Jenesis 34
34
Sekem hemi fosim Daena fo slip wetem hem
1Wanfala de, dota blong Jekob an Lea, wea nem blong hem Daena, hemi go long wanfala taon ya wea olketa kolem Sekem fo go lukim olketa woman long ples ya. 2Nao Hamoa, hu hemi wanfala man long laen blong Hivi, hem nao hemi sif blong ples ya, an hemi garem wanfala pikinini boe blong hem wea nem blong hem nao Sekem. An taem boe ya hemi lukim Daena, hemi holemtaet, an hemi fosim hem fo slip wetem hem. 3An taem hemi lukim dat gele ya hemi wanfala naesbola, hemi barava laekem tumas, so hemi gohed fo suitim hem fo hemi laekem hem. 4An hemi tok olsem long dadi blong hem, “Dadi, mi laekem tumas fo maritim gele ya. Plis yu go trae fo askem kam dadi blong hem fo hem.”
5Nao Jekob hemi herem nius wea man ya hemi spoelem dota blong hem, bat bikos olketa boe blong hem olketa gohed fo lukaftarem olketa animol blong hem yet, so hemi no talem enisamting, hemi weitem olketa kambaek fastaem. 6-7Nao long semtaem wea olketa boe blong hem i ka-kambaek long hem, Hamoa an boe blong hem ya i kamap tu fo askem gele ya. Bat taem olketa brata ya i herem nius wea boe ya hemi fosim sista blong olketa fo hemi slip wetem hem, olketa barava kros tumas. Long ae blong olketa, wei olsem hemi barava nogud tumas, an hemi no fitim fo eniwan save duim nao, an olketa lukim wei wea boe ya hemi duim hemi mekem famili blong olketa i sem tumas. 8Nao dadi blong boe ya hemi tok olsem long olketa, “Boe blong mi ya hemi laekem tumas dota blong yu ya. Hemi gud sapos yu letem fo hemi maritim. 9Hemi gud fo yumi putum wanfala toktok wea olketa boe blong yufala bae save maritim olketa gele blong mifala, an olketa boe blong mifala bae save maritim olketa gele blong yufala. 10An bae yufala save stap wetem mifala long graon blong mifala ya. Bae yufala save go stap long eni ples wea yufala laekem long hia, an yufala save mekem bisnis wetem mifala, an yufala save onam graon blong yufala long ples ya.”
11Nao boe ya hemi tok olsem long olketa ya, “Olketa. Sapos yufala agri long toktok ya, bae mi save givim enisamting nomoa wea yufala laekem. 12Hemi gud sapos yufala talemaot haomas samting nao yufala laekem fo mi givim long yufala. An yufala save apem praes blong gele ya fo hemi kasem eni namba nomoa wea yufala laekem. Sapos yufala letem fo hemi maritim mi, eni praes nomoa wea yufala putum, bae mi peim.” 13Bat bikos boe ya hemi mekem bikfala sem long gele ya, olketa brata blong hem i stanap kam an laea long boe ya wetem dadi blong hem. 14Olketa tok olsem, “Hemi gud, bat mifala no save letem sista blong mifala fo maritim man wea hemi no kate. Hem nao bae mekem mifala sem tumas ya. 15Wanfala wei nomoa hemi olsem, sapos yufala kamap olsem mifala, wea evri man blong yufala mas kate, hem nao bae mifala save agri long hem. 16Sapos yufala duim olsem, bae olketa boe blong yufala save maritim olketa gele blong mifala, an bae olketa boe blong mifala save maritim olketa gele blong yufala. Nao bae yumi save kamap olsem olketa pipol blong wanfala laen nomoa. 17Bat sapos yufala no agri long diswan wea evri man blong yufala bae olketa mas kate, bae mifala tekem sista blong mifala ya an goaot from hia.”
18Oraet, Hamoa an boe blong hem ya, tufala herem toktok ya hemi stret nomoa, 19So boe ya hemi go an duim olsem wea olketa bin talem hem nao, bikos hemi laekem tumas gele ya. Sekem hemi wanfala yang man, wea olketa barava tinghae long hem winim olketa narafala boe long famili blong hem. 20Nao tufala go sidaon long doa blong bikfala wolston long taon ya, wea hem nao barava ples long kastom blong olketa fo tokabaotem olketa bisnis blong olketa long hem. Nao dadi blong boe ya hemi tok olsem long olketa man blong ples ya, 21“Olketa. Olketa man ya i laek fo frengud wetem yumi ya. Hemi moabeta fo yumi letem olketa fo stap long graon blong yumi ya an mekem bisnis. Graon ya hemi bikfala nomoa ya, an hemi naf nomoa fo yumi evriwan ya. An hemi gud fo yumi letem olketa boe blong yumi fo maritim olketa gele blong olketa, an olketa boe blong olketa fo maritim olketa gele blong yumi. 22Bat wanfala samting nomoa hemi stopem disfala samting ya. Long kastom blong olketa, olketa man mas kate ya. An olketa talem sapos yumi laekem olketa fo stap wetem yumi, mekem yumi olsem olketa pipol long wanfala laen nomoa, yumi evri man nao mas kate. 23!An yufala lukim! Sapos yumi agri an letem olketa fo stap wetem yumi, bae evri animol blong olketa ya wetem olketa narafala samting moa bae olketa blong yumi nao. Hemi gud fo yumi agri fo duim olsem wea olketa talem ya, an bae olketa save stap wetem yumi.” 24Nao olketa man blong taon ya i agri nao long toktok blong tufala ya. So evri man long ples ya i kate nao.
25Nao trifala de bihaen, olketa man blong taon ya i gohed fo filim kate blong olketa hemi soa yet. Nao tufala pikinini blong Jekob, wea nem blong tufala nao Simion an Livae, wea tufala i barava brata blong gele ya, tufala tekem naef fo faet blong tufala, an go insaet long taon ya nao. Tufala kilim dae evri man blong taon ya, 26wetem Hamoa an boe blong hem ya. Nao tufala tekem sista blong tufala ya from haos blong boe ya, an trifala goaot from ples ya nao. 27Taem evri man ya i dae finis, olketa narafala brata blong tufala i kam long taon ya, an tekem evrisamting blong olketa pipol long ples ya, an spoelem taon ya nao. Long wei ya, olketa sensimbaek bikfala sem ya wea boe ya hemi bin duim long sista blong olketa. 28Olketa tekem olketa sipsip an olketa nanigot, wetem olketa buluka an olketa dongki blong olketa, an olketa narafala samting moa wea i stap long taon ya, an long olketa graon raonem ples ya. 29An olketa tekem olketa woman an olketa pikinini blong taon ya, wetem evrisamting long olketa haos blong olketa. Long taem ya, olketa tekem olketa gudfala samting wea i stap long taon ya, an olketa karim go nao.
30Nao Jekob hemi tok olsem long tufala pikinini blong hem ya, “Tufala. Yutufala mekem wanfala bikfala trabol long mi ya. Distaem, olketa laen blong Kenan, wetem olketa laen blong Peris, an olketa narafala pipol wea i stap olobaot long kantri ya bae olketa no laekem mi moa nao ya, bae olketa agensim mi ya, bat yumi no plande nomoa. Sapos olketa ya i joen tugeta, an i kam fo faetem yumi, bae yumi evriwan lus nao ya.” 31Bat tufala tok olsem long hem, “?Waswe, yu laekem olketa fo mekem sista blong mifala fo olsem juri nomoa?”
Tällä hetkellä valittuna:
Jenesis 34: SIPB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Pijin Catholic Bible © Bible Society of the South Pacific, 2008.
Jenesis 34
34
Sekem hemi fosim Daena fo slip wetem hem
1Wanfala de, dota blong Jekob an Lea, wea nem blong hem Daena, hemi go long wanfala taon ya wea olketa kolem Sekem fo go lukim olketa woman long ples ya. 2Nao Hamoa, hu hemi wanfala man long laen blong Hivi, hem nao hemi sif blong ples ya, an hemi garem wanfala pikinini boe blong hem wea nem blong hem nao Sekem. An taem boe ya hemi lukim Daena, hemi holemtaet, an hemi fosim hem fo slip wetem hem. 3An taem hemi lukim dat gele ya hemi wanfala naesbola, hemi barava laekem tumas, so hemi gohed fo suitim hem fo hemi laekem hem. 4An hemi tok olsem long dadi blong hem, “Dadi, mi laekem tumas fo maritim gele ya. Plis yu go trae fo askem kam dadi blong hem fo hem.”
5Nao Jekob hemi herem nius wea man ya hemi spoelem dota blong hem, bat bikos olketa boe blong hem olketa gohed fo lukaftarem olketa animol blong hem yet, so hemi no talem enisamting, hemi weitem olketa kambaek fastaem. 6-7Nao long semtaem wea olketa boe blong hem i ka-kambaek long hem, Hamoa an boe blong hem ya i kamap tu fo askem gele ya. Bat taem olketa brata ya i herem nius wea boe ya hemi fosim sista blong olketa fo hemi slip wetem hem, olketa barava kros tumas. Long ae blong olketa, wei olsem hemi barava nogud tumas, an hemi no fitim fo eniwan save duim nao, an olketa lukim wei wea boe ya hemi duim hemi mekem famili blong olketa i sem tumas. 8Nao dadi blong boe ya hemi tok olsem long olketa, “Boe blong mi ya hemi laekem tumas dota blong yu ya. Hemi gud sapos yu letem fo hemi maritim. 9Hemi gud fo yumi putum wanfala toktok wea olketa boe blong yufala bae save maritim olketa gele blong mifala, an olketa boe blong mifala bae save maritim olketa gele blong yufala. 10An bae yufala save stap wetem mifala long graon blong mifala ya. Bae yufala save go stap long eni ples wea yufala laekem long hia, an yufala save mekem bisnis wetem mifala, an yufala save onam graon blong yufala long ples ya.”
11Nao boe ya hemi tok olsem long olketa ya, “Olketa. Sapos yufala agri long toktok ya, bae mi save givim enisamting nomoa wea yufala laekem. 12Hemi gud sapos yufala talemaot haomas samting nao yufala laekem fo mi givim long yufala. An yufala save apem praes blong gele ya fo hemi kasem eni namba nomoa wea yufala laekem. Sapos yufala letem fo hemi maritim mi, eni praes nomoa wea yufala putum, bae mi peim.” 13Bat bikos boe ya hemi mekem bikfala sem long gele ya, olketa brata blong hem i stanap kam an laea long boe ya wetem dadi blong hem. 14Olketa tok olsem, “Hemi gud, bat mifala no save letem sista blong mifala fo maritim man wea hemi no kate. Hem nao bae mekem mifala sem tumas ya. 15Wanfala wei nomoa hemi olsem, sapos yufala kamap olsem mifala, wea evri man blong yufala mas kate, hem nao bae mifala save agri long hem. 16Sapos yufala duim olsem, bae olketa boe blong yufala save maritim olketa gele blong mifala, an bae olketa boe blong mifala save maritim olketa gele blong yufala. Nao bae yumi save kamap olsem olketa pipol blong wanfala laen nomoa. 17Bat sapos yufala no agri long diswan wea evri man blong yufala bae olketa mas kate, bae mifala tekem sista blong mifala ya an goaot from hia.”
18Oraet, Hamoa an boe blong hem ya, tufala herem toktok ya hemi stret nomoa, 19So boe ya hemi go an duim olsem wea olketa bin talem hem nao, bikos hemi laekem tumas gele ya. Sekem hemi wanfala yang man, wea olketa barava tinghae long hem winim olketa narafala boe long famili blong hem. 20Nao tufala go sidaon long doa blong bikfala wolston long taon ya, wea hem nao barava ples long kastom blong olketa fo tokabaotem olketa bisnis blong olketa long hem. Nao dadi blong boe ya hemi tok olsem long olketa man blong ples ya, 21“Olketa. Olketa man ya i laek fo frengud wetem yumi ya. Hemi moabeta fo yumi letem olketa fo stap long graon blong yumi ya an mekem bisnis. Graon ya hemi bikfala nomoa ya, an hemi naf nomoa fo yumi evriwan ya. An hemi gud fo yumi letem olketa boe blong yumi fo maritim olketa gele blong olketa, an olketa boe blong olketa fo maritim olketa gele blong yumi. 22Bat wanfala samting nomoa hemi stopem disfala samting ya. Long kastom blong olketa, olketa man mas kate ya. An olketa talem sapos yumi laekem olketa fo stap wetem yumi, mekem yumi olsem olketa pipol long wanfala laen nomoa, yumi evri man nao mas kate. 23!An yufala lukim! Sapos yumi agri an letem olketa fo stap wetem yumi, bae evri animol blong olketa ya wetem olketa narafala samting moa bae olketa blong yumi nao. Hemi gud fo yumi agri fo duim olsem wea olketa talem ya, an bae olketa save stap wetem yumi.” 24Nao olketa man blong taon ya i agri nao long toktok blong tufala ya. So evri man long ples ya i kate nao.
25Nao trifala de bihaen, olketa man blong taon ya i gohed fo filim kate blong olketa hemi soa yet. Nao tufala pikinini blong Jekob, wea nem blong tufala nao Simion an Livae, wea tufala i barava brata blong gele ya, tufala tekem naef fo faet blong tufala, an go insaet long taon ya nao. Tufala kilim dae evri man blong taon ya, 26wetem Hamoa an boe blong hem ya. Nao tufala tekem sista blong tufala ya from haos blong boe ya, an trifala goaot from ples ya nao. 27Taem evri man ya i dae finis, olketa narafala brata blong tufala i kam long taon ya, an tekem evrisamting blong olketa pipol long ples ya, an spoelem taon ya nao. Long wei ya, olketa sensimbaek bikfala sem ya wea boe ya hemi bin duim long sista blong olketa. 28Olketa tekem olketa sipsip an olketa nanigot, wetem olketa buluka an olketa dongki blong olketa, an olketa narafala samting moa wea i stap long taon ya, an long olketa graon raonem ples ya. 29An olketa tekem olketa woman an olketa pikinini blong taon ya, wetem evrisamting long olketa haos blong olketa. Long taem ya, olketa tekem olketa gudfala samting wea i stap long taon ya, an olketa karim go nao.
30Nao Jekob hemi tok olsem long tufala pikinini blong hem ya, “Tufala. Yutufala mekem wanfala bikfala trabol long mi ya. Distaem, olketa laen blong Kenan, wetem olketa laen blong Peris, an olketa narafala pipol wea i stap olobaot long kantri ya bae olketa no laekem mi moa nao ya, bae olketa agensim mi ya, bat yumi no plande nomoa. Sapos olketa ya i joen tugeta, an i kam fo faetem yumi, bae yumi evriwan lus nao ya.” 31Bat tufala tok olsem long hem, “?Waswe, yu laekem olketa fo mekem sista blong mifala fo olsem juri nomoa?”
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
Pijin Catholic Bible © Bible Society of the South Pacific, 2008.