Versets bibliques populaires de ငဝ်ႈ 3

Partager

ၵူၼ်းယိင်း​ၼၼ်ႉ​တူၺ်း​ႁၼ်​လွင်ႈ​ဢၼ်​မၢၵ်ႇ​ၼၼ်ႉ​ပဵၼ်​ဢၼ်​ႁၢင်ႈလီ​ထုၵ်ႇ​တႃ​ၼႃႇ​သေလႄႈ​ပဵၼ်​မၢၵ်ႇ​ဢၼ်​လီ​ၵိၼ်​လီ​ၶူပ်း​ၼႃႇ​ထုၵ်ႇ​ဢူၵ်း​ထုၵ်ႇၸႂ်​ၵူၺ်းဢမ်ႇၵႃး၊မၼ်း​ယင်း​ပဵၼ်​မၢၵ်ႇ​တူၼ်ႈ​ဢၼ်​ႁႂ်ႈ​မီး​ၺၢၼ်ႇ​ပိင်ႇၺႃႇ​ၼမ်​မႃး​ၼၼ်ႉ​သေလႄႈ​မၼ်း​ဝိတ်း​ဢဝ်​မၢၵ်ႇ​ၼၼ်ႉ​ၵိၼ်​ဢေႃႈ။ တီႈ​ၽူဝ်​မၼ်း​ၵေႃႈ​မၼ်း​ပၼ်​လႄႈ​ၽူဝ်​မၼ်း​ၵေႃႈ​ၵိၼ်​ဢေႃႈ။

ၼႂ်း​တူဝ်သတ်း​ၵႃႈ​ဢၼ်​ ထႃႇဝရႃႉ​ၽြႃး၊ ၽြႃးပဵၼ်ၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ဝႆႉ​ၵႃႈမီး​တင်းသဵင်ႈတင်းလူင်​ၼၼ်ႉ​ငူး​ၸိုင်၊လၵ်းလႅမ်​သေပိူၼ်ႈ​ဢေႃႈ။ ငူး​မႃး​ထၢမ်​တီႈ​ၵူၼ်းယိင်း​လႄႈ​ဝႃႈ၊ “သူ​ဢမ်ႇ​လႆႈ​ၵိၼ်​မၢၵ်ႇ​ၵႃႈ​ဢၼ်​မီး​ၼႂ်း​သူၼ်ဢူးယဵၼ်ႇ​ၼႆႉ​သေ​တူၼ်ႈ​ဝႃႈၼႆ၊ၽြႃးပဵၼ်ၸဝ်ႈ​ပိင်းၺၢပ်ႈ​ဝႆႉ​တႄႉ​ႁိုဝ်း၊” ဝႃႈ​ၼင်ႇ​ၼႆ​ဢေႃႈ။

ၵဝ်​တၵ်း​ႁႂ်ႈ​မႂ်း​တင်း​ၵူၼ်းယိင်း​ဝႆႉ​တၢင်းၽိတ်း​တီႈ​ၵၼ်​လႄႈ​ၸိူဝ်ႉၶိူဝ်း​မႂ်း​တင်း​ၸိူဝ်ႉၶိူဝ်း​ၵူၼ်းယိင်း​ႁႂ်ႈ​ပဵၼ်​ရၢၼ်ႇသူႇ​ၵၼ်​ဢေႃႈ။ မၼ်း​တၵ်း​ၶိုတ်ႈ​ႁူဝ်​မႂ်း​လႄႈ​မႂ်း​တၵ်း​ၶိုတ်ႈ​သူၼ်ႈတိၼ်​မၼ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

တီႈ​ၵူၼ်းယိင်း​ၼၼ်ႉ​ၵေႃႈ​မၼ်းၸဝ်ႈ​မီး​ဢမိင်ႉ​လႄႈ​ဝႃႈ၊ “ၵဝ်​တၵ်း​ႁႂ်ႈ​တုၵ်ႉၶႃႉ​ဢၼ်​ပႃး​ပတိၵ်ႈသၼ်ႇထေႇ​ၼၼ်ႉ​ၼမ်​ၵိုၼ်း​ၼႃႇ​တီႈ​မႂ်း​လႄႈ၊တၵ်း​ႁႂ်ႈ​ၶၢမ်ႇ​ဝူၺ်ႇတၼႃႇ​ဢၼ်​ယၢပ်ႇ​ၼႃႇ​ယၢမ်း​မိူဝ်ႈ​ဢၼ်​ၵိူတ်ႇ​လုၵ်ႈ​ၼၼ်ႉ​တီႈ​မႂ်း​ဢေႃႈ။ ပိၵ်ႉသမ်ႉ​ပဵၼ်​ၸိူဝ်ႉ​ၼၼ်​သေၵေႃႈ​မႂ်း​တၵ်း​ၸွမ်း​ဢလူဝ်ႇ​ၽူဝ်​မႂ်း​လႄႈ​ၶၢမ်ႇ​ဢဝ်​တၢင်း​ဢၼ်​ၽူဝ်​မႂ်း​ဢုပ်ႉပိူင်ႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မႂ်း​တၵ်း​လႆႈ​ႁဵတ်း​ယၢပ်ႇ​ႁဵတ်း​ယဵၼ်း​တေႃႇ​ႁွတ်ႈ​ႁိူဝ်ႇ​ၼႃႈၽၢၵ်ႇ​မႂ်း​ဢွၵ်ႇ​ပုၼ်ႈ​ၼင်ႇ​ႁိုဝ်​လိၼ်​တၵ်း​ႁႂ်ႈ​တူၼ်ႈ​ဢၼ်​မႂ်း​ၵိၼ်​ငွၵ်ႈ​ငူင်း​ႁုၼ်ႈ​မႃး၊တေႃႇ​ႁွတ်ႈ​မႂ်း​ၶိုၼ်း​ၸူး​ၵႃႈတီႈ​လိၼ်​ဢၼ်​မႂ်း​ဢွၵ်ႇ​ပဵၼ်​မႃး​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ၊မႂ်း​ၼႆႉ​ပဵၼ်​ဢၼ်​ဢဝ်​မုၼ်ႈလိၼ်​ႁဵတ်း​ပဵၼ်​မႃး​လႄႈ၊တၵ်း​လႆႈ​ၶိုၼ်း​ၸူး​ၵႃႈတီႈ​လိၼ်​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

မၼ်းၸဝ်ႈ​သမ်ႉ​မီး​ဢမိင်ႉ​တီႈ​ၵူၼ်းၸၢႆး​လႄႈ​ဝႃႈ၊ “မႂ်း​ထွမ်ႇ​ၵႂၢမ်း​မေး​မႂ်း​လႄႈ​ၵိၼ်​မၢၵ်ႇ​ဢၼ်​ၵဝ်​သင်ႇ​ဝႆႉ​ဝႃႈ၊ယႃႇပေ​ၵိၼ်​ၼၼ်ႉ​ယဝ်ႉ။ ၵွပ်ႈ​လူၺ်ႈ​လွင်ႈ​ဢၼ်​မႂ်း​ႁဵတ်း​ၼႆ​လႄႈ​လိၼ်​ၼႆႉ​လႆႈ​ၶၢမ်ႇ​ဢၼ်​ၵိၼ်ႇ​ဢၼ်​ဝႃႈ​ပုၼ်ႈ​မႂ်း၊တေႃႇၸူဝ်ႈ​ဢသၢၵ်ႈ​မႂ်း​ၼၼ်ႉ​မႂ်း​တၵ်း​လႆႈ​ႁဵတ်း​ယၢပ်ႇ​ႁဵတ်း​ၽိုတ်ႇ​ၼႃႇ​လူင်လၢင်​ၸင်ႇ​တေ​ပေႃးၵုမ်ႇ​လဵင်ႉ​တွင်ႉ​မႂ်း​ဢေႃႈ။

မၼ်းၸဝ်ႈ​ၵေႃႈ​ထၢမ်​လႄႈ​ဝႃႈ၊ “ၽူႈလႂ်​လၢတ်ႈၼႄ​မႂ်း​လွင်ႈ​ဢၼ်​မႂ်း​ယူႇ​တူဝ်ပူၺ်​ၼႆႉ။ မႂ်း​ၵိၼ်​မၢၵ်ႇ​ဢၼ်​ၵဝ်​သင်ႇ​ဝႆႉ​ဝႃႈ၊ယႃႇပေ​ၵိၼ်​ၼၼ်ႉ​ယဝ်ႉ​ႁိုဝ်း၊” ဝႃႈ​ၼင်ႇ​ၼႆ​ဢေႃႈ။

မၼ်းၸဝ်ႈ​သမ်ႉ​ပွႆႇၸႂ်ႉ​ ၶေႇရုၽဵမ်ႇ၊ တင်းလၢႆ​ၸိူဝ်း​ၼၼ်ႉ​တင်း​လၢပ်ႇ​ဢၼ်​ႁိူဝ်ႈမၢပ်ႈ​ၼၼ်ႉ​ပႂ်ႉ​ဝႆႉ​ၵႃႈတီႈ​ၽၢႆႇ​ဝၼ်းဢွၵ်ႇ​သူၼ်ဢူးယဵၼ်ႇ​ ဢေႇတိၼ်ႇ၊ ႁႂ်ႈလႆႈ​ပႂ်ႉ​သဵၼ်ႈတၢင်း​တူၼ်ႈ​ဢသၢၵ်ႈ​ၼၼ်ႉ​ဝႆႉ​ဢေႃႈ။

မိူဝ်ႈ​ၼၼ်ႉ​ၵူၼ်းၸၢႆး​ပၼ်​ၸိုဝ်ႈ​မေး​မၼ်း​လႄႈ​ဝႃႈ၊ ဢေးဝႃႉ၊ ဝႃႈၼႆ၊ၵွပ်ႈပိူဝ်ႈ​မၼ်း​ပဵၼ်​မႄႈ​ၵူၼ်း​ဢၼ်​ဢသၢၵ်ႈလိပ်း​ယူႇ​တင်းသဵင်ႈတင်းလူင်​ၼၼ်ႉ​ဢေႃႈ။