<div class="version vid2882 iso6393nyd" data-vid="2882" data-iso6393="nyd">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">AKARANJIL'LA</span></div><div class="ip"><span class="content">Esitapu sio Okhuchiaka sil'lomanga khukokhulongwa khwesibala nende likulu, okhulombwa khwomundu, es'sina sietsimbi nende eminyakhano chiomusibala khandi nende amang'ana aka Nyasaye yakhol'langa abandu. Esitapu sio Okhuchiaka sinyala okhukabulwa mubitonye b'bili ebikali.</span></div><div class="ip"><span class="content">(1) Emiliango 1-11 chil'lomanga khukhulongwa khwesibala nende amang'ana akekholekhanga khale mubulamu bwabandu. Mumiliango yichio khulimwo namang'ana akekholekha khu Adamu nende Hawa, Kaini, Abili, Noa nende ifula yemikhula khandi nende omunaara kwa Babulonia.</span></div><div class="ip"><span class="content">(2) Emiliango 12-50 chil'lomanga khumang'ana kobulamu bwabakuka ba Baisiraeli ba Khale. Owokhuranga yali Aburahamu owamanyikha okhusila khulwo busubilibwe nende obuhulilibwe khu Nyasaye. Ma amang'ana komusianiwe Isaka kalondakhwo, khandi nende akomwitsukhuluwe Yakobo owalangwa khandi Isiraeli, ma nende amang'ana kabasiani ba Yakobo likhumi nababili abachiakia tsinzibulo likhumi natsibili tsia Isiraeli balondakhwo. Amang'ana amenji kal'lomwanga khumusiani mulala olangwanga Yusufu nende akachila Yakobo nabasianibe bandi halala nabetsinyumba tsiabwe okhutsia okhumenya Emisiri.</span></div><div class="ip"><span class="content">Kata nikali esitapu yisi sil'lomanga khumang'ana kabandu, lichoomo liasio likali nokhuboola khuka Nyasaye yali okhukhola. Sichiakanga nende okhumanyia mbu Nyasaye yalonga likulu nende esibala, ma simalila nende lisubisio mbu Nyasaye yakhatsilil'le okhumanyia obuhendelibwe khubandube. Musitapu siosi amang'ana amenji kal'lomanga khu Nyasaye, okhalachilanga esiina nende okhuhaana esinyasio khu yabo abakholanga amabi, owemel'langa nende okhukhonya abandube, khandi niye oloosianga amang'ana kobulamu bwabwe. Esitapu siakhale yisi siali okhuhandikwa okhumanyia obusubili bwabandu nende okhuchila obusubili yibwo butsilil'le okhubaho.</span></div><div class="iot"><span class="content">Akalimwo</span></div><div class="io1"><span class="content">Okhulongwa khwelikulu nesibala nende okhwabandu 1:1&#8212;2:25</span></div><div class="io1"><span class="content">Obuchiachilo bwetsimbi nende obweminyakhano 3:1-24</span></div><div class="io1"><span class="content">Okhurula khu Adamu okhwola khu Noa 4:1&#8212;5:32</span></div><div class="io1"><span class="content">Noa nende emikhula chiamaatsi 6:1&#8212;10:32</span></div><div class="io1"><span class="content">Omunaara kwa Babulonia 11:1-9</span></div><div class="io1"><span class="content">Okhurula khu Shemu okhwola khu Aburamu 11:10-32</span></div><div class="io1"><span class="content">Aburahamu, Isaka nende Yakobo 12:1&#8212;35:29</span></div><div class="io1"><span class="content">Abolwibulo lwa Esau 36:1-43</span></div><div class="io1"><span class="content">Yusufu nende abasiani babwe 37:1&#8212;45:28</span></div><div class="io1"><span class="content">Abaisiraeli nibali Emisiri 46:1&#8212;50:26</span></div>
      </div>
   </div>
</div>

AKARANJIL'LA
Esitapu sio Okhuchiaka sil'lomanga khukokhulongwa khwesibala nende likulu, okhulombwa khwomundu, es'sina sietsimbi nende eminyakhano chiomusibala khandi nende amang'ana aka Nyasaye yakhol'langa abandu. Esitapu sio Okhuchiaka sinyala okhukabulwa mubitonye b'bili ebikali.
(1) Emiliango 1-11 chil'lomanga khukhulongwa khwesibala nende amang'ana akekholekhanga khale mubulamu bwabandu. Mumiliango yichio khulimwo namang'ana akekholekha khu Adamu nende Hawa, Kaini, Abili, Noa nende ifula yemikhula khandi nende omunaara kwa Babulonia.
(2) Emiliango 12-50 chil'lomanga khumang'ana kobulamu bwabakuka ba Baisiraeli ba Khale. Owokhuranga yali Aburahamu owamanyikha okhusila khulwo busubilibwe nende obuhulilibwe khu Nyasaye. Ma amang'ana komusianiwe Isaka kalondakhwo, khandi nende akomwitsukhuluwe Yakobo owalangwa khandi Isiraeli, ma nende amang'ana kabasiani ba Yakobo likhumi nababili abachiakia tsinzibulo likhumi natsibili tsia Isiraeli balondakhwo. Amang'ana amenji kal'lomwanga khumusiani mulala olangwanga Yusufu nende akachila Yakobo nabasianibe bandi halala nabetsinyumba tsiabwe okhutsia okhumenya Emisiri.
Kata nikali esitapu yisi sil'lomanga khumang'ana kabandu, lichoomo liasio likali nokhuboola khuka Nyasaye yali okhukhola. Sichiakanga nende okhumanyia mbu Nyasaye yalonga likulu nende esibala, ma simalila nende lisubisio mbu Nyasaye yakhatsilil'le okhumanyia obuhendelibwe khubandube. Musitapu siosi amang'ana amenji kal'lomanga khu Nyasaye, okhalachilanga esiina nende okhuhaana esinyasio khu yabo abakholanga amabi, owemel'langa nende okhukhonya abandube, khandi niye oloosianga amang'ana kobulamu bwabwe. Esitapu siakhale yisi siali okhuhandikwa okhumanyia obusubili bwabandu nende okhuchila obusubili yibwo butsilil'le okhubaho.
Akalimwo
Okhulongwa khwelikulu nesibala nende okhwabandu 1:1—2:25
Obuchiachilo bwetsimbi nende obweminyakhano 3:1-24
Okhurula khu Adamu okhwola khu Noa 4:1—5:32
Noa nende emikhula chiamaatsi 6:1—10:32
Omunaara kwa Babulonia 11:1-9
Okhurula khu Shemu okhwola khu Aburamu 11:10-32
Aburahamu, Isaka nende Yakobo 12:1—35:29
Abolwibulo lwa Esau 36:1-43
Yusufu nende abasiani babwe 37:1—45:28
Abaisiraeli nibali Emisiri 46:1—50:26

Écouter OKHUCHIAKA AKARANJIL'LA