Masmur 15
15
Vatano mamaisyo de no AMISY Ai
1Masmur Daud po ratoe.
AMISY, are pirati Nyo amayaro de siso no Nya randumo sambaya#15:1 Randumo sambaya somamo mo wama randumo no no naiso ramaisye ramu. Yara Israel awa randumo no no ratuije mamo wo maero domba muno kambine awa kea wemi wo rave randumbe, omamo Akari Titi Daud wepi po ransano vayave ra usambayambe rai ma. 2Sam. 6:12-17 rai?
Umba are pirati Nyo amayaro no natavon no Nya unato ndandinit#15:1 Nya unato ndandinit omamo unato Sion no no Yerusalem, Yavaro Amisye ntuna rije. rai?
2Wepamo vatano ana ngkakaije inta raeno ai jewen,#15:2 Apa ana dave tai maisy weti vatane wanaikebe ai kakai.
muno po ana mamai dave obo rave,#15:2 Mamai dave weye mamaisyo Amisye Apa ananyao rai.
muno po ayao tugae obo raura anuga kakui rautan.
3Wepamo po apa vatane maura tantunawi jewen,
muno panakakaive irati apa arakove mai jewen
muno po yavaruga kaije maura tatugadi jewen tavon.
4Wepamo po vatano AMISY ponae mansai, matantona titive jewen,
yara po vatano ubeta AMISY Ai matantona titive.
Muno vatane so teto apa urairi rai tawan kobe.
Ranivara nanto ana nsosobe inta rai weamo akirive apa urairi umaso raije ramu.
5Wepamo apa arakove inta po doije inta augavo arijat,
pare ranijan akare mamaisyo po raugave bo rai,
yara ama nako nseo raija datavone mamo pare jewen kai.
Muno wepamo vatano po doijo yanyano rawatambe
indamu vemo ama mangke makare vatano mamaisye po ranawan inya.
Vatano apa ana dave mamai tenambe maisyare so,
wepamo indati teto tindimuve tawan ntoa nuge nuganui.
Tällä hetkellä valittuna:
Masmur 15: yva
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2011 Yayasan Sumber Sejahtera (New Testament)
@ 2019 Yayasan Kartidaya (Psalms)