Versets bibliques populaires de Genese 3

Partager

Mumbanda chamweniyi mutondu wunawahi wakudya, kuwutala wakutiyisha kuwaha, mutondu owu wunawahi dehi wakuheta nachu maana, hakukumunaku ninyikabu, hakudya, yomwinkaku ninfumwindi adiŋiyi nindi, niyena hakudya.

Hakwila kapela diyi wadiŋi wasweja kubabala hadi anyama lamumpata ejima eliliyi Yehova. Yena hakumwihula mumbanda, nindi, Chalala Nzambi nahoshi nindi, Nyitondu yejima yemwitempa bayi mwakayi dyaku, tahindi?

Nukusha nkunyi mukachi keyeyi namumbanda, nimukachi kawanyaneyi nawanyanindi; akakuchika kunamutu, nineyi wakamuchika kukatutu.

Hakumwila mumbanda, nindi, Nakakuvuli shilanankashi yihuŋu yiwakamona, nikuba aba kuwakaba abaŋa mavumu eyi; wakavwalapa anyana nakukabakana hohu; wakata muchima hadi nfumweyi, diyi wakela mwanta weyi.

kudya yakudya chiŋa wunasulwili kumesu eyi, nichiwamba kafunta cheŋi mumaseki; muŋa dihu hakufumi shiluwu; muloŋa eyi wulunkuŋu, nochu wakafunta cheŋi mwomulunkuŋu.

Hakumwila Adama, nindi, Chiwunatiyi mwizu daŋodeyi nakudya mutondu wunakulekesheli nami bayi wuwidyaku, iseki anadishipili dehini hamujimba weyi; mafuku ejima wuchidi wamumi wakadyaŋa chaku kabakanahohu

Nzambi nindi, Indi wakulejeli nindi wudi nzekesi hinyi? Wadya dehi mutondu wunakulekesheli nami bayi wakadyaku, tahindi?

Nochu wamute mwinumu iyala. Kwitempa daEdeni, mbadi yadu yamusela, hakwimikaku akerubi nimulaŋu wakesi wampoku yakabali wenda wubalumuka niniku niniku, kulonda kuhembaŋa njila yamutondu wawumi.

Iyala wanamutumbili ipodindi ijina dindi, nindi, Evu, muloŋa diyimama yawakwakuhanda ejima.