Versets bibliques populaires de उत्पत्ति 3

Partager

फुन मेहरारु निहारेस कि बृच्छ सुन्नर बाटइ। उ लखेस कि फल खाइ बरे नीक बाटइ अउ उ बृच्छ ओका बुद्धिमती बनाइ। तउ बृच्छ स कछू फल तोड़ेस अउ खाएस भी। तब उ अपने भतार क कछू फल खाइ बरे दिहस जउन ओकरे संग रहा।

यहोवा परमेस्सर जउन जंगली जनावरन क बनाएस ओहमाँ स सरप सबन सबन त जिआदा होसियार अउर धोखेबाज रहा। उ मेहरारू क धोखा देइ चाहत रहा। सरप मेहरारु स कहेस, “हे मेहरारु! का फुरइ परमेस्सर तोहसे कहेस ह कि तू बगिया क कउनो फल जिन चख्या?”

मइँ तोहका अउ मेहरारु क एक दूसरे क दुस्मन बनाउब। तोहार गदेलन अउ ऍकर बच्चा आपस मँ दुस्मन होइहीं। तू ऍनकइ गदेलन क गोड़े मँ डसब्या अउ उ तोहार मूँड़ कुचल देइहीँ।”

तब यहोवा परमेस्सर मेहरारु स कहेस, “मइँ तोहका गाभिन होइ क हालत मँ बहोतइ दुखी करब। अउर जब तू लरिका पइदा करिबिउ, तोहका बहोत जियादा पीरा होइ। तू आपन भतार क बहोतइ चहिबिउ, मुला उ तोह प प्रभुताई करी।”

तू आपन खइया बरे कठोर मेहनत करब्या। तू तब तलक मेहनत करब्या जब तलक माथा प पसिना न आवइ। तू तब तलक कठोर मेहनत करब्या जब तलक तोहार मउत न आइ जाइ। उ टेमँ तू दूसरी दाईं माटी बन जाब्या। जब मइँ तोहका बनाए रह्यों, तबहि तोहका माटी स बनाए रह्यों अउर जब तू मरिब्या तब तू उहइ माटी मँ फुन मिलि जाब्या।”

तब यहोवा परमेस्सर मनई स कहेस, “मइँ हुकुम दिहेउँ रहे कि तू विसेख बृच्छ क फल जिन खाया। मुला तू आपन मेहरारु क बात सुन्या अउर उ बृच्छ क फल खाया ह। ऍह बरे मइँ तोहरे कारण इ भुइँया क सराप देत हउँ आपन जिन्नगी क पूरे टेमँ तलक उ भोजन बरे जउन धरती देत ह तोहका कठिन मेहनत करइ क पड़ी।

यहोवा परमेस्सर मनई स पूछेस, “तोहका कउन बताएस ह कि तू नंग धड़ंग अहा? तू कउने वजह स सरमाइ गया ह? का तू उ बिसेख बृच्छ क फल चख्या ह जेका मइँ तोहका न खाइ बरे हुकुम दिहेउँ ह?”

परमेस्सर आदम क बाग स बाहेर खदेर दिहस। तब परमेस्सर करूब सरगदूतन क बगिया क फाटक क रखवारी बरे राखेस। उ एक आगी क तरवार भी राखेस। इ तरवार जिन्नगी क बृच्छ क राह क रखवारी करत भइ चारिहुँ कइँती चमकत रही।

आदम आपन मेहरारु क नाउँ हव्वा राखेस, काहेकि सब मनइयन क उ आदि महतारी रही।