Versets bibliques populaires de Juan 13

Partager

Rumali chi kinya jun k'ak' tzij pixab'i chiwe: Chi lik k'ax china iwib' chiwach. Keje pacha in-anom yin chiwe yix chi lik k'ax kixinna'o xaq keje ile chi'ana yix, lik k'ax china iwib' chiwach. We k'ax kina iwib' chiwach, konojel uri i winaq chwach i jyub' ta'aj lik kkil na chi yix ix intijoxelab'.

Yin, we in tijonel xaq in Ajwal xwiri inch'ajom iwaqan chiwe, lik rajwaxik uri chi yix kich'aj iwaqan chiwach. Yin inya'om jun ilb'al re chiwach, pacha xin-an Yin le keje ile chi'ana yix.

I Jesús xula' uwach che: —Wo'or, kamaj ti usuk' wach kintijin chu'anik, xwiri k-on panoq te'uri kamaj ni usuk' —xcha.

Saq laj tzij kinb'ij chiwe chi mijun ajchak atz taq u'ij chwach i rajaw; xaq mijun taqon atz taq u'ij chwach i ktaqawik.

We kita ub'e ronojel ni'pa ile, xaq we ki'ano, lik utz iwe yix uri.

Rumali chi are ketijin chwa'im xtak'i anoq, xresaj jule che u'u' chrij, te'uri xuk'am jun to'ay xuxim xe upam. Te'uri xujam ya chupam jun yab'al, xujeq uch'ajik kaqan utijoxelab' chke xaq xuchaqijsaj ru' to'ay chi uximom xe upam.