Versets bibliques populaires de LUKASE 8

Partager

Peu ya go wela mobung o mobotse e šupa bao e rego ge ba ekwa molaetša wa Modimo, ba ikemišetša go o phetha, mme ba o phetha, ba bontšha tumelo ya bona ka go kgotlelela melekong.”

Peu ya go wela mehlašaneng ya meetlwa e šupa bao ba rego go kwa molaetša wa Modimo, go balabala le mahumo le maipshino a bophelo tša ba šitiša go bontšha tumelo ya bona ka mediro.

Peu ya go wela lekgwareng e šupa bao ba rego go kwa molaetša ba o amogela ka thabo. Eupša wa se dule sebaka ka dipelong tša bona; ba dumela lebakanyana fela, gomme ya re ge ba lekwa, ba kgeloga.

Ke moka a re go barutiwa bale ba gagwe: “Le reng le hloka tumelo?” Bona ba be ba tšhogile, ba tlabegile, gomme ba botšišana ba re: “Etse motho yo wa go laela le diphefo le maphoto, mme tša mo theeletša, ke mang?”

Peu ya go wela tseleng e šupa bao ba rego go kwa lentšu la Modimo, Sathane a tle a tloše molaetša wo ka dipelong tša bona gore ba se ke ba dumela, ba phološwa.

“Ga go sephiri se se ka se kego sa tsebja, le gona ga go selo se se utilwego se se ka se kego sa utollwa sa tsebja.

Mosadi yola ge a bona gore o lemogilwe, a tla a thothomela, a itahlela fase pele ga Jesu. A mmotša a kwewa ke bohle gore ke ka lebaka la eng a mo kgwathile, le ka mo a fodilego ka gona le semeetseng. Jesu a re go yena: “Morwedi wa ka, tumelo ya gago e go fodišitše. Sepela gabotse.”

Barutiwa ba Jesu ba ya go yena, ba mo tsoša ba re: “Mong wa rena, Mong wa rena! Re a hwa!” Jesu a tsoga, a kgalema ledimo le maphoto a re di homole; gwa homola gwa re tuu.