Génesis 50
50
Jacobta pampayanqan
1Tëtan wanuriptinnam Joséqa mellqarkur waqar mutsarqan. 2Tsëpitanam Joséqa mandädunchö këkaq mëdicukunata nirqan tëtanpa ayanta tsakitsiyänanpaq.#50.2 Unë Egipto nunakunaqa ayata tsakitsiyänanpaq urusninta, pachanta, aqishninkunata, shonqunta, ñatinninta y puywanninta jorqurirmi cuerpuntana pukutaq qorakunawan jinchiyaq. Tsëpitanam cuerpunman jichayaq natrón ninqan kachita. Atska junaq tsakiratsirnam yakuwan paqayaq. Tsëpitanam lïnu tëlawan shumaq wankuyaq. Tsënö wankurirnam cajonman winarkuyaq. José ninqannöllam mëdicukunaqa rurayarqan. 3Tsëmi costumbrinkunamannö mëdicukunaqa chusku chunka (40) junaq Israelpa ayanta tsakitsiyarqan. Jacobtam Egipto nunakunapis qanchis chunka (70) junaq lütuyarqan.
4Lütur usharirnam Joséqa Faraónpa palaciunchö mandakur yanapaq nunakunata nirqan: <<Qamkunawan shumaq rikänakïkashqaqa Faraónta kënö nishpa rowakëkalläyämï: 5<Josépa tëtanshi manaraq wanukur Diosninpa nöpanchö juratsinaq Canaánman apëkur kikin uchkunqan sepultüranman pampayänanpaq.#Gén. 47.29-31. Tsëshi änïkullanki tsëman apar tëtanta pampëkunanpaq. Pampëkurllash kutikamunqa> >>.
6José rowakunqanta willayaptinnam Faraón nirqan: <<Ëwatsun ari, tëtanta äninqannölla pampamunanpaq>>.
7Tsënö niptinnam José ëwarqan tëtanta pampaq. Ëwaptinnam Faraónta palaciunchö mandakur yanapaqkuna, precisaq Israel nunakuna y Egiptuchö mandakuqkunapis Joséta yanaqäyarqan. 8Tsënöllam Josépa tsurinkuna, willkankuna, wawqinkuna y llapan castankunapis pampakuq ëwayarqan. Gosénchöqa quedayarqan wamrakunawan wätakunallam. 9Tsëmi Joséta yanaqar carrëtankunawan y cawallunkuna montashqa atskaq nunakuna limpu kuyukurllana ëwayarqan.
10Jordán mayu tsimpanchö këkaq Goren-ha-Atad pampaman chëkurnam alläpa llakikur waqakur kakuyarqan. Tsëchömi José qanchis junaq waqakur tëtanta lüturqan. 11Tsënö lütuyanqanta rikarmi tsëchö täraq cananeo nunakuna niyarqan: <<Egipto nunakunaqa alläpa waqarmi lütïkäyan>>.
Tsëpitam tsë partipa shutin churayarqan Abel-mizraim#50.11 Abel-mizraim ninanqa Egipto nunakuna lütuyanqan ninanmi. nir. Tsëqa këkan Jordán mayupa wak tsimpanchömi.
12Jacobpa tsurinkunaqa llapantapis rurayarqan tëtan dispunikunqannöllam. 13Tsëmi Canaánman apëkur Macpela machëman pampayarqan. Tsëman llapan castankunawan pampakäkuyänanpaqmi tsë machëta chakrantin heteo casta Efrón nunapita Abraham rantishqa karqan. Tsë machëyuq chakraqa këkan Mamripa wak tsimpanchömi.#Gén. 23.19-20; Hech. 7.16. 14Tëtanta pampëkurnam llapan wawqinkunawan y yanaqaqninkunawanpis Egiptuman José kutikurqan.
Wawqinkuna mana mantsayänanpaq José ninqan
15Jacob wanukïkuptinnam Joséta mantsar wawqinkuna kikinkunapura kënö ninakuyarqan: <<Kananqa José chikinqantsikpitam noqantsiktapis mana allipa rikämäshun>>.
16Tsënö mantsakurmi juknin kaq wawqinkunata Joséman kënö ninanpaq kachayarqan: <<Tëtantsikqa manaraq wanukurmi niyämarqan qamta kënö willayänaqpaq: 17<Nöpata wawqikikuna mana käyikur chikiyäshunqëkita perdonëkullë. Ama aksëqa këtsu>. Tëtantsik ninqannöllam noqakunapis rowakuyaq mana alli rikäyanqaqpita perdonëkayämänëkipaq. Noqakunapis tëtantsik creyikunqan Diosman creyikuqmi kayä>>.
Tsënö niyanqanta wiyëkurnam José waqakurirqan.
18Tsëpitanam José kaqman wawqinkuna chëkur alläpa mantsakur nöpanman lätakïkuyarqan. Y kënömi niyarqan: <<Kananqa makikichö sirwikuqnikikunam kalläyä>>.
19Josénam nirqan: <<Ama mantsayämëtsu. Noqaqa manam Diostsu kä pitapis juzganäpaq. 20Qamkuna chikiyämar rantikayämashqa kayaptikipis Teyta Diosmi allipaq permitishqa. Tsëmi rikanqantsiknöpis muchï kaptin nunakuna mana ushakäyashqatsu. 21Tsëmi ama mantsayämëtsu. Noqam mikïta qoyashqëki kikikikunapis y tsurikikunapis mikuyänëkipaq>>.
Tsënö shumaq parlaparmi wawqinkunata kallpatsarqan manana mantsayänanpaq.
José wanunqan
22Joséqa llapan wawqinkunawanmi Egiptuchö tärarqan. Pëqa kawarqan juk pachak chunka (110) watayaqmi. 23Tsëmi tsurin Efraínpa willkanpa tsurintapis rikarqanraq. Tsënöllam Manaséspa tsurin Maquirpa tsurinkuna yurikuyaptin Joséman apapäyarqan legitimäkunanpaq.
24Tsëpitanam wawqinkunata José nirqan: <<Noqaqa wanukushaqnam. Wanukuptïpis Teyta Diosmi yanapayäshunki kë nacionpita ewkuyänëkipaq. Tsëmi pushayäshunki Abrahamta, Isaacta y Jacobta rikätsinqan Canaánman>>.
25Tsëta nirirnam llapan wawqinkunata Teyta Diospa nöpanchö juratsir José kënö nirqan: <<Teyta Dios shamurmi Canaánman kutiyänëkipaq yanapayäshunki. Tsë ewkurnin këpita tullükunatapis apakuyanki>>.#Éxo. 13.19; Jos. 24.32; Heb. 11.22.
26Juk pachak chunka (110) watayuq këkarmi Egiptuchö José wanukurqan. Tsëmi Josépa cuerpuntapis mëdicukuna tsakirkatsir cäjaman winayarqan.
Tällä hetkellä valittuna:
Génesis 50: qwhB
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.
Génesis 50
50
Jacobta pampayanqan
1Tëtan wanuriptinnam Joséqa mellqarkur waqar mutsarqan. 2Tsëpitanam Joséqa mandädunchö këkaq mëdicukunata nirqan tëtanpa ayanta tsakitsiyänanpaq.#50.2 Unë Egipto nunakunaqa ayata tsakitsiyänanpaq urusninta, pachanta, aqishninkunata, shonqunta, ñatinninta y puywanninta jorqurirmi cuerpuntana pukutaq qorakunawan jinchiyaq. Tsëpitanam cuerpunman jichayaq natrón ninqan kachita. Atska junaq tsakiratsirnam yakuwan paqayaq. Tsëpitanam lïnu tëlawan shumaq wankuyaq. Tsënö wankurirnam cajonman winarkuyaq. José ninqannöllam mëdicukunaqa rurayarqan. 3Tsëmi costumbrinkunamannö mëdicukunaqa chusku chunka (40) junaq Israelpa ayanta tsakitsiyarqan. Jacobtam Egipto nunakunapis qanchis chunka (70) junaq lütuyarqan.
4Lütur usharirnam Joséqa Faraónpa palaciunchö mandakur yanapaq nunakunata nirqan: <<Qamkunawan shumaq rikänakïkashqaqa Faraónta kënö nishpa rowakëkalläyämï: 5<Josépa tëtanshi manaraq wanukur Diosninpa nöpanchö juratsinaq Canaánman apëkur kikin uchkunqan sepultüranman pampayänanpaq.#Gén. 47.29-31. Tsëshi änïkullanki tsëman apar tëtanta pampëkunanpaq. Pampëkurllash kutikamunqa> >>.
6José rowakunqanta willayaptinnam Faraón nirqan: <<Ëwatsun ari, tëtanta äninqannölla pampamunanpaq>>.
7Tsënö niptinnam José ëwarqan tëtanta pampaq. Ëwaptinnam Faraónta palaciunchö mandakur yanapaqkuna, precisaq Israel nunakuna y Egiptuchö mandakuqkunapis Joséta yanaqäyarqan. 8Tsënöllam Josépa tsurinkuna, willkankuna, wawqinkuna y llapan castankunapis pampakuq ëwayarqan. Gosénchöqa quedayarqan wamrakunawan wätakunallam. 9Tsëmi Joséta yanaqar carrëtankunawan y cawallunkuna montashqa atskaq nunakuna limpu kuyukurllana ëwayarqan.
10Jordán mayu tsimpanchö këkaq Goren-ha-Atad pampaman chëkurnam alläpa llakikur waqakur kakuyarqan. Tsëchömi José qanchis junaq waqakur tëtanta lüturqan. 11Tsënö lütuyanqanta rikarmi tsëchö täraq cananeo nunakuna niyarqan: <<Egipto nunakunaqa alläpa waqarmi lütïkäyan>>.
Tsëpitam tsë partipa shutin churayarqan Abel-mizraim#50.11 Abel-mizraim ninanqa Egipto nunakuna lütuyanqan ninanmi. nir. Tsëqa këkan Jordán mayupa wak tsimpanchömi.
12Jacobpa tsurinkunaqa llapantapis rurayarqan tëtan dispunikunqannöllam. 13Tsëmi Canaánman apëkur Macpela machëman pampayarqan. Tsëman llapan castankunawan pampakäkuyänanpaqmi tsë machëta chakrantin heteo casta Efrón nunapita Abraham rantishqa karqan. Tsë machëyuq chakraqa këkan Mamripa wak tsimpanchömi.#Gén. 23.19-20; Hech. 7.16. 14Tëtanta pampëkurnam llapan wawqinkunawan y yanaqaqninkunawanpis Egiptuman José kutikurqan.
Wawqinkuna mana mantsayänanpaq José ninqan
15Jacob wanukïkuptinnam Joséta mantsar wawqinkuna kikinkunapura kënö ninakuyarqan: <<Kananqa José chikinqantsikpitam noqantsiktapis mana allipa rikämäshun>>.
16Tsënö mantsakurmi juknin kaq wawqinkunata Joséman kënö ninanpaq kachayarqan: <<Tëtantsikqa manaraq wanukurmi niyämarqan qamta kënö willayänaqpaq: 17<Nöpata wawqikikuna mana käyikur chikiyäshunqëkita perdonëkullë. Ama aksëqa këtsu>. Tëtantsik ninqannöllam noqakunapis rowakuyaq mana alli rikäyanqaqpita perdonëkayämänëkipaq. Noqakunapis tëtantsik creyikunqan Diosman creyikuqmi kayä>>.
Tsënö niyanqanta wiyëkurnam José waqakurirqan.
18Tsëpitanam José kaqman wawqinkuna chëkur alläpa mantsakur nöpanman lätakïkuyarqan. Y kënömi niyarqan: <<Kananqa makikichö sirwikuqnikikunam kalläyä>>.
19Josénam nirqan: <<Ama mantsayämëtsu. Noqaqa manam Diostsu kä pitapis juzganäpaq. 20Qamkuna chikiyämar rantikayämashqa kayaptikipis Teyta Diosmi allipaq permitishqa. Tsëmi rikanqantsiknöpis muchï kaptin nunakuna mana ushakäyashqatsu. 21Tsëmi ama mantsayämëtsu. Noqam mikïta qoyashqëki kikikikunapis y tsurikikunapis mikuyänëkipaq>>.
Tsënö shumaq parlaparmi wawqinkunata kallpatsarqan manana mantsayänanpaq.
José wanunqan
22Joséqa llapan wawqinkunawanmi Egiptuchö tärarqan. Pëqa kawarqan juk pachak chunka (110) watayaqmi. 23Tsëmi tsurin Efraínpa willkanpa tsurintapis rikarqanraq. Tsënöllam Manaséspa tsurin Maquirpa tsurinkuna yurikuyaptin Joséman apapäyarqan legitimäkunanpaq.
24Tsëpitanam wawqinkunata José nirqan: <<Noqaqa wanukushaqnam. Wanukuptïpis Teyta Diosmi yanapayäshunki kë nacionpita ewkuyänëkipaq. Tsëmi pushayäshunki Abrahamta, Isaacta y Jacobta rikätsinqan Canaánman>>.
25Tsëta nirirnam llapan wawqinkunata Teyta Diospa nöpanchö juratsir José kënö nirqan: <<Teyta Dios shamurmi Canaánman kutiyänëkipaq yanapayäshunki. Tsë ewkurnin këpita tullükunatapis apakuyanki>>.#Éxo. 13.19; Jos. 24.32; Heb. 11.22.
26Juk pachak chunka (110) watayuq këkarmi Egiptuchö José wanukurqan. Tsëmi Josépa cuerpuntapis mëdicukuna tsakirkatsir cäjaman winayarqan.
Tällä hetkellä valittuna:
:
Korostus
Jaa
Kopioi
Haluatko, että korostuksesi tallennetaan kaikille laitteillesi? Rekisteröidy tai kirjaudu sisään
© 2018, Wycliffe Bible Translators, Inc. All rights reserved.