Yuhana 20
20
Saali ciiru wɔ ki bi ki
(Matiyu 28.1–8; Maraka 16.1–8; Luki 24.1–12)
1Nufaan jibi ki sisarifuluntɔnŋ ki, siira jona, mani fyirinfyiraaŋ ki tɛ, Makidala Mariyamu i tiri saali ki ra. Nmari i ta faa ki kulunkulu sanmaan ja saali ki tɔnŋ ki ra. 2Nmari i bili pwulu na Simɔŋ Pyɛɛri fa Yesu dintɛ kalindaŋ ki tɛ, nmari i ǹʼbi kí tɛ tu :
« Kí Ŋuntiŋ ki kwuu ki po san-i saali ki ru, yibɛɛ ǹʼbomaŋ tɔ kí gbɛ kì. »
3Pyɛɛri fa niŋ kalindaŋ ki i ta saali ki ra. 4Kí koŋ fuuli ki fɔn i bili ta-ri arìmaŋ fan, nka niŋ kalindaŋ ki kanŋ sun i kwulu Pyɛɛri wu, niŋ i so saali ki tɔnŋ ki ra Pyɛɛri jɛŋ. 5Ntiŋ i a sunsan, ntiŋ i saali ki ciiru ki shɛɛli, kí juulinŋ fɔ wɔ̀ri sɔɔ wuru-i kí i Yesu sunye, ntiŋ i niŋ juulinŋ fɔ kiri bantenŋ bo ja nmaŋ, nka ntiŋ de kì.
6Simɔŋ Pyɛɛri wɔ̀ ǹʼpa wuru ntiŋ cɛfan, niŋ so-i waarinŋ wɔ̀ ru, niŋ i de ta ki ru shuu, ntiŋ i ta fa juulinŋ fɔ kiri bantenŋ bo wu fwuniŋ ki sun nmaŋ. 7Niŋ fa juulinŋ wɔ̀ sɔɔ wuru-i Yesu ŋuniŋ ki i sunla, ntiŋ i niŋ kwunu bomaan ki ja a cinancinŋ mani tɔri ru.
8Kalindaŋ wɔ̀ jɔnɔ so wuru ta ki ra, niŋ i kila niŋ i de, niŋ i bi kiri ja niŋ ɲaan ki tɛ, ntiŋ i bili ǹʼna. 9Sabu wulu wɔ̀ bi wuru Kirinŋ wɔ wulu sɛbɛ ki ru tu, Yesu a na ŋmɛni po san konkwuu kiri ru, kalindaŋ kiri niŋ ɲaantɔ-ri sun kì.
10Niŋ kɔɔtɛ, kalindaŋ fuuli kari i tiri arɔɔ mani ni nu.
Yesu a yɛri ji-i Makidala Mariyamu wu
(Matiyu 28.9–10; Maraka 16.9–11)
11Niŋ waari ru, Mariyamu tu wuru saali ki ra, nmari i ŋuntan-ni. Nmari tu-i niŋ na, nmari i a sunsan, nmari i saali ki ciiru shɛɛli. 12Nmari i mɛlɛkɛn juulinŋ fɔtiŋ fuuli sɔɔ ja Yesu kwuu ki bilimaŋ ki ru. Tenŋ sɔɔ wuru ŋuniŋ ki bilimaŋ ki ru, tenŋ ki sɔɔ i ji kanŋ kiri maŋ ki ru. 13Mɛlɛkɛn kiri i nmari ranɔri :
« Miŋ ŋuntan-a nfɛnŋ na, mari ki? »
Nmari i kí rupwulu tu : « Kí míŋ Ŋuntiŋ ki po-i, míŋ dumiŋ ǹʼbomaŋ tɔ kí gbɛ kì. »
14Ŋì i nmari tu niŋ wulu ki bi-a, nmari tu a i a ɲaannupwulu, nmari i Yesu tu ja, nka nmari ǹʼtɔ-ri tu mìntiŋ ki i kì. 15Yesu i nmari ranɔri tu : « Nfɛnŋ na miŋ ŋuntan-a mari ki? Miŋ nkɛnŋ ceeli-la? »
Ǹʼwuru Mariyamu cirasun tu jirinŋ jitiŋ ki a ji-i, niŋ ki ra, nmari i ǹʼbi tu : « Míŋ i Yesu maŋ ceeli-la. Míŋ ŋuntiŋ, a ábɛɛ ji ntiŋ po, á ntiŋ maŋ ji ńʼwu, míŋ a ta ntiŋ shi. »
16Yesu tu : « Mariyamu! »
Mariyamu i a rapwulu ntiŋ kɛlintɛ, nmari i ǹʼbi Iburuwulu ki ru tu : « Arabuni! » Niŋ kɔri ki i tu : « Yɔɔ kalimɔɔ. »
17Yesu i ǹʼbi nmari tɛ tu : « Fa ńʼpa sɔɔ#20.17 Ǹʼbɛɛ ri ka mani ka bi-i tu: Fa nʼgbɛ pa míŋ na kì. tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »
18Makidala Mariyamu i tiri ǹʼbi kalindaŋ kiri tɛ tu : « Míŋ Ŋuntiŋ ki ja-i. » Ntiŋ wulu wɔ̀ bi-i nmari tɛ, nmari i niŋ bi kalindaŋ kiri tɛ.
Yesu a yɛri ji-i awɔ kalindaŋ kiri wu
(Matiyu 28.16–20; Maraka 16.14–18; Luki 24.36–49)
19Mìŋ shikaŋ tenŋ ki, ninwɔ̀ wuru Nufaan jibi ki sisarifuluntɔnŋ ki i, niŋ bilana ki ru, kalindaŋ kiri rakɔli wuru fu bɛɛ ru, kí i niŋ fu ki sɔɔn-ɔ arì sun, Yawutu kiri jɛŋ kɛmi ki ra. Yesu i na tu kí faninmwuŋ, ntiŋ i ǹʼbi tu : « Ɲaanfɛfili tu á fan! »
20Ntiŋ niŋ bi-i, ntiŋ i a gbɛta kiri fa yalaka ki ji kí wu. Kalindaŋ kiri ciiru i di kusɛbɛ, sabu kí wuru Ŋuntiŋ ki ja-a.
21Yesu i a pwulu, ntiŋ i ǹʼbi kí tɛ sɛbɛ tu : « Ɲaanfɛfili tu á fan. Tiŋ Kirinŋ míŋ cin-i ɲaan wɔ̀ tɛ, míŋ yɛrima ki i ábɛɛ cin-a mìŋ ɲaan tenŋ ki tɛ. »
22Ntiŋ niŋ wulu kiri bi kɔ-i waarinŋ wɔ̀ ru, ntiŋ i fwuu fyɛ kí sun, ntiŋ i ǹʼbi tu : « Á Ɲiniwɔlinŋ ki ŋununafu. 23A ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ, yìrì tu-i ntiŋ tɛ, nka ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ kì, yìrì tu ntiŋ tɛ kì. »
Yesu a yɛri ji-i Toma wu
24Yesu wɔ cindaŋ bwununfuuli ki bɛɛ tenŋ wuru nmaŋ, nwɔ̀ tɔ wuru tu Toma, kí i ntiŋ dɔri-ri tu « Fili ki ». Yesu a yɛri ji-i awɔ kalindaŋ kiri wu waarinŋ wɔ̀ ru, niŋ wuru kí fan kì.
25Toma kaashi kiri i na ǹʼbi ntiŋ tɛ tu :
« Yibɛɛ Ŋuntiŋ ki ja-i! »
Nka Toma i kí rupwulu tu : « A míŋ kɔniŋ pɔnci ta kiri ja ntiŋ gbɛta kiri ra, ŋí i ńʼgbɛnaŋ ki de yìrì bu ta kiri ra kì, niŋ fa ŋí i ńʼgbɛ ki de tama ki bu ta ki ru kì, míŋ a bili ǹʼna kì. »
26Sunŋ fulupɔni fwuudemaan kɔɔtɛ, Yesu wɔ kalindaŋ kiri rakɔlimaan ki wuru-i fu ki ru sɛbɛ, Toma i ji kí fan niŋ shikaŋ. Fu ki tɔnŋ kiri sɔɔnmaan wuru-i, nka Yesu i na tu kí faninmwuŋ sɛbɛ, ntiŋ tu : « Ɲaanfɛfili tu á fan. »
27Niŋ kɔɔtɛ, ntiŋ tu Toma tɛ : « Toma, na nʼgbɛnaŋ ki de kwumaŋ, ŋi i míŋ gbɛta kiri shɛɛli, ŋi i na nʼgbɛ ki wu, ŋi i na ǹʼbili míŋ yalaka ki sun. Bilinabalibi ki tɔnbo, ŋi i bili míŋ na. »
28Toma i ntiŋ nupwulu tu : « Míŋ Ŋuntiŋ, niŋ fa mɔ́ɔ́n Kirinŋ ki! »
29Yesu i ǹʼbi ntiŋ tɛ tu : « Miŋ míŋ ja-i, niŋ ki ra, miŋ i bili míŋ na! Nwɔ̀ ri míŋ ja kì, kí i bili míŋ na, nini fɛri-i. »
30Yesu taanmashɛ mwɔɔnna tɔri ri ma-i awɔ kalindaŋ kiri ɲaanna, nwɔ̀ri wulu bi ka sɛbɛ ka ru kì. 31Nwɔ̀ri sɛbɛ-i, nini sɛbɛ ŋuŋ ki i kaa, tu ábɛɛ i bili ǹʼna tu Yesu, Kirisa ki i, Kirinŋ Danshuru ki. Niŋ fa tu, nwɔma ábɛɛ i bili niŋ na, á i ɲaninkulutɔnbi ki kila niŋ tɔ ki baraka ra.
Tällä hetkellä valittuna:
Yuhana 20: JOB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Wycliffe Bible Translators, Inc.
Yuhana 20
20
Saali ciiru wɔ ki bi ki
(Matiyu 28.1–8; Maraka 16.1–8; Luki 24.1–12)
1Nufaan jibi ki sisarifuluntɔnŋ ki, siira jona, mani fyirinfyiraaŋ ki tɛ, Makidala Mariyamu i tiri saali ki ra. Nmari i ta faa ki kulunkulu sanmaan ja saali ki tɔnŋ ki ra. 2Nmari i bili pwulu na Simɔŋ Pyɛɛri fa Yesu dintɛ kalindaŋ ki tɛ, nmari i ǹʼbi kí tɛ tu :
« Kí Ŋuntiŋ ki kwuu ki po san-i saali ki ru, yibɛɛ ǹʼbomaŋ tɔ kí gbɛ kì. »
3Pyɛɛri fa niŋ kalindaŋ ki i ta saali ki ra. 4Kí koŋ fuuli ki fɔn i bili ta-ri arìmaŋ fan, nka niŋ kalindaŋ ki kanŋ sun i kwulu Pyɛɛri wu, niŋ i so saali ki tɔnŋ ki ra Pyɛɛri jɛŋ. 5Ntiŋ i a sunsan, ntiŋ i saali ki ciiru ki shɛɛli, kí juulinŋ fɔ wɔ̀ri sɔɔ wuru-i kí i Yesu sunye, ntiŋ i niŋ juulinŋ fɔ kiri bantenŋ bo ja nmaŋ, nka ntiŋ de kì.
6Simɔŋ Pyɛɛri wɔ̀ ǹʼpa wuru ntiŋ cɛfan, niŋ so-i waarinŋ wɔ̀ ru, niŋ i de ta ki ru shuu, ntiŋ i ta fa juulinŋ fɔ kiri bantenŋ bo wu fwuniŋ ki sun nmaŋ. 7Niŋ fa juulinŋ wɔ̀ sɔɔ wuru-i Yesu ŋuniŋ ki i sunla, ntiŋ i niŋ kwunu bomaan ki ja a cinancinŋ mani tɔri ru.
8Kalindaŋ wɔ̀ jɔnɔ so wuru ta ki ra, niŋ i kila niŋ i de, niŋ i bi kiri ja niŋ ɲaan ki tɛ, ntiŋ i bili ǹʼna. 9Sabu wulu wɔ̀ bi wuru Kirinŋ wɔ wulu sɛbɛ ki ru tu, Yesu a na ŋmɛni po san konkwuu kiri ru, kalindaŋ kiri niŋ ɲaantɔ-ri sun kì.
10Niŋ kɔɔtɛ, kalindaŋ fuuli kari i tiri arɔɔ mani ni nu.
Yesu a yɛri ji-i Makidala Mariyamu wu
(Matiyu 28.9–10; Maraka 16.9–11)
11Niŋ waari ru, Mariyamu tu wuru saali ki ra, nmari i ŋuntan-ni. Nmari tu-i niŋ na, nmari i a sunsan, nmari i saali ki ciiru shɛɛli. 12Nmari i mɛlɛkɛn juulinŋ fɔtiŋ fuuli sɔɔ ja Yesu kwuu ki bilimaŋ ki ru. Tenŋ sɔɔ wuru ŋuniŋ ki bilimaŋ ki ru, tenŋ ki sɔɔ i ji kanŋ kiri maŋ ki ru. 13Mɛlɛkɛn kiri i nmari ranɔri :
« Miŋ ŋuntan-a nfɛnŋ na, mari ki? »
Nmari i kí rupwulu tu : « Kí míŋ Ŋuntiŋ ki po-i, míŋ dumiŋ ǹʼbomaŋ tɔ kí gbɛ kì. »
14Ŋì i nmari tu niŋ wulu ki bi-a, nmari tu a i a ɲaannupwulu, nmari i Yesu tu ja, nka nmari ǹʼtɔ-ri tu mìntiŋ ki i kì. 15Yesu i nmari ranɔri tu : « Nfɛnŋ na miŋ ŋuntan-a mari ki? Miŋ nkɛnŋ ceeli-la? »
Ǹʼwuru Mariyamu cirasun tu jirinŋ jitiŋ ki a ji-i, niŋ ki ra, nmari i ǹʼbi tu : « Míŋ i Yesu maŋ ceeli-la. Míŋ ŋuntiŋ, a ábɛɛ ji ntiŋ po, á ntiŋ maŋ ji ńʼwu, míŋ a ta ntiŋ shi. »
16Yesu tu : « Mariyamu! »
Mariyamu i a rapwulu ntiŋ kɛlintɛ, nmari i ǹʼbi Iburuwulu ki ru tu : « Arabuni! » Niŋ kɔri ki i tu : « Yɔɔ kalimɔɔ. »
17Yesu i ǹʼbi nmari tɛ tu : « Fa ńʼpa sɔɔ#20.17 Ǹʼbɛɛ ri ka mani ka bi-i tu: Fa nʼgbɛ pa míŋ na kì. tu kì, míŋ tunpa-i Tiŋ ki tɛ sun kì. Nka ta ǹʼbi míŋ tindaŋ kiri tɛ, tu míŋ tunpa ńʼTiŋ ki tɛ, ninwɔ̀ i ábɛɛ Tiŋ i sɛbɛ, ninwɔ̀ i mɔ́ɔ́n Kirinŋ ki i, niŋ fa ŋì i ji ábɔɔ Kirinŋ ki i. »
18Makidala Mariyamu i tiri ǹʼbi kalindaŋ kiri tɛ tu : « Míŋ Ŋuntiŋ ki ja-i. » Ntiŋ wulu wɔ̀ bi-i nmari tɛ, nmari i niŋ bi kalindaŋ kiri tɛ.
Yesu a yɛri ji-i awɔ kalindaŋ kiri wu
(Matiyu 28.16–20; Maraka 16.14–18; Luki 24.36–49)
19Mìŋ shikaŋ tenŋ ki, ninwɔ̀ wuru Nufaan jibi ki sisarifuluntɔnŋ ki i, niŋ bilana ki ru, kalindaŋ kiri rakɔli wuru fu bɛɛ ru, kí i niŋ fu ki sɔɔn-ɔ arì sun, Yawutu kiri jɛŋ kɛmi ki ra. Yesu i na tu kí faninmwuŋ, ntiŋ i ǹʼbi tu : « Ɲaanfɛfili tu á fan! »
20Ntiŋ niŋ bi-i, ntiŋ i a gbɛta kiri fa yalaka ki ji kí wu. Kalindaŋ kiri ciiru i di kusɛbɛ, sabu kí wuru Ŋuntiŋ ki ja-a.
21Yesu i a pwulu, ntiŋ i ǹʼbi kí tɛ sɛbɛ tu : « Ɲaanfɛfili tu á fan. Tiŋ Kirinŋ míŋ cin-i ɲaan wɔ̀ tɛ, míŋ yɛrima ki i ábɛɛ cin-a mìŋ ɲaan tenŋ ki tɛ. »
22Ntiŋ niŋ wulu kiri bi kɔ-i waarinŋ wɔ̀ ru, ntiŋ i fwuu fyɛ kí sun, ntiŋ i ǹʼbi tu : « Á Ɲiniwɔlinŋ ki ŋununafu. 23A ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ, yìrì tu-i ntiŋ tɛ, nka ábɛɛ ǹʼbi koŋ finŋ woo finŋ tɛ, tu ntiŋ wɔ bijɛ kiri tu ntiŋ tɛ kì, yìrì tu ntiŋ tɛ kì. »
Yesu a yɛri ji-i Toma wu
24Yesu wɔ cindaŋ bwununfuuli ki bɛɛ tenŋ wuru nmaŋ, nwɔ̀ tɔ wuru tu Toma, kí i ntiŋ dɔri-ri tu « Fili ki ». Yesu a yɛri ji-i awɔ kalindaŋ kiri wu waarinŋ wɔ̀ ru, niŋ wuru kí fan kì.
25Toma kaashi kiri i na ǹʼbi ntiŋ tɛ tu :
« Yibɛɛ Ŋuntiŋ ki ja-i! »
Nka Toma i kí rupwulu tu : « A míŋ kɔniŋ pɔnci ta kiri ja ntiŋ gbɛta kiri ra, ŋí i ńʼgbɛnaŋ ki de yìrì bu ta kiri ra kì, niŋ fa ŋí i ńʼgbɛ ki de tama ki bu ta ki ru kì, míŋ a bili ǹʼna kì. »
26Sunŋ fulupɔni fwuudemaan kɔɔtɛ, Yesu wɔ kalindaŋ kiri rakɔlimaan ki wuru-i fu ki ru sɛbɛ, Toma i ji kí fan niŋ shikaŋ. Fu ki tɔnŋ kiri sɔɔnmaan wuru-i, nka Yesu i na tu kí faninmwuŋ sɛbɛ, ntiŋ tu : « Ɲaanfɛfili tu á fan. »
27Niŋ kɔɔtɛ, ntiŋ tu Toma tɛ : « Toma, na nʼgbɛnaŋ ki de kwumaŋ, ŋi i míŋ gbɛta kiri shɛɛli, ŋi i na nʼgbɛ ki wu, ŋi i na ǹʼbili míŋ yalaka ki sun. Bilinabalibi ki tɔnbo, ŋi i bili míŋ na. »
28Toma i ntiŋ nupwulu tu : « Míŋ Ŋuntiŋ, niŋ fa mɔ́ɔ́n Kirinŋ ki! »
29Yesu i ǹʼbi ntiŋ tɛ tu : « Miŋ míŋ ja-i, niŋ ki ra, miŋ i bili míŋ na! Nwɔ̀ ri míŋ ja kì, kí i bili míŋ na, nini fɛri-i. »
30Yesu taanmashɛ mwɔɔnna tɔri ri ma-i awɔ kalindaŋ kiri ɲaanna, nwɔ̀ri wulu bi ka sɛbɛ ka ru kì. 31Nwɔ̀ri sɛbɛ-i, nini sɛbɛ ŋuŋ ki i kaa, tu ábɛɛ i bili ǹʼna tu Yesu, Kirisa ki i, Kirinŋ Danshuru ki. Niŋ fa tu, nwɔma ábɛɛ i bili niŋ na, á i ɲaninkulutɔnbi ki kila niŋ tɔ ki baraka ra.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Wycliffe Bible Translators, Inc.