Gwere: Endagaano Empyaka Omu Lugwere (Bible)

Endagaano Empyaka Omu Lugwere

<div class="version vid2299 iso6393gwr" data-vid="2299" data-iso6393="gwr">
 <div class="book bkMAT">
 <div class="chapter ch3" data-usfm="MAT.3">
 <div class="label">3</div><div class="s1">OYokaana oMubatizi ayebulya enzira</div><div class="r">(Mak 1:1-8; Luk 3:1-18; Yok 1:19-28)</div><div class="p"> 1Omu naku egyo, oYokaana oMubatizi n&#700;ayaba omwidungu ly&#700;e Buyudaaya, era n&#700;alaabba obukwenda bwa Kibbumba eeri abantu. 2Obukwendabwe bwabbaire buti, &#8220;Mwenenye, olw&#700;okubba obwakabaka bw&#700;omwigulu bwigereire.&#8221;#Mat 4:17; Mak 1:15 3OYokaana oyo, niiye onaabbi oIsaaya oguyatumwireku ati:</div><div class="q1">&#8220;Waliwo atumulira omwidungu</div><div class="q2">n&#700;eigono eryaminkirira ati,</div><div class="q1">&#8216;Mutegeke oluguudo lwa Musengwa aiza,</div><div class="q2">muteereerye amanzirage.&#8217; &#8221;#Isa 40:3</div><div class="p"> 4OYokaana oyo, yazwalanga ekizwalo ekibakolere omu byoya bya kisolo ogubeeta ongamira, ng&#700;omu nkende yeesiba musipi gw&#700;eidiba. Era yaalyanga nzige n&#700;omujenene gw&#700;enzoki egy&#700;omu kigona.#2Ba 1:8 5Awo abantu ni bazwanga omu kibuga e Yerusaalemi, n&#700;omu byalo by&#700;omu Buyudaaya mwonamwona, n&#700;omu byalo ebyeruguuliriirye oMwiga oYoludaani, ni baabanga e giri oYokaana, 6ni babbutulanga ebikole byabwe ebibbibibbi era n&#700;ababatiziranga omu mwiga oYoludaani.</div><div class="p"> 7Neye oYokaana oweyaboine ng&#700;aBafalisaayo n&#700;aBasedukaayo bangi baaba egyali okubabatiza, n&#700;abakoba ati, &#8220;Inywe abakabbikabbi ooti mpiri enfulugundu! Naani abalabwire ati eenu niiyo engeri ey&#700;okwiruka obusungu bwa Kibbumba obwaba okwiza?#Mat 12:34; 23:33 8Aale atyanu mukole ebikole ebiraga biti dala mwenenyere ebikole byanywe ebibbibibbi. 9Era timwaseega muti mwezya okuwunuka nga mukoba muti, &#8216;Kasita iswe tuli baizukulu ba Ibbulaimu,&#8217; olw&#700;okubba mbakobera nti omu mabbaale ganu, oKibbumba ayezya okusuuciryamu oIbbulaimu abaizukulu abandi.#Yok 8:33 10Mumanye muti muli ooti misaale, nga n&#700;amambaizi agagitema bamalire okugabiikirya oku kikolo kya buli musaale. Ogwo ogutaneneka ebineneka ebisa baaba kugutema, era bagudyake omu musyo.#Mat 7:19 11Nze mbabatiza na maizi okulaga nti mwenenyere, neye waliwo ankiraku obwezye aali kwiza oluzwanyuma lwange, oguntasaanira naire okusibindula obusibiro bw&#700;engaitogye ni ngitoola omu bigerebye. Iye, yalibabatiza na Mwoyo oMutukulye era na musyo. 12Iye ayaba okwabulamu abantu ooti muntu akwata olugali n&#700;asenyenta, empeke n&#700;ebisusungu. Empeke igyo yaligikumbaanirya omu kideerokye, kaisi ibyo ebisusungu n&#700;abyoca n&#700;omusyo ogutalikira.&#8221;</div><div class="s1">Okubatiza oYesu</div><div class="r">(Mak 1:9-11; Luk 3:21-22)</div><div class="p"> 13Awo oYesu n&#700;azwa omwitwale ly&#700;e Galiraaya, n&#700;ayaba oku mwiga oYoludaani e giri oYokaana okumubatiza. 14Neye oYokaana n&#700;agezyaku okuloberya oYesu ng&#700;amukoba ati, &#8220;Nze neetaaga niiwe okumbatiza, tete iwe wena oiza giri ninze nkubatize?&#8221;</div><div class="p"> 15Neye iye oYesu n&#700;amwiramu ati, &#8220;Oganye kibbe kityo omu kiseera kinu, ikyo kituuce iswe okukola obutuukirirye bwonabwona.&#8221; Kale awo oYokaana n&#700;aikirirya okubatiza oYesu. 16Amangu ago ng&#700;oYesu bankumubatiza, n&#700;azwa omu maizi, era omu kiseera ekinanyere ekyo eigulu ni lyeigula, oYesu n&#700;abona oMwoyo wa Kibbumba ng&#700;aika ooti njiiwa, era n&#700;ayemerera oku Yesu. 17Era eigono ni lizwa omwigulu, nga likoba liti, &#8220;Oyo niiye oMwana wange omutake era ogunsiima eino.&#8221;#Nta 22:2; Zab 2:7; Isa 42:1; Mat 12:18; 17:5; Mak 1:11; Luk 9:35</div>
 </div>
 </div>
</div>

Omu naku egyo, oYokaana oMubatizi nʼayaba omwidungu lyʼe Buyudaaya, era nʼalaabba obukwenda bwa Kibbumba eeri abantu. Obukwendabwe bwabbaire buti, “Mwenenye, olwʼokubba obwakabaka bwʼomwigulu bwigereire.” OYokaana oyo, niiye onaabbi oIsaaya oguyatumwireku ati:
“Waliwo atumulira omwidungu
nʼeigono eryaminkirira ati,
‘Mutegeke oluguudo lwa Musengwa aiza,
muteereerye amanzirage.’ ”
OYokaana oyo, yazwalanga ekizwalo ekibakolere omu byoya bya kisolo ogubeeta ongamira, ngʼomu nkende yeesiba musipi gwʼeidiba. Era yaalyanga nzige nʼomujenene gwʼenzoki egyʼomu kigona. Awo abantu ni bazwanga omu kibuga e Yerusaalemi, nʼomu byalo byʼomu Buyudaaya mwonamwona, nʼomu byalo ebyeruguuliriirye oMwiga oYoludaani, ni baabanga e giri oYokaana, ni babbutulanga ebikole byabwe ebibbibibbi era nʼababatiziranga omu mwiga oYoludaani.
Neye oYokaana oweyaboine ngʼaBafalisaayo nʼaBasedukaayo bangi baaba egyali okubabatiza, nʼabakoba ati, “Inywe abakabbikabbi ooti mpiri enfulugundu! Naani abalabwire ati eenu niiyo engeri eyʼokwiruka obusungu bwa Kibbumba obwaba okwiza? Aale atyanu mukole ebikole ebiraga biti dala mwenenyere ebikole byanywe ebibbibibbi. Era timwaseega muti mwezya okuwunuka nga mukoba muti, ‘Kasita iswe tuli baizukulu ba Ibbulaimu,’ olwʼokubba mbakobera nti omu mabbaale ganu, oKibbumba ayezya okusuuciryamu oIbbulaimu abaizukulu abandi. Mumanye muti muli ooti misaale, nga nʼamambaizi agagitema bamalire okugabiikirya oku kikolo kya buli musaale. Ogwo ogutaneneka ebineneka ebisa baaba kugutema, era bagudyake omu musyo. Nze mbabatiza na maizi okulaga nti mwenenyere, neye waliwo ankiraku obwezye aali kwiza oluzwanyuma lwange, oguntasaanira naire okusibindula obusibiro bwʼengaitogye ni ngitoola omu bigerebye. Iye, yalibabatiza na Mwoyo oMutukulye era na musyo. Iye ayaba okwabulamu abantu ooti muntu akwata olugali nʼasenyenta, empeke nʼebisusungu. Empeke igyo yaligikumbaanirya omu kideerokye, kaisi ibyo ebisusungu nʼabyoca nʼomusyo ogutalikira.”


Awo oYesu nʼazwa omwitwale lyʼe Galiraaya, nʼayaba oku mwiga oYoludaani e giri oYokaana okumubatiza. Neye oYokaana nʼagezyaku okuloberya oYesu ngʼamukoba ati, “Nze neetaaga niiwe okumbatiza, tete iwe wena oiza giri ninze nkubatize?”
Neye iye oYesu nʼamwiramu ati, “Oganye kibbe kityo omu kiseera kinu, ikyo kituuce iswe okukola obutuukirirye bwonabwona.” Kale awo oYokaana nʼaikirirya okubatiza oYesu. Amangu ago ngʼoYesu bankumubatiza, nʼazwa omu maizi, era omu kiseera ekinanyere ekyo eigulu ni lyeigula, oYesu nʼabona oMwoyo wa Kibbumba ngʼaika ooti njiiwa, era nʼayemerera oku Yesu. Era eigono ni lizwa omwigulu, nga likoba liti, “Oyo niiye oMwana wange omutake era ogunsiima eino.”

Écouter Matayo 3