Versets bibliques populaires de Joh 14

Partager

“Nî nkûbûtigîra thîîrî, nî thîîrî yaakwa nkûbûaa. Îtîkari ta îrîa nthîgûrû îeejanaga. Bûkathangîkeeni nkoroone kana bwigua ûguaa.

Jesû aramwîra, “Ni nî ni njîra na ûûma na ûtûûro. Gûtî muntû wîîjaga kîrî Baaba atîkûrûkîîrîte kîrî ni.

Jesû arabeera, “Bûkathangîkeeni nkoroone cieenu. Îtîkieni Mûrungu na kinya ni bûmbîtîkie.

Mûeejani kîrîra tawe Roho Ûmûtheru, ûrîa Baaba agaatûma ndeene ya riîtwa rîaakwa, akaabûritanaga mantû jonthe na abûririkanagie jonthe jarîa mbwîrîte.

Ûrîa waathîkagîra maathana jaakwa na akajathingata, ûu nîwe ûmpendeete. Nawe ûrîa ûmpendeete nî eendagwa nî Baaba, naani nkamwenda, na ncionanie kîrî we.”

Naani nkaaromba Baaba, nawe akabûtûmîra Mûeejani kîrîra ûngî, ûrîa ûgatûûra naabuî kenya na kenya. Mûeejani kîrîra ûu nîwe Roho wa mma ûrîa nthîgûrû îtîûmba gwîtîkîra nîûntû îtîûmba kûmwona kana kûmûmenya. Îndî buî nî bûmwijî nîûntû nî atûûraga amwe naabuî na akeethîrwa arî ndeene yeenu.

Ûntû bûrîa bûnthe bûkaromba riîtweene rîaakwa nkabûthithia nîkenda Baaba akumithua ndeene ya Mûtaana. Kîonthe kîrîa bûkaromba riîtweene rîaakwa, nkathithia.

“Këethîra nî bûmpendeete, bûkathîkagîra maathana jaakwa.

Kwa Baaba kûrî na nyomba inyingî, naani ndeeta kûthuranîra arîa bûgakaraga. Këethîra tî u, ndîngîbwîra.

Rîrîa ngeeta na nthuranîre antû arîa bûgakaraga, nkeeja kaîrî na mbûjûkie nîkenda arîa ndî kinya buî bûkaraga o.

Toma aramûûria, “Mwathani, tûtîkûmenya kûrîa wîtîte. Nîatîa tûkoomba kûmenya njîra?”