Versets bibliques populaires de LUKE 8

Partager

Thi azhih kümühie vü küturi thuoüji, zhü jümari künara taji küzhütsanyitsa vünüh thi luovehtsa vünüh küjephoke taji küzhike nü avi küperari kümüjie wiethuoh,” ti küza.

Thi rüzhüza lovü tsuotsaketeküturi thuoüji, zhü jümari künara thitü tsotho pike wa taji azhih vü kümünguri, künyirhie thi loküzheri nüh we taji aviwa mümühiera nüh sakümü kümüjie wiethuoh.

Thi aloh zavü teküwari thuoüji, zhü jümari küünaravü lozhe taji vi thitü rüzo luoveh lovü müwuke nüh tsotho pike mpa tsotü nü kümüra ru ünü mürateküwari wiethuoh.

Jütiküsavü ma nüh mari vü, “Nohri kütsotü khielapeveh lo?” ti küza. Thinü mari tü krü taji küsü nüh küsü vü, hatü thawa nü mürhü thi aju vü nga azhütsü taji mari tü ma zhü künaveh thuoh lo? ti sa.

Tsuotsa lekhuji vü teküwari thuoüji, azhü jümari künarataji mütsotü nüh küülole müngu nüh Tsuore nüh rutaji mari luoveh lovü nüh viteküwari.

“Küpakenühnyunü vi müküthsü nüh küthi sana küsa zanyo küsü nga münyie, thi küthi küsari tü küüthsü kheh naveh thi küwie vü vizhutsükheh naveh.

Thinü nyimzawa tü müküthi rawie thuoh nüh khekheti küshü taji ru ma tüvü küluze taji nyiri aveh tü vünüh mokümjie ma tü Jisu pa nü shiti mühiera nüh nyiri vü küza. Thinü Jisu nüh ma vü, “Eh tsevüwa, no kütsotü mpa nüh sakümühie müthuoh, noluoveh rüzi nü waluo,” ti küza.

Jütiküsavü mari tü wa taji ma müchüke nü, “Küsosiewa, küsosiewa, hiri tü süna savehthuoh,” ti küza. Thinü ma tü süra taji amürhü thi juküshü küvehriphra, thinü letewa taji zohm ti petewa.