Kutu - PBT Version (NT)

Lagano da Sambi kwa Wanhu Wose

<div class="version vid1226 iso6393kdc" data-vid="1226" data-iso6393="kdc">
 <div class="book bkJHN">
 <div class="chapter ch3" data-usfm="JHN.3">
 <div class="label">3</div><div class="s">Yesu na Nikodemo</div><div class="p"> 1Kukala na kilongozi imoja wa Wayahudi twaga jake Nikodemo, kakala imoja mna ikibumbila cha Mafalisayo. 2Siku dimoja ikilo kamcholela Yesu na kamulongela, &#8220;Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.&#8221;</div><div class="p"> 3Yesu kamwidika, &#8220;Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili.&#8221;</div><div class="p"> 4Nikodemo kamuuza, &#8220;Vino munhu mkulu kodahaze kuleligwa mwanza wa kabili? Havidahika bule munhu mkulu kwingila mna iinda ya mamake na kuleligwa mwanza wa kabili!&#8221;</div><div class="p"> 5Yesu kamwidika, &#8220;Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile. 6Munhu koleligwa kwa lukuli na tatake na mamake, lakini koleligwa kiloho na Loho Yang'alile. 7Sikuukanganye kwavija nokulongela molondigwa mweye mose muleligwe mwanza wa kabili. 8Beho dobuma kokose kudilonda, kodihulika, lakini hudijuwa dolawa kwahi hebu dochola kwahi. Vivo viili kwa munhu yoyose yaleligwe na Loho Yang'alile.&#8221;</div><div class="p"> 9Nikodemo kauza, &#8220;Avo gano godahikaze?&#8221;</div><div class="p"> 10Yesu kamwidika, &#8220;Gweye kwa mfundiza mkulu wa Waizilaeli, huijuwile vilihi mbuli ino? 11Nokulongela ukweli, tolonga kija tukijuwile tosimulila acho tuchonile, lakini haduhu munhu yoyose kumwenu yotogola usenga wetu. 12Hamnhogola viniwalongeleni mbuli za mumuno mwiisi, vino monhogolaze nahawalongela mbuli za ako kuulanga? 13Kuduhu munhu yoyose yacholile kuulanga ila Mwana wa Munhu, yezile kulawa kuko.&#8221;</div><div class="p"> 14Kamba Musa viyamwinule mdibiki nyoka wa shaba kuja kuluwala, vivo vonda yenuligwe Mwana wa Munhu, 15avo munhu yoyose yonda yamtogole yawe na ugima wa milele. 16Avo, Imulungu kawanogela wanhu wa mwiisi mbaka kamulava Mwanage yeli yaiyeka, ili munhu yoyose yonda yamtogole sikuyapotele lakini yawe na ugima wa milele. 17Imulungu hamtumile mwanage yeze mwiisi yawataguse wanhu, lakini kamtuma yeze kuwakombola.</div><div class="p"> 18&#8220;Wanhu wose onda wamtogole Mwana honda watagusigwe bule, lakini wose omulema watagusigwa mwaka, kwavija hawamtogole Mwana yaiyeka yanogeligwe na Imulungu. 19Vino vivo nhaguso vonda iwe, mulenge wiza mwiisi, lakini wanhu wanogelwa na ziza kubanza mulenge, kwavija gago gowosang'hana ganyolodoka. 20Wanhu wose otenda gehile hawaulonda mulenge na haweza kumulenge, kwavija hawalonda gehile gao gowotenda goneke. 21Lakini wanhu otenda ganogile okwiza kumulenge ili oneke osang'hana goyolonda Imulungu.&#8221;</div><div class="s">Yesu na Yohana Mbatizaji</div><div class="p"> 22Vigabitile gago, Yesu na wanahina zake wachola kuna iisi ya Yudea, kuko kakala nao siku ndodo na kabatiza wanhu. 23Nayo Yohana kakala kobatiza ako Ainoni, siyo kutali ng'hani kulawa Salimu, kwavija hanhu aho kukala na mazi mengi. Wanhu wakala omcholela, na heyo kawabatiza. 24Gano gose gatendigwa Yohana yang'hali hanagodekigwa mkifungo.</div><div class="p"> 25Wanahina wayagwe wa Yohana wasonga kuibamilila na Muyahudi mbuli ya jadi ya kunawa ili wamtambikile Imulungu. 26Avo wamcholela Yohana na kumulongela, &#8220;Mfundiza, vino komkumbuka munhu ija yuukalile nayo mwambu wa kudilawila zuwa wa lwanda lwa Yolidani, ija yuulongile mbuli zake? Hambe sambi kobatiza na kila munhu komcholela heyo!&#8221;</div><div class="p"> 27Yohana kawedika, &#8220;Kuduhu munhu yodaha kuwa na kinhu chochose kamba Imulungu hamgwelele. 28Mweye wenyego awo wasindila zangu kamba nonga, &#8216;Niye sili Kilisito Mkombola, lakini nhumigwa nimulongolele.&#8217; 29Mtwanzi yosoligwa ni wa mbigalo yosola. Lakini mbwiga wa mbigalo yosola, yemile na kutegeleza, kodeng'helela yahahulika sauti ya mbigalo yosola. Vivo ili kumwangu, deng'ho jangu divika. 30Heyo kolondigwa yawe mkulu na niye niwe mdodo.&#8221;</div><div class="s">Heyo yezile kulawa kuulanga</div><div class="p"> 31Heyo yolawa uchanha ni mkulu kubanza wose. Heyo yolawa mwiisi ni wa mwiisi na kolonga mbuli za mwiisi, lakini heyo yolawa kuulanga ni mkulu wa gose. 32Heyo kolonga mbuli ziyone na zija ziyahulike, lakini kuduhu munhu yotogola mbuli zake. 33Lakini munhu yoyose yozitogola mbuli zake kosindila kamba Imulungu kolonga ukweli. 34Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile. 35Tata kamnogela Mwanage na keka kila kinhu mmakono gake. 36Munhu yoyose yomtogola Mwana kana ugima wa milele, na munhu yoyose yomulema Mwana kabule ugima, lakini kosigala mwiinhaguso ya Imulungu.</div>
 </div>
 </div>
</div>

Kukala na kilongozi imoja wa Wayahudi twaga jake Nikodemo, kakala imoja mna ikibumbila cha Mafalisayo. Siku dimoja ikilo kamcholela Yesu na kamulongela, “Labi, tojuwa gweye kwa mfundiza kutumigwa na Imulungu. Kwavija kuduhu munhu yodaha kutenda unzonza kamba viutenda gweye kamba Imulungu hali hamoja nayo.”
Yesu kamwidika, “Nokulongela ukweli, kuduhu munhu yodaha kuwona Undewa wa Imulungu bila kuleligwa mwanza wa kabili.”
Nikodemo kamuuza, “Vino munhu mkulu kodahaze kuleligwa mwanza wa kabili? Havidahika bule munhu mkulu kwingila mna iinda ya mamake na kuleligwa mwanza wa kabili!”
Yesu kamwidika, “Nokulongela ukweli, kuduhu munhu yodaha kwingila Muundewa wa Imulungu bila kuleligwa kwa mazi na kwa Loho Yang'alile. Munhu koleligwa kwa lukuli na tatake na mamake, lakini koleligwa kiloho na Loho Yang'alile. Sikuukanganye kwavija nokulongela molondigwa mweye mose muleligwe mwanza wa kabili. Beho dobuma kokose kudilonda, kodihulika, lakini hudijuwa dolawa kwahi hebu dochola kwahi. Vivo viili kwa munhu yoyose yaleligwe na Loho Yang'alile.”
Nikodemo kauza, “Avo gano godahikaze?”
Yesu kamwidika, “Gweye kwa mfundiza mkulu wa Waizilaeli, huijuwile vilihi mbuli ino? Nokulongela ukweli, tolonga kija tukijuwile tosimulila acho tuchonile, lakini haduhu munhu yoyose kumwenu yotogola usenga wetu. Hamnhogola viniwalongeleni mbuli za mumuno mwiisi, vino monhogolaze nahawalongela mbuli za ako kuulanga? Kuduhu munhu yoyose yacholile kuulanga ila Mwana wa Munhu, yezile kulawa kuko.”
Kamba Musa viyamwinule mdibiki nyoka wa shaba kuja kuluwala, vivo vonda yenuligwe Mwana wa Munhu, avo munhu yoyose yonda yamtogole yawe na ugima wa milele. Avo, Imulungu kawanogela wanhu wa mwiisi mbaka kamulava Mwanage yeli yaiyeka, ili munhu yoyose yonda yamtogole sikuyapotele lakini yawe na ugima wa milele. Imulungu hamtumile mwanage yeze mwiisi yawataguse wanhu, lakini kamtuma yeze kuwakombola.
“Wanhu wose onda wamtogole Mwana honda watagusigwe bule, lakini wose omulema watagusigwa mwaka, kwavija hawamtogole Mwana yaiyeka yanogeligwe na Imulungu. Vino vivo nhaguso vonda iwe, mulenge wiza mwiisi, lakini wanhu wanogelwa na ziza kubanza mulenge, kwavija gago gowosang'hana ganyolodoka. Wanhu wose otenda gehile hawaulonda mulenge na haweza kumulenge, kwavija hawalonda gehile gao gowotenda goneke. Lakini wanhu otenda ganogile okwiza kumulenge ili oneke osang'hana goyolonda Imulungu.”

Vigabitile gago, Yesu na wanahina zake wachola kuna iisi ya Yudea, kuko kakala nao siku ndodo na kabatiza wanhu. Nayo Yohana kakala kobatiza ako Ainoni, siyo kutali ng'hani kulawa Salimu, kwavija hanhu aho kukala na mazi mengi. Wanhu wakala omcholela, na heyo kawabatiza. Gano gose gatendigwa Yohana yang'hali hanagodekigwa mkifungo.
Wanahina wayagwe wa Yohana wasonga kuibamilila na Muyahudi mbuli ya jadi ya kunawa ili wamtambikile Imulungu. Avo wamcholela Yohana na kumulongela, “Mfundiza, vino komkumbuka munhu ija yuukalile nayo mwambu wa kudilawila zuwa wa lwanda lwa Yolidani, ija yuulongile mbuli zake? Hambe sambi kobatiza na kila munhu komcholela heyo!”
Yohana kawedika, “Kuduhu munhu yodaha kuwa na kinhu chochose kamba Imulungu hamgwelele. Mweye wenyego awo wasindila zangu kamba nonga, ‘Niye sili Kilisito Mkombola, lakini nhumigwa nimulongolele.’ Mtwanzi yosoligwa ni wa mbigalo yosola. Lakini mbwiga wa mbigalo yosola, yemile na kutegeleza, kodeng'helela yahahulika sauti ya mbigalo yosola. Vivo ili kumwangu, deng'ho jangu divika. Heyo kolondigwa yawe mkulu na niye niwe mdodo.”

Heyo yolawa uchanha ni mkulu kubanza wose. Heyo yolawa mwiisi ni wa mwiisi na kolonga mbuli za mwiisi, lakini heyo yolawa kuulanga ni mkulu wa gose. Heyo kolonga mbuli ziyone na zija ziyahulike, lakini kuduhu munhu yotogola mbuli zake. Lakini munhu yoyose yozitogola mbuli zake kosindila kamba Imulungu kolonga ukweli. Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile. Tata kamnogela Mwanage na keka kila kinhu mmakono gake. Munhu yoyose yomtogola Mwana kana ugima wa milele, na munhu yoyose yomulema Mwana kabule ugima, lakini kosigala mwiinhaguso ya Imulungu.

Écouter Yohana 3