San Lucas 3:4-6

Je' jas ri cubij pa ri wuj ri tz'ibam wi ru tzij ri ojer k'alajisal re ru Lok' Pixab ri Dios, ri Isaías: C'o jun ri co cäch'aw pa tak ri juyub ri quetz'inowic, cubij: “Chibana u banic ri nim be ri cäbin wi ri Kajaw. Chibana sibalaj jicom che ri alaj tak u be,” —cächa'. “Quenojisax na conojel tak ri siwan, quelianisax na conojel tak ri juyub, ri nimak xukuje' ri ch'utik. Ri be ri e cotaquic quejicomisax na. Ri be ri sibalaj e c'äx na chelianisaxok,” —cächa'. “Conojel winak cäquil c'u na jas cuban ri Dios che qui to'ic ri winak ajmaquib,” —xcha ri mam Isaías.