Versets bibliques populaires de Genesisi 3

Partager

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Se mnyoka wu ti txharihile ngutu kupinda sotshe sihari sa txitinga, asi MKOMA Txizimu a nga ti si mahile. Mnyoka wu wombile ka wamsikati, wu txi kha wona: “Ina Txizimu txi wombile to mi nga dyeni muhando ni wawumwewo, ka yotshe mindonga yi yi ku thembweni muwa kani?”

Se ni na veka livengo hagari kwako ni wamsikati, hagari ka liveleko lako ni liveleko lakwe; aliya li no ku ganyata msungo, se awe u txi li luma txizenende.”

Se ka wamsikati, Txizimu txi ti kha txona: “Ni na engetela kuxupheka kwako, ngako u di ni txirumbu, vanana vako va na velekwa hagari ka kupanda. Kunavela kwako ku na kuyisa ka mwamna wako, aniko ene a na kufuma.”

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Se ka Adhamu, Txizimu txi ti kha txona: Ngako u nga engisa dipswi da msikati wako, u txi dya muhando wa mndonga wule ni nga ku gela ku khani: U nga dye muhando wa mndonga wuwa, ngu mhaka yako, ma ruketetwe mafu. U na dya mihando ya wona ngu kuxupheka otshe masiku a kuhanya kwako.

Se Txizimu txi ti kha txona: “I mani a nga kugela ti to u tximbwiri kani? U to dya sa mndonga wule ni nga kutsimba kudya sa wona kani?”

Se Txizimu txi di tshotshile Adhamu hahanze ka thembwe ya Edheni, txi to veka makerubhima ni ditxhari do tura, di nga txi ndiwitelwa khe ni khe, kasi kutsimbisela nzila ya mndonga wa wutomi.

Se wamwana a to raya msikati wakwe ditina daku i Evha, nguko i ku mame wa votshe va va hanyako, mame wa kuhanya.