Versets bibliques populaires de Dadatika Maxaafa 1

Partager

Ookkoneechchi uduma Mageni «Manjo bifa no'oxxe'ninna fakkeenna no'oke'n dando, isinna abbaayya giddixxa qulxu'muwwa iima phirrisaaxxa ci'a, horekannaa biniinchaa, godobik me'aachchuwwannaa butta duuchcha'n moyowaal» hiyye. Konne qicinni Mageni manjo bifa ifixxe'ni dade; Mageniinxe bifa'ni isoo dade; manjo labbakennaa meyyake asse dade.

Magenikinna insa'nee «Horre; butta duuchcha wo'me; ise'nna mowwe; abbaayya giddixxa qulxu'muwwa, iima phirrissaaxxa ci'annaa buttate'ni lubbo afe le'maachcho duuchcha mowwe» hiyye eebbise.

Edise Mageni iimuwwatannaa butta dade.

Buttatinna bifa affeemmabaaxxennaa duwwixxemman. Dukkanatinna lumoxxa abbaayya duuchcha buqqeemman, Mageniink Hafuuri wode'eke'n iima shalalisaamman.

Ookkoneechchi uduma Magenikinna «Ifa kaduun» hiyye, ifikinna ife.

Magenikinna dadeechcho duuchcha uude; duuchchiingechchi yo'oshsha elaamman. Bogikinna hashshe soodeeni; jiyaxxe barra kadde.

Mageni ifa eloke kadeexxa uude; ifakanna dukkanatenaa'n gargar hiisse

Ookkoneechchi uduma Magenikinna manjo «Itate ha'no'aa kado'a butta duuchcha'ni hexxeexxa midha, hiddichchuwwa, giddo sanne affeexxa gumma ra'issaaka haqichchuwwi duuchchi itate kado'a ha'no'aa uwwenne.

Mageni ifa barrate, dukkanatanna hashshate hiyye summa fulche, bogikinna hashshe soodeen taakkaxxe barra kadde.

Mageni «Wode'e wode'ekenaa'n gargaritti hiissito'a dhisendeexxi iima wode'uwwiinxe oddo'n hexxuun» hiyye.

Iittanni buttatike hore biniinchi duuchchi'a, iima phirrissaaxxe ci'a duuchchi, godobik me'aachchuwwi duuchchi, lubbo afeechchi duuchchi ito'a haanjaka hiddichcho duuchcha uwweennen.» Tinninna hiyyemmashanni kadde.

Ookkoneechchi uduma Mageni «Barratannaa hashsha gargaritti hiissaashsha barra, woggatanna baro leellishaashsha gargari hedheeki ifuwwi dhisendeexxe iima'ni hedhowwaal; baruwwa, haarso, bononnaa wogguwwa gargar hiissaake beesisa kaduun.

Ookkoneechchi uduma Mageni, «Buttini gargaritti hexxeexxe gosaxxa latto duuchcha: badda'uwwa, gumma gummisaaka hiddichchuwwannna giddo sanne affeexxa gumma ra'issaaka haqichchuwwa fulchowwaal» hiyye; tinninna hiyyemmashshanni kadde.

Tennexxee Mageni dhisendeexxa iima giisseexxi ise iimi darrennaa ise butta hedheeka wode'e gargaritti foye. Hiyyemmashshanni kadde.

Buttinikinna gargaritti hexxeexxe gosaxxa badda'uwwa, midha, gumma gummissaaxxannaa sanne affeexxa gumma ra'issaaka haqichchuwwa fulche.

Konne qicinni Mageni lame lumolla ifa dade, shiixxok hashsha ifo'a, lumok ifi barra ifo'a iittanni urjuwwatanna dade.

Ookkoneechchi uduma Mageni, «Iimat butti'a hedheek wodu'uwwi mitte booncho'n bukki hiyyowwaal, bago boginna leellowwaal» hiyye. Tinninna hiyyemmashshanni kadde. Mageni bago boga «Buttina» hiyye summa fulche; mitteba bukki hiyyemmaka wode'e «Abbaayya» hiyye; Magenikinna tinninna eloxxe kaddeexxa uude.

Magenikinnaa tenne daduwwa, «Horre; bira sa'we; sanne ha'nooxxi abbaayyatika wode'e wo'mitowwaal, ci'atinna buttate'n bira saxxowwaal» hiyye eebbise.

Magen «Butta gargaritti hexxeexxe gosaxxa hedho afeechcho duuchcha: horuwwa, biniincha, shiixxaramma lekka godobik me'aachchuwwa fulchitowaal» hiyye; tinninna hiyyeeshshanni kadde.

Mageni «Hedho affeexxi gargaritti hexxeexxi daduwwa wode'eke'ni wo'mitowwaali; ci'atinna buttati iima dhisende hexxeexxe iima'ni phirrisowwaali» hiyye.

Konne qicinn Mageni gargar hexxeexxe gosaka horuwwa, gargar hexxeexxe gosaka biniincha, iittanni garga hexxeexxe gosaka godobik me'aachchuwwa dade. Magenikinna tinni eloxxe kaddeexxa uude.