Versets bibliques populaires de Yowaana 6

Partager

Yesu yababoolera ati, “Ese ndi omugaati kwobulamu. Oyo owiicha yi ndi haba saachia hulumwa enjala, haandi oyo owufukiiriramo siyahalumwe obuluwo daawe.

Omwooyo nikwo okuberesa obulamu, omubiri kubulaho si kuhola; emboosi chimbalomalomeere chino, nicho omwooyo haandi nicho obulamu.

Mutahalaabaniraanga ebyohulya binyaasiha, nae muhalaabanire ebyohulya biyiindira ohwoola mu bulamu butaakama, bi Omwaana w'Omuundu achia ohubaberesa; olwohuba oyo niye yi Nasaae Laata mweene yataaho ahalolero hae.”

Olwohuba huno nihwo ohudaha hwa Laata, mbwe buli oyo yeesi obona Omwaana mani yamufukiiriramo, abe neende obulamu butaakama; haandi njia ohumuberesa ohumusyuuhisa hu ludaalo lw'enjakamo.”

Yesu yabakobolamo ati, “Nasaae by'adaha muhole nihwo ohufukiirira oyo yi yatuma.”

Abo boosi ba Laata yamberesa bachia ohwiicha yi ndi; nae oyo yeesi owiicha yi ndi, haba siinjia humusukuna erwaanyi.

Simooni Petero yakobolamo ati, “Omwaami, hunaachie eyiri wiina? Ewe niiwe oli neende emboosi ch'obulamu butaakama

Ese ndi omugaati mulamu okweeha ohutula Muukulu; oyo yeesi owahalye hu mugaati kuno, yahabe omulamu endaalo choosi pe; haandi omugaati ku ndahababerese niyo enyama yaange olw'obulamu by'esyaalo.”

Abulao omuundu yeesi onyala ohwiicha yi ndi, ohutusaho nga Laata owaanduma niye omuleetere yi ndi; haandi njia ohumusyuuhisa hu ludaalo lw'enjakamo.

Olwohuba omugaati Nasaae kw'ababeresa, nikwo okwo okwiiha aasi ohutula Muukulu, haandi okuleetera abaandu obulamu.”

Ese ndi omugaati kwobulamu.

Yesu mani n'abukula emigaati ekyo, nae niyamala ohweebasa, yakikabulira abo abali nibehaale aasi; eng'eeni chosi yachihola atyo. Buli muundu yanyoola bi yali n'adaha. Nibamala ohwiikuta, Yesu yaboolera abeeki bae ati, “Mubuuse ebidonye-donye bidoong'ereho, sibuleo esiindu syoosi esinyaasiha.”

Abeeki nibali bafukire elyaato aambi ekilomiita chine oba chitaanu, babona Yesu n'akeendera hu maachi, n'asuda aambi neende elyaato. Batya muno, nae Yesu yababoolera ati, “Niise; mutatya daawe.”