwi.
48Nahtaniyel 'tiyal: Tama tet kocikcicihi nil? Sesohs 'tasitemal: Meskw wikwimlokw Pilip, eyiyən emekew mihnikəpəs, knəmiholohpən.
49Nahtaniyel asitewtəm: Lapeyi, Nsakəmam, kil Kelowəsit 'Kwəssəl, kil Islel Okinceməsəməl.
50Sesohs 'tiyal: Ipəcəl ktiholohpən, knəmiholohpən emekew mihnik əpəs nit weci olamewelmiyən knəmitonəlc acinəkəmkikwənol, aciyəsəki nakotol, skatək nihtəl.
51Naka 'tiyal: Leyo, iyalol, elmihakc knəmitonc spəmk pantehtehc, Kelowəsit otaselim onakihiyək naka emehkehiyək pəmawsowin 'Kwəssəl ohəkek.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Maliseet Gospel of John © Canadian Bible Society, 2014