Versets bibliques populaires de ILUKU 24

Partager

Ma, anụ wo mẹ. M juwa ka ya Olegu Ịgọgọ nya Ohe Oluhye Adam ọlẹ kọ myị ọnụ du wanụ. Ma, anụ́-ụ hụ e-epweji nya iJerusalẹm ọlẹ pyii, gbee pwụ ụka ọlẹ ká Ohe Oluhye ka ya ọngịrị ọọwa du bwu epwoohe kaka chị kụrụụnụ ene mẹ.”

IJisọsị á jam ẹ-ẹgẹlẹ kaka. Chajị, ọ wuleji bwula igu lẹ! Anụ kpịtịya mẹ! IJisọsị ayịdang ya jenu ịnyị i-ịGalili lụka kọ juwa la ọhịhị wẹẹ.

Ọọwa lẹ, ahị nyaa a wụrụ hwoo lẹ, ị jẹ́ iJisọsị ogu datị ụ-ụwa lẹlẹ. Ọọwa lẹ, iJisọsị ayịdang a byi yịra-yịra ị-ịlahị nyaa wuu lẹlẹ. Ịnyị, ị juwa byi awụlẹ yẹkẹẹ, “Ịnọọ! Ya ịnyị, kam myị. Ụka ọlẹ kọ lẹẹ da etu nya ala ịlẹpwụ nya Ụpwụ Ịgọgọ wụlẹ ya jehi igbinọ lẹ, ọ chakpa gum chọọchọọ la ọngịrị-ọngịrị ẹ-ẹpwụ ọkịlẹtụ lụmẹ.”

Ịnyị, ọ byaa yẹkẹẹ, “Ẹla ọlẹ kị da ụ-Ụpwụ Ịgọgọ ene-ene tị́ yẹkẹẹ, nyị baba ká ịKịrayịsị ọọwa nyị ka yẹ akama pyii. Ma, ụka kịị nyị́ gbu kpá, nyị tị ka wuleji bwula igu la ẹnụtụrụ ọhata juwa hịhị myịmyị. Ọọwa lẹ, angịjụgbẹyị nya ịKịrayịsị a ka kpa ẹnyị nyamwụ ya ẹrụ ọnyịịla pyẹ, chajị nya irya ọyẹda nya angịnyị ehe bala ọhịnyọhi ịhọbịrị o-bwu ẹga nya Ohe Oluhye je alepwoja myị́ epwoja wuu pyii lẹlẹ. Ị ka dọmwụ nya ẹla nya Ohe Oluhye ọọwa oyaya bwu iJerusalẹm.”

Ụka kị pwụ ụwa, ị yẹ jaabwọ ká ẹjwọ ọtụka-ọtụka ọlẹ kị ya tụ ọnụ nya ụgbẹyị nya iworu ọọwa ku rị hyọọ dụwa dodo. Ma, ụka kị jụ ka ẹpwụ nya iworu ọọwa lẹ, ị́ yẹ ogu nya Ọngọlahị iJisọsị ụ-ụwa kpong-kpong ka.