Versets bibliques populaires de Yôhan 12

Partager

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Mbu nơm rŏng nau rêh păng nơm mra roh, jêh ri mbu nơm tâm rmot nau rêh păng nơm tâm rnôk aơ mra prăp tay păng ma nau rêh n'ho ro.

Nanê̆, Gâp lah ngăn ma khân may: Lah du ntil găr ba ƀlê srih ta neh mâu khĭt, păng hôm e du găr nây lĕ; ƀiălah lah păng khĭt, păng geh play âk ngăn.

Gâp jêng nau ang hŏ văch jêh ta neh ntu, gay mbu nơm chroh ma Gâp mâu gŭ tâm nau ngo đŏng ôh.

Tơlah mbu nơm tăng nau Gâp nti lah, ƀiălah mâu djôt prăp ôh, mâu di Gâp ôh phat dôih păng. Yorlah Gâp văch mâu gay phat dôih neh ntu ôh, ƀiălah gay tâm rklaih neh ntu.

H'Mari sŏk du kilô dak ƀâu kah mâu geh rlŭk khlay ngăn tŏ ta jâng Brah Yêsu, jêh nây păng jut jâng Brah Yêsu ma sŏk Păng. N'hôl dak ƀâu kah lam lĕ rngôch ngih nây.

pôri khân păng sŏk n'gĭng tơm jŏk, hăn vơt Brah Yêsu jêh ri nter lah: “Hôsana! Ueh maak ngăn ma Nơm văch ma amoh Kôranh Brah, jêng Hađăch phung Israel.”

Brah Yêsu lah: “Mông lĕ tât jêh, Kon Bunuyh mra geh nau tâm rnê.