Versets bibliques populaires de Juan 6

Partager

I Jesús xub'ij chik chke: —Yin are in saqil wa chi kuya k'aslemal, pachin kk'un wu' lik kpe ti chik unumik; xaq pachin i jun chi kinukoj puk'ux, lik kpe ti chik uk'atik.

I qanima are kyaw qak'aslemal, i qach'akul nti uchak. Xaq keje uri i tzij chi xinb'ij yin chiwe, lik are i saqil k'aslemal, xaq Utewal i Dios pik'ux.

Mixk'achir che i chak re wach taq kitijo, man ile xa kk'isik; are utz kixk'achir che i chak chi kuya ik'aslemal chi nti uk'isik xaq k-e ij saq chrij; iri are i k'aslemal chi kuya ni i pacha Winaq chi Xolalaxoq chwach Ulew; man i Dios chi Qaqajaw, ukojom jun ilb'al re che.

Man urayijb'al Inqajaw are iri: Konojel ni'pa kkil Uk'ojol i Dios xaq lik kkikojo, kya' ni kik'aslemal chi nti uk'isik. Xaq yin keinwalijsaj ni pa k'isb'al ij —keje ile xub'ij i Jesús.

I Jesús xula' uwach chke: —Are kraj i Dios chi ki'ano, are lik chikojo pik'ux i Jun chi utaqom li ire.

konojel ni'pa keuya Inqajaw chwe, kek'un ni uri wu'; xaq konojel ni'pa kek'un wu' yin, lik kewesaj tu b'ik.

Xwiri i ma Simón Pedro xub'ij che: —Ajwal ¿Pachin wa ru' koj-e wi? Man i atzij lik are tzij chi kuya i k'aslemal chi nti uk'isik.

Yin in are i wa k'aslik chi qajnaq li chikaj, pachin jun kutij i wa le lik k-e ij saq uri chrij uk'aslemal. I wa chi kinya yin are inch'akul. Kinya ni inch'akul le rumal kik'aslemal i winaq chwach i jyub' ta'aj.

Man nti jun ktiki che i k'unik wu' Yin, we are ti Inqajaw kk'amaw loq chi xintaqaw li Yin. Xaq Yin kink'unsaj saq chwach pa k'isb'al ij.

Man i wa chi kuya i Dios, are petnaq chikaj, xaq are i wa chi kuya i saqil k'aslemal chke i winaq chwach i jyub' ta'aj.

Yin in are i wa re i k'aslemal.

Chrijil chik ile i Jesús xuk'am i wa re trigo, xutioxij che i Dios, te'uri xuya chke ni'pa je kul chila. Xaq keje ile xu'an che i kar, xujach b'i chke i winaq chrij ni'pa i kkaj. Are lik je nojnaq chik konojel i winaq, i Jesús xub'ij chke utijoxelab': —Chimolo ronojel ni'pa i ch'aqa taq chi xk'is taj, man utz taj we to' kqa'an k'ax che —xcha.

Are je b'innaq chik kolo jo'ob' o waqib' kilómetro chwi ya, are uri xaqte'et xkilo chi i Jesús ktijin utejeb'ik ru' i barco; lik kb'in chwi ya. Are xkilo, lik xkixij kib'. Xwiri i Jesús xub'ij chke: —¡Mixij iwib', in are Yin! —Xcha.