Versets bibliques populaires de ỊJỌN 8

Partager

IJisọsị myịmyị byi iru nya angịnyị ịlụwa yẹkẹẹ, “Am kpakpakpa a ri ahịgboo nya ọhịhị ha alodehe ọlẹ lẹ. Ọng myị́ ọng ọlẹ kọ myị bam jẹ lẹ aalẹ, ọngọọwa á ka juwa jẹdịyẹ ẹ-ẹpwụ nya ukpowu myịmyị kaka. Ma, ọngọọwa ka la ahịgboo nya ọhịhị ọlẹ kọ ka juwa kpọọ ụgbẹyị pyịyọọ lẹ.”

Aalẹ, anụ ka jẹ́ ẹla nya ịlẹhị ọlẹ kọ bwu ẹga nya Ohe Oluhye hireji datị lẹ. Aalẹ, ẹla nya ịlẹhị ọọwa tị ka họ kanụ ka la ịlọnụ ịnyịnyị myị́ lẹ.”

Ụka ọọwa, iJisọsị byi ala iJuu ịịwa ịlẹ kị myị lọọ ụ-ụwa yẹkẹẹ, “Ó ri kaanụ ayịdang á juwa kpa ẹla ọmẹjẹ nyam ọlẹ họ ụkụrwọ ẹ-ẹpwụ nya ọhịhị nyanụ kịlahị-ịlahị lẹ aalẹ, anụ ri angịjụgbẹyị nyam ịnyịlẹhị lẹ.

Chajị nya ọọwa lẹ, ó ri ká Ọnyẹwẹ nya Ohe Oluhye ayịdang á họng ká la ịlọng ene lẹ aalẹ, ịlọng ọlala ọọwa ri ịnya ịlẹhị-ịlẹhị lẹ!”

Ịnyị, ụka kị juwa kịlahị la ọ-tọ iJisọsị ịtọ ịnyịnyịịnyị lẹ, iJisọsị a hu hwaa rịrị kọkọ lẹ, ọ byaa yẹkẹẹ, “O hiigu. Ọngọlẹ kọ họ ang onyobyi kaka, ẹ-ẹpwụ nyanụ lẹ aalẹ, ọngọọwa a da ẹjwọ mịla ọnyang ọlẹ jene-jene mẹ.”

IJisọsị wẹ byaa yẹkẹẹ, “Nya ịlẹhị-ịlẹhị, m byinu yẹkẹẹ, ọng myị́ ọng ọlẹ kọ họ ang onyobyi lẹ aalẹ, ọnyọhị nya ọhọbịrị ọhọhọ, ọngọọwa a ri lẹlẹ.

Ịnyị, ụka ká iJisọsị nịra kpaa myịmyị lẹ, ọ byi ọnyang ọwẹ yẹkẹẹ, “Ẹnwa ọnyang, ale, angịlẹ kị chị ẹla bang a tị́ ji mẹ? Ọngọngọhẹ nyaa á hi godayị rịrị ka ya eje wung kaka?” Ọnyang ọọwa wẹ byoo yẹkẹẹ, “Ee, ọngọngọhẹ á hi jam kaka, Ayịbahị!” iJisọsị wẹ byoo yẹkẹẹ, “Ọ hiigu. Aalẹ, am ayịdang lẹ, ḿ tịtị ya eje wung ka, ịnyịnyị! Rụ ka ẹpwa mẹ. Ma, a tị họ ang onyobyi myịmyị gụ ọwẹ kokoo!”