Matius 11
11
1Nopalusi nofohato anaguhuꞌino ompulu hoduano naꞌa, Yesus nohunsamo liwu aitu maka nokala nofofoinaꞌu bhe nefolele Bhihita Metaa ne liwu-liwu momaꞌoꞌano ne itu.
Yesus bhe Yohanes Fokadiuno
11:2-19
Luk 7:18-35
2Weo katohongku Yohanes nofetingke dua nehabuno Kristus. 3Dadiꞌanomo notudu anaguhuꞌino dameena ne Yesus ambado, “Hintumo bhahaa so humatono peda nedhandiꞌaono Lahataꞌala itu, kaa taeantagi dua mie sigaoꞌano?” 4Yesus notobhoosida ambano, “Sulimoomu, fohatoaneomu Yohanes o ae nefetingkemiu bhe newohamiu. 5Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa. #Yes 35:5-6, 61:1 6Dokodawua mpuu mie tapa mongaheꞌi kanau hampano kandidikino lalo.”
7Dokundo kaowu anaguhuꞌino Yohanes, Yesus nopugaumo ne mie bhahi, nopulaoꞌao Yohanes ambano, “Kala meꞌondoomu ae gahaꞌa we pandaso bhalano endefiꞌini? Meꞌondoomu wulu neangko-angkono kawea bhahaa? 8Bhahaa kala meꞌondoomu ae we pandaso bhalano? Meꞌondoomu mie kopakea alusuno? Ingka mie kopakea alusuno deate weo kamali. 9Kaowu kala meꞌondoomu ae we pandaso bhalano? Meꞌondoomu seemie anabii? Ingka anoamo, bhahamoa noliuꞌe anoa bhe seemie anabii. 10Kapaꞌamo Yohanes ini nepulaoꞌaono wambano Kitabi peda aini,
⸤ Ambano Lahataꞌala⸥ ‘Anoamo ini katuduku,
atudue namaꞌinduluangko, naebhongkaangko kaangkaꞌa te wisemu.’ #Mal 3:1
11Amohatokoomu, kotu-kotuꞌu ne olotando manusia lumenteno ne dhunia ini miina bhe moliuno Yohanes Fokadiuno; tamaka foliuno kahobu weo Kafopahintaꞌano Lahataꞌala nofoliuꞌe kabhala. 12Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue. 13Kapaꞌamo kosasawindo anabii bhe Kitabino Musa dofofohatoanemo so kumadhadhiaꞌano ampa katiumbaꞌano Yohanes. 14Maka ane tumahimaeꞌomu, Yohanesmo ini anabii Elia so humatono itu. #Mal 4:5 15Ane dokotingala, beano dametingke!
16Apototoane bhe ae bhahaa mie ne dhamani aini? Andoa tapedamo kaana-anaꞌi we daoa, dopoloꞌo-loꞌoi bhe sabhangkaꞌindo, ambado, 17‘Ingka taetempaangkoomu ganda, #11:17 Sakotuꞌuno: taepuntoangkoomu suli. tamaka miina lumindaomu; taelagu-laguangkoomu kapea, ingka miina moguguhuomua.’ 18Kapaꞌamo Yohanes nohato, miina naomaaꞌa miina naohoꞌua, ambado mie, ‘Anoa maitu nopesuakie seetani.’ 19Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”
Liwu-liwu tapa marasaeano
11:20-24
Luk 10:13-15
20Pada aitu Yesus nofeꞌalamo liwu-liwu kaehabuꞌano tanda tapa mentela, kapaꞌamo miina dametompaꞌao dhosando bhe dadumoli ne Lahataꞌala mahinggamo ne itu foliuꞌanomo kabhahi tanda nehabuno. 21Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ . #11:21 Kotano Tirus bhe Sidon, ondo Yes 23; Yeh 26-28 22Tamaka amohatokoomu, nahumato Oleono Kiama, naosape kahukumuno miendo Tirus bhe Sidon bhe kahukumu so neꞌawamiu. 23Hintu liwuno Kapernaum, kunaꞌemu dasumangkeko te lani? Paise, hintu daꞌumohoko we narakaa, kapaꞌamo ane endefiꞌini we Sodom nakumadhadhia tanda-tanda tapa mentela newohamiu ini, tetewei liwu aitu nandumandooꞌe ampa seꞌoleo itu. #11:23 Sodom, ondo Kej 19:24-28 24Tamaka amohatokoomu, nahumato Oleono Kiama, naosape kahukumuno miendo Sodom bhe kahukumu so neꞌawamiu.”
Kasaliꞌino Omputo Fosalamatino
11:25-30
Luk 10:21-22
25Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano. 26Daanumo Ama, pedamo aitu kaposahasiꞌanomo lalomu. 27Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.
28Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo. 29Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo. 30Kapaꞌamo pahinta newaꞌaoku nomuda, wowoꞌo nefotongkuꞌaoku nosape.”
Tällä hetkellä valittuna:
Matius 11: mnbSD
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2022, Wycliffe Bible Translators, Inc. All rights reserved.
Matius 11
11
1Nopalusi nofohato anaguhuꞌino ompulu hoduano naꞌa, Yesus nohunsamo liwu aitu maka nokala nofofoinaꞌu bhe nefolele Bhihita Metaa ne liwu-liwu momaꞌoꞌano ne itu.
Yesus bhe Yohanes Fokadiuno
11:2-19
Luk 7:18-35
2Weo katohongku Yohanes nofetingke dua nehabuno Kristus. 3Dadiꞌanomo notudu anaguhuꞌino dameena ne Yesus ambado, “Hintumo bhahaa so humatono peda nedhandiꞌaono Lahataꞌala itu, kaa taeantagi dua mie sigaoꞌano?” 4Yesus notobhoosida ambano, “Sulimoomu, fohatoaneomu Yohanes o ae nefetingkemiu bhe newohamiu. 5Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa. #Yes 35:5-6, 61:1 6Dokodawua mpuu mie tapa mongaheꞌi kanau hampano kandidikino lalo.”
7Dokundo kaowu anaguhuꞌino Yohanes, Yesus nopugaumo ne mie bhahi, nopulaoꞌao Yohanes ambano, “Kala meꞌondoomu ae gahaꞌa we pandaso bhalano endefiꞌini? Meꞌondoomu wulu neangko-angkono kawea bhahaa? 8Bhahaa kala meꞌondoomu ae we pandaso bhalano? Meꞌondoomu mie kopakea alusuno? Ingka mie kopakea alusuno deate weo kamali. 9Kaowu kala meꞌondoomu ae we pandaso bhalano? Meꞌondoomu seemie anabii? Ingka anoamo, bhahamoa noliuꞌe anoa bhe seemie anabii. 10Kapaꞌamo Yohanes ini nepulaoꞌaono wambano Kitabi peda aini,
⸤ Ambano Lahataꞌala⸥ ‘Anoamo ini katuduku,
atudue namaꞌinduluangko, naebhongkaangko kaangkaꞌa te wisemu.’ #Mal 3:1
11Amohatokoomu, kotu-kotuꞌu ne olotando manusia lumenteno ne dhunia ini miina bhe moliuno Yohanes Fokadiuno; tamaka foliuno kahobu weo Kafopahintaꞌano Lahataꞌala nofoliuꞌe kabhala. 12Notanda Yohanes notiumba taꞌampa aitu, Kafopahintaꞌano Lahataꞌala doewangie, mewangie naꞌa dokopatudhu dasumaohi bukue. 13Kapaꞌamo kosasawindo anabii bhe Kitabino Musa dofofohatoanemo so kumadhadhiaꞌano ampa katiumbaꞌano Yohanes. 14Maka ane tumahimaeꞌomu, Yohanesmo ini anabii Elia so humatono itu. #Mal 4:5 15Ane dokotingala, beano dametingke!
16Apototoane bhe ae bhahaa mie ne dhamani aini? Andoa tapedamo kaana-anaꞌi we daoa, dopoloꞌo-loꞌoi bhe sabhangkaꞌindo, ambado, 17‘Ingka taetempaangkoomu ganda, #11:17 Sakotuꞌuno: taepuntoangkoomu suli. tamaka miina lumindaomu; taelagu-laguangkoomu kapea, ingka miina moguguhuomua.’ 18Kapaꞌamo Yohanes nohato, miina naomaaꞌa miina naohoꞌua, ambado mie, ‘Anoa maitu nopesuakie seetani.’ 19Pada anaꞌa Anano Manusia - Idimo ini - nohato nohumaa nofohoꞌu, ambado mie, ‘Soba ondoomu, mie kumadau-dau bhe pande fohoꞌu, sabhangkando mealaꞌino sewa bhe mie kodhosa.’ Tamaka kakotimbangino Lahataꞌala notipandeꞌao kakotuꞌuno ne hasilino.”
Liwu-liwu tapa marasaeano
11:20-24
Luk 10:13-15
20Pada aitu Yesus nofeꞌalamo liwu-liwu kaehabuꞌano tanda tapa mentela, kapaꞌamo miina dametompaꞌao dhosando bhe dadumoli ne Lahataꞌala mahinggamo ne itu foliuꞌanomo kabhahi tanda nehabuno. 21Ambano, “Balaamo hintu liwuno Korasim! Balaamo dua hintu liwuno Betsaida! Ane endefiꞌini we kotano Tirus bhe Sidon nakumadhadhia tanda-tanda tapa mentela newohamiu ini, tetewei nomponamo dadumoli ne Lahataꞌala, daepake bhida bhe daetei abu te fotundo ⸤ peda katandaino dososoꞌao dhosando⸥ . #11:21 Kotano Tirus bhe Sidon, ondo Yes 23; Yeh 26-28 22Tamaka amohatokoomu, nahumato Oleono Kiama, naosape kahukumuno miendo Tirus bhe Sidon bhe kahukumu so neꞌawamiu. 23Hintu liwuno Kapernaum, kunaꞌemu dasumangkeko te lani? Paise, hintu daꞌumohoko we narakaa, kapaꞌamo ane endefiꞌini we Sodom nakumadhadhia tanda-tanda tapa mentela newohamiu ini, tetewei liwu aitu nandumandooꞌe ampa seꞌoleo itu. #11:23 Sodom, ondo Kej 19:24-28 24Tamaka amohatokoomu, nahumato Oleono Kiama, naosape kahukumuno miendo Sodom bhe kahukumu so neꞌawamiu.”
Kasaliꞌino Omputo Fosalamatino
11:25-30
Luk 10:21-22
25Wakutuu anaꞌa Yesus nosambaheamo ambano, “Notumpu laloku, Ama, Ompuno lani bhe dhunia, kapaꞌamo kosasawiꞌae ini febunie ne mie kotimbangi bhe mie mande, tamaka fotiwohae ne mie mepandano kaengkohaꞌa pata kokasikolano. 26Daanumo Ama, pedamo aitu kaposahasiꞌanomo lalomu. 27Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.
28Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo. 29Tongkuomu wowoꞌoku ⸤ maꞌanano angkafi pahintaku⸥ bhe poguhuomu ne Idi, kapaꞌamo Idi ini netaa laloku bhe afekapanda Wutoku. Tetewei meꞌawaomu kalalesano lalo. 30Kapaꞌamo pahinta newaꞌaoku nomuda, wowoꞌo nefotongkuꞌaoku nosape.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2022, Wycliffe Bible Translators, Inc. All rights reserved.