Gen 31
31
UJakobe ubalekela uLabani
1UJakobe wasesizwa amazwi amadodana kaLabani esithi: UJakobe uthethe konke okukababa; ngalokho okwavela kubaba uzizuzele imfuyo enengi. 2Futhi uJakobe wasebona ukuthi uLabani wayengasezwani laye njengayizolo. 3INkosi yathi kuJakobe: Buyela elizweni laboyihlo lasezihlotsheni zakho; ngizakuba lawe. 4UJakobe wathumela ilizwi wababiza uRaheli loLeya ukuba beze kuye emmangweni emhlanjini wakhe, 5wathi kibo: Ngiyabona ukuthi uyihlo kasezwani lami njengayizolo; kodwa uNkulunkulu kababa ulami. 6Futhi liyazi ukuthi ngimsebenzele uyihlo ngawo wonke amandla ami. 7Kodwa uyihlo ungikhohlisile, waphendula umvuzo wami kwaze kwaba yizikhathi ezilitshumi, kanti uNkulunkulu wamvimbela ukwenza okubi kimi. 8Kwathi lapho esithi: Ezilamabala kazibe ngumvuzo wakho; wonke umhlambi wazala ezilamabala. Kwathi lapho esithi: Ezingamaqamule kazibe ngumvuzo wakho; khona wonke umhlambi wazala ezingamaqamule. 9Ngokunjalo uNkulunkulu uthethe imfuyo kayihlo, wanginika yona. 10Ngesikhathi sokumitha komhlambi, ngabona ephupheni ukuthi izimpongo ezikhwela umhlambi zazingamaqamule zilamabala. 11Isithunywa sikaNkulunkulu sathi kimi ephupheni: Jakobe! ngathi: Ngilapha. 12Sathi: Phakamisa amehlo akho ubone ukuthi zonke impongo ezikhwela umhlambi zingamaqamule zilamabala; ngoba ngibonile konke akwenze kuwe uLabani. 13NginguNkulunkulu waseBetheli lapho wagcoba khona insika yokukhonzela, lalapho wafunga isifungo kimi. Vuka, uphume kulelilizwe, ubuyele elizweni lokuzalwa kwakho.#Gen 28:18–22 14URaheli loLeya basebemphendula bathi: Siselesabelo lelifa endlini kababa na? 15Kasinjengabezizwe kuye na? Ngoba wathengisa ngathi, wazidlela imali yethu. 16Ngoba yonke inotho uNkulunkulu ayamuke ubaba ingeyethu leyabantwana bethu; ngakhoke lokho uNkulunkulu akutsho kuwe, kwenze.
17UJakobe wasesuka, wakhweza amadodana akhe labomkakhe emakameleni; 18wathatha yonke imfuyo yakhe lakho konke abekuzuzile ePadani‐Arama ukuba aye kuIsaka uyise elizweni laseKanani. 19ULabani esehambile ukuyagunda izimvu zakhe, uRaheli weba izithombe zikayise. 20UJakobe wamnyenyela uLabani umAramu, kamtshelanga ukuthi uyahamba. 21Wasebaleka lakho konke ayelakho, wachapha umfula iYufrathi, waqonda ngasentabeni zaseGileyadi.
22Ngosuku lwesithathu uLabani watshelwa ukuthi uJakobe ubalekile. 23Wathatha abafowabo, wamlandela wahamba ibanga lensuku eziyisikhombisa, wamfica entabeni zaseGileyadi. 24UNkulunkulu weza kuLabani umAramu ephupheni ebusuku, wathi kuye: Qaphela ukuba ungakhulumi lutho kuJakobe. 25ULabani wasemfica uJakobe. UJakobe wayemise ithente lakhe entabeni; uLabani kanye labafowabo bamisa amathente abo entabeni zaseGileyadi. 26ULabani wasesithi kuJakobe: Kungani ukuba unginyenyele, uthathe amadodakazi ami njengabathunjiweyo na? 27Ubalekeleni na? Unginyenyeleleni ungangitshelanga na? Ngoba ngabe ngikuvalelise ngokuthokoza langengoma, ngesigubhu langechacho. 28Kawungivumelanga ukuba ngange amadodana ami lamadodakazi ami. Wenze ubuthutha ngalokho. 29Ngilamandla okwenza okubi kuwe; kodwa uNkulunkulu kayihlo ukhulumile kimi ebusuku wathi: Qaphela ukuba ungakhulumi lutho kuJakobe. 30Khathesi kusobala ukuthi ufuna ukuhamba ngoba ukhanuka indlu kayihlo; kodwa webeleni izithombe zami na? 31UJakobe waphendula wathi kuLabani: Ngoba ngesaba, ngathi: Funa ungamuke amadodakazi akho. 32Lowo ozakuthola kuye izithombe zakho uzakubulawa; phambi kwabafowethu dinga okwakho, ukuthathe. Ngoba uJakobe wayengazi ukuthi uRaheli wayezebile.
33ULabani wangena ethenteni likaJakobe lasethenteni likaLeya, lasemathenteni ezincekukazi, kodwa kazitholanga. Waphuma ethenteni likaLeya, wangena ethenteni likaRaheli. 34URaheli wayezithethe izithombe, wazifaka esihlalweni sekamela, wahlala phezu kwazo. ULabani wadinga ethenteni lonke kodwa kazitholanga. 35URaheli wasesithi kuyise: Kayingathukutheli inkosi yami ukuthi ngingesukume phambi kwakho, ngoba ngisemfuleni. Wabhudula, kodwa kazifumananga izithombe. 36UJakobe wathukuthela, wamsola uLabani, wambuza wathi: Ngiphambanise ngaphi na? Ngona ngani lokhu ungizingele kangaka na? 37Njengokuba usudingisisile kuyo yonke impahla yami, uyitholile into yendlu yakho na? Ibeke lapha phambi kwabafowethu labafowenu ukuba baqume phakathi kwethu sobabili. 38Ngangilawe iminyaka engamatshumi amabili; izimvukazi zakho lezibhuzikazi zakho kaziphunzanga, lezinqama zemihlambi yakho kangizidlanga. 39Ezabanjwa yizilo kangizilethanga kuwe, kodwa ngazihlawula; wazibiza esandleni sami loba ezebiwe emini lezebiwe ebusuku. 40Nganginjalo; ngabulawa lilanga emini, ebusuku ngabulawa ngamakhaza, ngaze ngaswela ubuthongo. 41Bengisemzini wakho iminyaka engamatshumi amabili, ngasebenzela kuwe amadodakazi akho amabili okweminyaka elitshumi lane, ngalusa umhlambi wakho iminyaka eyisithupha; waphendula umvuzo wami kwaze kwaba yizikhathi ezilitshumi. 42Uba ebengelami uNkulunkulu kababa, uNkulunkulu kaAbrahama lowo owesatshwa nguIsaka, impela ubuzakungixotsha ngize. Kodwa uNkulunkulu ubonile inhlupheko zami lomsebenzi wezandla zami, wakusola ebusuku okudlulileyo.
Isivumelwano sikaJakobe loLabani
43ULabani wasemphendula uJakobe wathi: Amadodakazi angamadodakazi ami, labantwana bangabantwana bami, lemihlambi yimihlambi yami, lakho konke okubonayo kungokwami; khathesi ngingawenzelani amadodakazi ami, labantwana bawo abazeleyo na? 44Woza, asenze isivumelwano thina sobabili, sibe yibufakazi phakathi kwami lawe. 45UJakobe wasethatha ilitshe, walimisa laba yinsika yesikhumbuzo. 46UJakobe wathi kubafowabo: Buthani amatshe. Badobha amatshe, benza inqwaba; badla khona ngasenqwabeni. 47ULabani wayibiza ngokuthi yiJegariSahadutha, kodwa uJakobe wayibiza ngokuthi yiGaledi. 48ULabani wathi: Linqwaba iyibufakazi lamhla phakathi kwethu sobabili. Ngakho ibizo layo lathiwa yiGaledi, 49leMizipa futhi, ngoba wathi: INkosi kayilinde phakathi kwethu sobabili lapho singasabonani. 50Uba uhlupha amadodakazi ami, loba uthatha abanye abafazi ngaphandle kwamadodakazi ami, kakulamuntu ongakubona, uNkulunkulu ungufakazi phakathi kwethu.
51ULabani wathi kuJakobe: Khangela linqwaba lensika engikumisileyo phakathi kwethu. 52Linqwaba lalinsika kakube yibufakazi bokuthi kangiyikudlula linqwaba ngiye kuwe, lawe kawuyikudlula linqwaba lalinsika uze kimi ngokubi. 53UNkulunkulu kaAbrahama loNkulunkulu kaNahori, loNkulunkulu kayise wabo kahlulele phakathi kwethu. UJakobe wafunga uNkulunkulu owesatshwa nguyise uIsaka. 54UJakobe wanikela ngomhlatshelo entabeni, wabiza abafowabo ukuba badle ukudla; badla, bahlala ubusuku bonke entabeni. 55ULabani wavuka ekuseni, wanga amadodana akhe lamadodakazi akhe, wawabusisa; wasesuka ebuyela kibo.
Tällä hetkellä valittuna:
Gen 31: BE1978
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible Society of Zimbabwe 1978
Gen 31
31
UJakobe ubalekela uLabani
1UJakobe wasesizwa amazwi amadodana kaLabani esithi: UJakobe uthethe konke okukababa; ngalokho okwavela kubaba uzizuzele imfuyo enengi. 2Futhi uJakobe wasebona ukuthi uLabani wayengasezwani laye njengayizolo. 3INkosi yathi kuJakobe: Buyela elizweni laboyihlo lasezihlotsheni zakho; ngizakuba lawe. 4UJakobe wathumela ilizwi wababiza uRaheli loLeya ukuba beze kuye emmangweni emhlanjini wakhe, 5wathi kibo: Ngiyabona ukuthi uyihlo kasezwani lami njengayizolo; kodwa uNkulunkulu kababa ulami. 6Futhi liyazi ukuthi ngimsebenzele uyihlo ngawo wonke amandla ami. 7Kodwa uyihlo ungikhohlisile, waphendula umvuzo wami kwaze kwaba yizikhathi ezilitshumi, kanti uNkulunkulu wamvimbela ukwenza okubi kimi. 8Kwathi lapho esithi: Ezilamabala kazibe ngumvuzo wakho; wonke umhlambi wazala ezilamabala. Kwathi lapho esithi: Ezingamaqamule kazibe ngumvuzo wakho; khona wonke umhlambi wazala ezingamaqamule. 9Ngokunjalo uNkulunkulu uthethe imfuyo kayihlo, wanginika yona. 10Ngesikhathi sokumitha komhlambi, ngabona ephupheni ukuthi izimpongo ezikhwela umhlambi zazingamaqamule zilamabala. 11Isithunywa sikaNkulunkulu sathi kimi ephupheni: Jakobe! ngathi: Ngilapha. 12Sathi: Phakamisa amehlo akho ubone ukuthi zonke impongo ezikhwela umhlambi zingamaqamule zilamabala; ngoba ngibonile konke akwenze kuwe uLabani. 13NginguNkulunkulu waseBetheli lapho wagcoba khona insika yokukhonzela, lalapho wafunga isifungo kimi. Vuka, uphume kulelilizwe, ubuyele elizweni lokuzalwa kwakho.#Gen 28:18–22 14URaheli loLeya basebemphendula bathi: Siselesabelo lelifa endlini kababa na? 15Kasinjengabezizwe kuye na? Ngoba wathengisa ngathi, wazidlela imali yethu. 16Ngoba yonke inotho uNkulunkulu ayamuke ubaba ingeyethu leyabantwana bethu; ngakhoke lokho uNkulunkulu akutsho kuwe, kwenze.
17UJakobe wasesuka, wakhweza amadodana akhe labomkakhe emakameleni; 18wathatha yonke imfuyo yakhe lakho konke abekuzuzile ePadani‐Arama ukuba aye kuIsaka uyise elizweni laseKanani. 19ULabani esehambile ukuyagunda izimvu zakhe, uRaheli weba izithombe zikayise. 20UJakobe wamnyenyela uLabani umAramu, kamtshelanga ukuthi uyahamba. 21Wasebaleka lakho konke ayelakho, wachapha umfula iYufrathi, waqonda ngasentabeni zaseGileyadi.
22Ngosuku lwesithathu uLabani watshelwa ukuthi uJakobe ubalekile. 23Wathatha abafowabo, wamlandela wahamba ibanga lensuku eziyisikhombisa, wamfica entabeni zaseGileyadi. 24UNkulunkulu weza kuLabani umAramu ephupheni ebusuku, wathi kuye: Qaphela ukuba ungakhulumi lutho kuJakobe. 25ULabani wasemfica uJakobe. UJakobe wayemise ithente lakhe entabeni; uLabani kanye labafowabo bamisa amathente abo entabeni zaseGileyadi. 26ULabani wasesithi kuJakobe: Kungani ukuba unginyenyele, uthathe amadodakazi ami njengabathunjiweyo na? 27Ubalekeleni na? Unginyenyeleleni ungangitshelanga na? Ngoba ngabe ngikuvalelise ngokuthokoza langengoma, ngesigubhu langechacho. 28Kawungivumelanga ukuba ngange amadodana ami lamadodakazi ami. Wenze ubuthutha ngalokho. 29Ngilamandla okwenza okubi kuwe; kodwa uNkulunkulu kayihlo ukhulumile kimi ebusuku wathi: Qaphela ukuba ungakhulumi lutho kuJakobe. 30Khathesi kusobala ukuthi ufuna ukuhamba ngoba ukhanuka indlu kayihlo; kodwa webeleni izithombe zami na? 31UJakobe waphendula wathi kuLabani: Ngoba ngesaba, ngathi: Funa ungamuke amadodakazi akho. 32Lowo ozakuthola kuye izithombe zakho uzakubulawa; phambi kwabafowethu dinga okwakho, ukuthathe. Ngoba uJakobe wayengazi ukuthi uRaheli wayezebile.
33ULabani wangena ethenteni likaJakobe lasethenteni likaLeya, lasemathenteni ezincekukazi, kodwa kazitholanga. Waphuma ethenteni likaLeya, wangena ethenteni likaRaheli. 34URaheli wayezithethe izithombe, wazifaka esihlalweni sekamela, wahlala phezu kwazo. ULabani wadinga ethenteni lonke kodwa kazitholanga. 35URaheli wasesithi kuyise: Kayingathukutheli inkosi yami ukuthi ngingesukume phambi kwakho, ngoba ngisemfuleni. Wabhudula, kodwa kazifumananga izithombe. 36UJakobe wathukuthela, wamsola uLabani, wambuza wathi: Ngiphambanise ngaphi na? Ngona ngani lokhu ungizingele kangaka na? 37Njengokuba usudingisisile kuyo yonke impahla yami, uyitholile into yendlu yakho na? Ibeke lapha phambi kwabafowethu labafowenu ukuba baqume phakathi kwethu sobabili. 38Ngangilawe iminyaka engamatshumi amabili; izimvukazi zakho lezibhuzikazi zakho kaziphunzanga, lezinqama zemihlambi yakho kangizidlanga. 39Ezabanjwa yizilo kangizilethanga kuwe, kodwa ngazihlawula; wazibiza esandleni sami loba ezebiwe emini lezebiwe ebusuku. 40Nganginjalo; ngabulawa lilanga emini, ebusuku ngabulawa ngamakhaza, ngaze ngaswela ubuthongo. 41Bengisemzini wakho iminyaka engamatshumi amabili, ngasebenzela kuwe amadodakazi akho amabili okweminyaka elitshumi lane, ngalusa umhlambi wakho iminyaka eyisithupha; waphendula umvuzo wami kwaze kwaba yizikhathi ezilitshumi. 42Uba ebengelami uNkulunkulu kababa, uNkulunkulu kaAbrahama lowo owesatshwa nguIsaka, impela ubuzakungixotsha ngize. Kodwa uNkulunkulu ubonile inhlupheko zami lomsebenzi wezandla zami, wakusola ebusuku okudlulileyo.
Isivumelwano sikaJakobe loLabani
43ULabani wasemphendula uJakobe wathi: Amadodakazi angamadodakazi ami, labantwana bangabantwana bami, lemihlambi yimihlambi yami, lakho konke okubonayo kungokwami; khathesi ngingawenzelani amadodakazi ami, labantwana bawo abazeleyo na? 44Woza, asenze isivumelwano thina sobabili, sibe yibufakazi phakathi kwami lawe. 45UJakobe wasethatha ilitshe, walimisa laba yinsika yesikhumbuzo. 46UJakobe wathi kubafowabo: Buthani amatshe. Badobha amatshe, benza inqwaba; badla khona ngasenqwabeni. 47ULabani wayibiza ngokuthi yiJegariSahadutha, kodwa uJakobe wayibiza ngokuthi yiGaledi. 48ULabani wathi: Linqwaba iyibufakazi lamhla phakathi kwethu sobabili. Ngakho ibizo layo lathiwa yiGaledi, 49leMizipa futhi, ngoba wathi: INkosi kayilinde phakathi kwethu sobabili lapho singasabonani. 50Uba uhlupha amadodakazi ami, loba uthatha abanye abafazi ngaphandle kwamadodakazi ami, kakulamuntu ongakubona, uNkulunkulu ungufakazi phakathi kwethu.
51ULabani wathi kuJakobe: Khangela linqwaba lensika engikumisileyo phakathi kwethu. 52Linqwaba lalinsika kakube yibufakazi bokuthi kangiyikudlula linqwaba ngiye kuwe, lawe kawuyikudlula linqwaba lalinsika uze kimi ngokubi. 53UNkulunkulu kaAbrahama loNkulunkulu kaNahori, loNkulunkulu kayise wabo kahlulele phakathi kwethu. UJakobe wafunga uNkulunkulu owesatshwa nguyise uIsaka. 54UJakobe wanikela ngomhlatshelo entabeni, wabiza abafowabo ukuba badle ukudla; badla, bahlala ubusuku bonke entabeni. 55ULabani wavuka ekuseni, wanga amadodana akhe lamadodakazi akhe, wawabusisa; wasesuka ebuyela kibo.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Bible Society of Zimbabwe 1978