Versets bibliques populaires de MATHAIIN 7

Partager

“Zong u ro man un na ti, arok u ro tok un na ti, atok u ro nangni rang anlong inti.

Asik chu azong takin aman hatuka anrok takin atok, antok takin a rang anlong inti.

“Hantin han ka chong ngai azi tak chu ama ha ahian khat antin ti lung chunga a in asin ang ni inti.

“Min imo na ranga ei tho nei zot ha hava anga nang nim mi rang tho u ro. Asik chu hava ha Dan le deari chong arilphum.

Asik chu damna makot anchip a lampui ase nam antak, aman um atom te.

“Makot anchipa lut u ro asik chu siatna tianga sena makot alian alamum anzar hava han mi alut ual.

Hantin aniten na siat u na lua na nai u ngai rang a sasa neinun apek na riat u, haneka atama na Pa u vana min a kom azong ngai ha a sasa pe nget inti.

“Mi rui ril u no ro na rui ei anril u nokna rang, Mi rui nei ril anga han na rui ril unti, nei maina taka anmaiin na ti.

“Ka chong ngai ariata mang lui tak chu amo khat ang ni inti bali chunga in asin ang ni inti.

Na parualpa mita ranok na muna na theia na mita thing her mandon u mak che na. Hanle nangin hontinmo na parualpa ha, ‘Hong ro na mit ranok na pei pe rong nei ti,’ na ninga na mita thing her ei la om.

“Deari rathol ata anreng u ro hangai ha bera anga na kom u na a hong tenchu a sunga ngelang anga anvola asak rang ang keng. Amara han re thei un na ti. Min raling kunga gerep mara, raisok raling kung ata theichang mo a kham ngai?

Hantin han akung asa ten amara sa anra tenchu a kung asiat ten amara siat anra.

Akung asana mara siat anra thei mak akung asiata mara sa anra thei mak.

Mara sa anra lui kung chu atuka moia anpei.