Luke 4
4
Netsudule Jesus tankꞌus óoneh-un hukwa yóolhdzih
1ꞋEt Jesus Ndoni dizbun whe Jordan koh tsꞌe ha nája. ꞋInkꞌez dune lhuhóotꞌih tsꞌe Ndoni whuz whe yalhꞌaꞌ. 2ꞋEt whulh dit whunizyat (40) dzin netsudule tankꞌus ooneh hukwa yulhꞌen ꞌet whe yoolhdzih. ꞋEt nduwhulyiz whe ꞌaw hoonli lhusꞌal. ꞋEt lhaóodinla hukwꞌelhꞌaz ooyeꞌíltsꞌul.
3ꞋEt netsudule yúlhni, “ꞋAlhaꞌ Yakꞌusda ooYeꞌ inli de, ndi tse lhes ooleh dini.”
4ꞋEt Jesus njan ndúyulhni, “Yakꞌusda ooghuni kꞌut ꞌukꞌusguz whe njan ndutni, ‘ꞋAw lhes za iloh dune yukꞌukhuna. Yakꞌusda ooghuni ꞌi tsꞌiyawh dune yukꞌukhuna.’”
5ꞋEt netsudule ꞌudedo-i dzulh kꞌuz whe yalhti. ꞋEt ꞌaho yun kꞌut ntsꞌoh tula dune whutꞌi, ꞌinkꞌez lerwene bube ꞌutꞌen kꞌoh, ꞌoh nduwhulcho whinulhtun. 6Netsudule yulhni, “ꞋEt ndi tsꞌiyawh whumoodih tanleh, ꞌinkꞌez hiye diztiꞌ-un ꞌet cha ngha ootasꞌalh. Njan sgha whulya. ꞋEt huwa mbe ookaꞌ nuszun-un tlꞌa ootisꞌalh. 7ꞋInka ngwutsi be neninya ꞌinkꞌez stsꞌu téniꞌ nilhdzun de, ꞌet ndi tsꞌiyawh nchꞌeꞌ whutaleh.”
8ꞋEt Jesus nduyulhni, “Satan stꞌá tsꞌinyalh! ꞋEt ꞌukꞌehóoguz whe njan ndutni, ‘Moodihti nYakꞌusda ꞌaw ꞌen za oobut negwutsi be netsꞌiyaih, ꞌinkꞌez ꞌen za ootsꞌu teniꞌ uznilhdzun. ꞋInkꞌez ꞌen za ooba neꞌtsꞌutꞌen.’”
9ꞋEt Jerusalem tsꞌe whe yalhti ꞌinkꞌez lugliz whucho ꞌudedo hukwꞌut ꞌet whuban nénilhya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! 10ꞋEt ꞌukꞌehooguz whe njan ndutni,
‘Yakꞌusda oolizas ngho hooleꞌ la ꞌinkꞌez nyuhotun
ꞌinkꞌez wheni butlꞌa hónꞌai.
11Dula be do nyuhóotatun,
doo ka si tse dunontulh whuchꞌa.’”
12ꞋInkꞌez Jesus ndúyulhni, “Njan ꞌukꞌehooguz whe njan duwhutni, ‘Khun te Moodihti nYakꞌusda ꞌen nantanꞌah hukwa ólhdzih junih.’”
13ꞋEt netsudule tsꞌiyantsuk whe tankꞌus ooneh hukwa yóolhdzai, ꞌet yughu whe naja, kꞌadle doo cha oogha whultsꞌut de wheni.
Jesus dude ꞌutꞌen ꞌawet whe yudilhꞌen
14ꞋEt Jesus Ndoni ye ulhtus-i be yun kꞌut Galilee tsꞌe whe naja. ꞋEt Galilee yun kꞌut dilhtsꞌine ndulcho whe huyulh ꞌúdantsꞌo. 15ꞋEt t Lizwif bulugliz whube hóndunilhꞌeꞌ ꞌinkꞌez tsꞌiyanne hidílhtiꞌ.
16ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya. 17ꞋInkꞌez nus hooꞌen-un Isaiah be ꞌudustlꞌus ꞌi hitlꞌa húyanꞌai. Lhkꞌeyuntílhghal ꞌinkꞌez hukwꞌu yatilhduk-un ꞌet nahoonꞌai. ꞋEt buba ꞌukꞌu yawhénilhduk whe njan ndutni,
18“Moodihti ooyughi ꞌi sulh ꞌuntꞌoh.
ꞋI be ꞌutahasalhti, telꞌenne khuni unzoo-i bugha tisꞌalh ha.
Oodzi undudane,
ꞌenne nabutisyih ha butsꞌó whusasya.
Mbene la ílchootne,
bula nadutisnih.
ꞋInkꞌez hoos̱ꞌenne,
huhooꞌen nahutidleh.
Mbene la dune ꞌaboꞌenne,
cha donáꞌ butisdlelh.
19Nawhudizulh-un neMoodihti ooba hoonzoo-un,
ꞌet tsꞌiyanne budutasnelh.”
20ꞋEt ꞌudustlꞌus nainílhghal ꞌinkꞌez ꞌutꞌen-un yutlꞌa nayánꞌai ꞌinkꞌez natlꞌa didaꞌ. ꞋInkꞌez Lizwif lugliz dilhtsꞌine, tsꞌiyawh hinilhꞌen. 21ꞋInkꞌez bubulh yawhenilhduk, “ꞋEt Yakꞌusda ooghuni dáhtsꞌo-un, ꞌet ꞌandit dzin tsꞌiyawh lhaooduja.”
22Tsꞌiyanne soo highu yalhduk. Khuni unzoo-i ye yailhduk-i buba hooncha. Dichꞌoh ꞌulhodutni, “Ndun Joseph ooyeꞌ ꞌen iloh eh ꞌuntꞌoh?”
23ꞋEt ubúlhni, “ꞋAw nawh lheꞌhootꞌoh ndi khuni dudáhni-un whe njan ndutni, ‘Yoo be duyun nyunchꞌoh cho soo naꞌdudilneh,’ ꞌet ndusúdutahnelh. ꞋInka dutihnelh, ‘Ndet la keyoh Capernaum, dawhutꞌen-un whulh ꞌúzditsꞌo, ꞌet njan nyunchꞌoh nkeyoh ꞌet cha whuz unꞌa za ndintꞌen.’”
24ꞋInkꞌez ꞌet ndutni, “ꞋAlhaꞌ tsꞌihꞌun nohdusni, nus hooꞌen-un dukeyoh ꞌaw ꞌilhoghun hoontsꞌi yukalheꞌnizun. 25ꞋEt soo tsꞌihꞌun nohdusni, ꞌet ꞌoh daꞌ Elijah, Israel nus hooꞌen-un buba unli inleꞌ. ꞋEt lhane tsandilh hoonli inleꞌ. Tat yus kꞌut ꞌon ꞌat lhkꞌu tat sanun, ꞌaw chan hooloh. ꞋEt ndulcho whe dai whuzdliꞌ. 26ꞋEt Elijah ꞌaw ꞌilhoghun tsꞌú whelhilꞌal. ꞋEt hoontsꞌi ꞌilhoghun tsandilh, yun kꞌut Sidon keyoh Zerepath whutꞌen-un tsꞌu whelꞌaꞌ. 27ꞋInkꞌez ꞌoh daꞌ nkedaꞌ Elisha nus hooꞌen-un buba unli inleꞌ, ꞌet Israel ooká whulhjutne, leprosy huyulhni, huldlai. ꞋAw ꞌilhoghun hoontsꞌi soo nálheꞌilel, kꞌus Naman, Syria whutꞌen-un, ꞌen za soo naꞌyinla,” ꞌubulhni.
28ꞋEt Lizwif lugliz dilhtsꞌine hidántsꞌo whe tube huyulh húnilchꞌe. 29ꞋInkꞌez dodindil huyílhchoot ꞌinkꞌez keyoh hukwꞌunꞌa hitilhya. ꞋInkꞌez ndo ndet la shus kꞌut keyoh whuzdla-un, ꞌet néhinilhya whunoh tsꞌe whenghi hitinoh ha. 30ꞋInkꞌez tsꞌiyawh butoh lhuseya ꞌinkꞌez ntsꞌe la hukwaꞌ ninzun tsꞌu whínya.
Dune ntsiꞌ-i ooyudinda-un
31ꞋEt Galilee yun kꞌut ꞌet keyoh Capernaum whuzꞌai tsꞌe whinya. Natsꞌulyis dzin totsuk whubodulhꞌeh. 32ꞋEt hubodulhꞌehne tube buba hooncha. Dughuni ookꞌuneꞌ ootꞌen kꞌunꞌa bubulh yalhduk.
33ꞋEt Lizwif lugliz ꞌilhoghun dune, ꞌen ntsiꞌ-i nududeh-i yudínda. Ntsiꞌ-i ndudeh-i tube cho ꞌalhdzul 34ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”
35ꞋEt Jesus hukwaꞌ yudániꞌ whe ꞌuyulhni, “Tꞌeduzinih whe ooyáhanaindaih!” Ntsiꞌ-i nududeh-i dune butoh nayáno ꞌinkꞌez yutsꞌu ha naja. ꞋInkꞌez ꞌaw lhuyundílhdal.
36Tsꞌiyawh buba hooncha ꞌinkꞌez whe húnilhjoot ꞌinkꞌez ꞌulhodutni, “Ndi khuni ndai whe ꞌuntꞌoh? Ulhtus ꞌinkꞌez ookwꞌuneꞌ whutꞌen. Ndun ntsiꞌ-i nududeh-i, ꞌet ndúyulhni ibulh yutsꞌu ha nadide.” 37ꞋEt yun kꞌut ndulcho whe huyulh ꞌúdantsꞌo.
Jesus Peter oobiz soo naꞌyinla
38ꞋEt Jesus Lizwif lugliz dunadija ꞌinkꞌez Simon ooyoh tsꞌe whinya. Simon oobiz dada nulwus-i be nduda. ꞋEt Jesus hidaniꞌ khun tilah yulaꞌ ooneh ha. 39ꞋEt lili zih neninya ꞌinkꞌez yutus cha nutꞌi. ꞋInkꞌez dada hukwaꞌ yudániꞌ whe nulwus-i ye nduda-i yutsꞌa ha nádooltsꞌit yulhni, ꞌinkꞌez ootsꞌa hanaídiltsꞌut. ꞋEt ꞌaho dunadija ꞌinkꞌez bugha náꞌuntꞌai.
Natsꞌulyis-un dzin ꞌet lhane undudane, Jesus soo naꞌbinla
40ꞋAwet sa yo táꞌaih whe mbene ookꞌekene lhelhdowh didowh-i dada be ndudane tsꞌiyawh Jesus highu bonínla. ꞋInkꞌez tsꞌiyawh bukꞌudálni ꞌinkꞌez whuz unꞌa soo náꞌbinla. 41ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.
Galilee whe Jesus dune bubulh yalhduk
42ꞋEt ꞌom bun bundada sa há wheninꞌai whe ꞌet disoh tsꞌe whinya. Dune tsꞌiyawh hikunúta. ꞋEt usda-un highu nindil, bughu tooyaꞌ whuchꞌa néꞌhuyulhꞌen. 43ꞋInkꞌez ubúlhni, “ꞋUdun keyoh cha yatisduk, dantꞌoh whe huba Yakꞌusda lerwe unli budutasnelh. ꞋEt huba whusázꞌaꞌ.” 44ꞋEt Galilee Lizwifne bulugliz ꞌoh ho bubulh yalhduk.
Tällä hetkellä valittuna:
Luke 4: crx
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2019, Wycliffe Bible Translators, Inc. All rights reserved.
Luke 4
4
Netsudule Jesus tankꞌus óoneh-un hukwa yóolhdzih
1ꞋEt Jesus Ndoni dizbun whe Jordan koh tsꞌe ha nája. ꞋInkꞌez dune lhuhóotꞌih tsꞌe Ndoni whuz whe yalhꞌaꞌ. 2ꞋEt whulh dit whunizyat (40) dzin netsudule tankꞌus ooneh hukwa yulhꞌen ꞌet whe yoolhdzih. ꞋEt nduwhulyiz whe ꞌaw hoonli lhusꞌal. ꞋEt lhaóodinla hukwꞌelhꞌaz ooyeꞌíltsꞌul.
3ꞋEt netsudule yúlhni, “ꞋAlhaꞌ Yakꞌusda ooYeꞌ inli de, ndi tse lhes ooleh dini.”
4ꞋEt Jesus njan ndúyulhni, “Yakꞌusda ooghuni kꞌut ꞌukꞌusguz whe njan ndutni, ‘ꞋAw lhes za iloh dune yukꞌukhuna. Yakꞌusda ooghuni ꞌi tsꞌiyawh dune yukꞌukhuna.’”
5ꞋEt netsudule ꞌudedo-i dzulh kꞌuz whe yalhti. ꞋEt ꞌaho yun kꞌut ntsꞌoh tula dune whutꞌi, ꞌinkꞌez lerwene bube ꞌutꞌen kꞌoh, ꞌoh nduwhulcho whinulhtun. 6Netsudule yulhni, “ꞋEt ndi tsꞌiyawh whumoodih tanleh, ꞌinkꞌez hiye diztiꞌ-un ꞌet cha ngha ootasꞌalh. Njan sgha whulya. ꞋEt huwa mbe ookaꞌ nuszun-un tlꞌa ootisꞌalh. 7ꞋInka ngwutsi be neninya ꞌinkꞌez stsꞌu téniꞌ nilhdzun de, ꞌet ndi tsꞌiyawh nchꞌeꞌ whutaleh.”
8ꞋEt Jesus nduyulhni, “Satan stꞌá tsꞌinyalh! ꞋEt ꞌukꞌehóoguz whe njan ndutni, ‘Moodihti nYakꞌusda ꞌaw ꞌen za oobut negwutsi be netsꞌiyaih, ꞌinkꞌez ꞌen za ootsꞌu teniꞌ uznilhdzun. ꞋInkꞌez ꞌen za ooba neꞌtsꞌutꞌen.’”
9ꞋEt Jerusalem tsꞌe whe yalhti ꞌinkꞌez lugliz whucho ꞌudedo hukwꞌut ꞌet whuban nénilhya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, njan whengheꞌ dudintneh! 10ꞋEt ꞌukꞌehooguz whe njan ndutni,
‘Yakꞌusda oolizas ngho hooleꞌ la ꞌinkꞌez nyuhotun
ꞌinkꞌez wheni butlꞌa hónꞌai.
11Dula be do nyuhóotatun,
doo ka si tse dunontulh whuchꞌa.’”
12ꞋInkꞌez Jesus ndúyulhni, “Njan ꞌukꞌehooguz whe njan duwhutni, ‘Khun te Moodihti nYakꞌusda ꞌen nantanꞌah hukwa ólhdzih junih.’”
13ꞋEt netsudule tsꞌiyantsuk whe tankꞌus ooneh hukwa yóolhdzai, ꞌet yughu whe naja, kꞌadle doo cha oogha whultsꞌut de wheni.
Jesus dude ꞌutꞌen ꞌawet whe yudilhꞌen
14ꞋEt Jesus Ndoni ye ulhtus-i be yun kꞌut Galilee tsꞌe whe naja. ꞋEt Galilee yun kꞌut dilhtsꞌine ndulcho whe huyulh ꞌúdantsꞌo. 15ꞋEt t Lizwif bulugliz whube hóndunilhꞌeꞌ ꞌinkꞌez tsꞌiyanne hidílhtiꞌ.
16ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya. 17ꞋInkꞌez nus hooꞌen-un Isaiah be ꞌudustlꞌus ꞌi hitlꞌa húyanꞌai. Lhkꞌeyuntílhghal ꞌinkꞌez hukwꞌu yatilhduk-un ꞌet nahoonꞌai. ꞋEt buba ꞌukꞌu yawhénilhduk whe njan ndutni,
18“Moodihti ooyughi ꞌi sulh ꞌuntꞌoh.
ꞋI be ꞌutahasalhti, telꞌenne khuni unzoo-i bugha tisꞌalh ha.
Oodzi undudane,
ꞌenne nabutisyih ha butsꞌó whusasya.
Mbene la ílchootne,
bula nadutisnih.
ꞋInkꞌez hoos̱ꞌenne,
huhooꞌen nahutidleh.
Mbene la dune ꞌaboꞌenne,
cha donáꞌ butisdlelh.
19Nawhudizulh-un neMoodihti ooba hoonzoo-un,
ꞌet tsꞌiyanne budutasnelh.”
20ꞋEt ꞌudustlꞌus nainílhghal ꞌinkꞌez ꞌutꞌen-un yutlꞌa nayánꞌai ꞌinkꞌez natlꞌa didaꞌ. ꞋInkꞌez Lizwif lugliz dilhtsꞌine, tsꞌiyawh hinilhꞌen. 21ꞋInkꞌez bubulh yawhenilhduk, “ꞋEt Yakꞌusda ooghuni dáhtsꞌo-un, ꞌet ꞌandit dzin tsꞌiyawh lhaooduja.”
22Tsꞌiyanne soo highu yalhduk. Khuni unzoo-i ye yailhduk-i buba hooncha. Dichꞌoh ꞌulhodutni, “Ndun Joseph ooyeꞌ ꞌen iloh eh ꞌuntꞌoh?”
23ꞋEt ubúlhni, “ꞋAw nawh lheꞌhootꞌoh ndi khuni dudáhni-un whe njan ndutni, ‘Yoo be duyun nyunchꞌoh cho soo naꞌdudilneh,’ ꞌet ndusúdutahnelh. ꞋInka dutihnelh, ‘Ndet la keyoh Capernaum, dawhutꞌen-un whulh ꞌúzditsꞌo, ꞌet njan nyunchꞌoh nkeyoh ꞌet cha whuz unꞌa za ndintꞌen.’”
24ꞋInkꞌez ꞌet ndutni, “ꞋAlhaꞌ tsꞌihꞌun nohdusni, nus hooꞌen-un dukeyoh ꞌaw ꞌilhoghun hoontsꞌi yukalheꞌnizun. 25ꞋEt soo tsꞌihꞌun nohdusni, ꞌet ꞌoh daꞌ Elijah, Israel nus hooꞌen-un buba unli inleꞌ. ꞋEt lhane tsandilh hoonli inleꞌ. Tat yus kꞌut ꞌon ꞌat lhkꞌu tat sanun, ꞌaw chan hooloh. ꞋEt ndulcho whe dai whuzdliꞌ. 26ꞋEt Elijah ꞌaw ꞌilhoghun tsꞌú whelhilꞌal. ꞋEt hoontsꞌi ꞌilhoghun tsandilh, yun kꞌut Sidon keyoh Zerepath whutꞌen-un tsꞌu whelꞌaꞌ. 27ꞋInkꞌez ꞌoh daꞌ nkedaꞌ Elisha nus hooꞌen-un buba unli inleꞌ, ꞌet Israel ooká whulhjutne, leprosy huyulhni, huldlai. ꞋAw ꞌilhoghun hoontsꞌi soo nálheꞌilel, kꞌus Naman, Syria whutꞌen-un, ꞌen za soo naꞌyinla,” ꞌubulhni.
28ꞋEt Lizwif lugliz dilhtsꞌine hidántsꞌo whe tube huyulh húnilchꞌe. 29ꞋInkꞌez dodindil huyílhchoot ꞌinkꞌez keyoh hukwꞌunꞌa hitilhya. ꞋInkꞌez ndo ndet la shus kꞌut keyoh whuzdla-un, ꞌet néhinilhya whunoh tsꞌe whenghi hitinoh ha. 30ꞋInkꞌez tsꞌiyawh butoh lhuseya ꞌinkꞌez ntsꞌe la hukwaꞌ ninzun tsꞌu whínya.
Dune ntsiꞌ-i ooyudinda-un
31ꞋEt Galilee yun kꞌut ꞌet keyoh Capernaum whuzꞌai tsꞌe whinya. Natsꞌulyis dzin totsuk whubodulhꞌeh. 32ꞋEt hubodulhꞌehne tube buba hooncha. Dughuni ookꞌuneꞌ ootꞌen kꞌunꞌa bubulh yalhduk.
33ꞋEt Lizwif lugliz ꞌilhoghun dune, ꞌen ntsiꞌ-i nududeh-i yudínda. Ntsiꞌ-i ndudeh-i tube cho ꞌalhdzul 34ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”
35ꞋEt Jesus hukwaꞌ yudániꞌ whe ꞌuyulhni, “Tꞌeduzinih whe ooyáhanaindaih!” Ntsiꞌ-i nududeh-i dune butoh nayáno ꞌinkꞌez yutsꞌu ha naja. ꞋInkꞌez ꞌaw lhuyundílhdal.
36Tsꞌiyawh buba hooncha ꞌinkꞌez whe húnilhjoot ꞌinkꞌez ꞌulhodutni, “Ndi khuni ndai whe ꞌuntꞌoh? Ulhtus ꞌinkꞌez ookwꞌuneꞌ whutꞌen. Ndun ntsiꞌ-i nududeh-i, ꞌet ndúyulhni ibulh yutsꞌu ha nadide.” 37ꞋEt yun kꞌut ndulcho whe huyulh ꞌúdantsꞌo.
Jesus Peter oobiz soo naꞌyinla
38ꞋEt Jesus Lizwif lugliz dunadija ꞌinkꞌez Simon ooyoh tsꞌe whinya. Simon oobiz dada nulwus-i be nduda. ꞋEt Jesus hidaniꞌ khun tilah yulaꞌ ooneh ha. 39ꞋEt lili zih neninya ꞌinkꞌez yutus cha nutꞌi. ꞋInkꞌez dada hukwaꞌ yudániꞌ whe nulwus-i ye nduda-i yutsꞌa ha nádooltsꞌit yulhni, ꞌinkꞌez ootsꞌa hanaídiltsꞌut. ꞋEt ꞌaho dunadija ꞌinkꞌez bugha náꞌuntꞌai.
Natsꞌulyis-un dzin ꞌet lhane undudane, Jesus soo naꞌbinla
40ꞋAwet sa yo táꞌaih whe mbene ookꞌekene lhelhdowh didowh-i dada be ndudane tsꞌiyawh Jesus highu bonínla. ꞋInkꞌez tsꞌiyawh bukꞌudálni ꞌinkꞌez whuz unꞌa soo náꞌbinla. 41ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.
Galilee whe Jesus dune bubulh yalhduk
42ꞋEt ꞌom bun bundada sa há wheninꞌai whe ꞌet disoh tsꞌe whinya. Dune tsꞌiyawh hikunúta. ꞋEt usda-un highu nindil, bughu tooyaꞌ whuchꞌa néꞌhuyulhꞌen. 43ꞋInkꞌez ubúlhni, “ꞋUdun keyoh cha yatisduk, dantꞌoh whe huba Yakꞌusda lerwe unli budutasnelh. ꞋEt huba whusázꞌaꞌ.” 44ꞋEt Galilee Lizwifne bulugliz ꞌoh ho bubulh yalhduk.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2019, Wycliffe Bible Translators, Inc. All rights reserved.