Lukas 23
23
Tomwatar ror Yesus ber Pilatus
23:1-7
(Mat. 27:1-2; 27:11-14; Mrk. 15:1-5; Yoh. 18:28-38)
1Mpene sir monuk ma ramin iane ramdir, ma ror Yesus ber Pilatus.#23:1 Pilatus ye tomwat Roma nof yampren Italia. Kaisar Roma nal kuase ber i ma nfarete propinsi Yudea na ngarak buty du resin nem titerik buty tel resin nem (26-36 Masehi). 2Na iano sir rsoi I ma rfalak, “Kam mtungan tomwate ye nfule kam mamy tomwatar. I nfalak ber sir nema kete rbayar ulnir batin ber Kaisar, ma nfalak feti I ye Ray Silai iane feti Rai sa I.”
3Ne Pilatus nenrat I, “Mpe Ko ye Yahudyar nir Rai e?”
Ne Yesus nfalak, “Koko ko ma mfwalak.”
4Mpa Pilatus nfalak ber mangsomp ulnir ma tomwatar monuk a ne, “Yakw to kukun I fali to kbwae Ni sal.”
5Nempa sir rtafal ma rfalak, “I nfule tomwatar nor Ni anftutu na propinsi Yudea ni kateman; ntabw nof Galilea, ma ti la nait ye nbal.”
6Pilatus ndengar farane i nenrat, “Ali tomwate ye tomwat Galilea I e?”
7Sir rfalak, “Au! I nof Galilea.” Mpa Pilatus nluan tomwatar ma ror I ber Herodes mangkuase Galilea, fali noak a ne namin Yerusalem a nbal.
Tomwatar ror Yesus ber Herodes
23:8-12
8Herodes ndengar a na Yesus doan ye lo mpa nmpeang desar ma natungan nor I ma nsalan I nose fanikar sa. Mpa nait ma nsalan Yesus e nsenang resi. 9I nenrat kabanir yadin nof Yesus, nempa Yesus namlin motak. 10Ne mangsomp ulnir ma mangaftutu Musa ni faretar ral far lury ma rsoi Yesus ror sal mabertar la rafufu I. 11Ndengar farane, Herodes nor ni suldadwar rarikan I, rkosy I ma rmalip I. Sir rwol rabit melawas farlan rayar ni rabtyar na I betno ror a rbali I ber Pilatus. 12Noak a ne Herodes radu Pilatus rakedan sir, nempa na lere ne nbal radu rangamon a rbali.
Pilatus nal tetetak mamate ber Yesus
23:13-25
(Mat. 27:15-26; Mrk. 15:6-15; Yoh. 18:38; 19:16)
13Mpene Pilatus nafburat mangsomp ulnir, ma mangfaretar, numur tomwatar, 14betno nfalak ber sir, “Kmi myor tomwate ye ber yakw ma msyoi feti I nfule tomwatar. Msyalan ma mdyengar ma kwenrat I lo, nempa to Ni sal sasaf far ma mfyalak a ne. 15Herodes a nbal e ni andaun farane mpa nluan ma myor a mbyali I ber yakw. Tomwate ye to nose sal maberat sasaf ma nwayat ma kal tetetak mamate ber I. 16Mpa keta klwuan ma raus a rbabal I, betno ktwate I.”
17[Pilatus nfalak farane fali na Yahudyar nir ler silai Paskah mpane e, ka nalin tomwatar sa nof sel dalam.] 18Nempa tomwatar monuk ma ramin a ne yoyouk lese ma rafwayak, “Mfwen I! Ma mtwate Barabas ber kam!” 19(Sir ral Barabas far sel dalam fali nfen tomwate ma nose tomwatar to rdengar mangfaret Roma.)
20Pilatus nose ma ntate Yesus, mpa nenrat sir a nbal. 21Nempa rafwayak dedesar, “Sangwalu I! Sangwalu I!”
22Pilatus nfalak fen lain tel ber sir, “Ali Ni sal safe ye? Yakw to ktwungan Ni sal sasaf ma nwayat ma kwal tetetak mamate ber I! Mpa keta klwuan ma raus a rbabal I, betno ktwate I.”
23Nempa rtafal ma rafwayak, “Msangwalu I lo.” Mpa famudi e, nlarat nir mpempeang. 24Mpene Pilatus nal tetetak mamate ber Yesus nlarat nir mpempeang, 25ma ntate tomwate ma namin sel dalam ma nafyatak kote ma nafen a ne. Betno nanrenre Yesus ber ni suldadwar ma rfen I rlarat Yahudyar nir suke.
Tomwatar rsangwalu Yesus
23:26-43
(Mat. 27:32-44; Mrk. 15:21-32; Yoh. 19:17-27)
26Mpene suldadw Romar ror Yesus. Na dalamtene let e, sir rtungan tomwat sa ngarany Simon, nof kote Kirene, i nose ma nti kote dalam. Ne suldadwar a ne romat i betno ribut i ma nabare Ni sangwalu nlarat Yesus.
27Tomwat ngayadin rlarat Yesus rof mudy. Nof sir a ne ye batar ketnir a nbal rlarat Yesus ma rtasing I. 28Nempa Yesus nmange I ma nfalak, “Hei bat Yerusalemar a kmi! Kete mtyasing Yakw. Nempa mtyasing a mbyali kmi numur angkimir. 29Fali keta nait ni tewat e tomwatar rfalak feti, ‘Ngamone ber batar ma rmakw, ma to nir memey ma to rasusw.’ 30Na lere ne keta tomwatar rfalak feti, ‘Ka weni buburir ma lenir mimkei mpyalam kam!’#Hos. 10:8; Why. 6:16 31Katutun mate motak e, tomwatar rose farye lo, ma keta katutun mangu e, rose farpe i a nbal! Feleles farlan Yakw ma to Ningw sal sasaf e, rose Yakw farye lo, ma tomwat salar a kmi e, keta rose rlengan a nbal.”
32Sir ror tomwat yatkar du a nbal ma rukun a rfen sir numur Yesus. 33Rait ain ma ngarany Ulbati e, rsangwalu Yesus numur tomwat yatkar du a ne, sa namin Yesus balisya fian ma sa namin balisya bayal. 34Ne Yesus nsampayang, “O Amo. Mlwure sir! Koli to rafai safe ma sir rose.”#Mzm. 22:19
Ne suldadw Romar a ne rose onde ma rasaman Yesus Ni rabit melawas. 35Tomwat ngayadin ramdir iane ma rsalan safe ma rose ne, nempa mangfaret Yahudyar rarikan Yesus ma rfalak, “I nfair tomwat walyetar lo; mpa farlan botuan feti I ye Ray Silai ma Ratu nfil I e, no tsalan feti bise ma nfair a nbali I nre tate!”
36Suldadwar rasalik I. Ma ral anggur manilu ber I 37ma rfalak, “Farlan Yahudyar nir Rai Ko e, mfwair a mbwali Ko!”
38Na Yesus Ni katutun sangwalu unrun e rarengi feti: “‘I ye tomwat Yahudyar nir Rai.’”
39Tomwat yatkar sa ma rsangwalu i a ne nafbwere Yesus. Ma nfalak, “Ray Silai Ko ye nre? Mpa mfwair Ko numur kam a nbal!”
40Nempa tomwat yatkar sa nbal a ne ntampu i ma nfalak, “Ali to mumtaut Ratu e? Sir rtetak mamate ber ko farlan I a nbal. 41Botuan feti tadu e, rukun kit a rlarat ninr salar. Nempa I ye to Ni sal sasaf!” 42Betno nfalak a nbal, “Yesus, farlan mweluk Rai ma mfwarete na Nim ain farete e, ka kete mumlufe yakw!”
43Ne Yesus nfalak, “Ni botuan e, na lere ye nbal ko mor Yakw na Firdaus dalam.”
Yesus nmat
23:44-49
(Mat. 27:45-46; Mrk. 15:33-41; Yoh. 19:28-30)
44Noak a ne lere nfat langit lo, nempa nuse ni kateman makrokap resi titerik jam tiga, fali lere to idak. 45Ma maloly melabar ma ntikloi neluk sasake na Ratu Ni Das Silai dalam a ne ntarbis a nmpan du.#Kel. 26:31-33 46Ne Yesus nfalak nor liriny silai ma nfalak, “O Amo! Yakw klwoik smwangtangw na limam dalam!” Lama nfalak farane e, I nmat.#Mzm. 31:6
47Noak ma suldadwar nir ulun nsalan farane, ndangin Ratu. Ma nfalak, “Botuan, I ye tomwat ngamone!”
48Tomwat ngayadin rafburat sir na ain a ne, sir rsalan ngrie ne ma rbali sir e, rsok mpumprir fali rasesal sir. 49Ma Yesus tbwarnir monuk, numur batar ma rlarat I rof Galilea, ramdir motak dodo ma rsalan monuk ngrie ne.#Luk. 8:2-3
Tomwatar rafonak Yesus
23:50-56
(Mat. 27:57-61; Mrk. 15:42-47; Yoh. 19:38-42)
50-51Ne tomwat sa ngarany Yusuf, nof kote Arimatea na propinsi Yudea. I ye tomwat ngamonar sa ma namlonry, ma ndaf dedesar tewat ma Ratu nfarete neluk Rai. Boloka Mangtetak Agamar sa i, nempa to nyoding mangtetkar nir tetetak ne. 52I nti ntak Pilatus ma nal Yesus tenany. 53Ne nti ntolar Yesus tenany nof katutun sangwalu, betno nal maloly buri ngafele la nbebe I. Nof a ne nti nfele Yesus na bange. Bange ne rkal e lo nempa to rnau mangmwat a na fuky. 54Lere ne ler Jumat; lere ma Yahudyar rasusan sir fali ketla nait nir ler Sanari.
55Batar ma raktem Yesus rma rof Galilea ne rlarat Yusuf ma rsalan kubur a ne. Ma rsalan a nbal feti rfele Yesus farpe na kubur dalam. 56Ne rbali sir ma rasusan ngul angat ngafelar ma ryefar Yesus tenany.
Mpene na ler Sanari e, rsanari sir a rlarat faret agame.#Kel. 20:10; Ul. 5:14
Tällä hetkellä valittuna:
Lukas 23: YMD
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Yayasan Pemberdayaan Masyarakat Desa © Wycliffe Bible Translators, Inc. All rights reserved.
Lukas 23
23
Tomwatar ror Yesus ber Pilatus
23:1-7
(Mat. 27:1-2; 27:11-14; Mrk. 15:1-5; Yoh. 18:28-38)
1Mpene sir monuk ma ramin iane ramdir, ma ror Yesus ber Pilatus.#23:1 Pilatus ye tomwat Roma nof yampren Italia. Kaisar Roma nal kuase ber i ma nfarete propinsi Yudea na ngarak buty du resin nem titerik buty tel resin nem (26-36 Masehi). 2Na iano sir rsoi I ma rfalak, “Kam mtungan tomwate ye nfule kam mamy tomwatar. I nfalak ber sir nema kete rbayar ulnir batin ber Kaisar, ma nfalak feti I ye Ray Silai iane feti Rai sa I.”
3Ne Pilatus nenrat I, “Mpe Ko ye Yahudyar nir Rai e?”
Ne Yesus nfalak, “Koko ko ma mfwalak.”
4Mpa Pilatus nfalak ber mangsomp ulnir ma tomwatar monuk a ne, “Yakw to kukun I fali to kbwae Ni sal.”
5Nempa sir rtafal ma rfalak, “I nfule tomwatar nor Ni anftutu na propinsi Yudea ni kateman; ntabw nof Galilea, ma ti la nait ye nbal.”
6Pilatus ndengar farane i nenrat, “Ali tomwate ye tomwat Galilea I e?”
7Sir rfalak, “Au! I nof Galilea.” Mpa Pilatus nluan tomwatar ma ror I ber Herodes mangkuase Galilea, fali noak a ne namin Yerusalem a nbal.
Tomwatar ror Yesus ber Herodes
23:8-12
8Herodes ndengar a na Yesus doan ye lo mpa nmpeang desar ma natungan nor I ma nsalan I nose fanikar sa. Mpa nait ma nsalan Yesus e nsenang resi. 9I nenrat kabanir yadin nof Yesus, nempa Yesus namlin motak. 10Ne mangsomp ulnir ma mangaftutu Musa ni faretar ral far lury ma rsoi Yesus ror sal mabertar la rafufu I. 11Ndengar farane, Herodes nor ni suldadwar rarikan I, rkosy I ma rmalip I. Sir rwol rabit melawas farlan rayar ni rabtyar na I betno ror a rbali I ber Pilatus. 12Noak a ne Herodes radu Pilatus rakedan sir, nempa na lere ne nbal radu rangamon a rbali.
Pilatus nal tetetak mamate ber Yesus
23:13-25
(Mat. 27:15-26; Mrk. 15:6-15; Yoh. 18:38; 19:16)
13Mpene Pilatus nafburat mangsomp ulnir, ma mangfaretar, numur tomwatar, 14betno nfalak ber sir, “Kmi myor tomwate ye ber yakw ma msyoi feti I nfule tomwatar. Msyalan ma mdyengar ma kwenrat I lo, nempa to Ni sal sasaf far ma mfyalak a ne. 15Herodes a nbal e ni andaun farane mpa nluan ma myor a mbyali I ber yakw. Tomwate ye to nose sal maberat sasaf ma nwayat ma kal tetetak mamate ber I. 16Mpa keta klwuan ma raus a rbabal I, betno ktwate I.”
17[Pilatus nfalak farane fali na Yahudyar nir ler silai Paskah mpane e, ka nalin tomwatar sa nof sel dalam.] 18Nempa tomwatar monuk ma ramin a ne yoyouk lese ma rafwayak, “Mfwen I! Ma mtwate Barabas ber kam!” 19(Sir ral Barabas far sel dalam fali nfen tomwate ma nose tomwatar to rdengar mangfaret Roma.)
20Pilatus nose ma ntate Yesus, mpa nenrat sir a nbal. 21Nempa rafwayak dedesar, “Sangwalu I! Sangwalu I!”
22Pilatus nfalak fen lain tel ber sir, “Ali Ni sal safe ye? Yakw to ktwungan Ni sal sasaf ma nwayat ma kwal tetetak mamate ber I! Mpa keta klwuan ma raus a rbabal I, betno ktwate I.”
23Nempa rtafal ma rafwayak, “Msangwalu I lo.” Mpa famudi e, nlarat nir mpempeang. 24Mpene Pilatus nal tetetak mamate ber Yesus nlarat nir mpempeang, 25ma ntate tomwate ma namin sel dalam ma nafyatak kote ma nafen a ne. Betno nanrenre Yesus ber ni suldadwar ma rfen I rlarat Yahudyar nir suke.
Tomwatar rsangwalu Yesus
23:26-43
(Mat. 27:32-44; Mrk. 15:21-32; Yoh. 19:17-27)
26Mpene suldadw Romar ror Yesus. Na dalamtene let e, sir rtungan tomwat sa ngarany Simon, nof kote Kirene, i nose ma nti kote dalam. Ne suldadwar a ne romat i betno ribut i ma nabare Ni sangwalu nlarat Yesus.
27Tomwat ngayadin rlarat Yesus rof mudy. Nof sir a ne ye batar ketnir a nbal rlarat Yesus ma rtasing I. 28Nempa Yesus nmange I ma nfalak, “Hei bat Yerusalemar a kmi! Kete mtyasing Yakw. Nempa mtyasing a mbyali kmi numur angkimir. 29Fali keta nait ni tewat e tomwatar rfalak feti, ‘Ngamone ber batar ma rmakw, ma to nir memey ma to rasusw.’ 30Na lere ne keta tomwatar rfalak feti, ‘Ka weni buburir ma lenir mimkei mpyalam kam!’#Hos. 10:8; Why. 6:16 31Katutun mate motak e, tomwatar rose farye lo, ma keta katutun mangu e, rose farpe i a nbal! Feleles farlan Yakw ma to Ningw sal sasaf e, rose Yakw farye lo, ma tomwat salar a kmi e, keta rose rlengan a nbal.”
32Sir ror tomwat yatkar du a nbal ma rukun a rfen sir numur Yesus. 33Rait ain ma ngarany Ulbati e, rsangwalu Yesus numur tomwat yatkar du a ne, sa namin Yesus balisya fian ma sa namin balisya bayal. 34Ne Yesus nsampayang, “O Amo. Mlwure sir! Koli to rafai safe ma sir rose.”#Mzm. 22:19
Ne suldadw Romar a ne rose onde ma rasaman Yesus Ni rabit melawas. 35Tomwat ngayadin ramdir iane ma rsalan safe ma rose ne, nempa mangfaret Yahudyar rarikan Yesus ma rfalak, “I nfair tomwat walyetar lo; mpa farlan botuan feti I ye Ray Silai ma Ratu nfil I e, no tsalan feti bise ma nfair a nbali I nre tate!”
36Suldadwar rasalik I. Ma ral anggur manilu ber I 37ma rfalak, “Farlan Yahudyar nir Rai Ko e, mfwair a mbwali Ko!”
38Na Yesus Ni katutun sangwalu unrun e rarengi feti: “‘I ye tomwat Yahudyar nir Rai.’”
39Tomwat yatkar sa ma rsangwalu i a ne nafbwere Yesus. Ma nfalak, “Ray Silai Ko ye nre? Mpa mfwair Ko numur kam a nbal!”
40Nempa tomwat yatkar sa nbal a ne ntampu i ma nfalak, “Ali to mumtaut Ratu e? Sir rtetak mamate ber ko farlan I a nbal. 41Botuan feti tadu e, rukun kit a rlarat ninr salar. Nempa I ye to Ni sal sasaf!” 42Betno nfalak a nbal, “Yesus, farlan mweluk Rai ma mfwarete na Nim ain farete e, ka kete mumlufe yakw!”
43Ne Yesus nfalak, “Ni botuan e, na lere ye nbal ko mor Yakw na Firdaus dalam.”
Yesus nmat
23:44-49
(Mat. 27:45-46; Mrk. 15:33-41; Yoh. 19:28-30)
44Noak a ne lere nfat langit lo, nempa nuse ni kateman makrokap resi titerik jam tiga, fali lere to idak. 45Ma maloly melabar ma ntikloi neluk sasake na Ratu Ni Das Silai dalam a ne ntarbis a nmpan du.#Kel. 26:31-33 46Ne Yesus nfalak nor liriny silai ma nfalak, “O Amo! Yakw klwoik smwangtangw na limam dalam!” Lama nfalak farane e, I nmat.#Mzm. 31:6
47Noak ma suldadwar nir ulun nsalan farane, ndangin Ratu. Ma nfalak, “Botuan, I ye tomwat ngamone!”
48Tomwat ngayadin rafburat sir na ain a ne, sir rsalan ngrie ne ma rbali sir e, rsok mpumprir fali rasesal sir. 49Ma Yesus tbwarnir monuk, numur batar ma rlarat I rof Galilea, ramdir motak dodo ma rsalan monuk ngrie ne.#Luk. 8:2-3
Tomwatar rafonak Yesus
23:50-56
(Mat. 27:57-61; Mrk. 15:42-47; Yoh. 19:38-42)
50-51Ne tomwat sa ngarany Yusuf, nof kote Arimatea na propinsi Yudea. I ye tomwat ngamonar sa ma namlonry, ma ndaf dedesar tewat ma Ratu nfarete neluk Rai. Boloka Mangtetak Agamar sa i, nempa to nyoding mangtetkar nir tetetak ne. 52I nti ntak Pilatus ma nal Yesus tenany. 53Ne nti ntolar Yesus tenany nof katutun sangwalu, betno nal maloly buri ngafele la nbebe I. Nof a ne nti nfele Yesus na bange. Bange ne rkal e lo nempa to rnau mangmwat a na fuky. 54Lere ne ler Jumat; lere ma Yahudyar rasusan sir fali ketla nait nir ler Sanari.
55Batar ma raktem Yesus rma rof Galilea ne rlarat Yusuf ma rsalan kubur a ne. Ma rsalan a nbal feti rfele Yesus farpe na kubur dalam. 56Ne rbali sir ma rasusan ngul angat ngafelar ma ryefar Yesus tenany.
Mpene na ler Sanari e, rsanari sir a rlarat faret agame.#Kel. 20:10; Ul. 5:14
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© Yayasan Pemberdayaan Masyarakat Desa © Wycliffe Bible Translators, Inc. All rights reserved.