Versets bibliques populaires de ACT 1

Partager

Te vakesunde Dinyunyi Disuungeme mu yenu, yenu digudile ngudi ne yenu di gubile bimweenyi byami gu Serusalem ne gu Sudé yotsu ne gu Samari nguu ne gu duke buloongu.

Sesu ayagule yawu re: Sage yenu badikerungule wuyabe magwere ne makyesi mumbare Tate yabene amane wuswekige mo ne dinyaange dyandi.

Wisi wumoosi, ve yanga Sesu ne bakime baandi, aveege yawu dirumu didi: «Diyaburugu gu Serusalem kwanga ne vakedile yenu ndagi yi Tate yimayambila yenu. Sa abatisenge ne maambe, te yenu, mu ma pesu batsufu, digubatusu ne Dinyunyi Disuungeme.»

Ve yulu wulabe mbili maguge nguu ne gu difu, alabene ne bakime baandi. Aloonze yawu mbili biliimbe re ake monyu. Mu magumi mamane ma batsufu atutugilenge yawu nuyambilenge yawu maambu ma Bufumu bu Nzambi.

Ve mane Sesu wuyambile nane amake gu yulu, dibuungi diswege yandi ve miisu ma bakime, basebelabe yandi.

Ve siingena yawu numonige gu yulu ve yende Sesu, batu babeyi ne bidwaari bifuuge batutugile yawu. Bayambile yawu re: «Bisi Galilé, mugi yenu disegonesiise wumonige gu yulu? Sesu yiyi yimamake gu yulu ve miisu menu, agubegabuge munoongu wumoosi natselabe yenu amake.»