Versets bibliques populaires de Gyenesise 3

Partager

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Né ewoo te kanda tra eburo kaka biala bɔ AWURADE Nyameɛ ayɔ ɔ. Na obisale braa ne kyɛ, “Yiti Nyameɛ aha kyɛ, ‘Nnɛma ɛmɔdi turo ye anu bakaammaa biala bie’?”

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Na braa ne wora, Nyameɛ sele ye kyɛ, “Ngɔmaa ɛkɔte aworɛ nu yealɛ paa, na yealɛ nu yeɛ ɛkɔwo mmaa ɔ. Nakoso wɔ wora kɔlɔ ehu, na okoli wɔ so.”

Mvifire kosongyi wɔ ti anwo koraka né anya aleɛ ali, kɔpem kyɛ ekosa kɔhɔ nnɛterɛ nu ɔ; ofikyɛ nnɛterɛ nu yeɛ nyele wɔ mvili ɔ, ɛte nnɛterɛ, na nnɛterɛ nu ala yeɛ ekosa kɔhɔ ɔ.”

Na Nyameɛ sele Adam koso kyɛ, “Kyɛbɔ atie bɔ ɛye hane, na ali bakaa bɔ nganzole wɔ kyɛ ‘nnɛdi ye mma ne bie’ ne ati, ɔnate wɔ ti, musue aha aseɛ. Na ɛfɛɛ paa yeɛ ɛkɔfɛ koraa né adidi so w’asetena mukoraa nu ɔ.

Na Nyameɛ bisale ye kyɛ, “Nwa yeɛ osele wɔ kyɛ wɔ nwo la so ɔ? Bakaa bɔ nganzole wɔ kyɛ nnɛdi ye mma ne bie ne, ali bie hɔ ɔ?”

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

Na biaa ne tole ɔye ne dumaa Hawa, ofikyɛ ɔte teasefoɛ mukoraati bɛ ni.