Versets bibliques populaires de Ibtido 3

Partager

Xotin qarasaki, oʻsha daraxt koʻzga chiroyli koʻrinadi, mevalari juda yeyishli ekan. Xotin: “Qaniydi mevalar menga donolik ato qilsa”, deb orzu qildi. U daraxtning mevasidan olib yedi, keyin yonida turgan eriga ham berdi. Eri ham yedi.

Parvardigor Egamiz hamma yovvoyi hayvonlarni ham yaratgan edi. Oʻsha hayvonlar orasida ancha ayyori ilon edi. Ilon xotindan: — Haqiqatan ham Xudo, bogʻdagi bironta daraxtning mevasidan yemanglar, deb aytdimi? — deb soʻradi.

Dushmanlik paydo qilaman sen bilan xotin oʻrtasida, Sening zoting bilan uning zoti orasida. Uning zoti ezib tashlaydi sening boshingni, Sen chaqib olasan uning tovonini.”

Xotinga esa shunday dedi: “Homiladorligingda gʻoyat azob beraman, Mashaqqat ila bola tugʻasan. Ammo eringni qoʻmsayverasan, Ering esa hokim boʻladi sening ustingdan.”

Sen tuproqdan yaralgansan, To tuproqqa qaytguningga qadar, Peshana tering bilan non yeysan. Zero, sen tuproqdirsan Va tuproqqa qaytasan.”

Parvardigor Egamiz odamga shunday dedi: “Xotiningning gapiga kirganing uchun, Men, yema, deb taqiqlagan mevani yeganing uchun Sen tufayli yerni laʼnati qildim. Butun umring boʻyi timdalab yerni, Yerdan oʻtkazasan tirikchiligingni.

— Yalangʻoch ekaningni senga kim aytdi? — deb soʻradi Xudo. — Yoki Men, yemanglar, deb amr etgan daraxtning mevasidan yedingmi?

U Odam Atoni haydab yuborgandan keyin, hayot daraxtiga boradigan yoʻlni qoʻriqlash uchun Adan bogʻining sharq tomoniga karublarni va doimo aylanib turadigan alangali qilichni oʻrnatdi.

Xotin jamiki insonlarning onasi boʻlgani uchun, Odam Ato unga Momo Havo deb ism berdi.