Genesis 34
34
1Wan leisi Dina, a umapikin di Lea ben kisi gi Yakob, ben e go fu fisiti den umapikin fu a birti. 2Di Sikem, a manpikin fu Hemor, si Dina, a grabu en dan a go didon nanga en nanga tranga. Hemor ben de wan Hiwitiman, èn a ben de a edeman fu a kontren. 3Ma dan Sikem kon firi trutru lobi gi Dina, a umapikin fu Yakob. A ben lobi Dina èn a ben e suku fu wini en ati. 4So Sikem aksi en p'pa taki: “Aksi fu a pikin disi trow nanga mi.”
5Yakob ben kon yere fu a syen di Sikem gi en umapikin, ma a no taki noti fu di den boi fu en ben tyari den meti go na wei. A wakti te den ben drai kon na oso. 6Dan Hemor, a p'pa fu Sikem, go taki nanga Yakob. 7A srefi momenti dati den boi fu Yakob ben kmoto fu a wei kon na oso. A ben hati den èn den ati ben e bron srefsrefi. Bika Sikem ben du a moro don sani di a ben man du, fu go didon nanga a umapikin fu Yakob. So wan sani yu no kan du ini Israel. 8Hemor taigi den taki: “Sikem, a boi fu mi, lobi Dina nanga en heri ati. Mi wan begi yu fu meki a trow nanga en, 9dan so mi nanga yu kan tron famiri. Meki mi famiri trow nanga den umapikin fu yu èn meki yu famiri trow nanga den umapikin fu mi. 10Yu kan tan libi dyaso na unu. A kondre didon na yu fesi yu kan go kon pe yu wani, yu kan libi pe yu wani.” 11Dan Sikem aksi Dina p'pa nanga den brada fu en taki: “Mi e begi unu, meki mi trow nanga en. Mi sa gi un ala sani san un aksi. 12Awinsi san mi mus pai fu di mi o trow nanga en, èn awinsi sortu kado un aksi mi, mi sa gi un dati. Ma mi e begi, meki mi trow nanga Dina.” 13Ma fu kisi Sikem nanga en p'pa, fu a syen di Sikem ben gi den sisa Dina, meki den boi fu Yakob taigi den taki: 14“Wi no man du so wan sani. Wi no man meki wi sisa trow nanga wan man di no besnei. Gi unu na wan syen sani. 15Soso te yu besnei leki wi èn yu meki ala den mansma besnei tu, 16dan fosi wi kan meki den umapikin fu wi trow nanga unu èn dan wi kan teki den umapikin fu yu trow. Dan fosi wi kan tan libi dyaso na unu èn tron wan folku. 17Efu yu no wan arki wi èn yu no besnei, wi o teki Dina dan wi gwe.” 18Hemor nanga en manpikin Sikem agri nanga a sani disi.
19Sikem no draidrai fu di a ben lobi a umapikin fu Yakob. Ala sma ben e lespeki en tu ini en famiri. 20Dan Hemor nanga en manpikin Sikem go na a bigi doro fu a foto. Den taigi den man fu a foto taki: 21“Den man disi no abi takru prakseri nanga wi. Meki den tan libi dyaso èn meki den go kon pe den wani. A kondre bigi nofo gi den. Dan wi kan teki den umapikin fu den trow èn meki den trow nanga den umapikin fu wi. 22Ma soso efu ala mansma fu wi besnei leki fa den besnei, dan fosi den o tan libi dyaso fu wi tron wan folku nanga den. 23Ala den meti nanga den gudu fu den o tron fu wi tu. Kon meki wi du san den wani, fu den tan libi dyaso na unu.” 24Ala den man di ben drape na a bigi doro fu a foto agri nanga Hemor nanga en manpikin Sikem. So den besnei ala den mansma.
25Dri dei baka dati, di den man ben abi hebi skin ati, Simeon nanga Lefi, tu brada fu Dina, teki den owru. Den tu boi disi fu Yakob go ini a foto sondro fu wan sma si den, dan den kiri ala den mansma fu a foto. 26Den kiri Hemor nanga en boi Sikem tu, dan den puru Dina ini a oso fu Sikem tyari gwe. 27Di den tra boi fu Yakob doro ini a foto pe den dedeskin de, den teki den gudu fu a foto tyari gwe, fu a syen di den s'sa ben kisi. 28Den teki ala skapu, krabita, kaw nanga buriki tyari gwe. Sosrefi ala sani di ben de ini a foto nanga sani di ben e gro ini den wei. 29Ala gudu den tyari gwe, ala umasma nanga pikin den teki leki srafu èn den teki ala sani di ben de ini den oso.
30Ma Yakob taigi Simeon nanga Lefi taki: “Un tyari mi kon ini bigi problema. Un pori mi fesi na den sma fu a kondre, den Kananitisma nanga den Perisitisma dan mi no abi furu sma. Efu den span anu feti nanga mi, den o wini mi. Den o figi mi nanga mi famiri puru na grontapu.” 31Ma den piki en taki: “Dan a no ben mus teki un sisa leki wan motyo.”
Tällä hetkellä valittuna:
Genesis 34: SB16
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Tekst © Surinaams Bijbelgenootschap 2016
Genesis 34
34
1Wan leisi Dina, a umapikin di Lea ben kisi gi Yakob, ben e go fu fisiti den umapikin fu a birti. 2Di Sikem, a manpikin fu Hemor, si Dina, a grabu en dan a go didon nanga en nanga tranga. Hemor ben de wan Hiwitiman, èn a ben de a edeman fu a kontren. 3Ma dan Sikem kon firi trutru lobi gi Dina, a umapikin fu Yakob. A ben lobi Dina èn a ben e suku fu wini en ati. 4So Sikem aksi en p'pa taki: “Aksi fu a pikin disi trow nanga mi.”
5Yakob ben kon yere fu a syen di Sikem gi en umapikin, ma a no taki noti fu di den boi fu en ben tyari den meti go na wei. A wakti te den ben drai kon na oso. 6Dan Hemor, a p'pa fu Sikem, go taki nanga Yakob. 7A srefi momenti dati den boi fu Yakob ben kmoto fu a wei kon na oso. A ben hati den èn den ati ben e bron srefsrefi. Bika Sikem ben du a moro don sani di a ben man du, fu go didon nanga a umapikin fu Yakob. So wan sani yu no kan du ini Israel. 8Hemor taigi den taki: “Sikem, a boi fu mi, lobi Dina nanga en heri ati. Mi wan begi yu fu meki a trow nanga en, 9dan so mi nanga yu kan tron famiri. Meki mi famiri trow nanga den umapikin fu yu èn meki yu famiri trow nanga den umapikin fu mi. 10Yu kan tan libi dyaso na unu. A kondre didon na yu fesi yu kan go kon pe yu wani, yu kan libi pe yu wani.” 11Dan Sikem aksi Dina p'pa nanga den brada fu en taki: “Mi e begi unu, meki mi trow nanga en. Mi sa gi un ala sani san un aksi. 12Awinsi san mi mus pai fu di mi o trow nanga en, èn awinsi sortu kado un aksi mi, mi sa gi un dati. Ma mi e begi, meki mi trow nanga Dina.” 13Ma fu kisi Sikem nanga en p'pa, fu a syen di Sikem ben gi den sisa Dina, meki den boi fu Yakob taigi den taki: 14“Wi no man du so wan sani. Wi no man meki wi sisa trow nanga wan man di no besnei. Gi unu na wan syen sani. 15Soso te yu besnei leki wi èn yu meki ala den mansma besnei tu, 16dan fosi wi kan meki den umapikin fu wi trow nanga unu èn dan wi kan teki den umapikin fu yu trow. Dan fosi wi kan tan libi dyaso na unu èn tron wan folku. 17Efu yu no wan arki wi èn yu no besnei, wi o teki Dina dan wi gwe.” 18Hemor nanga en manpikin Sikem agri nanga a sani disi.
19Sikem no draidrai fu di a ben lobi a umapikin fu Yakob. Ala sma ben e lespeki en tu ini en famiri. 20Dan Hemor nanga en manpikin Sikem go na a bigi doro fu a foto. Den taigi den man fu a foto taki: 21“Den man disi no abi takru prakseri nanga wi. Meki den tan libi dyaso èn meki den go kon pe den wani. A kondre bigi nofo gi den. Dan wi kan teki den umapikin fu den trow èn meki den trow nanga den umapikin fu wi. 22Ma soso efu ala mansma fu wi besnei leki fa den besnei, dan fosi den o tan libi dyaso fu wi tron wan folku nanga den. 23Ala den meti nanga den gudu fu den o tron fu wi tu. Kon meki wi du san den wani, fu den tan libi dyaso na unu.” 24Ala den man di ben drape na a bigi doro fu a foto agri nanga Hemor nanga en manpikin Sikem. So den besnei ala den mansma.
25Dri dei baka dati, di den man ben abi hebi skin ati, Simeon nanga Lefi, tu brada fu Dina, teki den owru. Den tu boi disi fu Yakob go ini a foto sondro fu wan sma si den, dan den kiri ala den mansma fu a foto. 26Den kiri Hemor nanga en boi Sikem tu, dan den puru Dina ini a oso fu Sikem tyari gwe. 27Di den tra boi fu Yakob doro ini a foto pe den dedeskin de, den teki den gudu fu a foto tyari gwe, fu a syen di den s'sa ben kisi. 28Den teki ala skapu, krabita, kaw nanga buriki tyari gwe. Sosrefi ala sani di ben de ini a foto nanga sani di ben e gro ini den wei. 29Ala gudu den tyari gwe, ala umasma nanga pikin den teki leki srafu èn den teki ala sani di ben de ini den oso.
30Ma Yakob taigi Simeon nanga Lefi taki: “Un tyari mi kon ini bigi problema. Un pori mi fesi na den sma fu a kondre, den Kananitisma nanga den Perisitisma dan mi no abi furu sma. Efu den span anu feti nanga mi, den o wini mi. Den o figi mi nanga mi famiri puru na grontapu.” 31Ma den piki en taki: “Dan a no ben mus teki un sisa leki wan motyo.”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Tekst © Surinaams Bijbelgenootschap 2016