Versets bibliques populaires de Icitendekelo 3

Partager

Ilyo umwanakashi amona ukuti ifitwalo fya muti fisuma ukulya, ifyayemba mukumoneka kabili kuti fyafwaikwa pakukwata amano, asabako ifitwalo fimo alya. Elyo fimbi apeelako umulume uo bali nankwe, nao alya.

Nomba insoka yali incenjeshi nganshi ukucila pa nama shonse isha mpanga isho Yawe Lesa apangile. Elyo yaipusha umwanakashi aiti, “Bushe cine cine Lesa atile mwilalyako ku muti onse uwa mwibala?”

Nkabika ukupatana pakati ka iwe no mwanakashi, kabili na pakati ka bufyashi bobe no bufyashi bwa mwanakashi. Akashonaula umutwe obe, elyo iwe ukamusuma ku citende cakwe.”

Ku mwanakashi atile, “Nkakufushisha amacushi nganshi pakupaapa umwana. Ukalaumfwa ubukali pakupaapa abana. Ukalakabila umulume obe, elyo nao akalakuteeka.”

Kwilibe lya pa mpumi yobe eko ukalamwena icakulya, mpaka ukabwelele kwiloba apo eko wafumine. Pantu uli lukungu kabili ku lukungu kwine eko ukabwelela.”

Kuli Adamu atile, “Pantu wacumfwila umukashi obe, elyo walya na ku muti nakukonkomeshe ukuti, ‘Taufwile ukulyako,’ “Walapishiwa umushili pa mulandu wa iwe. Inshiku shonse isha bumi bobe wakulacula pakumona icakulya cakulafumamo.

Elyo Yawe Lesa amwipusha ati, “Nga nani akwebele ati uli ubwamba? Bushe naulya icitwalo ca muti ico nakuleseshe ukulyako?”

Panuma yakutamfyamo umuntu, Yawe Lesa abika mwibala lya Edeni ku kabanga bakerubi elyo no lupanga ulwalebilima umulilo, ulwaleyafye konse konse pakulesha umuntu ukuya ku muti wabumi.

Adamu ainike umukashi wakwe ishina lya Efa, pantu e nyina wa bantu bonse.