Versets bibliques populaires de Yòwanìrzɛ̀ 6

Partager

Yerzù rzìi à hwa alàhwɛ̀ nanù ema, “Imba ndi nà hwèlì èhvòòtò ema è ŋgba lòŋgɛ là gbìndèyà.” Tɔ̀ njɛnɛ ema à nò jɛ̀lɛ̀lɛ̀yi à rza ò hwèya njàwò hvɛ. Tɔ̀ njɛnɛ ema à nò lòkɛ̀yì à rza òhva nyìrzɛ̀ hvɛ.

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yerzù rzìi a hwa alàhwɛ̀ nanù ema, “Èya ema Lohwɛ̀ a arza ema e gbeye e hwèlì ndi nanù ema e nò lòkɛ̀ imba ema mɔ̀ à òmi.”

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.

Imba ndi nà hwèlì èhvòòtò ema è ŋgba lòŋgɛ ema è uwɛ̀lɛ̀lɛ̀yi ò ŋmanyu yà Lohwà. Tɔ̀ njɛnɛ à lelì ene èhvòòtò, à hwɛnɛ lòŋgɛ ema lì rza kùwa. Ndèŋgànɛ̀lɛ̀ ene èhvòòtò ema nà è ŋgba è hwèlì ndi è nyò yà ami ema nà ò ŋgba ò lì rzùŋga lòŋgɛ là ene rze.”

Ndi tɔ̀ mɔ̀kɔ a rza tànɛyi lì nò jèeyà e rza enje tɛ nanù ema, Tatɛ̀ ema a nò òmi mɔ̀ ndi à nò jàneyà e mɔ̀. Ndèŋgànɛ̀lɛ̀, imba na mò hvùmùlɛ̀ ò wùnyà wò lìrzukù.

Èhwanja imba ndi nà hwèlì eŋge èhvòòtò ema Lohwɛ̀ à ŋgba, ema è uhwɛlɛlɛ ò ŋmanyu yà lohwà, ema è ŋgba hwatò hwa ene rze lòŋgɛ.”

Imba ndi nà hwèlì èhvòòtò ema è ŋgba lòŋgɛ.

Yerzù rzìi à wòwà hwèŋge hwèhvòòtò, à ŋgbà Lohwɛ̀ jèka, rzìi à ŋgba hwà-òkòwèlì hwa eni rzìi hwa kahweyà hwatò. Ò mburzà yà nanù à mà gbeyà hvɛ nanù nà iŋgi nyàmà. Tɔ̀ ima mòtò à mà làa nà òma à mà arze. Nà òma wɔ̀ hwa arzɛ hwà mà lèè hwà mà ujè, Yerzù rzìi a òhweyà Hwà-òkòwèlì hwa eni nanù ema, “È rzàŋge rzɔ nàŋgɛ mòlelì mò arzɛ ema mò lìyelì. Tɔ̀ mòlelì mò rzi hvaŋgeyà.”

Hwa mà luka eyà yà màyìlì màyawò tɔ̀ mànìi rzìi hwa ɛnɛ Yerzù à ɛ̀ndɛ ò ŋmanyu yà malìhwa rzìi a jèeyà wɔ̀ɔ̀lɔ̀ wò awu. Hwà mà lɛmbeya mòkambiya mò ŋginyà. Àŋga ndi Yerzù a hwa òhwàna nanù ema, “È rza òka wɔ̀ŋgɔ̀, imba.”