Éxodo 4
4
Moisés imanö rurananpaqpis käyitsinqan
1Tsënö niptinnam Moisés nirqan: <<Willaptïpis Israel mayïkuna manam creyiyämanqatsu ni cäsuyämanqatsu. Tsënöllam niyämanqa: <Qamtaqa ¿imanöpataq Teyta Dios yuripïkushunkiman?> >>
2Niptinnam Teyta Dios tapurqan: <<¿Imatataq tsararëkanki?>>
Tsëmi Moisés nirqan: <<Tukrütam#4.2 Wakin nunakunaqa shukshütam niyanmi., Teyta>>.
3Niptinnam Teyta Dios nirqan: <<Patsaman jitarïkï>>.
Jitariptinnam culebraman tikrarirqan. Tsëta rikëkurnam Moisésqa mantsakar pintïkurqan.
4Tsënam Teyta Dios nirqan: <<Chupanpita tsarï>>.
Tsarirkuptinnam culebraqa tukruman tikrarirqan.
5Tsëpitanam Teyta Dios nirqan: <<Tsëta rikarmi Abrahampa, Isaacpa y Jacobpa Teyta Diosnin qamta yuripunqaqta creyiyanqa>>.
6Kënöpis Teyta Dios nirqanmi: <<Kananqa makikita oqllëkiman yakë>>.
Niptinnam makinta oqllanman yakarqan. Jorqaramuptinnam leprawan rashtanö yuraqashqa qaranpis këkänaq. 7Tsënam Teyta Dios nirqan: <<Yapë makikita oqllëkiman yakë>>.
Tsënam Teyta Dios ninqannölla rurarqan. Makinta oqllanpita sänutana jorqaramurqan.
8Tsëkunata rurarkatsirnam Teyta Dios nirqan: <<Punta kaq señalta mana creyirpis juk kaq señalta rikarqa creyiyäshunkim. 9Ishkan sëñatapis mana creyiyaptinqa mayupita yakuta aparkur patsaman jicharinki. Jichariptikim yawarman tikrarinqa>>.
Moiséspa rantin Aarón parlananpaq kanqan
10Niptinnam Moisés nirqan: <<¡Ay, Teyta Dios! Noqaqa manam shumaq parlëtapis yachätsu. Tsënö kanqäqa manam kananllatsu, sinöqa unëpita patsanam. Tsëmi parlëta pishipä>>.
11Tsënö niptinmi Teyta Dios nirqan: <<Tsëqa ¿pitaq nunapa shiminta kamashqa? ¿Pitaq kaman upa kananpaq, mana wiyaq kananpaqpis, wisku kananpaq y rikaq kananpaqpis? ¿Manaku noqa këkä? 12Tsëpinqa Egiptuman ëwë. Parlanqëki höra qamwanmi këkäshaq. Imanö parlanëkipaqpis noqam käyitsishqëki>>.
13Moisésnam yapë nirqan: <<¡Ay, Teyta Dios! Noqapa rantïqa jukta kachëkullëri>>.
14Tsënö niptinnam Teyta Dios piñarkur nirqan: <<Mana valoraptikiqa Leví trïbupita wawqiki Aarónmi yanapashunki. Allim nunakunata käyitsin. Pëmi taripäshunëkipaq shamunqa. Tinkuriyaptikim shonqunchö alläpa kushikunqa. 15Pëtam käyitsinki imata parlananpaq kaqtapis. Noqam pëtapis y qamtapis yarpëta qoyashqëki alli parlayänëkipaq. Tsënömi käyitsiyashqëki imata rurayänëkipaq kaqtapis. 16Llapan ninqaqkunata kikï cuenta Aarónta willanki. Qam ninqëkikunatam Aarón parlapanqa Israel nunakunata. 17Tukrïkita#4.17 Wakin nunakunaqa shukshïkita niyanmi. apanki. Tsëwanmi espantëpaq kaqkunata ruranki>>.
Egiptuman Moisés kutinqan
18Tsëpitanam Moisés kutirqan suegrun Jetrupa wayinman. Chëkurnam nirqan: <<Tëtë, Egiptuchö castäkunata watukaqmi ëwëta munëkä. ¿Kawëkäyanraqtsuraq o wanukuyashqanatsuraq?>>
Tsënam suegrun Jetro nirqan: <<Ëwë ari, wamra. Allim watukaramunki>>.
19Madiánpita manaraq ëwaptinmi Moisésta Teyta Dios nirqan: <<Egiptuman kutï. Wanutsiyäshunëkipaq yarpaqkunaqa llapannam wanukur ushakäyashqa>>.
20Tsëmi Moisésqa warminta wamrankunata ashnuman montarkatsir Egiptupa ëwarqan. Aparqam Teyta Dios <<tukrïkita#4.20 Wakin nunakunaqa shukshïkita niyanmi. apë>> ninqantapis. 21Tsëpitanam Moisésta Teyta Dios nirqan: <<Qamtam podernïta qorquq Egiptuman char Faraónpa nöpanchö espantëpaq señalkunata ruranëkipaq. Tsëkunataqa llapantam ruranëki. Noqam Faraónpa shonqunta chukruyätsishaq Israel nunakuna ewkuyänanta mana jaqinanpaq. 22Tsënam Faraónta kënö ninki: <Teyta Diosmi kënö nin: Israelqa#4.22 Israelpaq parlarqa Israel nación nunakunapaqmi parlëkan. wamaqshu tsurïmi këkan. 23Tsurï adoramaq ëwananpaq nikaptiqpis manam jaqinkitsu. Tsë rëkurmi wamaqshu tsurikita wanutsishaq> >>.#Éxo. 12.29.
24Egiptuman ëwëkäyanqanchömi quedakuyarqan. Tsë paqasmi Teyta Dios yuripurnin Moisésta wanutsita munarqan. 25Tsëmi Séforaqa cutsillunö rumiwan roqurapurqan wawanpa ishpakunanpa puntanpa qaranta. Nïkurmi tsë roqunqan qarata Moiséspa chakinman topëkatsir nirqan: <<Kananqa yawarwan señalashqa nunämi kanki>>.
26Tsënö ruraptinmi Moisésta Teyta Dios wanutsirqannatsu. Wawanpa ishpakunanpa puntan qaranta roqunqanpitam Séfora kënö nirqan: <<Yawarwan señalashqa qowämi kanki>>.
27Aaróntanam Egiptuchö këkaptin Teyta Dios nirqan: <<Ëwë chusyaq jirkaman Moiséswan tinkunëkipaq>>.
Tsënam Aarón ëwar Moiséswan tinkurqan Teyta Dioswan tinkuna jirkachö#Éxo. 3.1.. Moiséswan tinkurirnam napar mutsarqan. 28Tsëchömi Aarónta Moisés willarqan Teyta Dios llapan ninqankunata y espantëpaq señalkunatapis rurananpaq kanqanta.
29Egiptuman chëkurnam Moiséswan Aarón ëwayarqan precisaq Israel nunakunata ëlluyänanpaq. 30Pëkuna ëllukäriyaptinnam Moisésta Teyta Dios ninqankunata Aarónqa willarqan. Tsënöllam creyiyänanpaq Teyta Dios ninqannölla pëkunapa nöpanchö espantëpaq señalkunata Moisés rurarqan. 31Tsëmi llapan nunakuna creyirnin niyarqan: <<Teyta Diosqa rikëkämarquntsikmi imanö jipar kawanqantsiktapis>>.
Tsënö nirmi qonqurikur Teyta Diosta adorayarqan.
Tällä hetkellä valittuna:
Éxodo 4: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.
Éxodo 4
4
Moisés imanö rurananpaqpis käyitsinqan
1Tsënö niptinnam Moisés nirqan: <<Willaptïpis Israel mayïkuna manam creyiyämanqatsu ni cäsuyämanqatsu. Tsënöllam niyämanqa: <Qamtaqa ¿imanöpataq Teyta Dios yuripïkushunkiman?> >>
2Niptinnam Teyta Dios tapurqan: <<¿Imatataq tsararëkanki?>>
Tsëmi Moisés nirqan: <<Tukrütam#4.2 Wakin nunakunaqa shukshütam niyanmi., Teyta>>.
3Niptinnam Teyta Dios nirqan: <<Patsaman jitarïkï>>.
Jitariptinnam culebraman tikrarirqan. Tsëta rikëkurnam Moisésqa mantsakar pintïkurqan.
4Tsënam Teyta Dios nirqan: <<Chupanpita tsarï>>.
Tsarirkuptinnam culebraqa tukruman tikrarirqan.
5Tsëpitanam Teyta Dios nirqan: <<Tsëta rikarmi Abrahampa, Isaacpa y Jacobpa Teyta Diosnin qamta yuripunqaqta creyiyanqa>>.
6Kënöpis Teyta Dios nirqanmi: <<Kananqa makikita oqllëkiman yakë>>.
Niptinnam makinta oqllanman yakarqan. Jorqaramuptinnam leprawan rashtanö yuraqashqa qaranpis këkänaq. 7Tsënam Teyta Dios nirqan: <<Yapë makikita oqllëkiman yakë>>.
Tsënam Teyta Dios ninqannölla rurarqan. Makinta oqllanpita sänutana jorqaramurqan.
8Tsëkunata rurarkatsirnam Teyta Dios nirqan: <<Punta kaq señalta mana creyirpis juk kaq señalta rikarqa creyiyäshunkim. 9Ishkan sëñatapis mana creyiyaptinqa mayupita yakuta aparkur patsaman jicharinki. Jichariptikim yawarman tikrarinqa>>.
Moiséspa rantin Aarón parlananpaq kanqan
10Niptinnam Moisés nirqan: <<¡Ay, Teyta Dios! Noqaqa manam shumaq parlëtapis yachätsu. Tsënö kanqäqa manam kananllatsu, sinöqa unëpita patsanam. Tsëmi parlëta pishipä>>.
11Tsënö niptinmi Teyta Dios nirqan: <<Tsëqa ¿pitaq nunapa shiminta kamashqa? ¿Pitaq kaman upa kananpaq, mana wiyaq kananpaqpis, wisku kananpaq y rikaq kananpaqpis? ¿Manaku noqa këkä? 12Tsëpinqa Egiptuman ëwë. Parlanqëki höra qamwanmi këkäshaq. Imanö parlanëkipaqpis noqam käyitsishqëki>>.
13Moisésnam yapë nirqan: <<¡Ay, Teyta Dios! Noqapa rantïqa jukta kachëkullëri>>.
14Tsënö niptinnam Teyta Dios piñarkur nirqan: <<Mana valoraptikiqa Leví trïbupita wawqiki Aarónmi yanapashunki. Allim nunakunata käyitsin. Pëmi taripäshunëkipaq shamunqa. Tinkuriyaptikim shonqunchö alläpa kushikunqa. 15Pëtam käyitsinki imata parlananpaq kaqtapis. Noqam pëtapis y qamtapis yarpëta qoyashqëki alli parlayänëkipaq. Tsënömi käyitsiyashqëki imata rurayänëkipaq kaqtapis. 16Llapan ninqaqkunata kikï cuenta Aarónta willanki. Qam ninqëkikunatam Aarón parlapanqa Israel nunakunata. 17Tukrïkita#4.17 Wakin nunakunaqa shukshïkita niyanmi. apanki. Tsëwanmi espantëpaq kaqkunata ruranki>>.
Egiptuman Moisés kutinqan
18Tsëpitanam Moisés kutirqan suegrun Jetrupa wayinman. Chëkurnam nirqan: <<Tëtë, Egiptuchö castäkunata watukaqmi ëwëta munëkä. ¿Kawëkäyanraqtsuraq o wanukuyashqanatsuraq?>>
Tsënam suegrun Jetro nirqan: <<Ëwë ari, wamra. Allim watukaramunki>>.
19Madiánpita manaraq ëwaptinmi Moisésta Teyta Dios nirqan: <<Egiptuman kutï. Wanutsiyäshunëkipaq yarpaqkunaqa llapannam wanukur ushakäyashqa>>.
20Tsëmi Moisésqa warminta wamrankunata ashnuman montarkatsir Egiptupa ëwarqan. Aparqam Teyta Dios <<tukrïkita#4.20 Wakin nunakunaqa shukshïkita niyanmi. apë>> ninqantapis. 21Tsëpitanam Moisésta Teyta Dios nirqan: <<Qamtam podernïta qorquq Egiptuman char Faraónpa nöpanchö espantëpaq señalkunata ruranëkipaq. Tsëkunataqa llapantam ruranëki. Noqam Faraónpa shonqunta chukruyätsishaq Israel nunakuna ewkuyänanta mana jaqinanpaq. 22Tsënam Faraónta kënö ninki: <Teyta Diosmi kënö nin: Israelqa#4.22 Israelpaq parlarqa Israel nación nunakunapaqmi parlëkan. wamaqshu tsurïmi këkan. 23Tsurï adoramaq ëwananpaq nikaptiqpis manam jaqinkitsu. Tsë rëkurmi wamaqshu tsurikita wanutsishaq> >>.#Éxo. 12.29.
24Egiptuman ëwëkäyanqanchömi quedakuyarqan. Tsë paqasmi Teyta Dios yuripurnin Moisésta wanutsita munarqan. 25Tsëmi Séforaqa cutsillunö rumiwan roqurapurqan wawanpa ishpakunanpa puntanpa qaranta. Nïkurmi tsë roqunqan qarata Moiséspa chakinman topëkatsir nirqan: <<Kananqa yawarwan señalashqa nunämi kanki>>.
26Tsënö ruraptinmi Moisésta Teyta Dios wanutsirqannatsu. Wawanpa ishpakunanpa puntan qaranta roqunqanpitam Séfora kënö nirqan: <<Yawarwan señalashqa qowämi kanki>>.
27Aaróntanam Egiptuchö këkaptin Teyta Dios nirqan: <<Ëwë chusyaq jirkaman Moiséswan tinkunëkipaq>>.
Tsënam Aarón ëwar Moiséswan tinkurqan Teyta Dioswan tinkuna jirkachö#Éxo. 3.1.. Moiséswan tinkurirnam napar mutsarqan. 28Tsëchömi Aarónta Moisés willarqan Teyta Dios llapan ninqankunata y espantëpaq señalkunatapis rurananpaq kanqanta.
29Egiptuman chëkurnam Moiséswan Aarón ëwayarqan precisaq Israel nunakunata ëlluyänanpaq. 30Pëkuna ëllukäriyaptinnam Moisésta Teyta Dios ninqankunata Aarónqa willarqan. Tsënöllam creyiyänanpaq Teyta Dios ninqannölla pëkunapa nöpanchö espantëpaq señalkunata Moisés rurarqan. 31Tsëmi llapan nunakuna creyirnin niyarqan: <<Teyta Diosqa rikëkämarquntsikmi imanö jipar kawanqantsiktapis>>.
Tsënö nirmi qonqurikur Teyta Diosta adorayarqan.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.