Versets bibliques populaires de ЛукӀа 6

Partager

Куьнени це, Аллагьди квезни гуда, артухни алаз, ацӀай киледалди гуда; куь гин ацӀурайдалай гуьгъуьниз гъил илис хъувуна къваларилай алахьдайвал мад алава хъийида; куьне гьихьтин уьлчмедалди алцумайтӀа, квезни гьахьтин уьлчмедалди алцумда.

Хъсан инсанди хъсанвал вичин рикӀин хазинадай къачуна ийида, пис инсанди писвал – вичин пис рикӀяй. РикӀе авайди мецел жеда.

Амма квез жуван душманар кӀан хьухь, абуруз вири хъсанвилер ая. Элкъвена вахгудай умуд авачтӀани, бурж гице; гьакӀ хьайитӀа, квез къвезвай пишкешни зурбади жеда ва куьнни Цавараллайдан аялар тирди чир жеда. Чпиз авур хъсанвал чир тежедайбур патални, чӀуру ксар патални Цавараллайдахъ мергьемет ава.

Куь Бубадихъ гьикӀ мергьемет аватӀа, квехъни гьакӀ мергьемет хьухь.

Куьне масадан дуван аквамир, Аллагьди куь дуванни аквадач; куьне айибар кутун тавуртӀа, Аллагьди квекни айибар кутадач; куьне гъил къахчуртӀа, Аллагьдини квелай гъил къахчуда.

Амма яб гузвай квез За лугьузва: жуван душманар кӀан хьухь, куьн такӀанбуруз хъсанвал ая, квез лянет ийизвайбуруз хийир-дуьа ая ва куь кефи хазвайбур патал Аллагьдиз дуьаяр ая.

Инсанри куьн патал вуч авуна кӀанзаватӀа, куьнени гьабуруз гьам ая.

Ви хъвехъ ягъайдахъ муькуь хъвехъни элкъуьра; винелай алукӀнавай ви пекер къакъудзавайдаз ви перемни хтӀуниз манийвал ийимир. Вавай тӀалабзавай гьар садаз це, вавай къачунвайди элкъвена тӀалаб хъийимир.

ЧӀуру майва гъидай хъсан тар тежервал, чӀуру таравай хъсан майвани гъиз жедач.

Гьар са тар вичин майвадилай чир жеда. Къукъвадин валалай инжил атӀудач, къаратикендилайни – ципицӀ.