Versets bibliques populaires de Иуан 12

Partager

Сэ къысфэлажьэрэр сауж къырэрэкӀу. Сэ сыздэщыӀэми къысфэлажьэрэри щыӀэщт. Сэ зыгорэ къысфэлажьэмэ Ты лъапӀэм ащ лъытэныгъэ фишӀыщт.

Зыпсэ шӀу зылъэгъурэм ыпсэ шӀокӀодыщт, ау зыпсэ мы дунаим щызыуджэгъурэм сыдигъуи щыӀэнэу къыгъэнэжьыщт.

– Шъыпкъэ дэдэр шъосэӀо, коцыцэр чӀыгум хафэу мылӀэмэ, изакъоу къэнэжьы, ау чӀыгум хафэу зылӀэкӀэ, гъэбэжъушхо къыхьыщт.

СэркӀэ шӀошъхъуныгъэ зиӀэр шӀункӀым къыхэмынэным пае, нэфынэу дунаим сыкъэкӀуагъ.

– Сэ сигущыӀэхэр зэхэзыххэу, ахэмэ ямыдэӀурэр згъэмысэщтэп. Сыда пӀомэ, дунаим ицӀыфхэр згъэмысэнхэу арэп сыкъызфэкӀуагъэр, ахэр мыкӀодхэу къэзгъэнэжьынхэу ары нахь.

Джащыгъум Мерэм нард дэгъэ къабзэу, осэшхо зиӀэу, мэӀэшӀу зыпихырэр зэрыт дэгъалъэр къышти, Исус ылъакъохэм ащифи, ышъхьацкӀи ылъэкӀыжьыгъэх. Дагъэм къыпихырэ мэ ӀэшӀур унэм изы хъугъэ.

Зызэхахым, пальмэ чъыгым икъутамэхэр аштэхи, Исус пэгъокӀынхэу дэкӀыгъэх, мэкъэшхокӀэ къаӀозэ: – Хьусаннэ! Израиль ипачъыхьэу Зиусхьаным ыцӀэкӀэ къакӀорэм щытхъушхор ий!

– ЦӀыф Лъэпкъым ы Къо ищытхъушхо цӀыфхэм зыщалъэгъущт сыхьатыр къэсыгъ, – къариӀуагъ Исус.