Versets bibliques populaires de മത്തായി 7

Partager

<<സാമിന ബേ്ഡികൊണ്ടെ ഇരിരി, അപ്പ് ണിമാക്ക് കെ്ഡേക്കു. ണിമാക്ക് ബേ്ഡുമാനാദ്‌ക്ക് കേ്ട്ട്‌കണ്ട് ണോഡിരി, അപ്പ് ണിമ്മ കണ്ട്‌പ്‌ഡിക്കുവേര്. ബാസണ കൊട്ടികൊണ്ടെ ഇരിരി, അപ്പ് ണിമാക്ക് ബാസ തുറാക്കുവാര്.

ബേ്ഡ്‌റ ഏവാന്‌ക്ക്‌മ് കെ്ഡേക്കു, കേ്ട്ട്‌കണ്ട് ണോഡുറവാര് കണ്ട്‌പ്‌ഡിക്കുവാര്, ബാസണ കൊട്ട്‌റവാര്‌ക്ക് തുറാക്കു.

<<അദ്‌ണാലെ ണാന് സൊല്ലുറ ഈ ണായഗണ കേ്ട്ട് അദേപാസെ ണഡാക്കവാ് അറെക്കുദ്ദാക്ക് കൂരെ എ്ഡ്‌ക്ക ബുദ്ദിക്കാറാന്‌ക്ക് സമ.

ബേ്റെ ആള്‌ഗ ണിമാക്ക് എന്ത സെയ്‌ദ് തരുഡൊ എന്ത് ണിമ്മ ആസെപഡ്‌റേരൊ അദ് ഒട്ടുക്ക് ണിമ്മാമ് അവാര്‌ക്ക് സെയ്യിരി. മോസെ ബെത്ത സാമി സട്ടാത്തിലി സൊല്ലിര്‌ക്ക കാര്യഗാദ്‌മ്, സാമിദാസ്‌ഗ സൊല്ലിര്‌ക്ക കാര്യഗാദ്‌മ് പൊറുള് ഇദ്‌ത്തെ.>>

ആന ഉജുറു പട്ട്‌ക്കെ പോര ബാസ ഇ്ണ്‌ക്ക്‌മ് അയ്യി ബയ്യിമേലെ പോയ ബുദ്ദിമുട്ടുമ്‌ത്തെ. അദ്‌ണ കണ്ട്‌പ്‌ഡിക്കവാര് ലേസാത്തെ.>>

<<ഇ്ണ്‌ക്ക് ബാസമേലെ കഡായിരി. എന്ത്‌ക്കെന്റ ണരഗാക്കെ പോര ബാസ ബെല്ല്യാദ്‌മ് അയ്യി ബയ്യിമേലെ പോയ എ്ള്‌പ്പാമ്‌ത്തെ. എത്തിന്യൊ ആള്‌ഗ അദ്‌മേലെ പോരാര്.

അച്ചെ കെ്ട്ടാദ് സെയ്‌ദ് ണഡാക്ക ണിമ്മ ണിമ്മ്‌ദ് മക്കഗാക്ക് ണല്ലാദ്‌ണ കൊഡുക്ക്യ തെരിരദാനാക്കി മേലോഗാത്തില്യ അപ്പാനായിര്‌ക്ക സാമിന കേ്ക്കവാര്‌ക്ക് ണല്ലാദ്‌ണ കൊഡുക്ക്യ സാമി എത്തറാഗൊ മനേസ്സുള്ളവാ്ത്തെ.

<<സാമി ണിമാണ ബിദിക്കാദെ ഇര്‌ക്ക്യ ബേ്ണ്ടി ണിമ്മ ആര്‌ണാമ് കുറ്റ സൊല്ലി ബിദിക്കാദി. എന്ത്‌ക്കെന്റ ണിമ്മ അഡ്‌ത്തവാര്‌ണ എച്ചെ കുറ്റ സൊല്ലി ബിദിക്കേരൊ അദേപാസെ സാമി ണിമാണാമ് ബിദിക്കുവാ്. അഡ്‌ത്തവാര്‌ക്ക് ണിമ്മ എത്തിനി അളാന്ത് കൊഡുക്കേരൊ അത്തിനി താനെ സാമി ണിമാക്ക് തിലിപ്പി തരുവാ്.

ആന ണാന് സൊല്ലുറ ഈ ണായഗണ കേ്ട്ട് അദേപാസെ സെയ്യാത്തവാ് മണാല്‌ക്കുദ്ദാക്ക് കൂരെ എ്ഡ്‌ത്ത ബുദ്ദില്ലാത്ത മന്‌സാന്‌ക്ക് സമ.

ആന ണിന്ന് കണ്ണില്യ മുട്ടിത്തോര സണ്ട്‌ണ ബെത്ത് കൊണ്ട് അഡ്‌ത്തവാന്‌ദ് കണ്ണില്യ സിന്ന സണ്ട്‌ണ ണോഡുറാദ് എന്ത്‌ക്ക്? ണിന്ന് കണ്ണില്യെ മുട്ടിത്തോര സണ്ടിര്‌ക്കാട്ടി: <പൊന്ന, ണിന്ന് കണ്ണില്യ സിന്ന സണ്ട്‌ണ ണാന് എ്ഡ്‌ത്ത് തരെ> എന്ത് അഡ്‌ത്തവാന്‌ക്ക് ണിനാക്ക് എച്ചെ സൊല്ല്യ മുഡ്യു?

<<സാമിണിഗാല് സൊല്ലുദ് എന്ത് ഉറുട്ടു സൊല്ലുറ ആള്‌ഗണ സൂസാരിത്ത്‌കൊള്ളിരി. അവാര് കറ്‌മ്മകറ്‌മ്മ ഇര്‌ക്ക കൊറ്യാഡ്‌ഗണ പാസെ ബക്‌ദിക്കാറാര് എന്ത് ണഡിത്ത് കൊണ്ട് ണിമ്മ് പട്ട്‌ക്കെ ബരാര്. ആന അവാര് കപ്പി കൊഡേര സെന്നായിഗണ പാസെത്തെ. അവാര് സെയ്‌ര കാര്യാത്തിലിര്‌ന്ത് അവാര് എച്ച്‌ളവാര് എന്ത് ണിമാക്ക് ണെപ്പ്‌കെ്ഡേസില. മുര്‌ക്ക് മരാത്തിലിര്‌ന്ത് മുന്തിരി പഗാമ് മുള്ളു സെ്ഡിലിര്‌ന്ത് അത്തി പഗാമ് കെ്ഡേക്കുമ?

അദേപാസെ ണല്ല മരാഗ മുച്ചുഡ ണല്ല കായിമ്, സായി പ്‌ഡിത്ത മരാഗ കുറുഡു കായിമ് ബ്‌ഡ്‌ദ്.

ണല്ല മര കുറുഡു കായിമ് സായി പ്‌ഡിത്ത മര ണല്ല കായിമ് ബ്‌ഡമാട്ട.

ണല്ല കായിഗ കായിക്കാത്ത മരാണ മുച്ചുഡ ബെ്ട്ടി തീക്കെ ഇക്കുവാ്.