Mʉkpanganɨa 23
23
Abalaama ɔkayɔ ɓʉnjaʉ ɓɔ hʉna Sala
1Sala a꞉kwaa akɔ dɔdɔ mago maɓomu, mɨa mʉngana nɔ ɓatɛkɛɓɛ ɓapɨnɨ nɔ mɛɗɨanɛka. 2Sala a꞉kio mʉtɨma tɨa anɔ Kɨlɨalɨ-Alaba, pɔ ɓɔ Hɛbʉlɔnɨ, amati ɔ ɨkʉmbʉ yɔ Kanana. Abalaama ɔ꞉mʉndɨa moi angɔ, nɔ, ɔ꞉kumonokio didima. 3Abalaama ɔ꞉ngwa ananɨ ndʉtʉ yɔ moi angɔ ya꞉ɓio-ɔɔ, nɔ, ɔ꞉sa ayakanaka nɔ Ɓahɨtɨ ɓɔ: 4«Ɨmɨ, na꞉wolo jɛnɛ ati eno aka ndʉ mɛɛka. Kʉɓanɨ, nɔnɨtɔ ɓɔ anenjeni ɓaka ɨda yɔ manjaʉ, nɨhʉna-ɔɔ ndʉtʉ yɔ moi asɛmɨ.» 5Ɓahɨtɨ ɓɔ꞉mutosio Abalaama ɓɔ: 6«Makweso, kikiliki atʉka-sɨ isu kʉ ʉkanɨ, Asɔɓɨɨ a꞉nachwa ʉwɛ, aɓio ndʉ ngama ata mʉja ati eso. Ɨndɔ mʉhʉna pɨ moi asɔɔ, ta a manjaʉ ngʉkeso kɔta manjanja aka. Mombi angɔmʉ ati eso, ɨya, a꞊natatɨa ʉwɛ ɨda yɔ manjaʉ ngɨangɔ, ga pɔ nɔwɛ agbɛmɨa ɓɔ watɨmʉhʉnamʉ moi asɔɔ aka.»
7Kʉdɔ, Abalaama ɛ꞉maa, nɔ, ɔ꞉gbʉkʉmɨa akɔɓɔya ta aɨsɨ, ananɨ apɛɨ ɔ Ɓahɨtɨ, ɓamakwɔ ɓɔ ɨkʉmbʉ. 8Ɔ꞉tɔɓusigio ɓɔ: «Yɔɓieni ɓɔ nɔ́꞉bayɔ bayanɨ, ɓɔ moi asɛmɨ ɨhʉnanɨa aka, kikiliki, seni ɓaka nɛmɨ anɨtɨa ihoi, atɨ Ɛfʉlɔnɨ ngɨa mwana ɔ Sɔalɨ. 9Ɨnenjo gɔ pɛngɛ ʉgbʉ ngʉwangɔ, wa akɔ ikopi yɔ Makɛpɛla, amiɓo wɔ kʉbaa ngɨangɔ. Ɨnagabisio ndʉ ɨda yɔ manjaʉ yɨsɛmɨ, akɔ ɨgabʉ ngɨyɛ yɔkwananɔ, ta apɛɨ eno aka.»
10Ɨnadɔ, ɨyɔ Ɛfʉlɔnɨ, a꞉ɓio kʉ ananɨ ati ɔ Ɓahɨtɨ. Kʉdɔ, a꞉mutosio ɨyɔ Abalaama ananɨ apɛɨ ɔ Ɓahɨtɨ, nɔ ɓombi ɓaɓomu ngʉɓa ɓa꞉jonokio ananɨ akɔ umongu wɔ gʉlʉ ɓɔ: 11«Haa, a makwasɛmɨ, anɔka-sɨ ɨmɨ, kʉ ʉkanɨ. Ta aka apɛɨ ɔ ɓandamɨ Ɓahɨtɨ aka, ɨmɨ, nɔnenjo ʉwɛ kʉbaa, kʉ nɔ ʉgbʉ wɔ ikopi ʉwa inani amati ɔngɔ. Mʉhʉna pɨ moi asɔɔ tɨa inani amati ɔngɔ.»
12Kʉdɔ, Abalaama a꞉gbʉkʉmɨa ɓata ananɨ apɛɨ ɔ Ɓahɨtɨ. 13Ta ananɨ, apɛɨ ɔ ɓombi ɓaɓomu, ɔ꞉mʉngɨa Ɛfʉlɔnɨ ɓɔ: «Kikiliki, nɔnɛtɔ ɓɔ anɔka ɓaka-sɨ ɨmɨ, kʉ ʉkanɨ. Nɔ, tipiponoko akɔ ɨgabʉ yɔ kʉbaa ngɨasɔɔ tɨta aka, nɔ ɨmɨ, nɔhʉna ndʉtʉ yɔ moi asɛmɨ tɨa kʉ hʉnanɨ.» 14Yakamɛngana, Ɛfʉlɔnɨ ɔ꞉mutosio Abalaama ɓɔ: 15«Hii, makwasɛmɨ, anɔka-sɨ kʉɔ ɨmɨ, akɔ yaka yɔ ɨgaɓʉ yɔ kʉbaa ɔ mangyɛɛ kɔ mako kɔ dada lɨmɨa ɓɔgɨna, ya ɨmanɨ ati eso nɔwɛ, mʉhʉna pɨ moi asɔɔ.»
16Atɨ Abalaama ɓɔ꞉kɔnɔ nɔ Ɛfʉlɔnɨ. Kʉdɔ, ɨyɔ Abalaama ɔ꞉mupookio Ɛfʉlɔnɨ ligbiti lɔ mako kɔ dada lɨmɨa ɓɔgɨna ngɨlɛ a꞉ɓio ɔchweni, ta ananɨ apɛɨ ɔ Ɓahɨtɨ, akpatanakɨa nɔ ɨgabʉ ngɨyɔ angbinga ngɨananɨ. 17-18Ambise ɔ kɔnɔ ngɨyɛnɛnɨ, Kʉbaa ngɨananɨ muɓomu, ɛ꞉ka tɨta lɨkyɛmʉ lɔ Abalaama. Ya꞉ɓio kʉbaa ngɨyɔ Ɛfʉlɔnɨ anɔ Makɛpɛla, nɔ ʉgbaa mesu aki ɨpá yachwʉchwaka-ɛɛ, wɔɓieni anɔ Mamʉlɛ. Ya꞉ɓio kʉ nɔ ʉgbʉ mʉngana wɔta ʉja amati ɔ ikopi, nɔ matɨ maɓomu ngʉka ka꞉ɓio inani. Ɓadɛmʉ ɓɔngɔ, ya꞉ɓio Ɓahɨtɨ ɓaɓomu ngʉɓa ɓa꞉jonokio ananɨ akɔ umongu wɔ gʉlʉ.
19Mbise ɔ yaka ngɨyɛnɛnɨ, Abalaama ɔ꞉hʉna moi angɔ Sala amati ɔ ʉgbʉ wɔ ikopi ngɨyɛ ya꞉ɓio inani amati ɔ kʉbaa anɔ Makɛpɛla, nɔ ʉgbaa mesu aki ɨpá yachʉchwaka-ɛɛ, wɔɓieni anɔ Mamʉlɛ, pɔ ɓɔ Hɛbʉlɔnɨ anɔ Kanana. 20Kʉdɔ, anɨngwa alɨkɔndɔ lɔ Ɓahɨtɨ, kʉbaa nɔ ʉgbʉ wɔ ikopi ngʉwa wa꞉ɓio inani amati, lɔ꞉natana tɨta ihoi yɔ manjaʉ yɔ Abalaama.
Tällä hetkellä valittuna:
Mʉkpanganɨa 23: buuN
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2021, Wycliffe Bible Translators, Inc.
Mʉkpanganɨa 23
23
Abalaama ɔkayɔ ɓʉnjaʉ ɓɔ hʉna Sala
1Sala a꞉kwaa akɔ dɔdɔ mago maɓomu, mɨa mʉngana nɔ ɓatɛkɛɓɛ ɓapɨnɨ nɔ mɛɗɨanɛka. 2Sala a꞉kio mʉtɨma tɨa anɔ Kɨlɨalɨ-Alaba, pɔ ɓɔ Hɛbʉlɔnɨ, amati ɔ ɨkʉmbʉ yɔ Kanana. Abalaama ɔ꞉mʉndɨa moi angɔ, nɔ, ɔ꞉kumonokio didima. 3Abalaama ɔ꞉ngwa ananɨ ndʉtʉ yɔ moi angɔ ya꞉ɓio-ɔɔ, nɔ, ɔ꞉sa ayakanaka nɔ Ɓahɨtɨ ɓɔ: 4«Ɨmɨ, na꞉wolo jɛnɛ ati eno aka ndʉ mɛɛka. Kʉɓanɨ, nɔnɨtɔ ɓɔ anenjeni ɓaka ɨda yɔ manjaʉ, nɨhʉna-ɔɔ ndʉtʉ yɔ moi asɛmɨ.» 5Ɓahɨtɨ ɓɔ꞉mutosio Abalaama ɓɔ: 6«Makweso, kikiliki atʉka-sɨ isu kʉ ʉkanɨ, Asɔɓɨɨ a꞉nachwa ʉwɛ, aɓio ndʉ ngama ata mʉja ati eso. Ɨndɔ mʉhʉna pɨ moi asɔɔ, ta a manjaʉ ngʉkeso kɔta manjanja aka. Mombi angɔmʉ ati eso, ɨya, a꞊natatɨa ʉwɛ ɨda yɔ manjaʉ ngɨangɔ, ga pɔ nɔwɛ agbɛmɨa ɓɔ watɨmʉhʉnamʉ moi asɔɔ aka.»
7Kʉdɔ, Abalaama ɛ꞉maa, nɔ, ɔ꞉gbʉkʉmɨa akɔɓɔya ta aɨsɨ, ananɨ apɛɨ ɔ Ɓahɨtɨ, ɓamakwɔ ɓɔ ɨkʉmbʉ. 8Ɔ꞉tɔɓusigio ɓɔ: «Yɔɓieni ɓɔ nɔ́꞉bayɔ bayanɨ, ɓɔ moi asɛmɨ ɨhʉnanɨa aka, kikiliki, seni ɓaka nɛmɨ anɨtɨa ihoi, atɨ Ɛfʉlɔnɨ ngɨa mwana ɔ Sɔalɨ. 9Ɨnenjo gɔ pɛngɛ ʉgbʉ ngʉwangɔ, wa akɔ ikopi yɔ Makɛpɛla, amiɓo wɔ kʉbaa ngɨangɔ. Ɨnagabisio ndʉ ɨda yɔ manjaʉ yɨsɛmɨ, akɔ ɨgabʉ ngɨyɛ yɔkwananɔ, ta apɛɨ eno aka.»
10Ɨnadɔ, ɨyɔ Ɛfʉlɔnɨ, a꞉ɓio kʉ ananɨ ati ɔ Ɓahɨtɨ. Kʉdɔ, a꞉mutosio ɨyɔ Abalaama ananɨ apɛɨ ɔ Ɓahɨtɨ, nɔ ɓombi ɓaɓomu ngʉɓa ɓa꞉jonokio ananɨ akɔ umongu wɔ gʉlʉ ɓɔ: 11«Haa, a makwasɛmɨ, anɔka-sɨ ɨmɨ, kʉ ʉkanɨ. Ta aka apɛɨ ɔ ɓandamɨ Ɓahɨtɨ aka, ɨmɨ, nɔnenjo ʉwɛ kʉbaa, kʉ nɔ ʉgbʉ wɔ ikopi ʉwa inani amati ɔngɔ. Mʉhʉna pɨ moi asɔɔ tɨa inani amati ɔngɔ.»
12Kʉdɔ, Abalaama a꞉gbʉkʉmɨa ɓata ananɨ apɛɨ ɔ Ɓahɨtɨ. 13Ta ananɨ, apɛɨ ɔ ɓombi ɓaɓomu, ɔ꞉mʉngɨa Ɛfʉlɔnɨ ɓɔ: «Kikiliki, nɔnɛtɔ ɓɔ anɔka ɓaka-sɨ ɨmɨ, kʉ ʉkanɨ. Nɔ, tipiponoko akɔ ɨgabʉ yɔ kʉbaa ngɨasɔɔ tɨta aka, nɔ ɨmɨ, nɔhʉna ndʉtʉ yɔ moi asɛmɨ tɨa kʉ hʉnanɨ.» 14Yakamɛngana, Ɛfʉlɔnɨ ɔ꞉mutosio Abalaama ɓɔ: 15«Hii, makwasɛmɨ, anɔka-sɨ kʉɔ ɨmɨ, akɔ yaka yɔ ɨgaɓʉ yɔ kʉbaa ɔ mangyɛɛ kɔ mako kɔ dada lɨmɨa ɓɔgɨna, ya ɨmanɨ ati eso nɔwɛ, mʉhʉna pɨ moi asɔɔ.»
16Atɨ Abalaama ɓɔ꞉kɔnɔ nɔ Ɛfʉlɔnɨ. Kʉdɔ, ɨyɔ Abalaama ɔ꞉mupookio Ɛfʉlɔnɨ ligbiti lɔ mako kɔ dada lɨmɨa ɓɔgɨna ngɨlɛ a꞉ɓio ɔchweni, ta ananɨ apɛɨ ɔ Ɓahɨtɨ, akpatanakɨa nɔ ɨgabʉ ngɨyɔ angbinga ngɨananɨ. 17-18Ambise ɔ kɔnɔ ngɨyɛnɛnɨ, Kʉbaa ngɨananɨ muɓomu, ɛ꞉ka tɨta lɨkyɛmʉ lɔ Abalaama. Ya꞉ɓio kʉbaa ngɨyɔ Ɛfʉlɔnɨ anɔ Makɛpɛla, nɔ ʉgbaa mesu aki ɨpá yachwʉchwaka-ɛɛ, wɔɓieni anɔ Mamʉlɛ. Ya꞉ɓio kʉ nɔ ʉgbʉ mʉngana wɔta ʉja amati ɔ ikopi, nɔ matɨ maɓomu ngʉka ka꞉ɓio inani. Ɓadɛmʉ ɓɔngɔ, ya꞉ɓio Ɓahɨtɨ ɓaɓomu ngʉɓa ɓa꞉jonokio ananɨ akɔ umongu wɔ gʉlʉ.
19Mbise ɔ yaka ngɨyɛnɛnɨ, Abalaama ɔ꞉hʉna moi angɔ Sala amati ɔ ʉgbʉ wɔ ikopi ngɨyɛ ya꞉ɓio inani amati ɔ kʉbaa anɔ Makɛpɛla, nɔ ʉgbaa mesu aki ɨpá yachʉchwaka-ɛɛ, wɔɓieni anɔ Mamʉlɛ, pɔ ɓɔ Hɛbʉlɔnɨ anɔ Kanana. 20Kʉdɔ, anɨngwa alɨkɔndɔ lɔ Ɓahɨtɨ, kʉbaa nɔ ʉgbʉ wɔ ikopi ngʉwa wa꞉ɓio inani amati, lɔ꞉natana tɨta ihoi yɔ manjaʉ yɔ Abalaama.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2021, Wycliffe Bible Translators, Inc.