Versets bibliques populaires de ILUKU 12

Partager

Chajị nya ọọwa lẹ, ọ chịla kaanụ ayịdang ka juwa nwụla ịlọnụ nọ giri-giri, chajị ụka ọlẹ kanụ me irya kpong-kpong ka, Ọnyị nya ọngịnyị ehe a ka tịrẹkpẹ warị lẹlẹ.”

Ọkọkọ nya ọọwa lẹ, anụ tụtụ juwa kpa irya nyanụ wuu tịtọ nya ọhịhị nya ịpyị Adịrahụ nya Ohe Oluhye odu mẹ. Aalẹ, ọ ka ya ang ịkịla ịwẹ wuu hanụ ịnyịnyị lẹ.”

Ịnyị, iJisọsị a byi alụwa wuu yẹkẹẹ, “Anụ kpahị ju ịlọnụ ọgwọgụ kanụ cheji ba imajẹ ọlala ẹ-ẹga nya ang nya angịnyị aananụ mẹ. Chajị, ẹ-ẹpwụ nya ụdụ ọkpụkpụ nya odehe ọlẹ, ọhịhị nya ọngịnyị ehe a do pịlẹ kpong-kpong ka.”

Chajị ẹga myị́ ẹga ọlẹ ká ụdụ nya ọngịnyị á ji lẹ, ụ-ụwa irya nya ọkịlẹtụ nyamwụ ọwa ayịdang wuu a kaa ji ịnyịnyị lẹlẹ.”

Kpakpakpa lẹ, o-owo lẹpwụ nyanụ a tị́ ka jẹ́-ẹ hu ụka ochiche-ochiche ọhẹ-lọhẹ da ehe oriri nya ịlọmwụ uhye wẹ myị́ bwula uko ọchịchị nyamwụ kpong-kpong?

Ụka ọọwa, iJisọsị byi angịjụgbẹyị nyamwụ yẹkẹẹ, “Chajị nya ọọwa lẹ, m juwa byinu yẹkẹẹ, anụ juwa nwụ ịlọnụ la imahị chajị nya ọhịhị ọlẹ kpong-kpong ka. Anụ chị uko nya ang oriri ọlẹ kanụ ka ri lee ọ-chị uko u-uhye nya ịwụrụ ịkụrụ-kụrụ nyanụ kpong-kpong ka ịnyịnyị.

Anụ wo mẹ! Ohe Oluhye dọmwụ jẹ́ ịnọmba nya uke-inyi olegbeju nyanụ wuu jịra. Lẹ, anụ juhi kpong-kpong ka. Chajị anụ kpụ ịnya ọtụka ị-ịlahị nya Ohe Oluhye lụmẹ gụ iru nya egwe.”

IJisọsị myịmyị byaa yẹkẹẹ, “Anụ chị uko ka, anụ anyị ịkpịlọ ichiche nya Ohe Oluhye. Chajị, ọ ri ang ọ-kpụ Ohe Oluhye Adanụ ịpyọ lụmẹ nyọka hu ịpyị adịrahụ nyamwụ hanụ.

Anụ me irya chajị nya agarụ ịchịnụ ịlẹpwamẹ wẹẹ! Agarụ ịwẹ á kaa wu ẹrụ ka. Ị́ tị kaa tụ ang nya ẹrụ guru ukuna ka ịnyịnyị. Ma, Ohe Oluhye tị wẹẹ kpaa la ang oriri. Lee, ánụ tị́ jẹ́ yẹkẹẹ, ịwa ayịdang nyaa ri ang nya ịlẹhị ọ-kpụ ịnya ọtụka ị-ịlahị nya Ohe Oluhye gụ ịchịnụ ịwẹ kpong-kpong ka?

Anụ juwa hu irya nyanụ wuu lẹpwụ-lẹpwụ kpụ nịrọ ang oriri bala ang ọnwanwa nyanụ kaka. Lee, o-juwa nwụ ịlọnụ la uko ọchịchị u-uhye nya ịngịngịhyẹ kaka ịnyịnyị.

Ee lẹ, ó-ri ká Ohe Oluhye á juwa ya ịwụrụ kụrụ amẹ ịlẹpwamẹ ịlẹ kị nwa alẹ, ká angịnyị kaa nwaa ijuju, jwaa ila hụrụ lẹ, anyanyị anụ tị́ me irya ká Ohe Oluhye a tịtị ka kụrụụnụ anụ ịwụrụ lụmẹ kaka ba? Anụ angị la ọmyịmyị ochiche!

“Anụ wo mẹ! Ịngịngịhyẹ á juwa ọlẹ ká ọngịnyị ehe á chị ang ke ene lẹ, kọ ka jẹ́-ẹ chị ehe kaka lẹ ka. Lee, ang myị́ ang ọlẹ kị tụ kpịbaa ene lẹ, kọ ka jẹ́-ẹ chị ehe a-ahịgboo kaka lẹ ka ịnyịnyị.