Génesis 22
22
Teyta Diosta Abraham cäsukunqan
1Tsëpita atska wata pasariptinnam Teyta Dios musyëta munarqan Abraham cäsukuq kanqanta o mana cäsukuq kanqantapis. Tsëmi qayarqan: <<¡Abraham!>> nir.
Niptinmi Abraham yaskirqan: <<¿Imallatataq, Teyta?>>
2Tsënam Teyta Dios nirqan: <<Japallan kuyë tsuriki Isaacta pusharkur Moriahman ëwë. Tsëchömi juk jirkata rikätsishqëki. Tsë jirkachömi sacrificiupaq tsurikita kayanki>>.
3Tsënam Abrahamqa tsaqa tsaqalla yamtata tseqtarir ashnunman cargarqan. Tsëpitanam ishkaq sirwiqninkunata y tsurin Isaacta pusharkur Dios ninqan läduman jeqarirqan. 4Kima junaq ëwëkäyanqanchönam Abraham rikarqan tsë jirka karuchö këkämuqta. 5Tsëmi pushanqan sirwiqninkunata nirqan: <<Noqallana wamräwan taqë jirkaman Teyta Diosta adoraq ëwayäshaq. Qamkunaqa këllachö kutiyämushqäyaq ashnuntsikta mitsikäyë>>.
6Tsënö nirnam Abrahamqa sacrificiuta kayananpaq yamtata tsurin Isaacta katätsirqan. Kikinnam ninata y cutsilluta aparkur tsurinwan ëwayarqan.
7Ëwëkäyanqanchönam Isaacqa tëtanta nirqan: <<¡Tëtë!>>
Abrahamnam yaskirqan: <<¿Imanantaq, wamra?>>
Isaacnam nirqan: <<Ninataqa y yamtataqa apëkantsikmi. ¿Mëtaq kayana sacrificiupaq üshaqa?>>
8Abrahamnam yaskirqan: <<Wamrallä, Teyta Diosmi sacrificiupaq üshataqa churamunqa>>.
Tsënö parlarmi ishkan ewkïkäyarqan.
9Teyta Dios rikätsinqan jirkaman chëkurnam altarta Abraham perqarqan. Tsë altar jananmanmi yamtata shumaq patsätsirqan. Tsëpitanam tsurin Isaacta pankarkur yamta jananman iskaratsirqan.#Stg. 2.21. 10Cutsilluta tsarirkur tsurinta wanuratsinanpaq këkaptinnam 11Teyta Diospa angelnin ciëlupita kënö qayëkurqan: <<¡Abraham! ¡Abraham!>> nir.
Abrahamnam yaskirqan: <<¿Imallatataq, Teyta?>>
12Angelnam nirqan: <<Ama tsurikita wanutsitsu. Kananqa musyämi Teyta Diosta mantsakuq kanqëkita. Japallan kuyë tsurikitapis mañaptiq manam negamarqunkitsu>>.
13Tsëpita tumëkurnam Abrahamqa rikëkurqan juk üsha shirakachö#22.13 Wakin nunakunaqa shirachö niyanmi. awrikashqa këkaqta. Tsë üshatam tsurinpa rantin sacrificiupaq kayarqan.#Heb. 11.17-19. 14Tsëmi Abraham tsë jirkapa shutin churarqan: <<Teyta Diosmi yuritsimunqa>> nir.#22.14 Hebreo idiömachömi tsë shuti këkan Yahweh-yireh. Tsëpitam kananyaqpis nunakuna niyan: <<Jirkachömi Teyta Dios yuritsimunqa>> nir.
15Tsëpitanam Teyta Diospa angelnin ciëlupita Abrahamta yapë qayëkur nirqan: 16<<Teyta Diosmi kënö nin: <Ninqaqta cäsumarmi japallan kuyë tsurikitapis negamarqunkitsu. Tsëmi kikïpa shutïchö jurar niq: 17Rasunpam bendisïkushqëki. Tsëmi mirënikikuna llutëpa kayänanpaq permitishaq. Ciëluchö qoyllurkunanömi y lamar kuchunchö aqushanömi yupëtapis mana puëdipaq kayanqa.#Heb. 6.13-14; 11.12. Chikiqninkunatapis llapantam venciyanqa. 18Qampita miraq kanqan rëkurmi kë patsachö llapan nunakunapis bendicionta chaskiyanqa.#Hech. 3.25; Gál. 3.8. Tsënöqa kanqa ninqaqta cäsumanqëkipitam> >>.
19Tsëpitanam Abraham kutikurqan sirwiqninkunata jaqinqan kaqman. Beersebamanmi sirwiqninkunawan kutikuyarqan.
Nacorpa tsurinkuna
20Tsëkuna pasakushqanchönam Abrahamta willayarqan wawqin Nacorpa tsurinkuna warmin Milcachö kayanqanta. 21Nacorpa wamaqshu tsurinpa shutinmi karqan Uz. Uzpa qepa kaq wawqinnam karqan Buz. Buzpa qepan kaq wawqinnam karqan Kemuel. Kemuelqa karqan Arampa tëtanmi. 22Nacorpa wakin tsurinkunam kayarqan Quesed, Hazo, Pildas, Jidlaf y Betuel. 23Betuelqa karqan Rebecapa tëtanmi. Abrahampa wawqin Nacorpa tsë puwaq tsurinkuna karqan warmin Milcachömi.
24Tsënöllam concubïnan Reúmachöpis Nacorpa tsurinkuna kayarqan Teba, Gaham, Tahas y Maaca.
Tällä hetkellä valittuna:
Génesis 22: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.
Génesis 22
22
Teyta Diosta Abraham cäsukunqan
1Tsëpita atska wata pasariptinnam Teyta Dios musyëta munarqan Abraham cäsukuq kanqanta o mana cäsukuq kanqantapis. Tsëmi qayarqan: <<¡Abraham!>> nir.
Niptinmi Abraham yaskirqan: <<¿Imallatataq, Teyta?>>
2Tsënam Teyta Dios nirqan: <<Japallan kuyë tsuriki Isaacta pusharkur Moriahman ëwë. Tsëchömi juk jirkata rikätsishqëki. Tsë jirkachömi sacrificiupaq tsurikita kayanki>>.
3Tsënam Abrahamqa tsaqa tsaqalla yamtata tseqtarir ashnunman cargarqan. Tsëpitanam ishkaq sirwiqninkunata y tsurin Isaacta pusharkur Dios ninqan läduman jeqarirqan. 4Kima junaq ëwëkäyanqanchönam Abraham rikarqan tsë jirka karuchö këkämuqta. 5Tsëmi pushanqan sirwiqninkunata nirqan: <<Noqallana wamräwan taqë jirkaman Teyta Diosta adoraq ëwayäshaq. Qamkunaqa këllachö kutiyämushqäyaq ashnuntsikta mitsikäyë>>.
6Tsënö nirnam Abrahamqa sacrificiuta kayananpaq yamtata tsurin Isaacta katätsirqan. Kikinnam ninata y cutsilluta aparkur tsurinwan ëwayarqan.
7Ëwëkäyanqanchönam Isaacqa tëtanta nirqan: <<¡Tëtë!>>
Abrahamnam yaskirqan: <<¿Imanantaq, wamra?>>
Isaacnam nirqan: <<Ninataqa y yamtataqa apëkantsikmi. ¿Mëtaq kayana sacrificiupaq üshaqa?>>
8Abrahamnam yaskirqan: <<Wamrallä, Teyta Diosmi sacrificiupaq üshataqa churamunqa>>.
Tsënö parlarmi ishkan ewkïkäyarqan.
9Teyta Dios rikätsinqan jirkaman chëkurnam altarta Abraham perqarqan. Tsë altar jananmanmi yamtata shumaq patsätsirqan. Tsëpitanam tsurin Isaacta pankarkur yamta jananman iskaratsirqan.#Stg. 2.21. 10Cutsilluta tsarirkur tsurinta wanuratsinanpaq këkaptinnam 11Teyta Diospa angelnin ciëlupita kënö qayëkurqan: <<¡Abraham! ¡Abraham!>> nir.
Abrahamnam yaskirqan: <<¿Imallatataq, Teyta?>>
12Angelnam nirqan: <<Ama tsurikita wanutsitsu. Kananqa musyämi Teyta Diosta mantsakuq kanqëkita. Japallan kuyë tsurikitapis mañaptiq manam negamarqunkitsu>>.
13Tsëpita tumëkurnam Abrahamqa rikëkurqan juk üsha shirakachö#22.13 Wakin nunakunaqa shirachö niyanmi. awrikashqa këkaqta. Tsë üshatam tsurinpa rantin sacrificiupaq kayarqan.#Heb. 11.17-19. 14Tsëmi Abraham tsë jirkapa shutin churarqan: <<Teyta Diosmi yuritsimunqa>> nir.#22.14 Hebreo idiömachömi tsë shuti këkan Yahweh-yireh. Tsëpitam kananyaqpis nunakuna niyan: <<Jirkachömi Teyta Dios yuritsimunqa>> nir.
15Tsëpitanam Teyta Diospa angelnin ciëlupita Abrahamta yapë qayëkur nirqan: 16<<Teyta Diosmi kënö nin: <Ninqaqta cäsumarmi japallan kuyë tsurikitapis negamarqunkitsu. Tsëmi kikïpa shutïchö jurar niq: 17Rasunpam bendisïkushqëki. Tsëmi mirënikikuna llutëpa kayänanpaq permitishaq. Ciëluchö qoyllurkunanömi y lamar kuchunchö aqushanömi yupëtapis mana puëdipaq kayanqa.#Heb. 6.13-14; 11.12. Chikiqninkunatapis llapantam venciyanqa. 18Qampita miraq kanqan rëkurmi kë patsachö llapan nunakunapis bendicionta chaskiyanqa.#Hech. 3.25; Gál. 3.8. Tsënöqa kanqa ninqaqta cäsumanqëkipitam> >>.
19Tsëpitanam Abraham kutikurqan sirwiqninkunata jaqinqan kaqman. Beersebamanmi sirwiqninkunawan kutikuyarqan.
Nacorpa tsurinkuna
20Tsëkuna pasakushqanchönam Abrahamta willayarqan wawqin Nacorpa tsurinkuna warmin Milcachö kayanqanta. 21Nacorpa wamaqshu tsurinpa shutinmi karqan Uz. Uzpa qepa kaq wawqinnam karqan Buz. Buzpa qepan kaq wawqinnam karqan Kemuel. Kemuelqa karqan Arampa tëtanmi. 22Nacorpa wakin tsurinkunam kayarqan Quesed, Hazo, Pildas, Jidlaf y Betuel. 23Betuelqa karqan Rebecapa tëtanmi. Abrahampa wawqin Nacorpa tsë puwaq tsurinkuna karqan warmin Milcachömi.
24Tsënöllam concubïnan Reúmachöpis Nacorpa tsurinkuna kayarqan Teba, Gaham, Tahas y Maaca.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.