Mat 21
21
Ana Jisos yele go Jeusalem, a egburu ellub
(Mak 11:1-11; Luk 19:28-40; Jon 12:12-19)
1Eji bo ma kabbe Jeusalem, bo kehm ba rehng go Betfage ji jolo go nnahb ewong ji bo kpo lung re Oliv. Owo Jisos kehm yehke abatꞌtoono ebe, ane na abal, 2kehm tongo bo re, “Songen ejahbe ji li-n o mbuksong. Owo ḿ bahke nyehne mbvankang nyi bo kahn-e go eti, a mmon ewe. Fanngen bo, wahn ko bo ba ka-m.#21:2 Mak 14:13 3Nne awohng awohng no lꞌbahb-n ejum bade ebvnkang bio, tongen ye re, ‘Nsoo kpꞌsebe bo,’ nfono ebvnkang bio bahke yake bo elwaare ka.”
4Nsol nyia limi, eji lꞌlohko jol go etingitingi ana nnyehnamahr Esowo bungu no re,
5“Tong Sayon re,
Nyehnen,
ntul ewahne kpꞌbake go egahne.
Á li soom,
á kun go mbvankang.#21:5 Mat 11:29
Á kun go mmon a nnyam no kpo sol nsol.”
6Abatꞌtoono ebe kehm tahme, song lim ana Jisos tongo bo. 7Bo kehm koko mbvankang nyio, a mmon ba a bo, yehke awobo ebo, kunu go bo a njahm, Jisos kehm wahre, kuumu mmon a mbvankang noo. 8Ellong ane gbalee kehm yehke awobo ebo, yal go mbang. Ane bandiki song ja amang, jo ba yal go mbang. 9Ellong ane ba gbo Jisos mbang, a ellong ane ba jo toon-e njahm kehm kehme elrabe re,
“Tehken mmon no Devid!
Elfuulu li ka nne no kpꞌbake go mbing nyi Jehova.
Tehken Esowo bi li go ero!”
10Eji Jisos yele go nla Jeusalem, edi kehm kehme elvvrv na vvrv. Ane kehm kehme elbahbe re, “Nne awo ona?”
11Owo ellong ane bao kehm jo bung re, “Jisos wo ana, ji li nnyehnamahr. Á lohng go Nasaret nyi Galili.”
Ana Jisos sehnge song yange go etahk Esowo
(Mak 11:15-19; Luk 19:45-48; Jon 2:13-22)
12Jisos kehm yange go etahk Esowo, song kam ane ba jo gungu, a ane ba jo gunu, fere gbul akpꞌkuru nya abayaangakpohko tuubu go, a nti nyi abagungumbehl. 13Á kehm tongo bo re, “Bo nyono go nwer Esowo re, ‘Etahk ejame, bo bahke jo lung re, etahk ero akake.’ Wahn ebfere rod, bum ana ebehre awajv.”#21:13 Rom 2:22
14Awakamahr ane, a abanne kehm bake, ba kpir-e go etahk Esowo jio. Á lim bo, bo nob.
15Eji atubesi abalimajom, a atꞌtibi ba atahm nyehn akpokosi nya á limi no, fere wuk abonse kpꞌrabe go etahk Esowo jio re, “Tehken mmon no Devid!”#21:15 Mat 1:1 atahng kehm rake bo. 16Owo bo kehm tongo Jisos re, “Wobwuk ana bo kpꞌraba?”
Jisos kehm faange bo re, “Ee, n kpꞌwuku. Wo, ń ka tiki lung edi nwer Esowo ji bungu re,
“ ‘Esowo ebko anyo abonse,
a nya abonbili, lim,
eji lꞌjol ejum eltehke ka yefono antahnga?’ ”
17Jisos kehm tahme bo sa, song rehng go Betani, fere kang o.
Ana Jisos nyehne amahr bade efig
(Mak 11:12-14,20-24)
18Efungfu atv atv eji Jisos feere asongo go Jeusalem, njal kehm-e yame. 19Á kehm nyehne eti ji bo kpo lung re efig go nkpe a mbang. Á jeere kan kohlo o me, á nyehnem nkab anyehng anyehng, sehngem anyane nya nya á nyehne no.#21:19 Luk 13:6-9 Owo á kehm tongo eti jio re, “A nehm kpe tiki kab akab go njinanjini.” Tvtv ona eti jio kehm soro kpo.
20Eji abatꞌtoono ebe nyehne ano, kehm kpoko bo esi. Bo kehm bungu re, “Jen ji wahnge eti jia ma tahr kpꞌkpo elwaare elwaare anae?”
21Owo Jisos kehm faange bo re, “Etingitingi, n kp-n tongo re, Ń lꞌtaame, kꞌjo faabe, ḿ bahke jo lim ana m ma lim eti jia, jol sꞌsehnge na ana.#21:21 Jon 14:12 Ń li ma tong ewong jia re, ‘Mehl, song yel aya!’ Bahke lohko lim ano. 22Ejum ajehng ajehng ji ń lꞌbahb go egahne ero bi ń kpꞌkake, ń lꞌtaame, ḿ bahke bele.”
Ana bo bahbe Jisos bada nsahm enye
(Mak 11:27-33; Luk 20:1-8)
23Jisos kehm feere go etahk Esowo.
Eji á jo tib, atubesi abalimajom, a anebkul nfam kehm bake, ba kpir-e, kehm-e bahbe re, “Nsahm anyi a kpi no, nyi wahnge a kpo lim nsol ana nyia? Nne awo ka-a nsahm ana nyio?”#21:23 Jon 2:18
24Jisos kehm faange bo re, “M bahk-n tob bahb mbahbe fvfo. Ń lꞌfaang-m, n kehm-n tongo bada nsahm nyi n kpi no, nyi wahnge n kpo lim nsol ana nyia. 25Anv, nsahm nyi Jon jo wohngo ane alahb lohng go ejahbetul Esowo baa, afi lohng goji ane?”
Bo kehm kehme eltoobo atemtem re, “E lꞌbung re, ‘Nsahm nyi Jon lohng go ejahbetul Esowo’, á bahk-r bahbe re, ‘Jen ji wahnge ń ki taame tv Jon?’ 26E lꞌfere bung re, ‘Nsahm enye lohng goji ane’, ma ane bahk-r limi ejum nji. Tibre e kpꞌfahle bo, tib eji bo kpee jo bum Jon ana nnyehnamahr.”#21:26 Mat 14:5 27Owo bo kehm faange Jisos re, “Wahr nehme kahn.”
Jisos kehm tongo bo re, “Fvfo, wahn n nehm tong bada nsahm nyi n kpi no, nyi n kpo ko, lim nsol nyia.
Elgan ni li bade abon na abal
28“Anv ń kpꞌtiri renan bade elgan nia? Nne jolo go, no bele abon na abal. Owo á kehm jeke goji ngbokambang a mmon, kehm song tong-e re, ‘Mmon ewame, song lela go egame egbe, wo song lim eltum.’
29“Mmon noo kehm faange re, ‘N nehm je.’ Ji kan mmokidi, á kehm yaange ntir atahng enye, fere tahm egbe nde.
30“Owo nde kehm kpe je, song kpiri mmon noko, kehm-e tob tong ano fvfo. Á kehm taame re, ‘Ee nsoo.’ Jol egbe á tikem je.#21:30 Mat 7:21
31“Nne awo go abon abal bao limi ji nde tong-e re á lim?” Bo kehm-e faange re, “Ngbokambang a mmon wo.”
Owo Jisos kehm tongo bo re, “Etingitingi, n kp-n tongo re, Abakokatak, a abajenasꞌsa ba bahke song yel go ejahbetul Esowo,#21:31 Luk 18:13-14 wahn sa elatahk, jo seenge bo. 32Tibre Jon ji nwohngalahb ba, ba tib-n mbang nyi nno, nyi elsehnge, ń tikem taame tv-e. Abakokatak, a abajenasꞌsa ba taame no tv-e.#21:32 Luk 7:29 Jol eji ń nyehne nyehn ano, ń tikem yaange ntir atahng enyahne, fere taame tv-e.”
Elgan ni li bade abayaame etahngga
(Mak 12:1-12; Luk 20:9-19)
33Jisos kehm tongo bo re, “Wuken elgan nehko! Nne jolo go, no bahme avain, fere kak ega sennge.#21:33 Ef 2:14 Á kehm rahme elbing ni bo jo kak akab nti, fere jo kaame akab nti nyao tv elbing nio, alahb jo lohng. Á si enyong, kak ane ba jo baabe edi jio,#21:33 Hib 13:17 kehm yaame abahmgbe edi jio, toono eje tahm ejahbe jehko ji li fee.#21:33 Mat 25:14
34“Eji ngare nyi bo kpo bong akab nti nyao ma kabbe, owo á kehm tumu alokeltum ebe tv ane ba á yaame bo etahngga eje, eji bo lꞌsong ko akab nti enye, ba ka-e. 35Abayaame etahngga kehm bobo alokeltum ebe. Noko, bo dv-e, noko, bo wul-e, fere tuubu noko atal, á kpo.
36“Owo nfono etahngga kehm kpe tum alokeltum bako gbalee, sehnge ba á gbo mbang tum. Abayaame etahngga tob limi bo jang jang ana bo limi ane bako.
37“Esꞌkohro, á gohro tum mmon ewe tv bo. Á bungu re, ‘Bo bahke kake mmon ewame.’
38“Eji abayaame etahngga bao nyehne mmon ewe noo kpꞌbake, bo kehm bungu atemtem re, ‘Ye wo li nlehkelkv, nong, wahr song wulen ye, eji etahngga jia lꞌfere jol jꞌjahre.’#21:38 Mat 27:18 39Bo kehm-e bobo, ro njahm etahngga nyehko, fere song wul-e. 40Anv, nfono etahngga lꞌba, á bahke limi abayaame etahngga bao renan?”
41Bo kehm-e faange re, “Á bahke wulu abi ane bao, bo kpo esabsab elkv, fere yaame ane bako etahngga jio, ba bahke jo ka-e akab nti nyao go ngare nyi nno.”
42Owo Jisos kehm tongo bo re, “Ń ka tiki lung a lung edi nwer Esowo jia re,
“ ‘Eltal ni asehketahk tene no,
ni ni ma fere jol nnahb ekahma?#21:42 1 Pit 2:6-8
Jehova limi jia ji li nkpokosi go egahra ntim.’
43“Owo wahnge n kp-n tongo re, Esowo bahk-n taare etul ebe, faake a bi, ka ane ba bahk-e kake akab nti go ngare nyi nno.#21:43 1 Pit 2:9-10
44“Nne no lꞌfooro gbo eltal nio, á bahke banne.
Wo, nne no eltal nio lꞌgbo nyed-e á bahke rere na rere kpee.”
45Atubesi abalimajom, a Bab Farisi wuku kan ngaane enye, bo kehm soro kahn tvtv re, á jo bungu bada bo. 46Bo kehm gare ana bo bahk-e bobo. Bo jo fahle ellong ane ba jo bum Jisos ana nnyehnamahr.
Tällä hetkellä valittuna:
Mat 21: EKA-011
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
©️2024 Luke Initiative for Scripture Translation
Mat 21
21
Ana Jisos yele go Jeusalem, a egburu ellub
(Mak 11:1-11; Luk 19:28-40; Jon 12:12-19)
1Eji bo ma kabbe Jeusalem, bo kehm ba rehng go Betfage ji jolo go nnahb ewong ji bo kpo lung re Oliv. Owo Jisos kehm yehke abatꞌtoono ebe, ane na abal, 2kehm tongo bo re, “Songen ejahbe ji li-n o mbuksong. Owo ḿ bahke nyehne mbvankang nyi bo kahn-e go eti, a mmon ewe. Fanngen bo, wahn ko bo ba ka-m.#21:2 Mak 14:13 3Nne awohng awohng no lꞌbahb-n ejum bade ebvnkang bio, tongen ye re, ‘Nsoo kpꞌsebe bo,’ nfono ebvnkang bio bahke yake bo elwaare ka.”
4Nsol nyia limi, eji lꞌlohko jol go etingitingi ana nnyehnamahr Esowo bungu no re,
5“Tong Sayon re,
Nyehnen,
ntul ewahne kpꞌbake go egahne.
Á li soom,
á kun go mbvankang.#21:5 Mat 11:29
Á kun go mmon a nnyam no kpo sol nsol.”
6Abatꞌtoono ebe kehm tahme, song lim ana Jisos tongo bo. 7Bo kehm koko mbvankang nyio, a mmon ba a bo, yehke awobo ebo, kunu go bo a njahm, Jisos kehm wahre, kuumu mmon a mbvankang noo. 8Ellong ane gbalee kehm yehke awobo ebo, yal go mbang. Ane bandiki song ja amang, jo ba yal go mbang. 9Ellong ane ba gbo Jisos mbang, a ellong ane ba jo toon-e njahm kehm kehme elrabe re,
“Tehken mmon no Devid!
Elfuulu li ka nne no kpꞌbake go mbing nyi Jehova.
Tehken Esowo bi li go ero!”
10Eji Jisos yele go nla Jeusalem, edi kehm kehme elvvrv na vvrv. Ane kehm kehme elbahbe re, “Nne awo ona?”
11Owo ellong ane bao kehm jo bung re, “Jisos wo ana, ji li nnyehnamahr. Á lohng go Nasaret nyi Galili.”
Ana Jisos sehnge song yange go etahk Esowo
(Mak 11:15-19; Luk 19:45-48; Jon 2:13-22)
12Jisos kehm yange go etahk Esowo, song kam ane ba jo gungu, a ane ba jo gunu, fere gbul akpꞌkuru nya abayaangakpohko tuubu go, a nti nyi abagungumbehl. 13Á kehm tongo bo re, “Bo nyono go nwer Esowo re, ‘Etahk ejame, bo bahke jo lung re, etahk ero akake.’ Wahn ebfere rod, bum ana ebehre awajv.”#21:13 Rom 2:22
14Awakamahr ane, a abanne kehm bake, ba kpir-e go etahk Esowo jio. Á lim bo, bo nob.
15Eji atubesi abalimajom, a atꞌtibi ba atahm nyehn akpokosi nya á limi no, fere wuk abonse kpꞌrabe go etahk Esowo jio re, “Tehken mmon no Devid!”#21:15 Mat 1:1 atahng kehm rake bo. 16Owo bo kehm tongo Jisos re, “Wobwuk ana bo kpꞌraba?”
Jisos kehm faange bo re, “Ee, n kpꞌwuku. Wo, ń ka tiki lung edi nwer Esowo ji bungu re,
“ ‘Esowo ebko anyo abonse,
a nya abonbili, lim,
eji lꞌjol ejum eltehke ka yefono antahnga?’ ”
17Jisos kehm tahme bo sa, song rehng go Betani, fere kang o.
Ana Jisos nyehne amahr bade efig
(Mak 11:12-14,20-24)
18Efungfu atv atv eji Jisos feere asongo go Jeusalem, njal kehm-e yame. 19Á kehm nyehne eti ji bo kpo lung re efig go nkpe a mbang. Á jeere kan kohlo o me, á nyehnem nkab anyehng anyehng, sehngem anyane nya nya á nyehne no.#21:19 Luk 13:6-9 Owo á kehm tongo eti jio re, “A nehm kpe tiki kab akab go njinanjini.” Tvtv ona eti jio kehm soro kpo.
20Eji abatꞌtoono ebe nyehne ano, kehm kpoko bo esi. Bo kehm bungu re, “Jen ji wahnge eti jia ma tahr kpꞌkpo elwaare elwaare anae?”
21Owo Jisos kehm faange bo re, “Etingitingi, n kp-n tongo re, Ń lꞌtaame, kꞌjo faabe, ḿ bahke jo lim ana m ma lim eti jia, jol sꞌsehnge na ana.#21:21 Jon 14:12 Ń li ma tong ewong jia re, ‘Mehl, song yel aya!’ Bahke lohko lim ano. 22Ejum ajehng ajehng ji ń lꞌbahb go egahne ero bi ń kpꞌkake, ń lꞌtaame, ḿ bahke bele.”
Ana bo bahbe Jisos bada nsahm enye
(Mak 11:27-33; Luk 20:1-8)
23Jisos kehm feere go etahk Esowo.
Eji á jo tib, atubesi abalimajom, a anebkul nfam kehm bake, ba kpir-e, kehm-e bahbe re, “Nsahm anyi a kpi no, nyi wahnge a kpo lim nsol ana nyia? Nne awo ka-a nsahm ana nyio?”#21:23 Jon 2:18
24Jisos kehm faange bo re, “M bahk-n tob bahb mbahbe fvfo. Ń lꞌfaang-m, n kehm-n tongo bada nsahm nyi n kpi no, nyi wahnge n kpo lim nsol ana nyia. 25Anv, nsahm nyi Jon jo wohngo ane alahb lohng go ejahbetul Esowo baa, afi lohng goji ane?”
Bo kehm kehme eltoobo atemtem re, “E lꞌbung re, ‘Nsahm nyi Jon lohng go ejahbetul Esowo’, á bahk-r bahbe re, ‘Jen ji wahnge ń ki taame tv Jon?’ 26E lꞌfere bung re, ‘Nsahm enye lohng goji ane’, ma ane bahk-r limi ejum nji. Tibre e kpꞌfahle bo, tib eji bo kpee jo bum Jon ana nnyehnamahr.”#21:26 Mat 14:5 27Owo bo kehm faange Jisos re, “Wahr nehme kahn.”
Jisos kehm tongo bo re, “Fvfo, wahn n nehm tong bada nsahm nyi n kpi no, nyi n kpo ko, lim nsol nyia.
Elgan ni li bade abon na abal
28“Anv ń kpꞌtiri renan bade elgan nia? Nne jolo go, no bele abon na abal. Owo á kehm jeke goji ngbokambang a mmon, kehm song tong-e re, ‘Mmon ewame, song lela go egame egbe, wo song lim eltum.’
29“Mmon noo kehm faange re, ‘N nehm je.’ Ji kan mmokidi, á kehm yaange ntir atahng enye, fere tahm egbe nde.
30“Owo nde kehm kpe je, song kpiri mmon noko, kehm-e tob tong ano fvfo. Á kehm taame re, ‘Ee nsoo.’ Jol egbe á tikem je.#21:30 Mat 7:21
31“Nne awo go abon abal bao limi ji nde tong-e re á lim?” Bo kehm-e faange re, “Ngbokambang a mmon wo.”
Owo Jisos kehm tongo bo re, “Etingitingi, n kp-n tongo re, Abakokatak, a abajenasꞌsa ba bahke song yel go ejahbetul Esowo,#21:31 Luk 18:13-14 wahn sa elatahk, jo seenge bo. 32Tibre Jon ji nwohngalahb ba, ba tib-n mbang nyi nno, nyi elsehnge, ń tikem taame tv-e. Abakokatak, a abajenasꞌsa ba taame no tv-e.#21:32 Luk 7:29 Jol eji ń nyehne nyehn ano, ń tikem yaange ntir atahng enyahne, fere taame tv-e.”
Elgan ni li bade abayaame etahngga
(Mak 12:1-12; Luk 20:9-19)
33Jisos kehm tongo bo re, “Wuken elgan nehko! Nne jolo go, no bahme avain, fere kak ega sennge.#21:33 Ef 2:14 Á kehm rahme elbing ni bo jo kak akab nti, fere jo kaame akab nti nyao tv elbing nio, alahb jo lohng. Á si enyong, kak ane ba jo baabe edi jio,#21:33 Hib 13:17 kehm yaame abahmgbe edi jio, toono eje tahm ejahbe jehko ji li fee.#21:33 Mat 25:14
34“Eji ngare nyi bo kpo bong akab nti nyao ma kabbe, owo á kehm tumu alokeltum ebe tv ane ba á yaame bo etahngga eje, eji bo lꞌsong ko akab nti enye, ba ka-e. 35Abayaame etahngga kehm bobo alokeltum ebe. Noko, bo dv-e, noko, bo wul-e, fere tuubu noko atal, á kpo.
36“Owo nfono etahngga kehm kpe tum alokeltum bako gbalee, sehnge ba á gbo mbang tum. Abayaame etahngga tob limi bo jang jang ana bo limi ane bako.
37“Esꞌkohro, á gohro tum mmon ewe tv bo. Á bungu re, ‘Bo bahke kake mmon ewame.’
38“Eji abayaame etahngga bao nyehne mmon ewe noo kpꞌbake, bo kehm bungu atemtem re, ‘Ye wo li nlehkelkv, nong, wahr song wulen ye, eji etahngga jia lꞌfere jol jꞌjahre.’#21:38 Mat 27:18 39Bo kehm-e bobo, ro njahm etahngga nyehko, fere song wul-e. 40Anv, nfono etahngga lꞌba, á bahke limi abayaame etahngga bao renan?”
41Bo kehm-e faange re, “Á bahke wulu abi ane bao, bo kpo esabsab elkv, fere yaame ane bako etahngga jio, ba bahke jo ka-e akab nti nyao go ngare nyi nno.”
42Owo Jisos kehm tongo bo re, “Ń ka tiki lung a lung edi nwer Esowo jia re,
“ ‘Eltal ni asehketahk tene no,
ni ni ma fere jol nnahb ekahma?#21:42 1 Pit 2:6-8
Jehova limi jia ji li nkpokosi go egahra ntim.’
43“Owo wahnge n kp-n tongo re, Esowo bahk-n taare etul ebe, faake a bi, ka ane ba bahk-e kake akab nti go ngare nyi nno.#21:43 1 Pit 2:9-10
44“Nne no lꞌfooro gbo eltal nio, á bahke banne.
Wo, nne no eltal nio lꞌgbo nyed-e á bahke rere na rere kpee.”
45Atubesi abalimajom, a Bab Farisi wuku kan ngaane enye, bo kehm soro kahn tvtv re, á jo bungu bada bo. 46Bo kehm gare ana bo bahk-e bobo. Bo jo fahle ellong ane ba jo bum Jisos ana nnyehnamahr.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
©️2024 Luke Initiative for Scripture Translation